ZKIZ Archives


陳倩揚讀芳香療程

1 : GS(14)@2016-05-08 02:56:56

陳倩揚昨日去到灣仔出席BB展,最近忙於其自家品牌生意的倩揚受訪說:「希望可以有實體商舖,但係而家貴租,都係暫時做網上,不過好多品牌搵我哋合作。」倩揚表示現正在港修讀一個芳香療程,第二年會到台灣,第三年會到瑞士,對於會否擔心沒時間照顧小朋友,她說:「到時小朋友都大,暫時而家喺香港都OK,而且我唔使每日返學。」





來源: http://hk.apple.nextmedia.com/entertainment/art/20160507/19601322
陳倩 倩揚 揚讀 芳香 療程
PermaLink: https://articles.zkiz.com/?id=299997

「佢哋覺得生咗BB唔使咁搏」陳倩揚遭無綫封殺 離巢爆大鑊

1 : GS(14)@2016-08-07 02:03:44

■陳倩揚與無綫傾續約方向不一,最終選擇離開往外闖。攝影:陳志嵐



【《蘋果》專訪】現年32歲、育有兩子的「靚太港姐」陳倩揚,去年底爆seed在fb暗寸無綫「一朝天子一朝臣,你懂的。」據聞當時余詠珊下令革新《東張西望》,令一班老臣子無得留低。陳倩揚日前接受本報專訪,談到傾談續約過程中,雙方意見不一,有高層揚言:「生咗BB、做咗媽咪,你都可以唔使咁搏吖!」令她不是味兒,終決定前日約滿後離開。


陳倩揚參選2008年港姐得亞軍入行,未卸任已獲派入《東張西望》做主持,不經不覺已經七年。但去年底,無綫高層余詠珊要換入「有線幫」陳貝兒、區永權、李潤庭等人,故「老臣子」陳倩揚、黎芷珊和麥雅緻統統被革走。去年12月30日,倩揚主持完最後一集《東張》便無聲消失。



【《東張》最後】■去年12月30日是倩揚主持《東張西望》的最後一夜,之後大半年開工率極低。資料圖片

■倩揚前日帶埋大仔陳羲廷一齊返公司交證兼同TVB Buddy影相,紀念自己在一間公司服務了超過七年。互聯網圖片

■今年暑假,陳倩揚舉家到台灣旅行,與兩個囝囝一齊嬉水。



「話冇喊就呃你」

前日是陳倩揚約滿無綫的最後一日,她早上帶大仔陳羲廷一齊返公司交證及與TVB Buddy影相。日前倩揚在九龍灣受訪,透露未被「革走」前,亦有與公司高層傾續約,但最後不歡而散。她說:「其實又冇大吵大鬧,佢哋有同我傾續約,只係大家方向唔啱,咪走囉。」知道自己衰甚麼?她說:「佢又冇咁講,佢哋話想換新面孔同轉吓模式。咁我都明白,冇一份工永遠係你,唯一可以講,係佢哋覺得生咗BB、做咗媽咪,你都可以唔使咁搏吖!呢個係我唔太認同,香港咁多職業女性都要湊仔,唔通個個都唔應該返工呀!」陳倩揚直認接到電話通知「冇得撈」《東張》一刻,傷心爆喊,她說:「話冇喊就呃你,但老公好理性同我分析,安慰我,係時勢得出咁嘅結果,但唔一定負面,可能有其他機會等緊你。」是否權力下犧牲品?她笑笑口說:「呢樣要留畀大家食花生,但如果我唔係選美出身,冇《東張》呢個學堂,我亦唔會有呢個認受性同知名度。」她表示沒有怪責「有線幫」,認為每個朝代換班底都好正常。



■陳倩揚驚聞被逐出《東張》,自爆曾激動痛哭,幸獲老公安慰。

■杜之克(左一)和余詠珊(左二)都是當今老闆「殼王」陳國強身邊的大紅人。

■08年港姐冠亞季軍分別是張舒雅(右二)、陳倩揚(左二)和馬賽(右一),高海寧僅得旅遊大使獎。資料圖片



監製不准錄用

據悉倩揚因為不肯續約,加上爆seed言論,被高層下達封殺令。不少劇集和綜藝節目監製均收到通知,不得錄用陳倩揚,所以近半年,陳倩揚開工率極低,只在劇集《完美叛侶》演出兩場閒角,及在《與諜同謀》做羅嘉良前妻,加埋不足10場戲。前晚倩揚在電話中被問是否遭封殺?她說:「我冇聽過,呢大半年都專注讀芳香療法同網上教人煮餸。」工作量大減?她說:「呀……咁呢個都係事實,last day見番手足同事,記番好多以前嘅嘢,大個女要向前看嘛。」採訪:嵐山場地提供:I's Land Cafe化妝:Heidi Lee@ Heidi-Makeup.com服裝及鞋履:Stunnging Sgirls、House of Avenues





來源: http://hk.apple.nextmedia.com/entertainment/art/20160805/19723013
覺得 生咗 BB 唔使 使咁 咁搏 陳倩 倩揚 揚遭 遭無 封殺 離巢 巢爆 爆大 大鑊
PermaLink: https://articles.zkiz.com/?id=304572

去過日本交流做過空姐 陳倩揚成長史

1 : GS(14)@2016-08-07 02:03:45

陳倩揚2008年參選港姐,曾被封「師奶港姐」,最初入選嗰陣冇咩人留意,由於短髮造型,有啲人就覺得倩揚係「翻版黃麗梅」,外表成熟嘅倩揚當年接受周刊訪問時強調:「我八三年出世,其實同鄧麗欣同年!」佢亦大方講過似黃麗梅冇咩唔妥,起碼係亞視最紅最叻嗰個。倩揚來自小康之家,家住粉嶺,爸爸係一間日本公司嘅主管,中學時期讀東華三院甲寅年總理中學,大學考上中文大學日本研究學系,曾去日本名古屋做咗一年交換生,期間靠做兼職教英文同廣東話,最後幾個月就喺食肆做侍應賺生活費。大學畢業後,倩揚喺日式百貨公司做過繙譯,又去過日資公司做文員,成日被叫去沖咖啡同黐郵票,由於工作性質不合,倩揚投考機艙服務員,成為國泰空姐,最終成為港姐加入娛圈。





來源: http://hk.apple.nextmedia.com/entertainment/art/20160805/19723791
去過 日本 交流 做過 空姐 陳倩 倩揚 成長史 成長
PermaLink: https://articles.zkiz.com/?id=304577

陳倩揚:應尊重私隱

1 : GS(14)@2016-08-08 00:17:07

同為人母的陳倩揚和汪琳昨日分別帶同子女到科學園欣賞「2016李行齊國際魔法城堡」,對於伊能靜剖腹產女後傷口受感染含膿,陳倩揚說:「我係順產生冇傷口。個婦產科醫生好好,自己都介紹咗好多朋友搵呢個醫生。」對於該醫生以伊能靜合照作生意招徠,陳倩揚說:「自己冇遇過咁情況,影合照都要睇佢有乜用意,如果去餐廳食嘢影張相就唔係太大問題,但醫生應該有佢專業操守,應尊重大家私隱。」同場的汪琳聞得伊能靜事件時感到驚訝,她說:「我都係開刀嘅,聽到佢呢個情況都幾驚喎,好在自己冇事。」她並表示會找相熟及專業醫生接生,免有不愉快事情發生。採訪:王連連攝影:陳慧安





來源: http://hk.apple.nextmedia.com/entertainment/art/20160807/19726118
陳倩 倩揚 尊重 私隱
PermaLink: https://articles.zkiz.com/?id=304823

【馮仁昭四圍超】陳倩揚離無綫賺更多

1 : GS(14)@2016-08-10 07:54:57

離開無綫嘅陳倩揚噚日去到商台做訪問,早前喺網上寫咗句「一朝天子一朝臣」,佢解釋話自己修讀中文出身,而新嘅天子好少留用前朝官員係歷史事實,仲叫大家唔好太敏感,代入人物去諗呢句說話。離巢後收入係咪倍增?倩揚笑住話:「呢個8月係唔錯嘅,剛拍完一個廣告,之後仲有一個,加上又有好多慈善團體聯絡我幫手。」撰文:馮仁昭





來源: http://hk.apple.nextmedia.com/entertainment/art/20160810/19729620
馮仁 仁昭 四圍 陳倩 倩揚 揚離 離無 更多
PermaLink: https://articles.zkiz.com/?id=305292

【馮仁昭四圍超】陳倩揚想追多個女

1 : GS(14)@2016-08-18 06:04:34

陳倩揚(右)今個月3號約滿無綫後,即刻俾有線睇中揾佢主持新節目《猴年點算》,同兩位玄學家一齊講猴年下半年運程,其中玄學家楊天命就批倩揚離巢後發展會仲好。對於楊師傅話佢有少奶奶命,倩揚笑住話自己係實幹型,工作係開心事,唔想唔做嘢,雖然一直好想生個囡囡,但呢幾年都係想專注事業先,楊師傅就即刻批佢下一胎會如願生女。撰文:馮仁昭




來源: http://hk.apple.nextmedia.com/entertainment/art/20160818/19740395
馮仁 仁昭 四圍 陳倩 倩揚 揚想 想追 多個
PermaLink: https://articles.zkiz.com/?id=306396

星級爸媽忙開學 陳倩揚揀新鞋仔

1 : GS(14)@2016-09-01 06:24:27

■陳倩揚強調沒給孩子壓力,但每月供養開支逾萬元。攝影:陳志嵐



悠長暑假結束,大多數學生今日都要開學,為迎接新學年,星級父母日前已為子女張羅。五年抱四的陳浩民、王書麒和許秋怡夫婦、陳倩揚都分別出動,帶着囝囝買開學用品,秋怡的囝囝王綽枬(Cody)有個七年之癢舊書包,Cody決棄舊迎新。浩民為囝囝買校服才知樣樣貴,陳倩揚則細心為囝囝揀返學鞋。採訪:陳杰、嵐山



■陳倩揚日前帶兒子到尖沙嘴買新鞋。

陳倩揚日前帶5歲長子陳羲廷和1歲半幼子陳羲穎到尖沙嘴買新鞋襪,兄弟表現雀躍,羲廷明年升小一,已開始面試,陳倩揚說:「除咗大抽獎(政府派位),都會試畀小朋友考其他學校。囝囝冇上面試班,平時帶佢多啲出外玩、睇書,吸收好多嘢。」羲廷現就讀本地幼稚園,課餘參加唱歌、足球、畫畫和數學等興趣班,她說:「興趣班玩嘅多,盡量安排周六、日。」但供養小朋友每月開支都逾萬元。場地:Stride Rite




來源: http://hk.apple.nextmedia.com/entertainment/art/20160901/19755754
星級 爸媽 媽忙 開學 陳倩 倩揚 揚揀 揀新 新鞋 鞋仔
PermaLink: https://articles.zkiz.com/?id=307036

陳倩揚撐創業媽媽

1 : GS(14)@2016-09-06 04:42:21

陳倩揚昨日帶其自家護理品牌,去到觀塘的中秋城寨花燈會參展,活動由香港地創業媽媽舉辦。倩揚表示,希望藉活動幫助更多單親媽媽,她指現場所有攤位皆是創業媽媽,需要大家互相支持。陳倩揚的品牌有製作香磚、香油及花茶等,礙於租金昂貴,暫時只有做網上銷售,她指這門生意是與林盛斌(Bob)老婆黃碧玲及一名友人合資6位數字經營,倩揚說:「我同阿Bob老婆都鍾意DIY手作,所以一拍即合,高興能夠將自己喜好轉做生意,希望其他媽咪都鍾意我哋嘅天然產品,我嘅小朋友習慣咗用我整嘅嘢,成日問我有乜新嘢整畀佢。」採訪、攝影:張俊銘




來源: http://hk.apple.nextmedia.com/entertainment/art/20160905/19759973
陳倩 倩揚 揚撐 創業 媽媽
PermaLink: https://articles.zkiz.com/?id=307665

陳倩揚孖老公睇戲

1 : GS(14)@2016-09-07 21:46:22

陳倩揚、夏尉喻、陳慧珊及貝安琪等前晚在銅鑼灣出席電影《C奶同學會》宣傳。陳倩揚拖老公睇戲,因為暑假期間重點照顧兒子,忽略老公。而夏尉喻性感現身,明顯清減不少:「之前因荷爾蒙失調,經過轉文職一年嘅調理時間就正常返。」陳慧珊現時就讀教育系的博士課程,所以短期內謝絕任何幕前演出,主力讀書和湊女。採訪:卓寶花攝影:沈健程




來源: http://hk.apple.nextmedia.com/entertainment/art/20160907/19762391
陳倩 倩揚 揚孖 老公 睇戲
PermaLink: https://articles.zkiz.com/?id=308014

【馮仁昭四圍超】陳倩揚計劃追多個女

1 : GS(14)@2016-09-13 00:19:22

陳倩揚噚日帶同大仔陳羲廷、細仔陳羲穎及丈夫陳浩然出席港台電視活動,好少一家四口齊齊現身嘅佢話:「而家大仔讀K3,細仔啱啱返playgroup,細仔已經同老師、同學好熟,又成日點唱,要我唱歌畀佢聽,我覺得佢比起同齡時候嘅哥哥講嘢快咗。」倩揚仲話想追多個女,不過就等大仔讀小學先:「而家都係30頭,仲有時間做吓自己嘢先,遲啲生多一、兩個都冇問題。」撰文:馮仁昭




來源: http://hk.apple.nextmedia.com/entertainment/art/20160912/19767725
馮仁 仁昭 四圍 陳倩 倩揚 計劃 多個
PermaLink: https://articles.zkiz.com/?id=308788

陳倩揚舉家遊日賀33歲

1 : GS(14)@2016-10-10 00:44:03

陳倩揚下周四便33歲,早前她與老公陳浩然及兩名兒子陳羲廷、陳羲穎一起到日本大阪預祝生日。倩揚曾在日本讀書兼與老公相識,重遊舊地感覺截然不同,她說:「以前拍拖好浪漫,而家一家四口就好熱鬧,兩個仔第一次嚟日本,仲跟人講日語早晨、謝謝,小朋友學嘢真係好快。」他們去過環球影城,又坐子彈火車,雖然小朋友四圍走,但倩揚仍樂在其中:「日本好多美食,轉頭追住佢哋走,就消耗番好多。」




來源: http://hk.apple.nextmedia.com/entertainment/art/20161008/19794299
陳倩 倩揚 舉家 遊日 日賀 33
PermaLink: https://articles.zkiz.com/?id=311210

陳倩揚陪子面試冇壓力

1 : GS(14)@2016-10-17 08:09:29

陳倩揚和謝芷倫昨日在旺角出席一間美容中心開幕,談及倩揚大兒子準備升小一,近日先後去過七間小學面試,倩揚表示不會將壓力投射在兒子身上,就當是參觀百年老校、新派學校。有否為兒子預備百條題目應付面試?她說:「冇特別訓練佢一啲問題,但平時會灌輸價值觀、課本以外嘅知識畀佢。」現時是自由身的倩揚,早前被電視台邀請主持飲食節目,原來她會下廚,煮12人份量也沒問題。會否出烹飪書?倩揚說:「可以諗,其實上年已經有出版社搵我,但當時細仔仲細,我工作目標又未明朗,但而家唔排除。」採訪:黃曉妍攝影:仇志德




來源: http://hk.apple.nextmedia.com/entertainment/art/20161017/19802829
陳倩 倩揚 揚陪 陪子 面試 壓力
PermaLink: https://articles.zkiz.com/?id=312444

陳倩揚 靚媽腦力創富坊 2016-11-25

1 : GS(14)@2016-11-27 23:34:56

http://skypost.ulifestyle.com.hk ... %8C%E5%9D%8A/236816

【晴報專訊】 娛樂圈不少星級靚媽搞生意為夢想進發,當中前港姐陳倩揚百足咁多爪,除了密密接司儀Job,更投資六位數在網上售賣DIY個人護理用品,實行做個平衡家庭與事業、化身內外兼備的非一般媽咪:「只要識得分配時間,做創業媽媽也有無限潛力!」
身為兩子之母的陳倩揚,以往曾投資護脊腰帶生意,去年尾則創立DIY純天然護理用品品牌Gift-ing,她說:「我皮膚容易敏感,遺傳畀大仔,使用外邊的藥膏又唔清楚成分,因此親自搜尋原材料製作純天然產品,小朋友用後皮膚明顯有改善,我希望將這些經驗分享轉化成為product,幫助其他有需要的媽媽。」
倩揚強調絕對不會將貨就價,所有產品的成本高兼且真材實料,不過,礙於香港租金高企,故暫未考慮開實體店,現時主力在Facebook推廣,當中以潤唇膏、香磚等銷情最理想。
子女入睡後開會
倩揚坦言曾為品牌舉辦工作坊,並向一眾媽媽分享心得,公開傳授DIY護理用品的方程式。談及發展事業之餘如何分配親子時間,她回應:「小朋友約晚上八時多就寢,我會安排在晚上開會及回覆客人查詢,每日抽三小時做私人工作,寧願犧牲睡眠時間去發展事業,其實媽媽搞生意都有無限潛力,不過始終自己都會以家庭為先!」
陳敏之 索腿天后變曲奇女王
早前預告下月底剖腹產子的敏之,她的自家品牌曲奇於上月已創立兩周年,去年更進駐澳門,演藝工作以外的事業發展得有聲有色。敏之的曲奇品牌現時在天后、尖沙咀及旺角等皆有分店及期間限定店,今年聖誕節更會推出曲奇禮盒應節。
陳爽 參茸海味達人
上月宣布懷第二胎,但她仍有精力協助丈夫打理高級海味生意,早前更做直播介紹懷孕前後利用花膠、蟲草的補身貼士。陳爽在今年新年期間,亦曾經在雜誌上教大家如何醒目揀海味,可見她婚後依然事業心重。
撰文:Steven
編輯:黃寶恩
設計:Simon
陳倩 倩揚 靚媽 媽腦 力創 富坊 2016 11 25
PermaLink: https://articles.zkiz.com/?id=317255

陳倩揚操泰拳拋鑊

1 : GS(14)@2017-01-07 00:29:07

陳倩揚和茹素的林穎彤日前參與Green Monday賽馬會「綠在家中GIY」計劃,計劃於早前與陳灼明(明哥)主理的「北河同行」和香港國際社會服務社攜手合作,為深水埗基層家庭舉辦綠色派對。活動當日,陳倩揚和林穎彤即場分享素食的好處,而陳倩揚更準備不少玩具送給現場的小朋友,善長仁翁是她的長子,他自願捐出心愛的玩具。陳倩揚表示非常欣賞「北河同行」明哥對基層的關愛和付出,更即場自薦做明哥的助手,不過明哥笑言他的鑊很大,怕她拋不起,陳倩揚說:「我決定今個新年去操泰拳,希望之後可以幫到明哥。」撰文:非非




來源: http://hk.apple.nextmedia.com/entertainment/art/20170106/19887715
陳倩 倩揚 揚操 泰拳 拋鑊
PermaLink: https://articles.zkiz.com/?id=321654

倩揚教兒子環保

1 : GS(14)@2017-01-14 07:54:36

陳倩揚和林嘉華昨日在九龍灣出席環保比賽活動,陳倩揚本身珍惜資源及環保,但今次比想像中學到更多,自覺有更多不足之處,她說:「以前喺日本讀書,都學識洗咗紙包飲品盒先丟,臨瞓前都會關掉電器電源。不過始終都係覺得垃圾分類未係做得好。食物都唔會浪費,將隔夜餸再整新菜式食埋佢。」她更指學識製造酵素,稍後嘗試自製。而陳倩揚希望將環保意識教育下一代,兒子有時候會提醒父親,她說:「平時我有教小朋友一啲環保概念,例如洗手嗰陣唔好開大水龍頭,有時老公開大水喉佢會聽到話畀我知。」另外,陳倩揚今年會在香港過年,之後為港台拍劇。採訪、攝影:王連連




來源: http://hk.apple.nextmedia.com/entertainment/art/20170113/19894870
倩揚 揚教 兒子 環保
PermaLink: https://articles.zkiz.com/?id=322528

陳倩揚煮素食盆菜團年

1 : GS(14)@2017-01-26 18:22:23

陳倩揚日前親子購食材辦年貨,今年團年飯棄大魚大肉,決意自家炮製素食盆菜,一樣好意頭,大量購入齋鮑魚、素翅、素海參等,她說:「會將素鮑、海參做材料,素翅會加其他食材整撈起,整啲新年菜式,自己廚藝未算好叻,但都夠用。」倩揚平時十分享受親子下廚,最重要令小朋友參與互動,還透露老公多吃素後腰圍減少。倩揚離開無綫後多方面嘗試,與其他平台合作,包括奇妙電視及拍港台劇,曝光率及工作量有增無減,她說:「呢半年係幾精采,有新劇種同角色,嚟緊有個單元劇。」採訪:卓寶花攝影:陳慧安場地提供:甘薯葉




來源: http://hk.apple.nextmedia.com/entertainment/art/20170126/19908692
陳倩 倩揚 揚煮 素食 盆菜 團年
PermaLink: https://articles.zkiz.com/?id=324304

開拍自製劇 陳倩揚倒戈鵬哥豪語:搞旺奇妙

1 : GS(14)@2017-02-11 18:37:59

■鵬哥力撐奇妙電視,希望搞旺個台。



今年5月中,有線寬頻旗下的奇妙電視將啟播,該台近日籌備炮製一系列「入屋」節目。有線娛樂執行董事曾展章前晚跟盧海鵬、黎燕珊、朱潔儀、林芊妤(Coffee)、邵仲衡和陳倩揚等,在尖沙嘴出席奇妙電視春茗。奇妙電視宣佈將製作自家劇《100天Best Before》,綜藝節目有盧海鵬和趙海珠的《放試》、黎燕珊及曾美華的《朝拜傲媽》、邵仲衡的《香港事…香港是…》、Coffee的《吾男吾女》及朱潔儀的《餐桌商機》等。鵬哥前晚豪語說:「支持吓新電視台,大家幫手搞旺佢,唔通希望佢『釘』咩!」



■陳倩揚將為奇妙電視主持親子飲食節目。

■Coffee否認是港女要男友跪地,她又表示另一半將來求婚都不用跪。

■奇妙電視前晚舉行春茗,不少藝人出席。

邵仲衡想試合作

邵仲衡這兩年拍勻港台和ViuTV,他說:「幕前人想試唔同合作方法。」問他接job重質還是重錢?邵仲衡說:「要平衡,唔玩錢唔刺激。」離開無綫即倒戈的陳倩揚,將主持親子飲食節目《細細Love》,她說:「當係新嘅學習環境,新人事新作風。」黎燕珊透露月底為主持的《朝拜傲媽》到日本訪問陳美齡,交流如何把囝囝培育成尖子。同場Coffee大呻男友跪地被嘲是港女,她解釋:「佢作狀跪低,當時男友挖苦我有乜嘢事都走咗去。」Coffee指男友將來求婚都不用跪,她說:「簡簡單單,拎隻戒指出嚟就OK。」


通訊局暫緩處理

另外,奇妙電視有限公司早前向通訊事務管理局申請,除使用固定網絡外,亦可使用頻譜作為新增傳送模式,以提供本地免費電視節目服務,通訊局昨公佈已應奇妙電視的要求,暫緩處理該項申請,直至奇妙電視於其免費電視服務啟播後,可重啟與通訊局的商討為止。換句說話安裝了有線電視固定網絡系統的大廈或物業,才可以於5月開台時看到奇妙電視節目。採訪:劉敏攝影:仇志德




來源: http://hk.apple.nextmedia.com/entertainment/art/20170210/19923162
開拍 自製 陳倩 倩揚 倒戈 鵬哥 豪語 搞旺 奇妙
PermaLink: https://articles.zkiz.com/?id=326300

倩揚談性事冇底線

1 : GS(14)@2017-03-05 09:35:18

陳倩揚與美心妹妹楊鎧凝昨日在西貢出席「SDG小專員計劃2017」活動,倩揚指平日在家會推動環保:「每餐餸都會盡量食晒,水電都會慳啲,自己逐步做起。」奉行素食主義的她,笑指大仔陳羲廷較揀飲擇食:「細佬(陳羲穎)乜都食,有時都要花啲心思?佢哋。」即將為港台及奇妙電視主持節目的倩揚透露:「喺夜晚11點播,以女性為題材嘅節目,都係第一次做。」她自言夠膽談性,會從求知角度出發:「大家都會做,係知識,好多年輕人嘅性知識同二十幾年前冇乜分別,?家都好多未婚媽媽,所以乜都會講。」採訪、攝影:盧妹




來源: http://hk.apple.nextmedia.com/entertainment/art/20170305/19947763
倩揚 揚談 性事 底線
PermaLink: https://articles.zkiz.com/?id=327910

陳倩揚每日收情信

1 : GS(14)@2017-04-29 23:41:42

陳倩揚、郭羨妮和陳國邦昨日在葵芳一個護老院做探訪,並宣傳港台新劇,陳倩揚表示因為母親節會慶祝兩日,因其母和奶奶夾不到時間,但是有時都會跟「4大長老」一齊食飯,陳倩揚教仔,日日都是母親節,她說:「阿仔每日都會寫情信畀我,有時我冇講故事畀佢聽嗰日,仲會摺到封信係心形,會寫佢當日做咗乜嘢,I miss you,我覺得好sweet。」郭羨妮指自己會儲起女兒的信和畫,她表示有意再「造人」,問她老公有冇抽時間,她說:「會,佢下個月會返香港。」陳國邦太太羅敏莊到現場探班,平時陳國邦會跟囡囡做運動,他說:「好似耍雜技,要同佢做monkey bar,又做二人瑜伽,腰力要好好。」採訪、攝影:王連連難得生性暴龍哥創科眾籌夢,遭隱世肥報販秒殺! https://goo.gl/hnEB7D「蘋果VR」App
App store下載:https://goo.gl/0kW2cK
Google Play下載:https://goo.gl/4K7EHw




來源: http://hk.apple.nextmedia.com/entertainment/art/20170429/20005045
陳倩 倩揚 每日 收情 情信
PermaLink: https://articles.zkiz.com/?id=331960

陸詩韻晒Bra做生招牌陳倩揚專攻媽咪賣天然用品

1 : GS(14)@2017-05-07 15:26:26

離開大台嘅葉翠翠,除咗幫老公生咗個乖仔外,仲喺網上做埋KOL同代購,但佢最近就惹上咗麻煩,原來仲有唔少藝人都有做網上生意,一來可以開拓多一個收入來源,二來可借助自己名氣而幫助生意。石天欣嫁咗去美國嘅天欣,唔駛成日拍埋啲「被強姦」戲之外,除咗做人妻專心照顧老公仔之外,佢就不時拍片放上youtube娛樂下大家外,佢仲會做吓代購生意,每日起身要忙回覆客人短訊,執貨搬貨一腳踢,做咗犀利人妻。李思欣離開無綫嘅李思欣,除咗搞飲食生意外,仲投資咗網上嘅珠寶生意,去年佢仲做埋生招牌,影咗一輯好性感嘅廣告相,仲搵埋老公范振鋒客串㖭!陸詩韻剛回歸大台拍劇嘅陸詩韻,去年以英文名命名Sharon's Workshop搞網上生意,買美容產品同睡衣,之後陸詩韻仲賣埋bra,瞓身咁做埋model影宣傳相。陳倩揚靚媽陳倩揚離開大台後,就開始搞自己嘅網上生意,專門售賣自製嘅天然蚊水、家居清潔用品、防脫髮洗水及花水等,客戶主攻媽咪同小朋友。倩揚媽媽仲同一啲創業媽媽成立咗一個叫「香港地創業媽」,佢仲做埋副主席,點知有會員賣假貨,事後陳倩揚就停止咗嗰個會員合作。(新聞連結:http://bit.ly/2pgjUIv)




來源: http://hk.apple.nextmedia.com/entertainment/art/20170507/20013657
詩韻 Bra 做生 招牌 陳倩 倩揚 專攻 媽咪 天然 用品
PermaLink: https://articles.zkiz.com/?id=332383

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019