黎明自認怪誕 樂做阿叔
1 :
GS(14)@2016-03-16 14:28:14黎明（Leon）下月28日會在中環海濱摩天輪旁搭建超大型舞台，舉行一連六場大玩4D元素的演唱會，Leon日前受訪時表示：「今次場地係分四個獨立組件砌成，四面觀眾都見唔到大家，每邊可以坐1,000人左右，出嚟嘅視覺效果好好。」有指今次演唱會製作費超大，問Leon可擔心蝕本，他不太介懷：「可能會㗎，但係唔緊要啦，試吓新科技嘛！」
Leon指今次演唱會以4D為主題，場內會散發香味，更表示今次在演唱會都會跳舞：「唔可以唔跳嘅，唔跳太過份，不過今次dancer會跟我跳，我唔會跟佢跳，總之我唔會做冷血嘅木頭，會排幾隻（舞），證明我嘅實力！」
■Leon演唱會舞台曝光，場內共分四區，每區觀眾都會被大銀幕包圍。
近日Leon熱衷玩facebook，他笑說：「公司同事話我再唔開facebook就out，再唔做就入棺材封棺㗎喇！」他表示一定不會講挑釁說話，也不介意被人鬧：「冇所謂啦，都唔會日日睇，你估真係好得閒？」更笑言叫他阿叔都唔介意。至於被封「金句王」，Leon承認自己「有啲怪誕」，但覺得只要大家用不同視野看，想法會不同。採訪：草津
來源:
http://hk.apple.nextmedia.com/entertainment/art/20160316/19530721
蕭正楠貼身做阿四 黃翠如開工大晒
1 :
GS(14)@2016-06-12 02:51:152016-06-01 iM
黃翠如與蕭正楠自兩年前拍劇撻着後，一直愛得高調，隨着翠如BB激變億萬千金，身份升呢，蕭正楠對女友更為着緊，新劇一煞科便孖住到韓國預支蜜月，慶祝拍拖兩周年。
日前兩人為新劇《幕後玩家》拍外景，由於戲內外同是情侶，攞正牌拍拖，蕭正楠如貼身阿四服侍翠如BB，惜女友唔爭氣，演技依舊麻麻，NG不特止，還大擺千金小姐款，幾乎玩殘全劇組。
霸位攞飯
自ViuTV開台後，無綫收視備受追擊，即擺蕭正楠、黃翠如上枱，安排他們於新劇《幕後玩家》飾演情侶，企圖搶收視。愛得纏綿的二人相當受落，蕭正楠大讚女友着婚紗省鏡。晉身為「億萬駙馬」的蕭正楠，不但把口 女友，行動更實際，日前到粉嶺和合石墳場拍外景，自動波替翠如BB打點一切，甫到場便匆匆下車，打算幫女友霸定位化妝，惜張繼聰早一步坐低。眼見翠如BB只得罰企任由化妝師為她整頭，身旁的蕭正楠一臉不悅。
由於當日是重頭戲，蕭正楠跟其他演員在烈日下對劇本及試位，相反熱到溶的翠如BB只顧住妝容，手執名牌粉盒不停補粉，搞足半粒鐘。直至夠鐘放飯，蕭正楠又一馬當先為女友揀定啱口味的飯盒，繼而「同車」共食享受二人世界。
升呢錫身
不但獲男友呵護備至，且又屬無綫高層余詠珊黨的翠如BB，備受力捧，雖然已升上一線地位，但演技麻麻，縱使蕭正楠在場教路，仍頻頻NG，她也未有歉意。
加上今時今日已是億萬千金，翠如BB份外錫身，因位處郊外開工，蚊患嚴重，拍到半路，被惡蚊咬到一撻撻，又熱又攰下，忟爆的她鏡頭外一言不發，做獨家邨；相反其他女演員龔嘉欣、劉佩玥、莊思敏等有講有笑，相映成趣。臨收工前，因見男友在拍攝，備受蚊叮的翠如BB，忍不住點龔嘉欣替她搽止痕膏，繼而又懶理小演員在旁也照噴蚊怕水，嚇得龔嘉欣即時出手保護小演員雙眼，令台前幕後側目，敢怒不敢言。
撰文、採訪☆娛樂組 攝影☆何國豪 設計☆美術組
寸嘴Barbie做阿四莫凱謙keep fat拍戲
1 :
GS(14)@2016-08-03 02:47:142016-07-28 NM
十一年前參加過《殘酷一叮》的莫凱謙，眨吓眼已經18歲，一直想入娛樂圈的他，今年初再參加《全港十二大大學大專聯校歌唱及創作大賽 iMusic iDol Contest 2016》搵機會。偏肥的莫生唔怕俾人笑肥，更為爭取一個電影角色，keep fat之餘再增肥。撰文、攝影、攝錄：娛樂組設計：何嘉慧先試水溫
一頭金髮的莫凱謙，沿住觀塘的海濱來回跑步，跑到上氣唔接下氣，不過他不是減肥而是要增肥。「想唱好啲歌，就要練好啲氣；佢跑完又食番好多嘢，因為嚟緊要casting一套勵志青春片，個角色又有其他人爭，不過導演講咗如果揀啱都要再增肥，佢想自己機會大啲，所以要keep fat。」知情者說。九月將在中文大學升讀二年級的莫凱謙，主修新聞與傳播系，早前他將自彈自唱的MV《今天只做一件事》派上台試水溫，結果引起網民留意。「莫凱謙自細就鍾意唱歌，當年參加過《殘酷一叮》後，佢咁多年嚟都有繼續參加唔同嘅歌唱比賽，累積經驗，而家唱片市道咁差都有人簽，都算好好運，但只會先推出single派台，睇吓外界反應，再考慮係咪出碟。」
唱《少訊》主題曲
據了解，莫凱謙將會為《少年警訊》唱主題曲，已收到demo的他，每日都騰出時間練習，為下月尾推出歌曲做好準備。更騎呢是莫凱謙搵咗做過娛樂圈的寸嘴Barbie做助手。「Barbie舊年搵咗份工，喺科技公司做marketing，因為公司成立咗經理人部門，又簽咗莫生同其他歌手，所以安排咗有經驗嘅Barbie負責照顧佢哋，仲要幫手化埋妝。」知情者說。
一夜成名
1998年出世的莫凱謙，細細個已經成日喺K房練歌。05年，只得7歲的他參加《殘酷一叮》，人仔細細唱《習慣失戀》、《月亮代表我的心》、《愛與誠》亦勁有feel，憑可愛outlook、講嘢直率而一夜成名。
撰文、攝影、攝錄：娛樂組
孫楊400米自做阿二中國首日無金
1 :
GS(14)@2016-08-09 06:54:13背負13億人的希望，孫楊未能為中國首天奪金，賽後在採訪區與記者相擁痛哭，24歲的孫楊收拾心情後說：「按照訓練的成績，我是有能力奪金，始終是奧運會，我也感到一點壓力；對不起爸爸媽媽，還有叔叔他們都在看台欣賞我比賽，結果令他們失望。」孫楊4年前揚威倫敦，成為國內傳媒及廣告界天之驕子，但近年飽受負面新聞影響，包括2013年無牌駕駛自己代言的汽車；因不滿教練朱志根禁止拍拖，一度換教練；最嚴重是2014年仁川亞運賽前，爆出全國游泳冠軍賽時服用禁藥事件，雖然1,500米自由泳冠軍的資格被褫奪，但中國反興奮劑中心疑似「放生」下，只罰孫楊停賽3個月，並容許他出戰亞運。
來源:
http://hk.apple.nextmedia.com/news/art/20160808/19727572
為阻馬明埋身 洪永城做阿四日夜黐實唐詩詠
1 :
GS(14)@2016-08-17 08:01:30「不能錯過的女友」唐詩詠…雖然同洪永城拍拖直今，早幾個月傳過洪永城趁女友唔喺香港，翻撻舊愛，令唐詩詠嬲嬲，幾經辛苦o氹番女友，兼晒合照力證情不變，不過外界一直覺得佢跟契哥馬國明襯啲，馬明出席公開場合亦不時讚唐詩詠係一個好女仔，昨日有周刊指，洪永城都呷醋，唔止多咗喺網上提起女友，即使要開工，都去探女友班。據報道指，唐詩詠因為要照顧年老嘅爸爸，拍拖初時只係間唔中去洪永城位於西貢嘅屋企過夜，有傳係洪永城同時要趕開工，喺男友哀求下，唐詩詠亦多咗去西貢新居留宿，而且洪永城為咗趕絕情敵，就算開完工幾攰，佢都照陪唐詩詠去睇戲、上月仲一齊睇林海峰talk騷，盛傳馬明有時會去片場探唐詩詠，甚至接收工，洪永城為阻馬明，早前見女友喺將軍澳廣場拍外景，洪永城忽然去探班，全程照顧女友，又摸唐詩詠頭髮、主動為女友拎手袋，又幫女友影相，發現有記者，唐詩詠即叫男友走先。另洪永城亦愛屋及烏，知唐詩詠係孝順乖乖女，就連唐詩詠嘅親友都照顧埋，上周五朝早6點揸車去接唐詩詠嘅親友，先再返屋企休息。
來源:
http://hk.apple.nextmedia.com/entertainment/art/20160817/19739835
【爆相爆片】拍拖去台灣馮盈盈男友做阿四 閃縮坐經濟艙
1 :
GS(14)@2016-10-11 08:11:50【遮到冚】■大前日搭經濟艙往台灣的馮盈盈，戴口罩外更戴上黑超。讀者提供圖片
現年22歲應屆港姐冠軍馮盈盈，當選後被揭曾於facebook爆粗鬧政府和特首梁振英而「一爆成名」。大前日，馮盈盈被發現與醫生男友Martin，搭乘經濟客位到台灣旅行，而為免被人認出，馮盈盈全程戴上口罩，而其男友由在航空公司櫃位排隊check in、抵埗後攞行李和到兌換店換錢，也如阿四般服侍得女友妥妥貼貼。
馮盈盈當選港姐冠軍後被連番起底，除被揭兩年前曾經力撐雨傘運動，以及於facebook爆粗鬧爆政府、特首梁振英及建制派官員外，更有指她因為戀上曾是十優狀元、現為瑪麗醫院內科醫生Martin Chung，所以狠撇大學時期結交的呂姓男友，惟其後馮盈盈澄清與舊愛分手一年，才與現任男友拍拖，兩段感情未有重叠。當選港姐前，馮盈盈不時在社交網放閃，大晒與男友Martin的甜蜜生活照，但當選後，馮盈盈為顧及形象，言行甚至拍拖生活也變得低調。日前，本報讀者發現馮盈盈與Martin飛往台灣旅行，但馮盈盈為免被人認出，惟有全程戴上口罩遮掩。
【搭膊頭】■落機時，Martin忍不住搭住女友馮盈盈的膊頭。
【等兌換】■Martin在機場兌換錢，馮盈盈站在一旁等候。
全程瞓覺
讀者張小姐前日透過本報「爆相爆片」報料，指大前日下午5時半，於香港機場的香港航空櫃位，碰見馮盈盈男友Martin排隊check in，但就未見馮盈盈同行，直至上機後始見到馮盈盈，同行還有一名女子。雖然馮盈盈是港姐冠軍，其男友又是醫生，但二人未有搭商務機位，而是跟普羅大眾一樣搭經濟艙，拍拖生活十分貼地。與馮盈盈搭乘同一班機前往台北的張小姐說：「到我上飛機嗰陣，就見到馮盈盈坐喺男友隔籬，馮盈盈全程戴住口罩瞓覺，飛機停定嗰陣，仲戴埋黑超，佢同男友講嘢都好避忌，好細聲，可能驚人認得啦！個男仔其實試過幾次想搭馮盈盈膊頭，不過舉起手，諗咗陣又放低番，試完左手，又試右手，搞咗一輪先搭到。到喺台灣機場攞行李嗰陣，馮盈盈又係坐埋一邊，等男友搞掂晒，先過去會合番。」
■馮盈盈當選港姐前，經常在社交網貼與醫生男友Martin的蜜照放閃。資料圖片
■馮盈盈曾當兼職模特兒，不時晒長腿及美好身段。
■馮盈盈男友Martin是十優狀元，現於瑪麗醫院任內科醫生。
從旁齋睇
攞完行李後，一行人到兌換店換錢，同樣是由Martin排隊換錢，馮盈盈則站在一旁等候，可見Martin如阿四般，服侍得女友相當周到。其實馮盈盈當選港姐後，要馬不停蹄出席應酬活動和亮相電視台的各大小節目，與男友拍拖時間大大減少，加上在香港拍拖，分分鐘會被傳媒發現，估計近日她索性趁周六、周日及重陽節假期，與男友出埠旅行，以便在外地可以毫無顧忌地跟男友享受甜蜜蜜拍拖生活。採訪：王梓嫚
來源:
http://hk.apple.nextmedia.com/entertainment/art/20161011/19796972
甄子丹最強做阿二
1 :
GS(14)@2017-01-17 01:55:24宇宙最強甄子丹昨日在灣仔宣傳新片《3X反恐暴族：重火力回歸》（xXx: Return of Xander Cage），子丹的左手前臂印有「最強」兩字的假紋身，他笑說：「導演係我fans，佢問我係咪宇宙最強，我話係媒體開玩笑，紋宇宙最強唔好喇，太玩嘢！」最後他決定做了「最強」的假紋身，問會否考慮紋上「宇宙最強」真紋身？他笑說：「講笑，千祈唔好認第一，認第一冇着數。」子丹又謂戲中有幕跳橋戲最為難忘：「1、2、3就跳，我冇怯，因為好多fans睇住，唔可以衰畀人睇，一跳出去，心諗『唔好賴嘢！』。」此外，他否認接拍漢蘇奴的外傳電影《Han Solo：A Star Wars Story》。採訪、攝影：黃曉妍
來源:
http://hk.apple.nextmedia.com/entertainment/art/20170116/19898175
陪Shopping做阿四林德信拖女見家長 吳正元勁冧
1 :
GS(14)@2017-07-02 14:19:30【金鐘 融入家中】■林德信日前約媽媽吳正元及女友Candace去金鐘逛街，三人行感情好好。DV圖片
林德信與松岡李那分手一年多後有新歡，與同樣愛瑜伽的Candace Poon撻着。林德信沒有像以前跟松岡拍拖般避忌，實行與女友密密見，日前先帶身穿熱褲襯跌膊衫的Candace去中環開餐，翌日再帶她見媽媽吳正元，三人行到金鐘shopping。Candace與未來奶奶相處融洽，而林德信就做阿四拎戰利品兼做柴可夫司機。
現年32歲、林子祥與前妻吳正元所生的大仔林德信，與日籍舊愛松岡李那分手一年多，女方早前在安以軒的夏威夷婚禮上，與太陽文化娛樂老闆周焯華（洗米華）一攬傳緋聞成為新聞人物，不過洗米華隨即發聲明澄清，明顯想劃清界線。作為松岡的前度男友，林德信的感情生活就比較實在真實，近月已有固定女友Candace。Candace同樣愛瑜伽運動，二人不時被影到甜蜜拍拖，關係打得火熱。
【中環 食客吹水】■林德信日前與Candace在中環撐枱腳，更與認出他的鄰座食客打招呼。
【紙巾墊住】■Candace甚有儀態，進食時會用紙巾墊住。
【做柴可夫】■醫飽肚後，林德信駕車送女友回家。
做孝順仔
日前，本報就連環兩日直擊林德信與Candace在港島區拍拖。當日傍晚大概6時許，林德信與女友Candace現身中環九如坊，二人去了一間越南餐廳撐枱腳。Candace身穿熱褲襯跌膊衫，外表屬熱情如火型，林德信與她選了開揚的窗口位坐，似乎沒有戒心，不怕被人發現拍拖，相對他以前與松岡拍拖時長期避忌玩低調、前後腳的作風截然不同。林德信撐枱腳期間，鄰座食客認出他並打招呼，林德信禮貌微笑，表現零架子。他和Candace各自叫了一碗麵及小食共享，現場所見Candace雖然外形惹火，但食相甚有儀態，夾餸時會用紙巾墊住，二人吃了約45分鐘便結賬離開。拍拖不夠24小時，林德信和Candace翌日再次合體出動，Candace以短裙打扮示人，今次更有林媽媽吳正元做電燈膽，實行三人行去金鐘太古廣場shopping，即是女友已融入家中。林德信一心二用既做孝順仔，又做體貼男友，其間兩女結伴去洗手間，林德信就耐心等候，邊等邊玩手機，而他警覺性甚高，不時往商場上下層周圍望。
【金鐘 廁外玩機】■女友與媽媽去洗手間時，林德信企定定靜候玩手機。DV圖片
■林子祥與前妻吳正元育有大仔林德信及細女林德懿。資料圖片
■林德信與母親吳正元（左二）關係密切，曾一起上內地真人騷節目。資料圖片
讓出前座
作為未來新抱的Candace似乎與男友媽媽相處甚融洽，三人入了時裝店Zara掃貨，更有收穫，買了一大袋戰利品。林德信負責做阿四幫手拎，之後就齊齊去停車場取車。上車時，Candace相當識做，讓林媽媽坐司機位旁，而林德信亦充滿風度幫女友開車門，然後做柴可夫駕車離去。採訪、攝影：吳耀輝、孔志豪
來源:
http://hk.apple.nextmedia.com/entertainment/art/20170702/20075737
【星級貓奴】超雲甘做阿四
1 :
GS(14)@2017-07-09 12:16:11古仔將貓結合外星人拍成電影，其實圈中有很多愛貓之人，何家千金超雲更放下身段，為貓貓沖涼，細心照顧牠們。
何超雲
超雲生活頗為宅女，一屋養了3隻愛貓「毛毛」、「包包」及「蠢蠢」，不時在Ig貼她的貓奴生活，又會為貓貓沖涼及搜羅零食，生日時更訂製一個貓形蛋糕。
舒淇
經常在Ig貼老公馮德倫送給她的一對寶貝貓，當年她因分享其中一隻愛貓與馮德倫對食的合照，令戀情浮面，舒淇亦有為愛貓唱生日歌，顯五音不全的歌藝。
翁靜晶
支持領養，家中有16隻貓，其中一隻17歲愛貓「Snowflake」於5月初離世，令她非常難過。
胡杏兒
8歲開始養貓，至今養過15隻，現時有8隻貓，其中「波波」早年難產，傷痛的她決定不再要求寵物生BB。
王宗堯
視愛貓「8仔」與「Tigger」為親生仔，不時在Ig貼與愛貓攬實錫錫的親子相，更留言貓貓陪他睇波。
來源:
http://hk.apple.nextmedia.com/entertainment/art/20170709/20083387
Next Page