| ||||||
| 恒大地產近排飽受基金沽貨煎熬， 佢哋轉戰有利陣地，去好似合肥咁嘅二線城市賣樓。為咗展示「實力」，佢哋特登請來全國過百傳媒參加開盤儀式，大陣仗也。 呢個盤遠離合肥市中 心，一樣賣到五、六千元一平方米，但唔好嫌貴噃。唔少村姑農民look嘅買家，翻山越水嚟買樓。內地人之實力，豈容小覷？ 恒大副主席夏海 鈞見過鬼怕黑，話以後主攻二、三線城市，唔會再好似喺廣州咁拍地王。佢話近日恒大股價洗倉式下瀉，主要係投資者「自身財務困難」，要沽貨套現，同恒大嘅實 力無關。主席許家印近排都有減持，係咪夏副主席所講嘅同一理由，就腰攬腰啦！ 獅子錢庄呼籲投票 獅子銀行呼籲股東行使其持份者 之權利，踴躍參加股東大會，投票遴選董事局成員。 我哋位民政事務局副局長許曉暉則放言高論，話「唔投票就係履行公民責任」；佢個波士煲呔‧ 曾更率領其問責班子及全體行政會議成員杯葛516。此又情何以堪、人間何世！ 本週廣告 誠徵婚姻見習生 唔知係咪 李翁開創「包月情人」先河，俾人登告白搵拍乸之靈感。呢位華裔尖頭曼屬意徐娘，先是話旨在柏拉圖，隨即口風一轉，話結婚亦得。此又與徵求婚姻見習生何異？ 金 牙大狀講嘢四千貨尾踩冧市？ 房委會有四千居屋貨尾。三月，樓市大熱，佢哋開會商議應否推出呢批貨尾應市。一輪口水過後，議決悉數沽售。與此 同時，復建居屋之議高唱入雲，最大聲者，莫如準特首候選人CY‧梁也 —— 佢係行會召集人，唔大聲又點得？ 批居屋貨尾幾時至有得應市？ 六月中，距議決賣嘢剛啱三個月。呢三個月有乜嘢事發生？大陸打壓炒賣內房，特區冇研究之至，有樣學樣，收緊豪宅按揭、唔准銀行低息爭奪樓按生意，再使出九 招十二式。即使唔係招招應棍，香港緊跟中央打壓樓市之心彰彰明甚！ 結果？樓市應聲轉角，就算炒過一輪之上車公屋盤，一樣水盡鵝飛。於此之 時，房委會似慌死個市唔冧咁嘅款，推出四千居屋貨尾，此又與落井下石何異哉？ 班大帝究竟知唔知當其時何以有停售居屋之舉呢？靠呢班友仔去維 持市場秩序，唔牙煙則幾稀矣。醜嘅唔靈，個樓市再回多一回，你估準特首候選人CY‧梁仲會唔會大大聲嗌復建居屋呢，又？佢始創八萬五o架，各位。 羅 寶文看透八苦 眾所周知，皈依我佛之有錢佬唔只早前我哋講過之南豐陳廷驊及佢位掌珠陳慧慧。四叔位大公子家誠就係另一個篤信如來之有錢佬啦。 除此之外，原來富家後生女，亦有看透生、老、病、死、愛別離、怨憎會、五陰熾盛、求之不得之八苦者。 佢係邊個？就係富豪酒店、百利保等集團 之太子女羅寶文是也。早前佢同佛教刊物《溫暖人間》剖白，話只得二十歲、仲讀緊書，佢已經有「救眾生於苦海」之覺性，甚至因而有過出家之念；但後來卒之明 白發菩提之心，而非廿四小時念佛至係最緊要。 由是之故，佢於是搞其漫畫創作，以自己隻狗仔Bodhi（即係菩提也）為主角（佢共有八隻狗之 多），向小朋友灌輸道德觀念咁講。 信佛多年，羅寶文呢位太子女有乜體會？「活在當下，珍惜每分每秒的良緣。」會否係因為過分珍惜，以致時至 今日尚待字閨中呢？ 馬主慘變階下囚 ○五年兩個窩輪炒家以同一價格互射窩輪。咁樣做買賣，搏乜？搏做大quota，收發行商麥 格理過百萬元回佣也。 咁樣做法除咗些少手續費，實食冇黐牙，但事屬違規，被視作虛假交易。月初呢單案審結，兩個炒家雙雙入罪。法官沈小文話 佢哋唔係低買高賣，屬唔正常交易；又話佢哋蓄意谷大成交，方便自己出貨，判佢哋虛假交易罪名成立。被告之一傅果權要即時入冊，坐兩年零九個月。 傅 果權既係窩輪大炒家又係馬主，佢連馬名都用埋窩輪術語，叫做「引伸波幅」。開庭前幾日剛剛拉完頭馬，當時佢笑到四萬咁口，話鴻運當頭，單官司理應無事，仲 話贏兩場馬好過打工。 不旋踵，佢由天堂跌落地獄，傅馬主非但收起笑容，更眼泛淚光。好似佢咁炒輪賺佣要坐，提供回佣嘅麥格理，只係俾證監譴 責幾句，兼罰四百萬元，係咪大細超呢？ 本週食肆肥西老母雞 安徽合肥西南有個肥西縣。喺呢個地方唔少依照鄧總舵主指示先富起來 嘅同胞，都鍾情老母雞；甚至發展出專門店。有相為證o架。 | ||||||