ZKIZ Archives


猷啟聞G.E.M.:佢冇追過我

1 : GS(14)@2015-10-05 07:28:45

賭王何鴻燊四房梁安琪與女兒超盈、三房兒子何猷啟等昨晚現身中環四季酒店,出席藝術東西聯展晚宴活動,亦是宣佈四太、超盈與保利香港成立新公司。猷啟代表母親出席賀四太,並澄清與G.E.M.傳戀情,他表示自己單身沒拍拖,否認超蓮撮合:「佢冇追過我,佢係一個好女仔,性格幾好幾nice,佢係我妹(家姐)好朋友,識咗好耐,我哋都熟。」問到G.E.M.是否他杯茶,他表示:「我冇特別type,係睇感覺,佢唱歌好聽,超蓮睇到報道好唔開心,講到佢追我,對女仔形象唔好。」



此外,超盈下午出席藝術展,在一幅價值5億、大師級畫家梵高畫作前打卡:「會同保利喺澳門開公司,更會出年1月搞第一場拍賣會,到時會搞一個藝術展,促進澳門藝術文化,幫年輕人,何鴻燊基金會都會有獎勵金畀啲得獎藝術家。」採訪:羅慧敏攝影:仇志德



■超盈與四太昨出席晚宴,宣佈與保利香港合作,明年會在澳門舉行拍賣會。

■超盈昨日下午出席藝術展,在價值5億的梵高名畫前打卡。



來源: http://hk.apple.nextmedia.com/entertainment/art/20151003/19318882
猷啟 啟聞 G.E.M. 佢冇 冇追 追過 過我
PermaLink: https://articles.zkiz.com/?id=292727

「佢冇怨言,唯一係唔夠成熟」大劉讚甘比盡責顧家

1 : GS(14)@2017-04-16 14:40:53

■大劉感激甘比在他患病時細心照顧,又頻撲湊仔女。(版權所有.嚴禁盜用)



【劉鑾雄講大劉】【連載系列之十八 最後女人】劉鑾雄(大劉)在多年的感情生活上是多情種,女友多如繁星。去年病重時,得到陳凱韻(甘比)不辭勞苦照顧他和一對子女,絕無怨言,如他所言「路遙知馬力,日久見人心」,令他決定再婚,給甘比一個「劉太」名份。大劉更首次公開大讚甘比超過100分,但唯一缺點是欠成熟。



劉鑾雄在商界上有「狙擊手」之稱,感情路上更多情,多年來備受外界矚目,不過情場老手的他亦承認曾後悔為愛情落錯注。去年他因腎病病重,獲得多年紅顏女友甘比對他不辭勞苦照顧而深受打動,故換腎後健康好轉時,為人生幸福再下注,再婚娶甘比,賜對方名份。



■大劉一手抱着孻仔仲學,一手攬實秀樺,盡顯慈父之情。(版權所有.嚴禁盜用)

■大劉戴上消防員帽及手持公仔,享受兩父子的玩樂時光。(版權所有.嚴禁盜用)

■大劉接受本報獨家專訪時,攬着甘比在他「一生中最愛」的畫作前合照。


「佢令我好感動」

大劉日前接受本報專訪時,作為劉太的甘比全程默默守候,其間更為大劉遞上大褸,提點攝影師小心燈光等,孻仔仲學放學前來會合,兩母子就靜坐一旁,盡顯背後女人的細心周到。記者開玩笑問大劉,甘比是否他最後一個女人?他即幽默大笑:「如果你要我答,今日就一定係!哈哈!講笑啫!」之後,大劉正經地說:「佢真係令我好感動,第一,以今日嘅best knowledge(以我了解),一定係最後一個女人。我識佢15、16年,無論中間我啲脾氣幾唔好,搵佢發脾氣又好,佢都就我。我有病時,佢照顧周到,同埋好頻撲,要照顧仔女,又顧住頭家,接仔女返學放學,其實佢好辛苦好攰,差不多日日夜夜,幾乎崩潰咁滯。好彩呢排我身體好啲,佢真係盡咗佢責任,盡咗佢能力。」



■平時一臉嚴肅的大劉與秀樺瞇眼又嘟嘴,展示調皮一面。(版權所有.嚴禁盜用)

■大劉與甘比及秀樺於去年大除夕倒數時,齊齊做「眼鏡黨」。(版權所有.嚴禁盜用)

■甘比與大劉相戀10多年,早已融入劉家。(版權所有.嚴禁盜用)


無端小器單打

離婚多年的大劉直言最初未有再婚打算:「有時人嘅嘢係講緣份,感情係慢慢培養出嚟,我都冇諗住要再結婚,但結咗就要徹底,有時啲嘢係整定,唔係有planning,只係適當時間做最適當嘢,梗係唔係要刺激呢個嗰個咁幼稚,儍嘅咩!」對甘比的評價,大劉大讚超過100分:「佢真係冇怨言,唯一係唔夠成熟,因年紀仲輕,但人品算好好,係有時會無端小器咁單單打打,男人最怕呢啲嘢,我哋男人思想要好理智同清醒,當諗緊嘢去搵食投資,唔理智唔得,投資係好痛苦、好寂寞嘅。」外形上大劉強勢,而甘比溫純,但他吵架後亦會?回對方:「以前我哋嗌交,我媽媽覺得佢老實,會叫佢忍,咁發完一陣脾氣,知道自己唔啱,我都會主動出聲講好說話?番佢,10次嗌交,一般有7次係我唔啱嘅。」再有家室,大劉笑言見過鬼怕黑,不敢再識女友,問是否與呂麗君分手後才有此決定?大劉表示:「我冇講佢呀,我唔方便講人哋嘅嘢!」對於他曾澄清及展示送給呂麗君簽收珠寶的單據,他說:「工作做嘢時會好小心,好均真會有記錄,但禮物畀人簽收係做過一次啫!我送好多嘢畀老婆甘比、我啲妹都冇簽收㗎!」採訪:陳月媚攝影:陳俊強


【大亨起跌】大劉語錄

大劉受訪時大講人生起跌,由家庭、事業到感情無所不談,連爆金句,令人回味。「我係廢柴中嘅廢柴,懵炳中嘅懵炳!」提及生意失敗時自嘲。「不知幾多人寫信嚟,或者阿媽帶埋個女嚟,想我去照顧佢個女喎!望都唔敢望聽都唔想聽啦!點知你係咪捉黃腳雞㗎!」講不時有人寫信或自薦想見面的奇遇。「我唔係股壇狙擊手,每次有呢啲行動,次次百分之一千都係被迫。我可以誓神劈願講,完全係被迫!」道出做股壇狙擊手並非自願。「四十幾年前冇錢,真係遇佛弒佛,遇父刺父,都要做!」因家族失和,大劉24歲入院割膽,要問老工人借錢出院,獨自流淚感懷身世。「錢有機會就搵,但唔需要刻意,都已經夠食夠着,已經好夠,唔需要去爭做第幾富豪,我要引述好多人講:『我心中富有咪得囉!』」談及現在搵錢心態。「我唔係一出世就八、九十歲㗎!」自言做過後生仔,經歷過求戀期,愛聽《一生中最愛》。



【Timeline】手機用戶請按此,瀏覽「傳奇狙擊手劉鑾雄」: http://bit.ly/LAU-timeline【話你知】同大劉有關係嘅名人、美女有幾多?即睇「大劉人物關係圖」: http://bit.ly/JosephLau




來源: http://hk.apple.nextmedia.com/entertainment/art/20170416/19991330
佢冇 怨言 唯一 係唔 唔夠 成熟 大劉 甘比 盡責 顧家
PermaLink: https://articles.zkiz.com/?id=330746

7月擺酒 終極性感陳柏宇未婚妻:唔介意佢冇錢

1 : GS(14)@2017-04-29 23:41:32

■Leanne16歲入行做?模,近年開設自家品牌Bernardo Thad出潮錶。



陳柏宇(Jason)被網友封為人生贏家,因為他有個模特兒女友符曉薇(Leanne),「薇宇戀」將於今年拉埋天窗,日前準人妻Leanne為《蘋果》影婚前性感相,宣佈將於7月2日在九展擺酒。


「喊住話愛我」

拍拖初期,Jason陷事業低潮,絕世好女友Leanne同甘共苦,她說:「識Jason時佢直情冇乜收入,佢份人好大使,乜都用最好,要問屋企借錢生活,我好記得當年同佢講『我唔介意你冇錢住公屋,但你好似當天空係ATM,張開手就有錢攞出嚟!』跟住佢就改變好多,開始儲錢。」去年Jason捱出頭,獲商台叱咤男歌手銀獎,她坦言:「好開心,終於有人見到佢!」問到鍾意男友甚麼?她說:「好真囉,佢喺台下同台上係一個人,啱啱開始半年,佢飲醉喊住話好愛我,好感動!」問到6年「薇宇戀」曾否嗌分手?Leanne笑說:「試過一次,就係佢唔記得我生日,佢連續5年唔記得我生日,其實佢冇乜記性,嗰年生日我打電話問佢放工有乜搞?佢話做gym,我好嬲,鬧完佢嗌分手,第二朝6點佢上我屋企撳門鐘,唔夠24小時好番。」Leanne最鍾意男友的歌是《沒有你,我甚麼都不是》,她看着男友MV唱這首歌,雖然走音但情感夠真。



■兩人拍拖6年,不過陳柏宇連續5年唔記得女友生日。

■Model出身的Leanne,擺甫士好熟練。

■兩人在微博不時放閃。


自家出潮錶

16歲入行做model的Leanne,近年將主力轉戰金融投資,並開設自家品牌Bernardo Thad出潮錶,找到自己的一片天:「因為喺model行業,我唔係好搵到自己方向,我覺得人生一定要有定位,但喺model我搵唔到自己嘅角色,好似可有可冇,所以想搵份存在感比較大嘅工作。」有近十年金融投資經驗的她,試過損手6位數字,問有否幫男友投資?她說:「我哋為咗將來同小朋友,儲蓄同基金都有買,其中一份賺咗差唔多7位數。」採訪:余燕儀攝影:沈健程場地:香港九龍貝爾特酒店難得生性暴龍哥創科眾籌夢,遭隱世肥報販秒殺! https://goo.gl/hnEB7D「蘋果VR」App
App store下載:https://goo.gl/0kW2cK
Google Play下載:https://goo.gl/4K7EHw




來源: http://hk.apple.nextmedia.com/entertainment/art/20170429/20005041
月擺 擺酒 終極 性感 陳柏 未婚妻 未婚 介意 佢冇 冇錢
PermaLink: https://articles.zkiz.com/?id=331943

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019