白滑楊丞琳着Self-Portrait露肩裙做輕熟女
1 :
GS(14)@2017-01-17 01:55:23台灣女星楊丞琳日前於台北出席代言的護膚品牌發佈會,在台上分享保養肌膚的心得,原來是天天勤做mask,才可以keep得白滑童顏。當日她身穿Self-Portrait藍色喱絲露肩長裙,優雅大方,一洗舊有可愛教主形象,展示輕熟女的一面。近年被女星熱捧的時裝品牌Self-Portrait,設計fancy,手工好加上價錢由二三千起有交易,性價比高,就連賭王千金何超蓮、千億新抱徐子淇都愛,而名模熊黛林早前就穿上此品牌的白裙簽紙結婚。
來源:
http://hk.apple.nextmedia.com/entertainment/art/20170116/19898259
曾被客戶嫌棄楊丞琳想整走「生招牌」
1 :
GS(14)@2017-05-27 08:54:2832歲嘅楊丞琳原來出道已經17年,近年同內地藝人李榮浩戀情打得火熱,自從公開戀情後,頻頻傳出好事近,甚至被誤傳已「秘密結婚」,日前接受訪問透露對婚禮嘅諗法。楊丞琳接受訪問時表示鍾意嘅男仔要具備3個特質「責任心、孝順、要有自己嘅經濟能力」;至於婚禮,雖然暫時冇乜諗法,但係就想簡簡單單,不過就唔可以喺海島,佢怕天氣打亂整個計劃。講到佢右邊臉上嘅痣,一直係楊丞琳嘅生招牌,但訪問當中,佢透露原來因為出道時成日被客戶嫌棄,所以一度想整走粒痣:「但醫生說要開刀才能除去,而且臉上會有小疤痕,最後就打消念頭了。」
來源:
http://hk.apple.nextmedia.com/entertainment/art/20170527/20035151
楊丞琳破格咀梁洛施Juno臨場被加戲錫男模
1 :
GS(14)@2017-08-02 06:15:16講起張敬仁,近日最紅嘅必數佢喺ViuTV劇《賤民20》中同吳海昕(Sofiee)女女咀,仲有激烈床戲。其實喺圈中早就有同性咀戲出現,數到比較經典嘅場面,就有何俐俐喺楚原導演嘅《愛奴》中,與貝蒂飾演同性戀者,更有女女咀嘅場面,喺當時嚟講算係相當大膽,更有指何俐俐呢場戲,引起咗國際影壇注目。而另一場女女咀戲、並登上國際影壇嘅,就係2007年推出嘅台灣片《刺青》,由當時喺台灣大紅、有「可愛教主」之稱嘅楊丞琳,夥拍憑《伊莎貝拉》獲得第27屆葡萄牙波圖國際電影節(Fantasporto)影后嘅梁洛施合演同志電影。片中兩人有激情鏡頭,而呢套戲亦先後獲得柏林影展「泰迪熊獎」及羅馬亞洲電影節「最佳影片」。男演員方面,本港歌手暨導演麥浚龍(Juno),喺2013年「重返」樂壇推出新歌《鶴頂紅》,當時佢更邀請加拿大刺青名模Zombie Boy,有指佢哋兩個場咀嘴戲係導演臨時嗌加,而呢次仲係Juno嘅螢幕「同性初吻」。
來源:
http://hk.apple.nextmedia.com/entertainment/art/20170801/20108083
Next Page