徐子淇升呢千億新抱 雪兒嫁酒店大亨之子做少奶奶
1 :
GS(14)@2017-02-05 10:48:28想當年，o靚模仲未興起，但模特兒總叫係新面孔，尤其以混血女模更為吃香，正所謂「十年人事幾番新」，同Danielle同期嘅女模們，家陣又去晒邊？徐子淇於澳洲長大嘅徐子淇，喺14歲時被模特兒公司睇中做模特兒，後來亦有拍過電視劇及電影等，星途一般嘅徐子淇於04年7月認識現任老公、恆基兆業創辦人李兆基次子李家誠，其後2人共墮愛河，到06年兩人共諧連理，徐子淇正式嫁入豪門。婚後徐子淇努力「造人」，結婚10年共誕下兩子兩女，同老公李家誠又不時放閃晒恩愛，生活相當幸福。雪兒1997年憑住同天王郭富城合演電訊商廣告走紅嘅雪兒（Michelle Saram），喺香港發展過一段時間，拍過大台劇《創世紀II之天地有情》同《尋秦記》、又去過台灣參演《流星花園2》等，喺7年前低調嫁畀新加坡GHM酒店集團大股東Zecha嘅仔Ajai，婚後定居新加坡。現時佢除咗陪老公周圍飛去睇酒店嘅新location之外，仲同老公構思將紐約嘅烹飪學校International Culinary Center帶嚟亞洲，同時修練自己嘅煮藝。
Lee Ann經典廣告對白「我係咪好任性呀？」就令人聯想到中法混血模特兒Lee Ann（李鞍），10幾年前，佢移居法國結婚生女，任職兒童心理學家，至今已育有兩女。佢舊年回港為拍賣行擔任珠寶模特兒時表示，女兒開始長大，希望可以多啲回港工作，又放風話對功夫有濃烈興趣，仲一直有學蔡李佛拳，如果有人搵佢拍戲，佢一定會答應。
Maggie Q一早打入荷里活嘅Maggie Q近年除咗忙於拍攝《分歧者》（Divergent）系列等演藝工作之外，亦有關心世界大事，一向愛護動物嘅佢茹素多年，亦係善待動物組織（PeTA）嘅活躍分子，不斷呼籲反對用皮草，亦曾獲選為亞太區年度風雲人物。有報道指Maggie Q上月中與眾PeTA嘅請願人士到時裝品牌Canada Goose多倫多總部門外抗議，更帶捕獸器作血的控訴，指該品牌外套用了郊狼的皮毛，Maggie Q要求與公司行政總裁Dani Reiss會面，商討不再在外套上加毛皮，但遭拒絕。
來源:
http://hk.apple.nextmedia.com/entertainment/art/20170204/19917729
印度石油大亨膺胡潤「一帶一路首富」
1 :
GS(14)@2017-07-08 20:50:07【明報專訊】中國成日都講一帶一路，胡潤研究院噚日就發布咗《2017胡潤一帶一路富豪榜》，報告喺63個一帶一路沿線國家搵到374位十億美金富豪，首富就係印度石油大亨安巴尼。
喺咁多個國家入面，印度擁有最多「10億美金富豪」，有100位上榜，其中醫藥業就最多上榜富豪，共有20位。同大家預計嘅一樣，一帶一路沿線國家嘅上榜企業家入面，從事金融服務行業嘅最多，佔咗10%；其次係能源，佔9.4%
內地501人擁10億美金身家
另外，胡潤喺大中華區搵到609位10億美金富豪，比去年增加41人，其中中國大陸就有501位。上榜富豪嘅淨資產總額達到11萬億元，平均年齡58歲，比其他一帶一路沿線國家嘅上榜企業家平均年齡細8歲。胡潤就話：「中國企業家的影響力在一帶一路國家中遠遠第一，不管是從超級財富創造者的總人數（1.6倍），還是從財富總量上，况且還更年輕。」其實講咁多，最終佢哋似乎想話畀大家聽，中國嘅企業家比其他一帶一路嘅國家嘅企業家做得更好。
email:
[email protected]
[小琴密語]
來源:
http://www.mpfinance.com/fin/dai ... 4692&issue=20170707
經濟客艙：100萬做日本酒店大亨
1 :
GS(14)@2018-02-28 07:41:32中國人愛到日本玩，有錢嘅中國人更愛買日本樓，為資金尋找出路，期望投資有回報。適逢日本將於2020年舉行東京奧運，大阪又競逐2025年世博主辦權，今日今日仲靠日圓低水置業撈大客，未足以滿足購買力最強勁的內地客。大阪市中心走一趟，日本橋附近三步一間藥妝店，五步一間地產代理商。地產代理同香港嘅差唔多，貼滿筍盤簡介外，都有加入「投資移民」簡介。原來近年日本地產代理開闢「海外買酒店項目」兼移民，簡介不再以日圓低水為重點，反而係投資酒店項目，落成後有得住（送每年5日免費住宿兼來回機票）、又有得賺（聲稱6厘淨租金回報），兼且以投資移民為賣點。投資金額可為兩期支付，簽約後畀1,000萬日圓，落成後再畀800萬日圓，又免管理費、維修費、火險、水電費同其他雜費等等。1,800萬日圓即係幾錢，折合約131萬港紙，真係聽見都覺又平又好抵！作為精明嘅投資者，買樓並非買菜，價錢越平非越好，中伏機會亦越大。2020年東京奧運兼大阪爭逐2025年世博主辦權，日本大財團也積極加入投地興建酒店，京、阪、神同東京呢兩年市中心大興土木起酒店，滿足訪客需求。睇返日本報道，單計三菱地所株式會社計劃喺上述地區開9間酒店，最快三年後開幕。外國大型酒店連鎖好都去大阪或東京開新酒店。日本瑞穗資訊綜研發表報告，去年推算2020年京、阪、神同東京將出現酒店客房供應短缺。不過，今年1月調整報告嘅預測，由原先供不應求，成為供過於要，預測全國兩年後將會出現45萬間酒店客房過剩。有日本地產市場調查亦估計，全日本酒店建成量急增，喺東京、大阪、北海道、名古屋、仙台、京都同福岡等地方，2017年至2020年期間合計有8萬間新酒店客房，亦多過一年前6.5萬間預測，當中以京都同大阪預測增長最勁，分別錄57%同42%。數字反映，奧運同世博燃點起日本淘金夢，期望兩大主題盛事吸引海外旅客搵錢。不過，畀一球多啲啲就可以做酒店大亨兼投資移民，呢個究竟係咩概念，我會話：「咁都畀你諗到！」
FB:
https://www.facebook.com/seeforcaptain/
來源:
https://hk.finance.appledaily.co ... e/20180226/20315250