ZKIZ Archives


千中之霸 味皇


From


http://hk.myblog.yahoo.com/lgaim-foolman/article?mid=2265


上討論區,成日見到有人買老千股踩屎,尤其係踩乜叔入股的老千股

我想妄自定義一下什麼叫老千股--以賺股東錢而非賺消費者錢為目的的公司的股票就叫老千股

佢地會以為有猛人入局係好事,有猛人增持就會升,等猛人出貨先走,查實"猛"係"兇猛"個"猛",猛人係唔需要出貨的

我們可以假定有3方:乜叔,乜證券行,乜股

1.首先乜叔安排人頭,以乜證券行的名義收集乜股票

2.當持股量夠多時,叫乜證券行發放消息同打手,同時左右手炒高乜股

3.乜股宣布新發展計劃,乜叔增持

4.乜證券行將股票發散比散戶,同時乜叔繼續增持,資金由乜證券行提供

5.乜股宣布集資計劃,大幅攤薄散戶同乜叔的持股

6.乜叔繼續增持,資金由乜證券行提供,而乜股成功集資,然後通過"包銷費"返還資金予乜證券行

7.乜股向乜叔同乜證券行所屬的公司交易,購買藍天白雲,集資資金全數流出

8.開始向下炒,合股,乜叔的持股攤薄到渣都冇曬咁滯,同時乜證券行又再收集乜股

9.乜證券行進行內部交易,重新分配股權予人頭

10.改名再炒過

如有雷同,純屬斷估



千中 中之 之霸 味皇
PermaLink: https://articles.zkiz.com/?id=10550

高C9手記:梁特造就「劏房之霸」

1 : GS(14)@2016-12-03 05:09:08

梁特對於市民的嬲嬲豬,視若無睹,爭取連任之心,昭然若揭,最近一有機會便講「政績」。好似周融以「真.超級聯繫人」身份,宣佈中央同意讓無回鄉證的反對派人士申請證件回內地,梁特舉手話自己一直在爭取。之前他又讚自己成功增加房屋供應,未來三至四年,落成私樓有9.3萬伙。梁特上任以來,一直主攻房屋,推出港人港地一度獲得些少掌聲,可惜港人港地項目「啟德一號」今年以高價開售,發展商還贈了一句:「特首無講話可以合理價錢畀香港人買到。」政策是蟲是龍,不用說了吧。講到未來三至四年有9.3萬伙新供應,相對過去每年平均1萬伙落成量,數字的確可觀。但近年發展商狂推「富貴劏房」,單位沒有最細,只有更細。之前大家打趣說,恒地(012)主席李兆基乃「劏房之王」,誰知其他發展商正努力問鼎「劏房之霸」。梁特下次想表揚自己時,麻煩先預備資料,告訴市民未來落成的9.3萬伙,多少是200方呎以下單位,順便講解一下,一個面積細如車位的單位,如何可以讓人宜室宜居、結婚生仔、有希望有將來?假若政府重量不重質,但求數字見得人,發展商合作之下,將所有項目統一切割為100方呎單位,莫講話9.3萬個單位,93萬個單位都不是夢。屆時,香港還可以培育一班「納米室內設計師」,創造新就業職位,隨時可以揚威海外,多威水啊。高淑嫻
https://www.facebook.com/koc9nine




來源: http://hk.apple.nextmedia.com/financeestate/art/20161202/19852230
C9 手記 梁特 造就 房之 之霸
PermaLink: https://articles.zkiz.com/?id=318030

【今晚打喪屍(3)】喪屍片Cult中之霸《生化壽屍》翻睇湯盈盈最有味道

1 : GS(14)@2017-06-23 02:58:30

湯盈盈喺《生化壽屍》性感演出,令人留觀眾深刻印象。



八、九十年代香港電影,殭屍片題材當道,林正英孭飛嘅《殭屍先生》、《殭屍家族》同《一眉道人》等都極為經典,當年根本冇喪屍片立足之地,又或者冇製片人會諗過拍喪屍呢類題材。數數手指,關於喪屍嘅港產片歷來少之又少,當中最多人講嘅會記得嘅,睇怕都係98年上映嘅《生化壽屍》。陳小春、李燦琛飾演嘅無敵同喪B,無論造型同角色性格都好搶,加埋視帝黎耀祥嗰份怕死狂恰老婆嘅演繹,套戲真係集有義氣、有縮骨、有喪屍、有劇情所有元素於一身。最正看點梗係湯盈盈啦,小背心真空上陣若隱若現,翻睇幾廿次《生化壽屍》都咁有味道,絕對係港產片中最具代表性嘅喪屍片!其後00年由馮德倫同李燦琛主演嘅《生化特警之喪屍任務》,製作或劇情上都同《生化壽屍》有好大距離,相信觀眾都冇乜印象喇。



《屍城》被批毫無劇情,只靠Jessica C.狂拋警鐘胸吸睛。

《生化危機》系列極受歡迎,係荷李活「喪屍界」嘅其一代表作。

韋史密夫嘅《魔間傳奇》同樣係講喪屍搞亂城市。


畢彼特嘅《地球末日戰》喺香港勁收逾4,000萬票房。

上年《屍殺列車》上映後即成全球熱話。

下周上映嘅《今晚打喪屍》可唔可以為港產片爭光呢?

其實喪屍片呢類題材,要喪屍嘅化妝特技逼真,喺大城市幾百隻咁跑嚟跑去咬人先夠震撼,要有大製作梗要有大資金射住,相信荷李活嗰邊先咁肯科水拍攝。大家睇吓踏入廿一世紀開始,《生化危機》系列一至六集都咁受歡迎,《魔間傳奇》同《地球末日戰》又係勁經典,同年代港產片為免比下去,根本冇人會拍喪屍題材。好喇,港人等到頸都長,14年終於有番部港產喪屍片《屍城》上映,可惜被影評彈完全冇劇情,成套戲只係由Jessica C.狂拋警鐘胸,香港累積票房只收130萬元,慘淡收場。不過,近年好彩有韓國嘅《屍殺列車》幫亞洲電影爭光,全球票房超過8,000萬美元,喪屍做得夠真,有劇情有溫情之餘,又可以探討人性問題,絕對係「喪屍界」嘅大突破!咦?下周香港又有套關於喪屍題材嘅《今晚打喪屍》上映喎!睇個陣容,有萬梓良出山帶住白只同張繼聰打喪屍,似乎幾有睇頭咁喎!一眾港產喪屍迷,你哋準備好未?近廿年喪屍片香港累積票房(只列部份)《生化壽屍》(98年)$6,207,050《生化特警之喪屍任務》(00年)$2,736,695《生化危機之變種生還者》(02年)$6,635,783《生化危機之殲滅生還者》(04年)$7,418,785《生化危機3:絕種生還者》(07年)$10,777,544《魔間傳奇》(07年)$21,774,087《生化危機3D:戰神再生》(10年)$18,378,506《生化危機之滅絕真相》(12年)$20,071,079《地球末日戰》(13年)$42,602,911《屍城》(14年)$1,312,761《生化危機:終極屍殺》(16年)$32,231,791《屍殺列車》(16年)$68,004,629




來源: http://hk.apple.nextmedia.com/entertainment/art/20170622/20063996
今晚 打喪 喪屍 屍片 Cult 中之 之霸 生化 壽屍 翻睇 睇湯 盈盈 最有 味道
PermaLink: https://articles.zkiz.com/?id=336623

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019