ZKIZ Archives


冇錢係咪一定要博? Home Blogger

http://www.homebloggerhk.com/?p=5033
umyeung你好 追看你的blog已經有一時間 令我獲益良多 對將來亦開始有計劃 萬分感激.我是一名大專生 將踏出社會工作 屬中產家庭 父母共擁有2層樓 一私樓現值3m 一居屋現在1.45m 皆在粉嶺 都已full paid 唯居屋未補地價 因人多所以皆用以自住 父母已沒有工作 積蓄只能用3-5年 父母答應我婚後居屋轉我名下現已追看你的blog已經有一時間 明白冇錢就要博 幸在股市中資金翻2倍 上星期已全數套現手上資產如下:現金300000 人民幣債券20000 人民幣定期60000居屋未補地價應不能加按 父母屬保守派 亦不淮我私樓加按 認為我太年輕應靠自已 我亦不想勉強他們本人不想付按揭保費 若樓價跌手上資金亦不足以付3成首期 現並不睇好股市 相信短期內不會投資股票就以上情 如何邁出第一步 在退休前擁有2層樓

初心者上

除左解答初心者難題外,諗樣希望再講解冇錢係咪一定要博?

相信八成以上既讀者初出社會都係由零開始,至多好似本文初心者咁好彩父母有樓留比佢。如有名校畢業文憑,事業確實在起步期快人一步,但唔代表可以由頭帶到尾。講返初心者,總括咁講都同其他人一樣都屬冇錢,而大專畢業有幾十萬係袋兼冇卡數係呢個世代值得稱讚。佢睇諗樣講「冇錢者絕對要博」,反而有錢有樓係手應該穩打穩紮行落去。咁講佢應否趁後生利用槓桿係物業市場獲利呢?

其實都係諗樣既錯,講D唔講D。人老確實需要用手上資產錢搵錢,而後生仔必須著重人搵錢,此乃諗樣想講既道理。希望初心者唔好誤會諗樣叫大家趁冇錢時放手係物業市場一博,而放棄進攻自己實務本業。後生仔初出社會一定冇錢,照咁講全部大專大學畢業生都要去「博」? 讀得咁多書父母當然唔想你只靠博去搵錢,所以之前先有庸才之文,叫大家先努力工作了解自己係專才庸才天才後才決定「點入軌」。

另外,千祈唔好建議父母按層私樓比你去作投資(當然如你有必須既自住需要而冇其他方法下按出黎就可以)。就當你靠呢舊錢發左達,我諗你就算唔後悔都難免一生心中有憾。諗樣唔係只講初心者,係要趁呢次發文重申你去打理財富既重點同原由。

講返初心者,未做野先儲到幾十萬非常好。政府現時正設法幫緊佢地上樓,宜在此時靜待政策出籠,做一個冇樓係手既業主。另外就當佢係拚博非常,佢係而家博左買樓反而第時少左個機會。就好似有張大牌係手咁,而家出定留番第時出呢? 建議等待時機,等待都係一種藝術。

所以如果你只有一注錢投資物業市場而沒有居住需要既,都係隔岸觀火為佳。至於之前有建議其他讀者買樓換樓,係因為根據佢地提供既收入計算,及已預留借貸力係淡市入貨之用。如果我係初心者,會將已有約四十萬作低風險投資,努力係呢幾年用人搵錢賺多四十萬。到時父母有間樓比佢,自己又再將儲到近一百萬,及後一拆二於不同時段買兩間樓。淨係三十歲前做到擁有三(兩間買一間)間樓係手已經羨剎旁人。當然「好仔不望爺田地」,集中精力發展事業,靠自己成就事業,呢個過程絕對係無價! 亦都冇人可以比到你既美好記憶。


冇錢 錢係 係咪 一定 要博 Home Blogger
PermaLink: https://articles.zkiz.com/?id=39784

冇錢係咪一定要博?(答) Home Blogger

http://www.homebloggerhk.com/?p=5461

除左解答初心者難題外,諗樣希望再講解冇錢係咪一定要博?

相信八成以上既讀者初出社會都係由零開始,至多好似本文初心者咁好彩父母有樓留比佢。如有名校畢業文憑,事業確實在起步期快人一步,但唔代表可以由頭帶到尾。講返初心者,總括咁講都同其他人一樣都屬冇錢,而大專畢業有幾十萬係袋兼冇卡數係呢個世代值得稱讚。佢睇諗樣講「冇錢者絕對要博」,反而有錢有樓係手應該穩打穩紮行落去。咁講佢應否趁後生利用槓桿係物業市場獲利呢?

其實都係諗樣既錯,講D唔講D。人老確實需要用手上資產錢搵錢,而後生仔必須著重人搵錢,此乃諗樣想講既道理。希望初心者唔好誤會諗樣叫大家趁冇錢時放手係物業市場一博,而放棄進攻自己實務本業。後生仔初出社會一定冇錢,照咁講全部大專大學畢業生都要去「博」? 讀得咁多書父母當然唔想你只靠博去搵錢,所以之前先有庸才之文,叫大家先努力工作了解自己係專才庸才天才後才決定「點入軌」。

另外,千祈唔好建議父母按層私樓比你去作投資(當然如你有必須既自住需要而冇其他方法下按出黎就可以)。就當你靠呢舊錢發左達,我諗你就算唔後悔都難免一生心中有憾。諗樣唔係只講初心者,係要趁呢次發文重申你去打理財富既重點同原由。

講返初心者,未做野先儲到幾十萬非常好。政府現時正設法幫緊佢地上樓,宜在此時靜待政策出籠,做一個冇樓係手既業主。另外就當佢係拚博非常,佢係而家博左買樓反而第時少左個機會。就好似有張大牌係手咁,而家出定留番第時出呢? 建議等待時機,等待都係一種藝術。

所以如果你只有一注錢投資物業市場而沒有居住需要既,都係隔岸觀火為佳。至於之前有建議其他讀者買樓換樓,係因為根據佢地提供既收入計算,及已預留借貸力係淡市入貨之用。如果我係初心者,會將已有約四十萬作低風險投資,努力係呢幾年用人搵錢賺多四十萬。到時父母有間樓比佢,自己又再將儲到近一百萬,及後一拆二於不同時段買兩間樓。淨係三十歲前做到擁有三(兩間買一間)間樓係手已經羨剎旁人。當然「好仔不望爺田地」,集中精力發展事業,靠自己成就事業,呢個過程絕對係無價! 亦都冇人可以比到你既美好記憶。

冇錢 錢係 係咪 一定 要博 Home Blogger
PermaLink: https://articles.zkiz.com/?id=43009

王維基 魔童 單挑 689 「係咪特首最大?」

2013-10-24  NM

免費電視牌照風波上演一週,情節比電視劇更峰迴路轉。週二梁振英召開行政會議前試圖解畫撲火,但王維基旋即現身反擊,正式宣布入稟法院司法覆核挑戰政府,更大罵匿名放風的梁班子成員抹黑港視,矛頭直指梁振英違反程序,私自改變遊戲規則。「到底係法律大、政策大,定係特首最大?」
雖然梁振英及王維基多次強調發牌不涉政治因素,但有建制派消息人士拆局,聲稱不懂政治的王維基,其實一直依附「唐營」打通內地人脈關係,不但曾加入自由黨,當上特首選委,擔任省級政協,亦曾被邀加入國慶觀禮團。可惜其出位及高調行徑,早已觸怒本港傳統左派陣營,隨着「挺唐」的港澳辦失勢,加上經歷「反國教」慘敗一役,梁振英為團結及討好這班最後的支持者,不惜付上巨大政治代價,誓要將王維基逐出免費電視市場。
王維基在週二的記者會上,呼籲在政府總部集會的同事先回家休息,並計劃與政府作長期抗爭。他又表示連日來已非常克制,但面對政府抹黑,容忍限度已到達臨界面,並嚴詞厲色道:「你唔好激嬲我!」

 


梁振英在發牌風波後週二終於現身撲火,親自接收香港電視員工的請願信,並說道:「辛苦你哋喇。」(羅國輝攝) 

面對連日來民憤不斷升溫,建制派先後跳船,梁振英週二早上花了約二十分鐘解釋不發牌的原因,卻處處以保密為由不肯透露詳情,只重申不涉政治理由,又暗批香港電視財政狀況差,未必能持續經營。「政府不希望競爭帶來的進步只是曇花一現。」
王維基在收市後召開記者會還擊梁振英,而且由語氣到表情,明顯比上週記者會激動。記者會甫開始,王維基便質疑特首的解釋是火上加油,已決定以司法覆核挑戰政府不發牌的決定。「港視已得到有力嘅法律意見,認為勝算相當高。」

王維基:已到臨界面

他又質疑政府由原本發牌數目無上限,突然更改政策為只發兩個牌照,卻從沒進行公眾諮詢,怒火中燒說:「依家香港到底係法律大、政策大,抑或係特首最大?」他指出政府改變遊戲規則,但又不容許香港電視更改計劃書,而即使以舊有的評分標準,港視的得分從來沒試過包尾,特首及行會是違反程序公義。
最離譜是政府為了抗衡行會成員洩露顧問報告,居然向親建制傳媒放風,指香港電視賣走香港寬頻業務是失牌的致命傷,並指港視他日若獲得發牌,便須付巨款租用網絡傳送信號,但實情是王維基賣走業務時,已經與新買家簽約,無條件免費使用香港寬頻的光纖網絡二十年,質疑政府官員用「流料」抹黑港視,說到此處王維基愈說愈火,三次強調自己連日來已經非常克制。「我已忍讓多日,心理狀態達臨界面……唔好激嬲我!」他又表示,已經作好長期抗爭的準備,亦從未聽過中央出手干預,矛頭直指梁振英是整場風波的始作俑者。
據了解,王維基近日四出「摸底」,對象包括中聯辦官員,令他確信港視不獲發牌非中央立場,他仍有力與梁振英一鬥。王維基在爭取發牌上一直在背後發功,部署與梁振英政府角力。早於週日的遊行前,個人選擇不上街的王維基向廿多名高層員工透過私人訊息發送密令,包括不要人身攻擊,也不要評論或說梁振英的壞話;並稱爭取發牌予香港電視,現階段不切實際,也不會得到港人支持,員工應以要求政府解釋不獲發牌原因作為目標;更兩度重申「 We are fighting for HK.(我們為香港而戰)」。
知情人士則透露,王維基旨在讓同事冷靜下來,「唔好亂晒龍,要知道自己爭取嘅係啲咩嘢。」本刊週一就此事向香港電視查詢,發言人只回應:「內部通訊,不作回應。」


王維基表明不會參加政府總部的集會,卻透過私人訊息給予員工「溫馨提示」。 

自由黨創黨主席李鵬飛(前排中)憶述,王維基九三年已入黨。 

入自由黨結識唐英年

「王維基唔熱衷政治係事實,但唔代表佢唔識搞政治,同香港好多生意人一樣,佢一早已經買咗政治保險。」有建制派消息人士透露,王維基在香港傳媒面前處處顯得不愛討論政治,但其實深諳政治及權術,多年來一直苦心經營與北京的關係,踏腳石正是代表工商界利益的自由黨,早於九十年代已成為創黨黨員。
自由黨創黨主席李鵬飛接受本刊電話訪問時承認,九十年代王維基由加拿大回流香港,九三年便透過中間人介紹,主動要求入黨。「我知佢喺加拿大搞開回撥式長途電話生意,佢入黨第一件事就問我,支唔支持香港開放長途電話市場。」李鵬飛回憶說,當年市場上只有香港國際電訊專營長途電話業務,打電話到美加動輒收費十數元一分鐘,遂非常支持王維基打破壟斷,至九八年國際電訊終交出經營權。「王維基絕對係一個叻人,亦好有魄力,但後來佢話自己唔熟政治,九八年就退咗黨。」李鵬飛說。
有資深自由黨黨員透露,王維基雖然名義上退了黨,但一直與自由黨內核心成員保持良好關係,其中一個正是唐英年。該名黨員爆料稱,二○○四年港澳辦牽頭帶領港澳富豪考察內地東北,由時任國務院港澳辦主任、政協副主席廖暉親自帶隊,港方團長則是財政司司長唐英年。「中央吹雞,各大家族都派成員撐場,王維基唔算富豪,亦唔見得會投資汽車製造等重工業,佢報名參加只因當時政府傾緊開放家居固網的連接權。」翌年,王維基便出任其家鄉浙江省政協委員。
他又分析指,王維基過往經營的長途電話、固網寬頻以至現時的免費電視業務都有一個共通點,就是市場都由龍頭公司壟斷多年,王維基以大衞擊倒巨人哥利亞的姿態出現。「但佢成功嘅先決條件係政府配合開放市場,改變固有政策,所以王維基一直都有部署爭取政治籌碼。」
為了增加政治資本,王維基○六年參加特首選舉委員會,當年更以第三高票當選,得票僅次於譚偉豪及莫乃光。


週日十二萬名市民穿黑衣上街,高呼還我電視選擇權,又舉起手掌代表香港應有五個免費電視台。(曾春南攝) 

王維基是自由黨創黨成員,九八年退黨後依然保持良好關係,今年初更獲主席周梁淑怡邀請出席該黨青年團的活動。 

王維基潛伏「唐營」多年,○四年便參加了港澳辦主任廖暉(右)及唐英年(左二)帶隊的內地東北考察團。

做選委靠攏權力核心


王維基○九年申請免費電視牌照,同年加入互聯網專業協會任常務理事,該會會長鄧淑明(中)去年被揭偷步替唐英年製作競選網站。(江永健攝) 

有資訊科技界選民透露,王維基除了知名度高,有創意及花心思的拉票技巧令人一見難忘。「他的選舉宣傳信件有親筆語句及簽名,內附一支沒有筆芯的原子筆,諷刺政府對業界『無心』。」一一年王維基「冧庄」以高票當選選委。業界人士透露,王維基打着獨立人士旗號出選,但行內人都知他是親建制陣營,每逢有鴻圖大計他便「出山」,與唐英年關係更是千絲萬縷。
○九年,王維基向政府申請免費電視牌照,同年他便出任互聯網專業協會( iProA)的常務理事,一做便是三年,據知情人士所講,王維基與時任會長鄧淑明交情非淺,兩人更互相提名對方參加特首選委。鄧淑明去年被踢爆,替打算出選行政長官的唐英年製作競選網站,並曾擔當中間人,替唐英年牽線搞飯局,打通資訊科技界的人脈網絡。
「梁振英仲未跑出之時,唐英年一直係特首大熱,王維基投資唐營多年,一直以為發牌無問題。」有建制派人士解釋,外間盛傳王維基○八年出任亞視總裁期間已得罪中央,實情卻是王維基得到「唐營」勢力支持,早已獲中央開綠燈,是故翌年曾蔭權政府主動邀請王維基申請牌照。「○九年九月王維基仲被邀請加入『國慶觀禮團』去北京觀禮,好多人恨去都去唔到,連李鵬飛都被踢出局,若果王維基得罪咗中央,仲點可能被邀請。」
唐營的靠山是主管港澳事務的廖暉,這已是公開的秘密,為穩定管治勢力,廖暉一直以各種利益統戰香港政商界。港府對王維基作出邀請,事前亦肯定得中央首肯,但到了去年梁振英當選特首,廖暉與政商界建立的集團隨之瓦解,唐營亦因而失勢。

梁振英眾叛親離

林煥光(行政會議召集人)
「最終決策都係行政長官……希望局方同事或者特區政府高層盡可能把握向外嘅機會,進一步向大家闡述。」

陳智思(行會成員)
「今次我哋嘅決定,大家係有咁多疑點,或者大家都想更加交代清楚。」

李慧琼(行會成員)
「雖然係有司法覆核,咁我希望政府都可以再次審視,係唔係有一啲空間可以披露更多嘅資料讓市民明白。」

 

蘇錦樑(商務及經濟發展局長)
「(局方)喺處理申請上,搜集資料同各個機構有關嘅申述……我哋亦已經將呢啲申述送交行政長官會同行政會議考慮。」

 

葉劉淑儀(行會成員)
「行會係無可能朝令夕改……但係唔排除未獲發牌嘅公司可以再申請過,佢亦都可以向我哋(行會)提出反對或者上訴。」

 

田北俊(自由黨黨魁)
「盡量同建制派各政黨,同埋泛民各政黨去傾一傾,我哋可唔可能所有大黨全部都支持政府俾番三個牌。」

 

曾鈺成(立法會主席)
「我只能夠噏『三個字』,不能漠視(民意)……我諗政府亦都一定一定一定要重視。」

廖暉失勢王維基失牌


王維基○八年出任亞視總裁十二天便辭職,其間豪語說不做中央十台,結果觸怒了傳統左派陣營。(張國慶攝) 

「廖暉嘅港澳辦對政商界容忍較大,但取而代之的中聯辦,以及梁振英背後傳統左派及土共人士,則非常重視根正苗紅、政治思想正確,王維基這類純粹撈政治本錢嘅生意人,注定無運行。」一名親北京人士解釋,廖暉黯然退下來,代表香港與內地的人脈關係重新洗牌,王維基的人脈網亦隨之失效。
「其實這一年來,一直有中間人開出條件,只係王維基唔肯妥協,加上佢嘅唐營背景,以及任職亞視期間,曾經豪言壯語話唔會做中央台,梁振英及後面班土共早已睇唔順眼。」他又透露,之前反國教科一役,一班支持梁振英的傳統左派人士,對梁班子的處理手法,以致最終作出讓步已非常不滿,梁振英為籠絡及團結這班支持者,甘願付出巨大政治成本,拒絕發牌給王維基。
觀乎行會自去年梁振英上場後的態度,便能引證以上說法。行會消息人士坦言,曾蔭權政府年代,廣管局及獨立顧問報告都已表明,原則上容許發出三個牌照。但自七月梁振英及新任行會班子上場後,態度便一百八十度轉變,更向傳媒放風牌照將三變二,只是當時大家都以為「失牌」的不會是香港電視。

梁振英懶理反對意見


有建制派人士擔心,牌照風波最終演變成去年反國教風波的翻版,政府迫於民意而讓步,連累力挺政府的議員陪葬。 

該消息透露,部分行會成員包括林煥光及羅范椒芬,去年曾支持發出三個牌照,但直至上週二行會拍板一刻,各人並無再表態堅持。有與會人士形容,梁振英早有定案,再爭論亦是徒然,「梁生立場好鮮明,好多人覺得拗都無謂。有人事後更不滿話:『點反對?講極都係嗰條 line﹗』所以好多人咪費事出聲。出面話行會大多數人支持發兩個牌,其實較為準確嘅講法,係無人反對囉,因為有人已經決定咗。」
更致命的是,當梁振英發現有成員洩露行會密件,以示反對行會決定後,為求盡快平息內部出現分歧的傳聞,透過身邊幕僚包括特首辦主任邱騰華、政府新聞處處長黃偉綸及行政會議成員張志剛,以「政府權威消息人士」身份向挺梁的傳媒解畫,令行會進一步撕裂,「公務員對審批過程違反程序公義已經好不滿;好多行會中人亦好嬲,你呢頭叫人嚴格遵守保密制度,嗰頭又叫其他人放料,咁做法令行會誠信蕩然無存。」事實上,連日消息滿天飛,作為政府第二及三號人物的政務司司長林鄭月娥及財政司司長曾俊華,一直沒有現身撐政府。主責電視政策的蘇錦樑本週二也來一招疑似哽咽,聲稱商務局僅協助特首及行會搜集資料,把申請者的陳述交對方考慮,跟梁振英撇清界線。

與內地談判不易妥協


依附唐營多年的王維基一直以為電視牌照十拿九穩,但隨着梁振英代表的土共路線上場,發牌一事凍過水。 

面對王維基的反擊,梁振英亦不甘示弱,週二離港前向記者說:「我哋(政府)會喺法庭嗰度,將特區政府嘅理據向法庭陳述。」看來王維基要打倒無綫電視這個廣播巨人,還要先過梁振英一關。
不過,有消息透露,王維基一直透過中間人,直接與內地談判,期望中央開綠燈。其中的方案包括,讓隱形左派資金入股香港電視,又或透過收購亞洲電視注入香港電視的業務,其共通點是王維基不能再擔任單一股東。另一做法則是在內地設立後期製作中心,或與內地媒體合組公司。「總之一句講晒,就係要有嘢俾阿爺揸手,因為北京最擔心就係一間不受控的電視台。」
不過,消息人士亦坦言,王維基妥協的機會極微,否則亦不需要進行司法覆核,而即使王維基讓步,政府亦肯定不會在短期內增發牌照,予人覺得政府朝令夕改,讓其他四個電視台有藉口以法律形式挑戰政府的決定。

傻佬掟錢 員工發夢

本月十五日,政府宣布香港電視死亡。「咩心情?係諗唔到嘢……我哋好努力拍攝嘅作品,人哋睇唔到,好嘥,好灰心,唔係冇咗份工咁簡單。」翌日,王維基宣布裁員。任職副導演一年多的嚴嘉兒拿着攝錄機回到公司,拍攝的不再是劇本創作,而是真人真事:員工執包袱,「當然我哋公司啲人黐線㗎嘛,執嘢走係笑住走,冇所謂啦,笑住嚟做就笑住離開,做乜要喊晒啫!喊係因為唔捨得同事,我哋每一次同同事擁抱,都忍唔住喊。」
雖然被裁退,但台前幕後員工仍有機會在離開前「瞻仰遺容」,內部收看未有機會「出街」的劇集和節目,「佢哋攞番《新聞導火線》第一集俾內部員工睇,欣賞番大家努力嘅成果,做一啲內部分享會。我都有拍低呢啲記錄,大家覺得好不忿,因為真係好好睇,周家怡真係做得好好,我同佢講,『你係我心目中今年嘅最佳女主角』,大家都忍唔住喊。點解呢個演員喺 TVB做咗咁多年都冇機會?冇人覺得周家怡係一個明星,冇人發掘過佢嘅潛能。」


數百名港視員工及支持者趁週二行會開會前,到特首辦請願,要求行會解釋不發牌原因。(羅國輝攝) 

港視副導演嚴嘉兒說起開台的喜和不獲發牌的悲,不禁熱淚盈眶。(蘇智鑫攝) 

我不甘心

就是這一份不甘心,讓香港電視全體七百名員工花三日時間,大搞遊行集會,抗議政府發牌黑箱作業。這群人從不是社運搞手,今次勇敢站出來,是為香港爭取公義,「我哋公司台前幕後或高層,都唔係好有經驗去搞一個遊行,你知我哋淨係識拍嘢。遊行前一晚十一點幾,班編劇仲喺度界緊立場書,把鍘刀唔見咗,結果逐張逐張界,界到凌晨四點幾。我哋一路界、一路諗,香港人習慣係咩?個心話支持你,但要佢哋過海、行出嚟,就會話唔關佢哋事。」
幸好,香港人還沒有令港視員工失望,本週日逾十二萬人上街,「還我香港電視」、「我要高質節目,唔要 BBQ結局!」等口號,充斥銅鑼灣至金鐘街頭,港視藝員林文龍更在政府總部集會,質問蘇錦樑「你係咪男人嚟㗎」,獲得全場掌聲和歡呼。
最令嘉兒感動的場面,是集會尾聲,市民亮起手機、揮動燈光,與一眾員工齊唱《 This is my dream》,她把這個感人片段,紀錄在鏡頭內。「有咁多人支持我哋、撐我哋,係冇諗過。」


藝員周家怡在政總舉行的晚會上泣不成聲,不停多謝王維基給予演戲機會,終可以徹底追尋演戲夢。(蘇智鑫攝) 

王維基早前向被解僱員工派發利是及感謝卡,員工阿煜收到的那一張,只寫上三個字「不甘心」。(港視員工提供圖片) 

街頭開騷

集會完畢,紀錄片未完。港視約六十名員工通宵留守政總,以示爭取發牌的決心。嘉兒則準備了幾百張咭紙,打算分發給員工寫下心聲,再親手交給老闆王維基,「今日冇咗個牌,個人嚟講就係冇咗份工,整個行業嚟講就係打壓。作為呢個行業嘅一分子,你都唔出嚟、唔留守,你又有幾鍾意呢一行?」
留在黑漆漆的政總,嘉兒並不孤單,「有時我哋行開行埋去洗手間,喺天橋無啦啦會有人嗌『撐你呀!加油!』」一整晚,嘉兒沒睡,翌日又再準備「上街睇電視」晚會活動,今次,嘉兒算是半個統籌人。「前一晚十一點幾十二點,先開始傾晚會活動、聯絡,講緊得幾個鐘,要去決定做乜嘢。嗌台前幕後嘅人嚟撐場,唔係一件輕易嘅事,因為時間太短。」
努力,總有人支持。由早到晚,都有朋友和市民拿着物資和食物贈送一眾員工,「 keep住慰問我哋,好窩心,喺咁嘅環境下有大家撐我哋嘅心意,好感動。」
港視員工不負眾望,本週一晚上八時,晚會正式「開 show」,播放綜藝節目《挑戰》精華版,主持劉玉翠、艾威、周俊偉,到越南徒步攀山往韓松洞,成為亞洲首隊攝製隊穿越整個岩洞的壯舉;又播放劇集《警界線》濃縮片段,雖然網上已有近九十萬人次觀看影片,但在場近萬名觀眾仍看得熱血沸騰,不時叫好又拍手,台前幕後分享感受時,不少市民熱淚盈眶,場面感人。


首次遊行的簡先生,希望讓女兒知道社會需要公平公義。(江永健攝) 

市民亮起手機燈光,大唱《 This is my dream》,希望香港電視能在黑暗中再次發光發亮。(曾春南攝) 

有市民扮成亞視主要投資者王征,出席週日遊行後的政總集會,未知「王征」對發牌予港視有何看法?(曾春南攝)

最叻的人

「搞呢個活動,我哋都係好俾心機,我覺得係一個 good show,我覺得話到俾大家聽,我哋呢班香港電視嘅人,台前幕後都係好有能力,好 proud of自己。我哋唔係做一個普通嘅娛樂節目,係一個 public issue,爭取緊唔發牌俾我哋嘅原因,我哋要求解釋。我哋係呢行最有才能嘅人,但點解我哋攞唔到個牌?我哋嘅夢都碎。」
大學讀物理出身的嘉兒,曾修讀電影文憑,五年前到無綫當助理編導,由低做起,「但以前喺 TVB做導演,或做幕後,唔係幾受到高層尊重。我啱啱入行,做好細微嘅位,我哋導演組冇得同創作組傾劇本,冇溝通,個架構係編劇有編劇寫嘢,導演有導演拍嘢,總之大家揼夠幾多萬字、拍夠幾多個 shot,夠晒 duration就出街啦,個感覺就係咁樣,流水作業囉!」
「(無綫)晉升機會非常低,一個 PA(助理編導),起碼要等成十年先可以升做導演,但入到嚟港視就唔同。有條傻佬掟錢出嚟,燒銀紙咁拍戲,傻㗎,咪同佢一齊癲囉。冇掣肘,冇指引,鍾意寫咩咪寫咩,寫宇宙大戰都得,冇所謂,你寫到出嚟,製作組覺得拍到,就拍㗎喇。就係一個咁 open-minded嘅人,乜嘢都夠膽試,做創作好緊要,尤其係對編劇嚟講,冇限制地 free style去寫真係好好。」

 

本月三十一日是嘉兒的最後上班日,事到如今,她沒有想「失業」的事,因為手上有更重要的工作,就是把員工過去一週的片段盡快剪輯,製作成為「港視的三年零十個月」,讓她發最後一個港視導演夢,「我哋輸得起,如果有道理。」

白費心血

加入香港電視一年多的配音員阿煜,對於政府決定不發牌予香港電視,他感嘆配音組三十多人的心血付諸流水,「有同事喺員工大會問,王生都話無辦法,嗰八百個小時外購節目係買咗電視台播映權,又賣唔番出去,非常之心痛,好唔甘心。有同事喊,都係因為心血被白費晒。有啲動畫,我哋成組一齊開會諗對白,睇吓點樣可以令香港人有共鳴啲,啲 gag位點令香港人識笑,咁俾心機配,點解一下子就付諸流水?點解政府唔俾個交代呢個電視台?」
已被裁走的他,仍希望繼續堅持夢想,但擔心行業生態再無轉變空間,「有前輩想介紹我哋(被裁員工)做啲外判 job,但仲未知可唔可以當 full time工咁做,咁多間電視台,得 TVB有配音組,其他台都係外判,價錢好低,出糧時間唔穩定,可能三個月至半年先有人工出,好多人做一陣就走,作品質素就會比較參差。」對於前景,他只能說會繼續嘗試,「但希望有奇跡出現啦!」


香港電視去年底正式開台,想不到王維基的電視大亨夢,竟死在「一籃子」的莫須有原因中。(王偉洪攝) 

八百小時的外購節目,早已配上廣東話,但心血卻因「一籃子因素」而面世無望,配音員阿煜連日來留守政總,只希望政府給他一個交代。(江永健攝) 

港視員工及市民週日遊行集會完畢後,通宵留守政總抗議,有市民早有準備,當場敷面膜護膚。(蘇智鑫攝)

公義至上


香港人想睇香港電視,更想追求公義,你今日 like咗未?(蘇智鑫攝) 

與他一樣對政府決定滿腦疑問和憤慨的,還有連日來狠批政府、曾製作《尋找他鄉的故事》、《向世界出發》等綜藝資訊節目的「金牌監製」鄧婉媚,她首次被迫走上街頭,全因政府從未清楚交代香港電視的死因,「從來做電視製作嘅人都好簡單,只係想做好創作俾觀眾睇,想喺當中搵滿足感,但呢排講咁多嘢,係因為真係好嬲。今次關乎自己公司、行業同公義,如果(發牌)呢件事係咁,點同下一代講?原來無 prepare,會得到最好嘅嘢,但好努力,點辛苦都會被否定,將來政府用同樣 logic去諗嘢,個社會會點?飯碗唔重要,(公義)呢樣嘢先最重要。」


維基 魔童 單挑 689 係咪 特首 最大
PermaLink: https://articles.zkiz.com/?id=79478

對冲基金經理 A問:「係咪可以再沽空?」

1 : GS(14)@2011-10-03 21:38:33

http://hk.apple.nextmedia.com/te ... 307&art_id=15668030

其中有個趁大市回升平咗倉嘅對冲基金經理 A問:「係咪可以再沽空?」
入咗飛認購新股、想抽飛又抽唔到嘅對冲基金經理 B答:「可唔可以調高新股限價盤個價,同唔要咁多貨?」
仲揸住好多貨嘅對冲基金經理 C話:「要確保我哋嘅投資配置安全!」
長線基金又點?清咗倉嘅長線基金經理 D話:「通街平貨,但我都係鍾意錢多啲。」
想買嘢嘅長線基金經理 E話:「有冇嘢好買?我要最差情況下嘅目標價。」
同樣清咗倉嘅長線基金經理 F話:「不如去旅行咯,未來 3個月都冇乜嘢好搞。」
睇完基金經理嘅諗法,大家今個禮拜仲會唔會買嘢呢又!
對沖 基金 經理 係咪 可以 沽空
PermaLink: https://articles.zkiz.com/?id=276153

係咪好多人唔鍾意B仔涼粉呢?

1 : GS(14)@2012-02-01 21:38:55

http://www.inv168.com/phpBB3/vie ... 7f72ccd1a014699c275
由 whlo » 週三 2月 1日, 2012年 9:02 pm

http://proxy2.hkreporter.com/tal ... intable&tid=1305548
話說1987年左右,
有班軍裝差人收完工,
去呢間甜品店食野,
你知啦,以前d差人收左工最鍾意搵下著數,
呢間甜品店一向擺出街,
最怕差人告阻街,
當然熱情招呼呢班大帝,
老細就問其中一個差人食d乜?
以前冇咁多花款嘛,
但個軍裝又想食多幾味,
就同老細講:乜都要d,乜撚都有。

老細為左招巴班差人,
就用果盤乜Q都放落去,
涼粉西瓜密瓜......總之乜撚生果都隊晚落去,
再鋪d冰、糖水、奶....
整到"九"咁大盤,
慌死食佢唔死咁。

之不過個差人見到咁Q大兜...甜品,
反而好受落,
原因好簡單,
細碟甜品價食到特點,
你話開唔開心。

久而久之,呢位差人次次去到都order呢個"乜撚都有"既甜品,
仲帶埋其他同事黎,
對住呢班蝗蟲,老細有冇扁咀我唔知,
但日子耐左,
其他食客見到隔離枱有咁大盤既甜品,
有樣學樣,又要order,
而老細亦以呢個差人既綽號而改左呢個B仔涼粉個名。
十傳十,十傳百,加上個名易記又親切,
呢家甜品舖索性改埋名叫"B仔",
之後一輪都好好生意。

而呢個差人來頭唔細,
佢後來犯事革扯左,
而家係號碼字頭大佬。



有朋友話佢會回收d食餘的材料循環再用,唔知堅定流,我有次同個friend入去食, 食完揸車走, 未到屯門已經要落車嘔, 衛生程度可想而知
2 : 游浪潮(3792)@2012-02-01 21:47:14

聽講話係有人影到佢地有回收
3 : GS(14)@2012-02-01 21:49:39

2樓提及
聽講話係有人影到佢地有回收


咁恐怖
4 : dennis001(8614)@2012-02-01 22:47:53

元朗佳記甜品?

區內人唔多食B仔涼粉,多數叫其他架喎
5 : GS(14)@2012-02-01 22:48:33

4樓提及
元朗佳記甜品?

區內人唔多食B仔涼粉,多數叫其他架喎


例如?
6 : dennis001(8614)@2012-02-01 23:34:00

班戟,布甸,中式甜品呢類啦

但間中有人會叫B仔涼粉的,好唔好食見仁見智
7 : 龍生(798)@2012-02-02 01:14:17

發財前可能就會...發左, 而家唔駛回收啦
8 : 中年人(22009)@2012-02-02 04:31:41

5樓提及
4樓提及
元朗佳記甜品?

區內人唔多食B仔涼粉,多數叫其他架喎


例如?


B仔係元朗區最難食ge, 泛后好食d
9 : GS(14)@2012-02-02 21:29:47

6樓提及
班戟,布甸,中式甜品呢類啦

但間中有人會叫B仔涼粉的,好唔好食見仁見智


我真是想過來試下,不過...
10 : fineram(806)@2012-02-02 22:02:48

通常係食雞翼尖
係咪 好多 人唔 鍾意 涼粉
PermaLink: https://articles.zkiz.com/?id=277520

豪言大志:係咪做咗特首就唔答記者

1 : GS(14)@2012-03-30 23:59:55

http://www.sharpdaily.hk/article/index/38065/20120330/73723
係咪做咗特首就唔答記者?其實即係問,係咪紅咗就唔識人?係咪打完齋唔要和尚/係咪完鬆/係咪割禾青/係咪香口膠食完就吐?
答案:係,又唔係。唔好打我住,唔係廢話,係實話。
點解話「係」,你諗吓,嚿香口膠都無味,點解唔吐呢?何苦含住,唔通要吞落肚?請和尚嘅目的就係打齋,咁齋都完咗,任務完成,和尚亦無唔走嘅理由,打完齋唔走嘅和尚,嗰啲叫「賴死唔走」。
啲人點解千方百計想紅,因為紅咗就係啲人走嚟識你,你唔使識人;紅人不能個個都識,這太濫了,失去了「矜貴」,失去了忽然和粉絲握手擁抱的「親民效果」。
你想想,如果胡溫年年月月日日都像個帶孩子的爺爺,無時無刻都抱着祖國未來的花朵拍照,那麼下次溫爺爺要展現自己「和顏悅色」的形象,要抱甚麼才好?
所以,這是一個很吊詭的命題,要親民,便要先擺架子,這才能有「放下身段無架子」的效果。
其實CY未登場,也不是逢記者問題必答,還記得星島記者追問他戴德梁行清盤的問題嗎?CY也是一言不發。不止政客,就算明星也是如此,要出碟有新戲宣傳,當然巡迴訪問大咪牌細咪牌來者不拒;宣傳期一過,被你影到街邊拖新女煲煙,當然破口大罵黑面離場。這不代表不親民,只代表「交易期過」,下次有需要再會。
CY肯定會回答記者問題,如果佢要Sell嘢/如果佢不幸賴嘢/如果問嘅記者唔係嗰幾份報紙……

電郵:mcwriter@sharpdaily.com.hk

曾志豪
豪言 大誌 係咪 咪做 做咗 特首 就唔 唔答 記者
PermaLink: https://articles.zkiz.com/?id=278503

展鵬咀嘉欣 驚問:係咪OK

1 : GS(14)@2012-11-11 11:43:00

無乜特別
http://hk.apple.nextmedia.com/entertainment/art/20121111/18063300

前後兩次廿秒
因為場戲係講陳展鵬喺雨中搵到喺電話亭避雨嘅嘉欣,所以現場安排兩位工作人員喺度造雨自製浪漫。未埋位嘅時候,展鵬不停同嘉欣度面位同嘴位,原來佢哋拍嘅係一場咀嘴戲。試咗兩次到正式拍攝之前,見到嘉欣非常有公德,不停喺度咬香口膠,費事一陣有口氣係人都怕咗你。導演叫開機嘅時侯,展鵬先錫嘉欣塊面跟手就咀落去。當叫停時展鵬好細心幫嘉欣撥水同問佢「係咪OK」,之後再拍再錫就搞掂。前後都係錫咗兩次,每次10秒左右,冇乜點蝕底,如果再錫落去高登仔一定為女神出頭,去TVB電視城抗議都有份。
採訪、攝影:黃曉程、彭琮然、羅德光
展鵬 鵬咀 咀嘉 嘉欣 驚問 係咪 OK
PermaLink: https://articles.zkiz.com/?id=281922

「係咪俾我去佔區,就等如無力管教?」粉筆少女心痛父受指摘

1 : GS(14)@2015-01-22 08:31:50





【本報訊】涉以粉筆在連儂牆畫花的十四歲少女遭警申請兒童保護令,激起民憤,縱使法庭其後撤銷保護令,但已令她心靈受創。相比遭三十警圍捕或身陷兒童院的恐怖時光,聽障父親背負無力管教的指摘更令她難受,「我喊咗一陣,應承自己,以後要無畏無懼」。少女透露,在警署通宵拘留十七小時期間屢遭警員不公對待,包括企圖趁她無成年人陪同下錄取口供,她擬投訴警察濫權。記者:白琳粉筆少女在法庭裁決後向本報透露,案發當晚十多名警員包圍她,未幾增至三十警,她當時並不害怕,「因為好多市民喺外圍睇住,我知道警察唔敢亂嚟」。她被帶返警署後,警員企圖在沒有其他成年人在場下錄口供,她不肯就範。「好似特登博我講錯嘢。我平時睇電視,學識緘默權」。她被拘期間因胃痛獲醫生處方胃藥,但警拖了四個多小時才讓她服藥,「由得我胃抽筋,慘過俾人打」;拘留十一小時後完成保釋手續,警卻以開會為由,要多等六個小時才放人。



住兒童院度日如年

粉筆少女事件激起社會反響,有人向傳媒放風羅列其「前科」。少女承認,讀中一曾經與父親爭執而離家出走。她又稱在學校遭同學毆打時,推了對方一下,遭警司警誡兩年。從離家出走到參與雨傘運動,少女都願意為行為負責任,但不能接受父親受屈,連他廿多年前的案底也被翻出來,「如果聽障係無力照顧我既理由,係一種侮辱。」父親初時反對女兒去佔領區,後來只好尊重,「佢好錫我,好努力做一個爸爸。係咪俾我去佔領區,就等如無力管教?佢作為父親嘅權利都俾人剝奪,我退庭嗰陣喊咗出嚟。」少女被關進兒童院三天,度日如年,每天只能與父相聚四十五分鐘。院內禁止帶護膚品,她雙頰發紅「爆坼」,院友笑她「爛面怪」,「我同院友講點解入嚟,佢哋聽到都笑。呢三日好恐怖,畀人恰死,每日食飯耷到個頭好低,心理好大傷害。」法庭撤銷保護令後,少女鬆一口氣,期待尋常校園生活,「會追番啲成績,將來對民主做番啲嘢,唔會俾白色恐怖打壓。」父親叮囑她不要四處走,但她仍希望當街站義工,「呢刻爸爸擔心,將來我都會擔心自己仔女承受白色恐怖。我唔想佢哋好似我咁痛苦,承受咁多嘢。」根據《查問疑犯及錄取口供的規則及指示》,警方應只可在監護人在場下與未滿十六歲人士會面,否則應由相同性別的非警員人士陪同。警方發言人回應,警錄口供時盡量安排監護人在場,否則會安排適當成人陪同。發言人又稱,粉筆少女被拘期間,值日官沒收到相關投訴。





來源: http://hk.apple.nextmedia.com/news/art/20150121/19010188
係咪 咪俾 俾我 我去 去佔 佔區 就等 等如 無力 管教 粉筆 少女 心痛 父受 指摘
PermaLink: https://articles.zkiz.com/?id=287392

我Q你答問會:人人問克勤 係咪怪獸家長?

1 : GS(14)@2015-06-15 00:52:31

■克勤被祖兒問到跟老婆盧淑儀的第一次接吻,超尷尬口啞啞。攝影:仇志德場地:尚品薈


每個男人都有一個特殊癖好,本報在銅鑼灣街頭找來12位讀者,希望發掘人夫李克勤的秘密,有讀者一語道破克勤對「儀」字情有獨鍾;大家又對克勤的私生活特別有興趣,問題圍繞「喺屋企有冇做家務?」、「係咪怪獸家長?」,連自認懷春少女的容祖兒都插嘴問:「同盧淑儀第一次接吻地方喺邊?」看看克勤如何見招拆招!採訪:皓騫、魏嘉琳


容祖兒

1.容祖兒:我都係懷春少女,好想知李克勤同盧淑儀第一次接吻地方喺邊?

克勤:錫過咁多次,點記得呀,哈哈哈!



2.余小朋友:你會唔會打小朋友?你係咪怪獸家長呀?

克勤:我會打手板、屁股囉,我覺得有時需要畀小朋友知道,乜嘢係嚴重懲罰,當然我打完佢之後痛過佢;家長真係唔鍾意做怪獸,只係教育制度係怪獸,邊個父母唔想喺屋企蹺埋手,小朋友冇咁多功課,唔使帶你去咁多課外活動,唔使煩呢樣嗰樣,我有一個小朋友喺國際學校讀書,功課唔係咁繁忙,暫時唔係怪獸。



余小朋友

■克勤唔想做怪獸家長,但覺得必要時仍要使用打手板等懲罰。


林小姐

3.林小姐:點解近年唔拍戲嘅?

克勤:冇時間囉,要湊仔囉,冇遇啱好嘅劇本囉,唱歌事務太繁忙囉。


黃小姐

4.黃小姐:你平時喺屋企會唔會做家務?

克勤:家務呢啲嘢,梗唔係男人做啦,男人負責嘅家務係出去搵錢,跟住請個人返嚟做。



5.黎小姐:你同譚詠麟、祖兒開演唱會,感覺有乜唔同?

克勤:一個男人一個女人,一個食得多一個食得少,哈哈哈,自己諗到都好笑,但唔敢講,今次盡量希望接納多啲新idea,同祖兒思想上好似open啲,話時話我同校長嗰個大隻佬已經好open去到底線,而家睇到都有啲驚!



黎小姐

■09年左麟右李的爆肌造型,已經是克勤的底線。


何先生

6.何先生:你係咪特別鍾意「儀」字,老婆叫盧淑儀,拍檔叫容祖兒?

克勤:咦!係喎,點解呢?關淑怡、葉劉淑儀都有個「儀」字,係咪八字問題呢?所以話每個男人梗有啲癖好,我諗呢個係。


老先生

7.老先生:收過最鍾意嘅禮物係乜?邊個送?

克勤:而家梗係細路仔畫嘅卡,父親節、生日嗰啲小勞作,我諗十幾廿年後睇返冇得頂,雖然啲字又串錯,大細草睇唔清楚,但係一件好sweet sweet嘅嘢。


黃小姐

8.黃小姐:有冇逼囝囝聽你啲歌?佢鍾意邊首㗎?

克勤:梗係有啦,但佢鍾意One Direction多啲,覺得嗰啲歌有深度,我啲歌對佢嚟講深得滯唔明,不過都識唱晒大部份我啲歌,最近佢有新歡,鍾意校長寫嗰隻,話淺白容易接受易入口,有品味!


林先生

9.林先生:同祖兒開演唱會,個騷應該叫乜嘢名呢?

克勤:實不相瞞,我哋度咗3,762個名,中英乜文都有,實在太多人唔同意見,所以暫定為「容祖兒李克勤演唱會」。



10.曾小姐:邊首歌人哋唱到,你聽到覺得好尷尬?

克勤:《舊歡如夢》囉,每次演唱會冇擺落去,啲人就喺台下嗌上嚟,我覺得有啲尷尬,唱唔係好介意,跳呢……通常都會叫歌迷上嚟玩溝淡吓,但今次同祖兒開騷,發現有個人比我更尷尬,有機會問吓佢啦。



曾小姐

■《舊歡如夢》騎呢舞步街知巷聞,克勤耍手擰頭不敢重溫。


明哥

11.明哥:藝人之中邊個最好波呢?

克勤:大家一定會答譚詠麟,因為佢係明星足球隊精神領袖,每場波都入幾球,總之最好波係譚詠麟啦,係,我覺得大家都係要咁答嘅。


劉小姐

12.劉小姐:《紅日》除咗你,覺得邊個唱得最好聽?

克勤:聽過一個由西藏嚟嘅歌迷,用唔鹹唔淡廣東話唱,佢嘅誠意令我覺得好好聽,唔識廣東話嘅人將《紅日》唱晒出嚟,係我聽過最好聽版本。


謝先生

13.謝先生:Hacken呢個英文名點嚟㗎?如果唔叫Hacken,你想叫乜呢?

克勤:我諗係老竇改,我估佢覺得市面上好一般,所以構思一個,拼番英文出嚟。如果唔叫克勤,真係唔知叫乜。





來源: http://hk.apple.nextmedia.com/entertainment/art/20150614/19183478
答問 人人 問克 克勤 係咪 怪獸 家長
PermaLink: https://articles.zkiz.com/?id=290870

屈機果迷測試考你係咪忠實fans

1 : GS(14)@2015-10-30 01:00:45

蘋果公司上季業績日前放榜,就算將蘋果公司財務報表「刨」得滾瓜爛熟,亦未必稱得上係忠實果粉。外國財經網站MarketWatch最近推出果粉大測試,考考你蘋果公司冷知識,四個選項揀一項,唔識都可以撞。都係嗰句,識玩,一定叫埋其他果粉一齊玩。十大忠實果粉測試問題:1)蘋果公司首個Logo由邊個設計?2) iPod名字靈感源於邊齣電影?3)邊間服裝品牌曾經借蘋果教主喬布斯嘅樽領黑Tee抽水?4)邊位歌手喺1994年入稟控告蘋果公司侵犯版權?5) Apple都出過遊戲機,記得部機叫咩名嗎?6)蘋果公司首部電腦面世時,標價係幾多?7)蘋果公司成立當日,撞正乜嘢節日?8)蘋果教主喬布斯喺美國邊間院校輟學?9)蘋果公司首句Slogan係?10)邊位政壇人物係蘋果公司董事局成員?答案如下:1.) Ronald Wayne2.)2001: A Space Odyssey(2001太空漫遊)3.)美國服裝品牌St. Crois4.)美國民歌歌手Bob Dylan5.) Pippin6.)$666.66美元7.) April Fools Day(愚人節)8.) Reed(里德學院)9.) Byte into an Apple10.) Al Gore(美國前副總統戈爾)大家亦可以瀏覽Market Watch原文:
http://www.marketwatch.com/story ... ur-lisas-2015-10-27





來源: http://hk.apple.nextmedia.com/financeestate/art/20151029/19351173
屈機 機果 果迷 測試 考你 你係 係咪 忠實 fans
PermaLink: https://articles.zkiz.com/?id=293554

SM新男團造型太前衛網民:係咪返咗90年代?

1 : GS(14)@2016-07-06 08:11:30

擁有唔少人氣偶像團隊如少女時代、EXO、Super Junior等嘅SM事務所,今年推出新男團NCT,不過成績似乎一般,而SM將於後日推出NCT小分隊NCT127,日前已開始公開成員新預告照。
SM一直都係走在潮流尖端,不過好多時都走得太前,令網民同粉絲表示「跟唔上」。好似今次NCT127嘅新look,一眾成員由之前嘅乖仔黑髮look轉變成依家爆炸頭、金毛、白髮等,唔少粉絲都留言「永遠唔明SM諗咩」、「冇眼睇」、「太過潮流,差啲以為返咗去90年代」等。暫時就未知NCT127實力如何,不過未出道已經評價一般,正所謂,你的造型如何,你的日子也必如何。





來源: http://hk.apple.nextmedia.com/entertainment/art/20160706/19683302
SM 男團 造型 前衛 網民 係咪 咪返 返咗 90 年代
PermaLink: https://articles.zkiz.com/?id=302716

【聽專家話】叮完食物有輻射 等十秒先食係咪真?

1 : GS(14)@2016-07-12 22:08:50

大家有沒有聽過微波爐叮完的食物,要等一會兒才能吃呢?



大家有沒有聽過微波爐叮完的食物,要等一會兒才能吃,不單如此,更有不少人說食用微波爐叮出來的食物會致癌,在探討這些問題前,先學一下微波爐的運作吧!


記者找來香港浸會大學物理系助理教授黃健耀解釋微波爐的運作,「微波爐主要的基本原理,是爐內會發放微波的電磁波,食物內有分子會吸收這些電磁波,例如水分子、油分子,吸收之後便會能量提高,自己震得更劇烈,在熱力學角度分子震得劇烈是等同溫度提升了,用這原理去令食物溫度提高。」。只不過,「叮完食物有輻射」這個說法又是否正確的呢?「據我理解,一個食物被微波之後,本身不會變成放射性,因為吸收完電磁波之後,最多只會令分子震動得更快,本身不會再變成放射性發放電磁波」。但大家別以為這樣就代表用微波爐很安全,教授說如果放一些封閉的食物,例如整顆雞蛋,由於熱力會令壓力加強,雞蛋過熱而蛋殼內的壓力太強的話,分分鐘會做成爆炸,網上曾經就有人測試放173隻雞蛋在微波爐加熱,結果整個微波爐「灰飛煙滅」。另外由於金屬對微磁波的反應有所不同,吸引後有機會發光發熱,有機會令微波爐內產生火光,易生危險,所以都建議大家用寫明可放微波爐的器皿會較好。記者:方健銘



香港浸會大學物理系助理教授黃健耀表示,「一個食物被微波之後,本身不會變成放射性,因為吸收完電磁波之後,最多只會令分子震動得更快,本身不會再變成放射性發放電磁波」。

網上曾經就有人測試放173隻雞蛋在微波爐加熱,結果整個微波爐「灰飛煙滅」。

由於金屬對微磁波的反應有所不同,吸引後有機會發光發熱,有機會令微波爐內產生火光,易生危險。



來源: http://hk.apple.nextmedia.com/su ... t/20160712/19690991
專家 叮完 食物 輻射 等十 十秒 秒先 先食 食係 係咪 咪真
PermaLink: https://articles.zkiz.com/?id=303456

里安納度同奧運射箭選手撞臉 網民:係咪真身?

1 : GS(14)@2016-08-09 07:33:01

里約奧運進行得如火如荼,唔少觀眾關注運動員表現之外,仲發現咗同明星撞臉嘅運動員。除咗有「泰國女版小豬」舉重選手Sopita Tanasan之外,唔少美國網民發現27歲美國射箭選手Brady Ellison都好似41歲金像影帝里安納度狄於比奧(Leonardo DiCaprio)。好多美國網民喺twitter洗版,講笑話里安納度空餘時間去咗秘密練射箭,再以Brady Ellison呢個身份去參加奧運。





來源: http://hk.apple.nextmedia.com/entertainment/art/20160809/19729173
安納 度同 奧運 射箭 選手 撞臉 網民 係咪 真身
PermaLink: https://articles.zkiz.com/?id=305118

【攞繩係咪醒】警隊雞繩分三種 無味神探獲最高榮譽

1 : GS(14)@2016-08-13 14:50:58

今年農曆新年間發生的旺角騷亂,造成過百警務人員受傷,當中部份警務人員獲警務處處長盧偉聰正式嘉許,曾向天連開兩槍示警、綽號「高威」的西九龍交通部警員黃慶威,獲頒「花雞繩」,又再掀警民予盾。「雞繩」指警務人員穿着制服時,用以把銀雞繫在肩上的繩索,是制服的一部份。每名正式警務人員於學堂畢業後,均配有基本的「黑雞繩」。如在工作上或調查重大案件期間有傑出表現,經推薦及批准後可獲頒「花雞繩」或「紅雞繩」。



「無味神探」陳思祺。

獲「紅雞繩」榮譽的林曼茜。

警員於警察學院畢業時,均配有「黑雞繩」。

「花雞繩」由紅、黃及黑三色組成,為「警務處處長嘉許獎狀」,由處長嘉許卓越表現的警務人員。「紅雞繩」為最高級別榮譽,比「花雞繩」高。回歸前,對香港有重大貢獻的警員可由警務處處長提名,經英女皇批淮後由港督頒發紅繩榮譽。回歸後,「紅雞繩」則由特首在年度授勳時親自嘉許。另外,港人熟悉的「銀雞獎」則是警員於警察學院畢業時,最佳學員所獲的獎項,與「花雞繩」或「紅雞繩」嘉許無關。警察可於穿制服時配戴所獲「雞繩」,但為免招搖或防礙工作,一般警務人員只會在出席升旗禮、畢業禮等重要場合時配戴,高級警務人員如一哥召開記者會時也會配戴。曾獲「雞繩」嘉許的警員眾多,大家較為熟悉的有前一哥曾偉雄;也包括首名女性港督副官、曾偵破跨國毒品大案的林曼茜,以及屢破大案、曾於執勤時頭部中槍的陳思祺,陳的事迹更被拍成電影《無味神探》。曾經生擒一代賊王葉繼歡的李光明亦獲港督頒發「紅雞繩」榮譽。過住,曾有獲「紅雞繩」榮譽的警員爆出負面新聞。2013年,擁有「紅雞繩」榮譽的休班朱姓重案組警長,於身懷配槍時喝醉,回家時遺失子彈,更在宿舍外作狀耍槍,後遭拘捕,令公眾嘩然。2006年,擁有「花雞繩」榮譽的前O記一哥馮建民,因為炒樓失利飽受債務困擾,並捲入廉政公署調查「Ba叔」陳達志一案被調職,在大埔燒炭及服藥自殺,獲救後,於同年再度跳樓自殺身亡。記者:李珮禎




來源: http://hk.apple.nextmedia.com/su ... t/20160812/19732914
繩係 係咪 咪醒 警隊 雞繩 繩分 分三 三種 無味 神探 最高 榮譽
PermaLink: https://articles.zkiz.com/?id=305592

工黨面臨滅黨 弱勢社群恐失聲李卓人:呢個仲係咪文明社會

1 : GS(14)@2016-09-03 23:23:36

■李卓人表示工黨對整個民主運動和公民社會十分重要。



【立會選戰】【本報訊】代表弱勢社群、基層打工仔女的工黨面臨滅黨危機。根據選前的最大型民調顯示,4位工黨立法會候選人包括新西李卓人、新東張超雄、港島何秀蘭、九東胡穗珊面臨出局危機,其中工黨主席胡穗珊昨率先棄選。李卓人稱,一旦工黨失守議席,公民社會、弱勢社群勢必在議會中全面滅聲,民調同時亦顯示,立法會內多個「一人黨」,也有可能在今次選舉後同遭滅黨危機。記者:姚國雄 陳雪玲



連日來的立法會選舉滾動民調及香港大學民意研究計劃負責的最大型民調均顯示,工黨各區的候選人,包括新西的李卓人、新東的張超雄及港島的何秀蘭全數出局,再加上九東的胡穗珊昨日宣佈棄選,工黨滅黨的危機極大。已經宣佈要告急的李卓人指,工黨對整個民主運動和公民社會十分重要,擔心日後議會再沒人替弱勢發聲:「呢個社會係咪仲係文明社會?」


黎智英:永遠企雞蛋嗰邊


李卓人表示,他的告急並不只是為了工黨,更加是為了弱勢社群和公民社會:「喺議會裏面,有邊個可以好似張超雄咁,堅持幫殘疾人士、弱勢社群、長者去監察社會,同埋佢做到有改善;又有邊個可以好似何秀蘭咁樣,係平權運動上咁堅持、喺反貪腐同環保上去奮鬥。而我,大家都好清楚,代表獨立工運,打工仔嗰邊,如果我哋3個工黨嘅候選人今次都選唔到,唔只係工黨嘅問題,而係成個公民社會嘅問題,變成真係滅聲,削弱公民社會。」李卓人的支持者之一、壹傳媒創辦人黎智英認為,李卓人為弱勢社群抗爭多年,永遠站在「雞蛋」一方:「李卓人係一個永遠站喺雞蛋嗰邊嘅人,無論呢個雞蛋打喺牆裏面,係幾咁容易爛,李卓人永遠都唔諗應該企喺邊一邊,因為佢永遠都係站喺雞蛋一方,係滿面雞蛋殼嘅人。」


多個「一人黨」難穩勝


除工黨外,港大民調也顯示,立會內多個泛民「一人黨」候選人爭取連任未穩勝,陷入「滅黨」危機,其中以新東的新同盟范國威及轉戰新西的民協馮檢基形勢較險峻,民調顯示會出局。范國威指,其「師傅」鄭家富以獨立身份參選,票源重叠,互相搶攻下,雙方選情不穩,形容選情凶險。雖然人民力量現於議會內有2位議員,包括陳偉業及陳志全。但陳偉業今屆在新西為黃浩銘抬轎,按民調顯示名單出線機會極低;與此同時,陳志全亦有機會新東出局,人力亦隨時於今屆選舉後於立法會滅聲。於新東爭連任的社民連長毛梁國雄強調不信民調,昨日民調顯示一度勢危的梁國雄支持度已回升。「一人黨」之中,較有機會留低的是轉戰超區的街工梁耀忠,他擔心被民調拖累,形容選情「麻麻地」:「好多人話我好穩陣,要投畀第二個,投畀鄺俊宇,希望泛民有3席……但我唔係最高支持嗰個,要我畀票佢,可能會累死我,我票從何來?」梁說街工一直只有他一位立會議員,倘落選將嚴重影響組織資源,因大大小小個案都以議員身份去處理,而地區辦事處的資源亦會變得緊張。該區其他參選名單,請參閱本報立會選戰網站http://hk.apple.nextmedia.com/legco2016/region


陷滅黨危機「一人黨」

民協馮檢基

新同盟范國威



街工梁耀忠

社民連梁國雄




來源: http://hk.apple.nextmedia.com/news/art/20160903/19758628
工黨 面臨 滅黨 弱勢 社群 失聲 李卓 卓人 呢個 個仲 仲係 係咪 文明 社會
PermaLink: https://articles.zkiz.com/?id=307259

4歲孫仔唔知爺爺已離世:唔聽電話係咪嬲我唔飲水?

1 : GS(14)@2016-09-17 16:15:43

馬來西亞一對老夫婦日前在車禍中身亡,他們的4歲孫兒不知他們已死,連日來打電話給爺爺都無人聽,以為是爺爺氣他不肯喝水,令人心酸。亞羅士打72歲的黃源成及69歲妻子戴碹枝,上周五在一宗車禍中喪生,家人周二為他們舉殯。兩人最鍾愛的孫兒駿昇一直未知爺爺嫲嫲已離世,在瞻仰遺容時俯身伏在棺木玻璃上親吻,在場父母看到都不禁落淚。母親安撫駿昇表示,爺爺嫲嫲坐飛機去旅行,而駿昇天真的稱:「要駕飛機載爺爺嫲嫲去玩」。駿昇母親指兒子平日不愛喝水,要爺爺叫他才願意喝,但這幾天爺爺都不接駿昇電話,令他以為爺爺生氣,所以一直乖乖喝水。馬來西亞光華網




來源: http://hk.apple.nextmedia.com/international/art/20160915/19771598
歲孫 孫仔 仔唔 唔知 爺爺 離世 唔聽 電話 係咪 咪嬲 嬲我 我唔 飲水
PermaLink: https://articles.zkiz.com/?id=309230

【係咪分手】雪雪甩拖又撐枱腳

1 : GS(14)@2016-09-17 17:52:51

孫慧雪、Edwin Lo



過去有不少藝人情侶傳出感情生變,但每對都有不同處理態度,究竟是假分手,還是真復合,好多時只有當事人最清楚。


孫慧雪、Edwin Lo

一直有圈外男友的孫慧雪,今年7月被爆與男友Edwin Lo假分手,當時她不但否認,還指已單身大半年。不過8月又被影到與男友撐枱腳食吉野家,之後又忽然認Edwin是男友。



莊端兒、張致恆

莊端兒今年4月傳跟拍拖兩年的張致恆分手,莊端兒表示要專心工作,暗示二人已分手,但早前張致恆卻否認,莊端兒出寫真集時亦表示會叫男友買200本支持自己。



朱慧敏、彭懷安(Eddie)

二人去年2月宣佈結婚在即,未料5月爆出Eddie媾女,最後二人由「結」變「分」,之後二人被影到同枱食飯兼有親密舉動,但否認復合,至上月仍然指雙方只是生意拍檔。



何傲兒、周子揚

前年7月及9月分別被本報影到當街攬啜,戀情曝光後,女方即時宣佈「分訊」,但同年11月二人又被影到同遊首爾。最後因周子揚公開數爆何傲兒家姐何傲芝,二人隔空互片反面收場。




來源: http://hk.apple.nextmedia.com/entertainment/art/20160917/19772849
係咪 分手 雪雪 雪甩 甩拖 拖又 又撐
PermaLink: https://articles.zkiz.com/?id=309453

【動畫】中醫機上救癲癇病人牙籤插穴位係咪咁神?

1 : GS(14)@2016-09-27 08:02:06

新疆喀什飛往烏魯木齊的中國國航CA1478航班上,本月23日傍晚6時許,一名30多歲男乘客突發癲癇發作,神志不清、口吐白沫,此時來自上海中醫藥大學附屬龍華醫院醫生田雨正好在機上,聽到廣播後立即趕到後排,讓患者保持一個安全姿勢。在航班上缺乏醫療設備的情況下,田雨借助2支牙籤幫助患者進行頭部穴位刺激,最終在航班到達目的地前十多分鐘,患者蘇醒過來。田雨透露,自己曾在醫院急症室具備7年臨床經驗,立即意識到病人是癲癇發作。他第一時間讓患者平躺,頭部側向一邊,同時指揮機組人員和病人的朋友,趕緊去拿小毛巾和勺子,隨後他用毛巾裹住自己的手指,把病人口中的痰涎分泌物摳出來,又用毛巾裹住不銹鋼勺子,一邊用力撬開患者的牙齒,一邊將勺子墊在牙齒間。「考慮到飛機上沒有臨床用的『壓舌板』,只能用勺子和毛巾替代,這樣可以防止病人咬傷舌頭,也可以及時讓病人的嘔吐物流出來,不至於流入氣道引發窒息。」與此同時,田雨一直觀察患者的面部和呼吸是否異常,好在患者保持口唇紅潤,氣息也一直保持通暢。在整個搶救過程中,田雨查問病人的朋友了解到,該乘客以前頭部受創,有癲癇病歷,經常發作,甚至就在前一天還發作過,但病人從不吃藥。「這名病人癲癇並不是先天性的,但他頭部外傷可能會引起繼發性癲癇。」田雨進一步表示,針灸穴位刺激來治療癲癇,這種治療辦法古書早有記載,距今大概有1千多年左右的歷史,「一般這種治療辦法在癲癇疾病緩解期用的較多,也就是不發作的時候,在急性發作時也常用這種方法來醒腦開竅。」他想到用牙籤,刺入病人百會穴、四神聰穴,患者就慢慢緩過神來,手也不再僵硬,隨後更自行坐起來表示「很累,想要喝水」。田雨日前表示,癲癇患者乘坐航班尤其需要注意,在氣壓影響和缺氧條件下,加上飛機引擎聲音、窗外陽光刺激等狀態,都可能成為誘發癲癇的一個因素。該類患者在乘坐航班前最好能提前告知機組人員,身上也必須攜帶緊急藥物,確保在航班上不發生意外事故。香港醫管局派發的宣傳單張介紹「癲癇症發作的急救處理」,指不應該強塞東西放入患者口內,以及避免給予患者服食額外的抗癲癇藥物,若然有嘔吐物、假牙或唾液等哽塞喉部,應立即清除,同時將在抽搐過後將患者轉身至復原臥式,以保持呼吸通暢,可用薄軟枕墊在頭下,讓患者舒地慢慢復原。香港醫管局/上海澎湃新聞網




來源: http://hk.apple.nextmedia.com/international/art/20160927/19783420
動畫 中醫 機上 癲癇 病人 牙籤 穴位 係咪 咪咁 咁神
PermaLink: https://articles.zkiz.com/?id=310239

【黑松露比拼】係咪識食 99%真松露無人揀5%先好味?

1 : GS(14)@2016-09-28 05:04:48

雖然未必個個吃過貴價真松露,但以松露作招徠的食品如意大利燉飯或麵食等卻受歡迎,價錢相宜的松露醬又香又惹味,用法多多,價錢又經濟,加一湯匙便已令菜色生色不少,實在是方便之選。不過一分錢一分貨的道理大家都懂,市面上現成的黑松露醬並非用純松露做,普遍只有約5%的黑松露成份,再加其他配料調製而成。這次搜羅了四款在超市買到的黑松露醬,價錢都在二百元以下,按其黑松露含量、香氣、味道和質地做比試,看看哪款較吸引。四款黑松露醬測試下來,最純的一款黑松露醬,在試食者和記者試食後,得出的分數竟然是最低,得出的結果實在有點出人意料,讓人不禁思考美味和成份單純之間有沒有中間位?



試食評分為每位可給總分十分。記者:謝翠玲攝影:周芝瑩


Salsa Tartufata含有5%夏季黑松露,顏色較黑,加入黑松露人工調味,打開蓋時頭一下覺得香氣濃郁,但散得很快。試食者認為吃起來松露香氣淡,而且帶點油。產地︰意大利黑松露︰5%其他成份︰菇菌、葵花籽油售價:$208(90克)(連白松露醬組合裝)(一田)平均分:5.75

La Rustichella夏季黑松露也是佔5%,紅色的外表可能來自黑橄欖果肉,味道方面有試食者覺得有蒜茸般香味,沒上一款般鹹,但松露味不重,而且較水汪汪。產地︰意大利黑松露︰5%其他成份︰60%菇菌、初搾橄欖油售價:$169(90克)(city'super)平均分:5.75

Tartuf Langhe第三款質地頗幼滑,成份最純,夏季黑松露多達99%,但成份最純又是否最好吃呢?結果四位試食者一致認為質地滑但完全無味。記者有試吃,覺得其香氣較沉,但食起來味道的確較淡。產地︰意大利黑松露︰99%其他成份︰初搾橄欖油、鹽、香精售價:$180(30克)(city'super)平均分:3.75


Winner: Dino Tartufi標籤夠老實,正面標明只有5%夏季黑松露,試食者的反應這次也很一致,無論香味和質地也是剛剛好,是最有好感的一隻。產地︰意大利黑松露︰5%其他成份︰菇菌、黑橄欖、香精售價:$399(500克)(彩豐行)平均分:3.75



來源: http://hk.apple.nextmedia.com/su ... t/20160928/19783796
黑松 露比 係咪 咪識 識食 99% 真松 松露 無人 5% 先好 好味
PermaLink: https://articles.zkiz.com/?id=310463

「扑嘢」係咪禁語有排拗蕙禎BB處女開炮

1 : GS(14)@2016-10-12 07:48:30

立法會昨日舉行主席候選人論壇,民建聯葛珮帆提到青年新政游蕙禎早前在論壇上的「扑嘢論」,詢問兩名候選人若當選主席,會否容許有關言論出現在議會上。涂謹申認為有關言論只是一個粗俗版本來描述性愛行為,但未到要收回的程度,亦無冒犯其他議員,而且未必是非議會語言,故認為有關言論可在議會內使用。梁君彥則表示不認同,認為不應在議會內出現有關字眼,但因時間關係未有詳述原因。游蕙禎其後亦質問梁君彥,「剛才有一班自命藍血人嘅同事,對於一啲敦倫、播種之事好有興趣,我就乘勢想問吓梁君彥議員,根據《議事規則》第41條規範咗議員發言內容,邊度有規範禁語、禁詞係唔用得﹖係邊一條呀﹖」梁君彥只說應要避開攻擊性字眼等,游追問是否作為主席就感覺高高在上,「唔啱聽」就會將議員趕出會議廳。梁君彥回應指在會議廳應要用大眾可接受的言語,如廣管局(應為通訊辦)規範了電視台很多字眼都不能出街。游再質問梁作為零票自動當選的功能組別議員,是「零票偽議員」,無認受性,本身應要保持低調,但現時「厚顏無恥」想進一步謀取主席一位,市民又無權以投票來進行監察,質疑梁君彥無資格擔任立法會主席。梁君彥表示,主席一位是由70位議員投票產生,而功能組別在港英時代已一直行之有效,與直選議員有同等地位。被問到如擔任主席後不投票,又怎為業界繼續發聲,梁指還有6位經民聯議員,可分工合作替他代表業界發聲。




來源: http://hk.apple.nextmedia.com/news/art/20161012/19798609
係咪 咪禁 禁語 語有 有排 排拗 拗蕙 蕙禎 BB 處女 開炮
PermaLink: https://articles.zkiz.com/?id=311621

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019