ZKIZ Archives


唔講買乜股年尾有分紅中環在線:青年畢菲特似馬多夫 李華華


2008-12-18  AppleDaily


 

花 旗納斯達克交易所前主席馬多夫嘅世紀投資騙局越鬧越大,唔單止富豪名人受騙,連跨國銀行同保險公司亦中招,詐騙金額高達500億美金,大拿拿成3900億 港銀。原來50年代初出道嘅股神畢菲特,後生時亦曾經俾人誤會係投資神棍,懷疑佢搞「龐氏騙局(Ponzi scheme)」(註)。

外形太土冇人信

股 神俾人當呃錢黨,o依家梗係講都冇人信啦,但畢菲特後生嗰陣真係唔多識打扮,成個o靚仔咁,所以俾人覺得唔pro都唔出奇。佢本《雪球》自傳講,50年代 尾佢出道掛名做基金經理,喺自己地頭奧馬哈搵親朋戚友合夥集資買股票,仲未識「先敬羅衣後敬人」呢種處世之道。其中一個投資者諗番當年時更話,對股神嘅印 象係o靚仔一名,雖然畢菲特嗰時都年近30歲,但仲俾人以為只得18歲,兼且佢着衫衣不稱身,唔扣領喉鈕,講嘢又快過人,試問咁嘅外貌,又點會唔俾人懷 疑?外表唔專業不特止,畢菲特喺投資決策上更要全權話事,投資者完全冇得過問,佢亦唔肯同人講買咗邊類股票,懶神秘咁。

以為搞緊「龐氏騙局」

只 係每到年尾總結時,畢菲特就會向大家分紅,情況十足十家吓馬多夫咁,點會唔惹人誤會以為佢搞緊「龐氏騙局」吖。註:龐氏為意裔美國人,20世紀初曾誘騙3 萬多名投資者,將錢投資在子虛烏有的投資項目上,詐騙逾1500萬美金,故其後同類騙案亦被稱為「龐氏騙局」。李華華 LiWaWa@AppleDaily.com
唔講 講買 買乜 乜股 年尾 分紅 中環 在線 青年 菲特 馬多夫 馬多 華華
PermaLink: https://articles.zkiz.com/?id=4726

智取大市:跌市揸住乜股?

1 : GS(14)@2017-09-17 13:28:25

港股跌市要留嘅股,係升市或橫行市時股價跟升、跌市又跌唔多嘅強股,又或者非常接近支持位,唔爭在睇多幾格嘅股,內房股同教育股係前者嘅代表。除非港股直線下跌,否則強股有機會且戰且走,等爆上靚價食糊,好過跌市驚住低無限格掟出去。噚日提過嘅合景泰富(1813),點解喺內房股之中,近期股價升勢比較強?喺中期業績發佈會後,有報道講到合景泰富高層「保證」2018年至2020年嘅年增長率30%至40%,及後公司將「保證」二字澄清為「目標」,仲話高層計埋可供銷售貨源達到4,500億人仔,即係股份市值20倍以上!咪話唔誇張。前提係,合景泰富有冇足夠土儲去完成以上「目標」?合景近期吸納土儲速度相當快,6月底只有1,185萬平方米,上月底記者會上,高層提到近期土儲已去到1,570萬平方米,仲有70至80%土儲喺一、二線城市。雖然合景6月底計息長期負債達到445.54億人仔,相對淨資產246.52億人仔,屬於高水平,但內房市道暢旺之下,合景進攻嘅做法,絕對會受投資者歡迎。合景今年上半年每股盈利51分,年度化市盈率7倍唔夠,市賬率唔夠0.9倍。恒大(3333)講緊三千幾億市值,融創(1918)都見千億規模,200億、300億市值嘅進攻型內房股嚟講,除咗雅居樂(3383),255億市值嘅合景就成為新代表之一。由一開始冇乜人理,去到變成中小內房股代表,估值又夠平,就湊合到一個強勢故事。合景年初至今股價升咗1倍鬆啲,剩係追返雅居樂嘅升幅,再打九折,都可以挑戰10蚊了。晉佳




來源: http://hk.apple.nextmedia.com/financeestate/art/20170907/20145009
智取 大市 跌市 住乜 乜股
PermaLink: https://articles.zkiz.com/?id=340957

投資一周:炒完藍籌炒乜股?

1 : GS(14)@2017-11-05 16:39:12

大市喪炒藍籌股告一段落,輪到了炒新股和半新股的第二階段,講到炒新股和半新股,只有兩招,第一招是炒當頭起,如閱文(772),另一招則是執平貨,今日討論的股票是F8企業(8347),屬於後者。
F8企業是一間柴油及相關產品的銷售及運輸業務,直接說,即是殼股。它在4月12日上市,至今剛剛半年。上市價是0.32元,發行2億股,超額認購38.6倍,回撥了30%,即是出售了6,000萬股。以下是非常專業的分析,程度不夠者勿看:根據當時的market price,莊家折扣約在0%至20%之間,即是說,成本價不會低於0.256元。它有1.4億股存倉,但頭14日的總成交只有2.1億股,之後成交急縮,在第18天跌穿了招股價。上市至今6個月,總共只有5天有超過1,000萬股成交,但價格均低於招股價。看中央結算記錄,從上市至今的主力倉是大華繼顯和藍山,上市首天,共持有13.31%,現時仍共持有8.28%。按:現時的市場流通量是24.98%,即是兩大主力倉仍佔有3分之一的待沽股票,正在坐艇。現時其市值1.95億元,股價是0.244元,相比起其「估計成本價」0.256元,仍有折讓,因此我才說它是平貨。周顯投資者、八卦公、知識分子
mailto:phemey@gmail.com本欄逢周三刊出



來源: https://hk.finance.appledaily.co ... e/20171101/20201101
投資 一周 炒完 藍籌 炒乜 乜股
PermaLink: https://articles.zkiz.com/?id=343776

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019