ZKIZ Archives


怎樣不做二打六的價值投資人 巴黎

http://hk.myblog.yahoo.com/tonylaw-vaueinvesting/article?mid=6581

巴黎:

周顯先生曾大力批評說,因為Warren Buffett從沒有著作,所以市面上的價值投資法書籍都是一些二打六失敗者著作,他們沒有資格以失敗者教我們賺錢。

有心學習的朋友都發現,實際情況並不如周顯所說。比如Margin of Safety 作者Seth Klarman、彼德林奇的Beating the street、茫格的Poor Charlie's Almanack,相信連股神也不敢稱呼他們做二打六。

其實即使是一些被周顯稱二打六的記者著作,Blog友也不用害怕,因為只要比較三幾次,你很快就會發現著作是否貨真價實。未看就把它們排除在外,損失只會是自已!這不只是投資書,任何書籍都是!

巴 黎雖然選擇了由讀祖師爺的親手著作開始,但認為並不代表是唯一的選擇,因為每個人經驗、學歷、成長和出身不同,用不同的語言,因才施教,不同的人也能夠較 易吸收得到同等的學問,何況,Graham的書內的例子雖然很多,但仍然並未有包括所有,例如金融業,我自已都是看其它作者舉的成功價值投資人的說法才知 道金融業在價值投資法中的實際價值如何。沒有其它"二打六"的補充,唔通要祖師爺報夢嗎?!
我有沒有說昨晚自已又在番讀的過程中睡著了?這本Security Analysis書真的很易令人想睡

Graham的價值投資法有很大的空間給予後學的朋友,因此我們看到很多成功的投資人都有他們好像不盡相同的投資法,但卻仍然把自已歸為Graham的跟隨者。我們也沒有必要不把這些智慧形投資人的心得納入自已的學習的補充。

怎樣 不做 做二 二打 打六 六的 價值 投資人 投資 巴黎
PermaLink: https://articles.zkiz.com/?id=24495

縮骨數二打六貼錢攞台慶車


2013-11-28  NM
 
 

 

無綫46週年台慶,收視跌破新低,平均只得29點,為挽救插水形象,無綫兌現承諾,捐出三百萬做善事。捐錢唔敢手軟,但為重新整頓公司士氣、台慶夜獎金獎品加碼鼓勵員工,無綫就施展一招彈弓手。

據了解,當晚抽中價值33萬歐洲房車的二打六黃得生,事後發現原來公司唔包十多萬汽車首次登記稅,他要抬錢倒貼,才可以揸走獎品。此外,無綫見香港電視發牌無望,於是又再向員工開刀,計劃改動計騷方式,由半個鐘一騷改為一個鐘一騷,變相減薪。抽到喊三聲

上週無綫台慶,為對抗熄機行動,破天荒下令四百藝人出席撐場,人人有份抽獎。其中一份價值三十三萬Audi房車,最後由四線藝人、曾經在電視劇《點解阿sir係阿sir》中演壞學生的Ocean仔黃得生抽中。以為天降財神,原來開心得太早。

「Ocean仔(黃得生)初時都好開心,後來先知公司唔會幫佢俾汽車首次登記稅,即係要自己倒貼十幾萬出嚟,先可以揸部車出街,實質架車價係廿萬左右,但就講到值三十三萬,大家都估唔到公司縮骨到咁。至於啲鑽石鏈、手錶嘅獎品價錢,原來都係報大數。」知情者說。

變相減薪

一不離二!據知年前大幅加薪力抗王維基銀彈搶人的無綫,近日見對手發牌無望,於是又度出「辣招」,諗縮數慳錢。「好多同事都收到風,公司打算改計騷方法,以往我哋出鏡半個鐘計一個騷,日後變為一個鐘一個騷。之前肯留低冇走班藝人,雖然有大幅度加薪,但如果改一鐘一騷,就變相減薪。最唔抵係幫公司拍廣告雜誌,例如康業信貸同OSIM,出鏡一兩分鐘,只係計0.1個騷或者0.2個騷錢,但廣告費就公司全部袋晒,秦沛因為咁曾經同公司嘈過,不過都冇用。而家香港電視冇牌,公司更加有恃無恐,睇死我哋走唔郁。」無綫員工透露。

台慶冇騷計

計騷方法無準則,台慶夜奉命撐場的藝人,原來亦非人人有騷計,甚至要貼錢開工。「台慶嗰晚唔係所有藝人都有騷錢袋,公司講明,有份上台或者有表演節目,先有0.2個騷,至於點解會咁計法,冇人知亦唔會有人解釋。嗰晚好多藝人都係收order返公司,坐足成晚冇錢落袋。三四線嗰班仲要出錢買衫搵人化妝整頭,貼錢開工呀。」知情者說。

縮骨事件簿

無綫縮數辣招層出不窮,多得有「大內總管」之稱的李寶安嚴密把關,唔單只揸乾藝人騷錢,就連玩遊戲節目,獎金同樣收唔足。

一折收獎金藝人參與公司遊戲節目,天文數字獎金價碼原來得個樣。佘詩曼試過在《一擲千金》贏到五十萬獎金,但結果只有一折落袋,五萬蚊連請人食飯都唔夠,要自掏腰包使凸。

碌主持卡過往有不少清談節目為慳錢,公司會要求主持搭膊頭搵相熟圈內朋友接受訪問,嘉賓只有一百蚊車馬費落袋,後來更演變到送TV Buddy膠公仔答謝。

縮骨 骨數 數二 二打 打六 貼錢 臺慶 慶車
PermaLink: https://articles.zkiz.com/?id=83453

內地片商二打一金像剪接張嘉輝 貼錢拍戲反被毆

1 : GS(14)@2016-10-24 04:20:58

■張嘉輝(右)曾3度奪得香港金像獎最佳剪接,沒想到在北京遇上野蠻人。資料圖片



最近影圈流傳張家輝在北京遭人打到頭破血流,經了解後,原來是曾3度得香港電影金像獎最佳剪接獎的張嘉輝被毆,不是影帝張家輝被打。今年初剪接師張嘉輝在北京為新片《歲月忽已暮》擔任監製和剪接,更由他出面請香港導演秦小珍執導,但最後他片酬未收,還先墊50幾萬人民幣給導演,雖然他只追了一次片酬,但就被打。



■張嘉輝被內地某電影公司老闆在北京揮拳毆打受傷,日前他在微信朋友圈發文。微博圖片

張嘉輝 微博圖片

■張嘉輝今年憑《葉問3》取得港金像獎最佳剪接獎。劇照

返香港報警

張嘉輝指於大前日凌晨4時許被某電影公司老闆和一名司機在其北京寓所樓下毆打,之後他在微信朋友圈發文及貼受傷照:「抱歉讓各位朋友擔心了,我目前狀況還好,只是心中很難受,20日凌晨4時25分,海X盛X的董事長XX打電話罵我,一開始我沒反應過來,聽到後面我才明白是有人說了甚麼導致了這場事故,本想約見面解釋,哪知對方一見面就對我揮拳,對方持續對我進行暴力直到我求饒才不情願的停止,但馬上又繼續對我進行暴行……」日前張嘉輝回港後,第一時間去醫院驗傷和到警署備案,同時又向香港電影工作者總會求助,總會執委之一的田啟文(田雞)昨日表示:「已經收到張嘉輝投訴,我哋處理緊,已安排佢盡快到總會將成件事經過講畀我哋知,之後總會就商量下一步會有乜行動去幫張嘉輝。」


打到成面血

昨日致電問張嘉輝傷勢如何?他表示:「只係皮外傷,但心靈所受傷害係更大,我係又嬲又驚,其實部戲由開拍到拍完做後期,我都未收過一毫子,點知佢聽到流言,話我唱佢冇錢,所以打電話用粗口鬧完我一輪仲唔夠,仲要喺我屋企樓下動手打我,佢個司機捉住我,我完全還唔到手,俾個老闆打咗唔知幾多拳,打到我成面係血,我求饒佢先肯收手。呢件事我會返北京報公安同請律師去告打我嘅人,唔好以為我哋香港製作人可以咁樣俾人欺負法。」採訪:鍾國仁




來源: http://hk.apple.nextmedia.com/entertainment/art/20161023/19809270
內地 片商 二打 打一 金像 剪接 張嘉 嘉輝 貼錢 拍戲 反被 被毆
PermaLink: https://articles.zkiz.com/?id=313288

鄭俊弘《與諜同謀》結局孭重飛撈家慘變二打六

1 : GS(14)@2017-04-10 23:36:02

羅嘉良(撈家)貴為三屆視帝,重返大台拍劇,理所當然應該都係重點人物……你以為啦,《與諜同謀》前晚大結局,撈家fans應該都幾失望喇,因為套劇真正嘅男主角,係日前認咗講大話、同何雁詩拍拖嘅鄭俊弘……不過事件變得好快,前日有報道話大台不滿鄭俊弘抗旨,準備將佢送入雪櫃。鄭俊弘喺(可能係佢最後一套劇嘅)《與諜同謀》中,佔咗大結局最多戲份,而撈家呢?只係得一開始以幻影身份出嚟讀道歉信同鄭俊弘和解,之後就只得一幕戲交代佢放低所有心事,安心離世嘅場面。至於撈家助手歐瑞偉,就兩次都陪住一齊出現。講番鄭俊弘,前晚佢原諒咗撈家之後,幫歐瑞偉同黃心美揭穿一班大老闆嘅陰謀,守住美世代公司資產,由奸人變番好人,一套劇正反角色都做齊,睇得出大台原本真係俾足機會佢。有網民話套劇好睇因為有撈家,只係為咗撈家先開電視,仲挑通眼眉指大台叫撈家返嚟,只係想幫啲新人上位。講真,呢套劇新人一大堆,湯洛雯、賴慰玲、黃心穎、李佳芯,唔少得仲有大台想力捧嘅鄭俊弘。不過就算有撈家喺側邊傍住,鄭俊弘演技都係唔多掂,網民就咁評論,好聽啲就係話佢「唱歌好過做戲」,難聽少少就係話佢「演技虐待緊觀眾」。有人仲戥撈家唔抵,話難得撈家返大台拍劇,唔明點解搵呢啲對手俾佢,仲話劇情沉悶冇得發揮,浪費咗一次機會。




來源: http://hk.apple.nextmedia.com/entertainment/art/20170410/19985882
鄭俊 俊弘 與諜 同謀 結局 重飛 飛撈 撈家 慘變 二打 打六
PermaLink: https://articles.zkiz.com/?id=329964


ZKIZ Archives @ 2019