ZKIZ Archives


直擊正牌「財經演員」出騷

2012-05-24   NM

在電視機上,經常看到「財經演員」分析;在金魚缸內,原來亦有一群正宗的財經演員,扮演上市公司「管理層」。這班月薪一至四萬元不等的上市公司主席或董事,專門主持股東大會,又或應付小股東的質詢。
上週三,由東華三院總理李鋈麟(Alan Lee)做幕後玩家的創業板公司匯創控股(8202),舉行股東特別大會,一個連公司業務都弄不清的公司「董事」,與小股東唇槍舌劍,對於難答的問題就使 出「無賴」絕招:「我答咗你啦,你唔理解我無辦法!」小股東完全無得反駁,之後「管理層」輕鬆收工!


經營戶外廣告媒體的匯創控股,由最初做電子應用軟件供應商,到收購及經營醫療機構、開礦、開酒店、開廣告公司等,百足咁多爪,收購期間不斷配股、供股,再配股供股;單在去年已四次發行新股和配股一次,籌近三億,一、兩年間股價跌了九成八,現時股價三毫子,散戶陷入死局。
上週三早上,匯創舉行股東特別大會,又投票決議通過收購和配股。雖然市值三千六百萬元,卻收購一間估值十九億元的電視及戶外廣告公司,且配售五億 多股可換股債券,集資兩億元。記者以股東身份參加在灣仔美國萬通大廈六樓、狀似商務中心的匯創辦事處舉行的會議。所有股東登記身份後,就被迫進入五十呎的 會議室,圍着一張圓桌「你眼望我眼」對坐;基於匯創只派出執行董事洪榮鋒迎戰,一場只有七名小股東參與的特別股東大會準時十一時開始。


財演惡鬥小股東
在投票過程中,保障投資者協會主席呂志華姍姍來遲,據悉他持有大量匯創,最後因幕後庄家玩向下炒,令他輸到「眼坦坦」。甫坐下,呂志華已毫不客氣質問洪榮鋒,為何公司一直重複收購、配股和供股攤薄小股東利益,唯對方只冷冷拋下一句:「先投票,有了點票結果再發問。」 投票後,其他股東已「快閃」,只剩呂志華和另一名小股東;待洪榮鋒宣布投票結果為九成九贊成後,蓄勢待發的呂志華篤着雨傘,再衝入會議室,洪榮鋒隨即表演:呂:呂志華 洪:洪榮鋒 呂:公司大量發行股票,只會攤薄小股東利益,你答我,仲會唔會配股集資? 洪:如果你覺得攤薄,我都冇嘢好講。配股?呢刻冇囉。 呂:目前已攤薄小股東利益,已是不利。 洪:睇唔到有咩不利。 呂:公司市值先三千幾萬,你走去收購一間十九億的公司,十九億?我都好懷疑個估值,你可唔可以保證收購後,公司一定有錢賺? 洪:做生意可以保證賺錢㗎咩? 呂:可以!你睇番俊文寶石(8351),收購後有兩年溢利保證。咁即係廣告行業PE又要高,又冇保證,又要大量發行股票?你知唔知公司本身做咩? 洪:戶外媒體廣告。 呂:公司本身做I panel!你根本唔了解公司業務,你熟唔熟廣告行業? 洪:唔知人哋,自己業務理想就OK! 呂:首三季虧損二千六百萬都叫理想? 洪:將來事將來知。如果我哋賺錢呢? 呂(激動篤傘):公司應該多變,唔係一成不變地合股、向下炒再大折讓供股,你冇答過我問題。 洪(輕輕挨後身體):答咗㗎啦,你唔理解我無辦法,你資歷要好少少。 呂:我本身從事會計㗎,你哋啲招股書我有份做㗎。 洪:答咗你㗎啦,你唔明冇辦法,我亦唔一定要答你想知嘅答案。不如咁啦,業績就快出,你到時再問過啦。 呂(激動臉紅):好!我一定會再嚟(再篤一下傘)。 洪:見過佢(呂志華)好多次啦。(跟在場職員及證券行人士拍手慶祝決議案被通過。)會議十一時三十分完結。

執董四萬 主席一萬
七 分鐘表演完場,呂志華愈說愈激動,但洪榮鋒保持輕鬆。翻查匯創最新年報,四十歲的洪榮鋒,於一○年二月十九日加入匯創出任執行董事,負責公司財務管理,年 薪四十六萬,即每個月有三萬八蚊落袋。洪榮鋒現跟家人同住羅便臣道景雅花園,並為中國公共醫療(8116)的秘書和財務總監,這份正職去年薪酬則九十八萬 七千元。至於去年才出任匯創主席的陳川,更是神龍見首不見尾,現時長居上海,年報計月薪只有一萬元。 事實上,匯創背後真正玩家是東華三院總理李鋈麟,行內指他是大量細價股的幕後庄家,如中國公共醫療(8116)、西伯利亞礦業(1142)、及卓智控股 (982)等。有曾任財經演員的董事透露,公司董事可經熟人介紹在市場「招聘」,「你見主席同執董冇股份喺手,酬金又低就多數係人頭,酬金高低亦視乎你同 幕後庄家有多老友。」 然而對這些受困的小股東來說,股東會議只是唯一盡抒己見的機會,又或盡情享用茶點和飲品,以彌補股票損失,「財經演員」正是他們發洩的對象。 ####


直擊 擊正 正牌 財經 演員 出騷
PermaLink: https://articles.zkiz.com/?id=33773

賣糖唔夠搵出騷搲銀

2014-10-23  NM
 
 

 

每個小朋友都曾夢想自己住在一間色彩繽紛的糖果屋中,各種糖果任食。隨着年齡漸長,很多人把糖果屋拋諸腦後,除了今年廿六歲的林汛展(Jeffi)。Jeffi為了吃甜,走到葡萄牙,花半年時間學做手拉糖。回港後,在糖果店再磨劍三年,去年十月,與學生兼拍檔Manie在荃灣工廠大廈開設糖果店「Hey Candy」。曾在糖果公司打工的Jeffi,知道逐粒逐粒賣糖,有排未回本。因此他們決定為品牌策劃「糖果活動」,並開班授徒,連同零售三管齊下,現月賺五萬元。Manie定了下一個目標:「租地鋪、開門市!」

上週Jeffi和Manie,帶着他們的糖果,來到城市大學的Mega Sale擺檔。他們的糖果色彩繽紛,除了手拉糖外,還有小熊、兔仔、鴨仔形的波板糖,成功吸引不少女同學的留意。Manie說:「我哋每個星期會出嚟擺三次檔,唔同場合都擺。因為我哋喺廠廈,較少街外客,所以盡量爭取出街擺檔嘅機會。」記者見Manie不停主動讓客人試食糖果,「我喺Häagen-Dazs做咗七年店員,習慣晒面對客人。啲客要試食過,覺得好食先會買。」其實一粒糖,零售價平均才五毫子,請人任食拉生意,根本無需吝嗇。記者見Manie以左手把糖送到客人手上時,會以右手有意無意輕托客人接糖果的手,「手與手之間有接觸,可以增加親切感,仲可以拉住佢哋傾吓偈,sell耐啲嘛!」Manie指其男友都是sales,兩人經常分享sell客之道。不過,身為糖果師傅的Jeffi當日就無用武之地,只能密密切糖,「今日場地無電提供,否則我可以表演整糖,仲多客睇呀!」

替品牌搞活動搵銀指數:$$$$$

事實上,這種手拉糖店,市面上已經有好幾家。包括元祖手拉糖店Papabubble,本欄多年前訪問這店時,Jeffi就剛到那兒任職,至去年儲夠錢,才自立門戶。做這門生意,他認定賣糖競爭激烈,而且他們是新店,市場佔有率在短時間內,一定不夠其他龍頭高。他計過數,一樽糖果才七十五元,要賣多少樽才夠交租?故與曾做活動統籌的Manie商量後,決定以糖做主題,替品牌籌備活動。「我哋會幫客人set好派糖嘅活動內容,仲會主動要求到現場幫手派糖。除咗幫個客手,其實仲可以係現場撈客!」開業後,他們接的第一個活動,就是在婚紗雜誌公司的活動上,派發印了「囍」字的糖。Jeffi回憶指他們的第一次並不順利:「喺太陽暴曬之下,啲糖都溶溶哋,搞到啲途人都話我哋啲糖唔得!」Manie則接着說:「下次識得同客講明,夏天室外搞活動會有問題,室內就唔會咁。嗰次係朋友介紹,我哋唔收錢,賣大包;雖然有小小意外,但對方都好包容,喺雜誌某個廣告位,免費俾我哋賣廣告。」現時,Hey Candy每月平均接到最少一單活動大單,客人包括NARS,City'Super及Chocolate Rain,Chocolate Rain老闆Prudence說:「佢哋係好有心好年輕,很有創意。」每單生意平均收費達兩萬。如果計零售,幾乎要賣夠四萬粒糖才可做到此數。上月他們幫夜店Dizzi搞活動,為他們度身訂做四千支細波板糖,「今個Halloween,又會幫一間酒店嘅宣傳活動做兩萬塊波板糖。」Manie興奮地說。為了爭取宣傳機會,只要客人願意讓Hey Candy在包裝上留下公司名字及聯絡方法,便可得到折頭,他們則當是宣傳成本。而有時Jeffi又會應客人要求,在會場表現整糖。他說:「只要有電,我帶啲小型工具就得,氣氛比齋派糖高興得多。」

開班搵外快搵銀指數:$$

不過,一個月得一單活動,其餘日子都不能坐以待斃。事關開設糖廠,對於他們來說,成本甚高,因此必須要物盡其用。Jeffi指:「張工作枱溫度會去到一百度,咁先可以保持糖的溫度,以做出不同形狀。而張枱每日至少要用六個鐘,所以用電比平常工廈多幾倍,要申請『大電』先夠用。單是處理工作嗰啲供電,便花了十萬元。」因此,Jeffi及Manie更會開班授徒,Jeffi會一星期開兩班教學生,每位收費二百九十八元。好多人擔心開班授徒,將手技外傳,會惹來更多競爭者,「所以我哋淨係教整波板糖,因為較為容易整,好似人哋整紙黏土咁,學咗都唔怕。」上週五,來學師的莊生莊太,希望整熊仔及免仔波板糖,送給三年級的女兒,亦順便拾回童真,做家庭主婦的莊太說:「真係幾得意,好特別,香港好少有呢啲咁嘅機會,價錢又唔算貴,好啱一家大細嚟玩。」兩人跟着Jeffi,先把三公斤的糖漿,水和砂糖煮熱至百多度,然後再倒在發熱工作枱上,把色素加入糖漿之中。再把處理好的糖漿拋在牆上的鈎,來回拉三十下,將空氣注入糖漿內,令口感變得較脆,顏色較有光澤。「整塊圓形的面,原來都咁難控制嘅,不過整完都幾有滿足感,下次帶埋阿女嚟。」Hey Candy一星期約有兩班,每班四至八人,一個月約有萬多元收入。始終要待假日才開班,亦因為要把桌子發熱至攝氏一百度,故不可以「跳出糖廠」,相比搞活動,此做法較受局限。

開地鋪「響朵」搵銀指數:$$$

現時零售生意只佔營業額兩成,但Jeffi一直希望可以開拓多一點零售市場「響朵」,「Jeffi對味道要求好高,試味都試咗兩個月,起碼用咗十萬。因為每試一種口味,都要用三公斤的材料,整三個鐘先得,所以每日最多都係試到三種味。」Manie說。Jeffi接着說:「其實葡萄味我都試咗十幾種,有的像黑加倫子,有的像巨峰提子。經過朋友試味後,結論是巨峰提子最適合香港人口味。因為相對上唔甜,甜中更帶點酸。我哋仲研究緊西瓜味。」現時,Hey Candy零售主要靠在Mega sale擺檔及網購。為了吸引更多人網上買糖,除了口味,其實糖果的創意及外形更重要,「好似『厚多士』字樣,高登膠樣,要多啲款式,做到塊面咁大,先有人留意我哋!」Jeffi說。由於分散投資、兩人要搞活動、開班,顧及零售及做糖,不時做到一頭煙。難得有空,Jeffi環顧八百呎的糖廠說:「做生意真係好多嘢煩,我試過唔記得交水費,被水務署停咗一個月水,搞到我日日都要抬兩公升水返廠。」為了長遠發展,他們正打算多請一個學徒。Manie說:「多個人幫手整糖,我就可以全力出去搵客,目標係接到酒店單,每間房都有我哋嘅糖去迎接住客。咁不單可以幫到零售收入,客人對我哋嘅信心都會大好多。建立咗品牌形象之後,賣幾多粒糖就唔係困擾啦。」他們希望有一天,能夠由廠廈走到地鋪。

開業資料(10/13)

租金:$50,000^裝修:$250,000入貨:$10,000器材:$150,000流動資金:$250,000總共:$710,000^兩按一上

營業資料(9/14)

營業額:$75,000租金:$7,000入貨:$7,000雜費:$8,000盈利:$53,000

行家點講?Sticky創辦人Jen:賣得太便宜

與Hey Candy一樣,Sticky同樣是賣人工手拉糖,開業短短三年,已在尖沙咀K11和天后擁有兩間門市。其店內更有師傅表演即時拉糖,深受年輕一族歡迎。Sticky負責人Jen認為荃灣工廠的位置偏遠,而且沒有門市,較難成功建立品牌。同時,Hey Candy出外擺檔時,一包四十克的糖果賣緊二十元一包,平均五毫子粒。Jen認為對方的糖果定價偏低,起碼要賣約七毫子一粒。「賣貴啲,可以幫補番零售收入。我嗰啲糖七十克都賣緊四十八元一包。」

賣糖 糖唔 唔夠 夠搵 搵出 出騷 騷搲 搲銀
PermaLink: https://articles.zkiz.com/?id=116233

為錢遊行:出騷費至少$300

1 : GS(14)@2014-10-06 23:14:28




11年7月1日7.1遊行



過往有不少保皇活動也被媒體或網友踢爆,以金錢或禮品「邀請」臨記及市民出席。


11年7月1日7.1遊行

一名化名文仔的臨記爆料,自稱當日遊行收了350元「出騷費」,指中介公司吩咐眾臨記在記者採訪時要表達反加煙稅、不滿政黨政棍等反公民黨及民主黨的訴求。


12年5月17日反拉布

據《蘋果》調查發現,逾千人參加的反拉布示威,當中多是臨記,每人「出騷費」逾300元。臨記阿頭亦承認招攬人示威的「公司」是來自保皇黨,其中包括民建聯。


12年7月2日梁振英筲箕灣交流會

梁振英落區聽民意,有指出席交流會的市民大多為「保皇黨」,有眼利的網民發現其中一位發問的市民,是曾拍珮夫人止咳水廣告的臨時演員。


今年8月17日反佔中大遊行

遊行被踢爆向參與者提供近350元的「車馬費」,有團體為吸引更多市民出席,除「車馬費」外,更會送逾百元的糧油食品禮品包。




來源: http://hk.apple.nextmedia.com/entertainment/art/20141006/18890407
為錢 遊行 出騷 騷費 至少 300
PermaLink: https://articles.zkiz.com/?id=285929

馬蓉疑似用情夫愛犬做品牌logo王寶強多次着出騷

1 : GS(14)@2016-08-17 08:01:27

王寶強踢爆老婆馬蓉同經理人宋喆有「不正當兩性關係」,宣佈同老婆離婚兼炒埋經理人,佢哋嘅故事越揭越多,真係越嚟越戥王寶強唔抵!前日有消息指,馬蓉喺囡囡王子珊4歲生日嗰陣,公佈咗推出以阿女個名命名嘅服裝品牌「Rianna Wang」,仲用咗法國鬥牛犬標誌嚟做Logo,而咁啱眼利嘅網民發現,原來宋喆嘅愛犬正正就係法國鬥牛犬,而呢隻愛犬嘅顏色又同服裝品牌個logo有9成似。不過講到最令人戥王寶強唔抵嘅就係,佢仲懵然不知,多次着呢個品牌出席活動!而據知,喺王寶強宣佈離婚冇耐,呢個品牌「Rianna Wang」喺淘寶網店入面所有貨品都已經下架。




來源: http://hk.apple.nextmedia.com/entertainment/art/20160817/19739839
馬蓉 疑似 情夫 愛犬 品牌 logo 王寶 多次 著出 出騷
PermaLink: https://articles.zkiz.com/?id=306243

洪卓立出騷被睇唔起

1 : GS(14)@2016-09-11 05:50:26

■洪卓立昨日在會展出席鄭紹康舉行的活動。



蘇永康鬧爆鄭紹康當年以3,000元侮辱價邀請他出席活動新聞一出,即有圈中藝人在facebook轉載,當中張致恒留言:「買咗大量花生,食完自己種,長食長有啊喂!」有不少人讚蘇永康有型。



■張致恒亦有關注事件,在fb留言指很快種起花生。互聯網圖片

洪卓立昨日出席鄭紹康在會展舉行的活動,亦有在張致恒的fb做花生友,指憶起當年曾被經理人Mani(霍汶希)臨時召去中環出席活動,他自嘲是「臨時又不紅的演員」,去到活動門口等了近45分鐘,「導演」眼尾都沒有看他一眼:「完全不打招呼,不安排記者拍照,不安排企位甚麼,對白也沒有,當然飯盒也不會有。」最後他與幾位「臨時演員」大膽自行離開。採訪、攝影:羅慧敏




來源: http://hk.apple.nextmedia.com/entertainment/art/20160911/19767062
卓立 出騷 騷被 被睇 睇唔 唔起
PermaLink: https://articles.zkiz.com/?id=308606

Alan帶8個月囝囝出騷

1 : GS(14)@2016-12-25 13:19:00

Mr.主音布志綸(Alan)、方皓玟及樂隊Hey Joe Trio,昨日在尖沙嘴出席演唱活動,Alan的8個月大囝囝Adam亦到場,他說:「佢都係第一次睇現場,平時喺屋企唱,佢就擰轉面。」Alan表示現時與Mr.間中分開工作,感覺自由:「唔使一定要焗住咁多年。」而方皓玟帶病演出,她透露是扁桃腺問題,考慮明年做割除手術,她的母親更由台灣來港過聖誕。




來源: http://hk.apple.nextmedia.com/entertainment/art/20161225/19876112
Alan 個月 月囝 囝囝 囝出 出騷
PermaLink: https://articles.zkiz.com/?id=320114

GD戴377萬手錶出騷

1 : GS(14)@2017-01-05 08:07:21

將於本月21及22日在港開騷的韓國天團BIGBANG,上月他們齊人演出《SBS歌謠大戰》,當日隊長G-DRAGON(GD)在台上所戴的一隻手錶就惹來網民熱話。據報道指GD所戴的手錶索價高達5.9億韓圜(約377萬港元),手錶是來自法國名貴品牌Richard Mille,而GD戴上的手錶屬品牌中最貴的產品,他亦曾在Instagram上載手錶的近鏡。



■BIGBANG早前演出《一周的偶像》,節目於今晚播出。

網民對於GD只是普通表演都戴上價值不菲的手錶,即時展開熱烈討論,有粉絲大讚GD戴得有型,但亦有網民驚嘆手錶竟然貴過自己層樓,又覺得「有錢就是任性」。另外,BIGBANG將會再度演出人氣綜藝節目《一周的偶像》,節目將於今晚播出。撰文:施洛冰




來源: http://hk.apple.nextmedia.com/entertainment/art/20170104/19885570
GD 377 手錶 出騷
PermaLink: https://articles.zkiz.com/?id=321388

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019