http://thesnowshine.blogspot.com/2011/02/blog-post_16.html
你應該會發現有N既N次方既盲毛無論識與唔識都走去投資，那管是外匯股票或者衍生工具，只要能夠買入並期望有天能以較高的價錢賣出，就會有盲毛 推一堆錢入去，雖然百分之九十既盲毛最後都係連毛都無一條，但你唔好理，盲毛永遠不死。係盲毛北後我地可以發現這不無道理，因為單靠工資收入而致富的人真 係非常之少，除非你係出色的律師或者醫生，否則幾本上好多人連三餐和住宿都足襟見衬，更何言致富。
好啦，點解無啦啦會有咁既偉論發表呢，因為就係尋日見個份七千蚊既工作，要靠工作致富真係唔使諗，我每個月基本生活費已經慳無可慳，都要 三千，扣埋淨四千，一年先得五萬咁大把，當佢一次過出晒咁多年比我，我頂多都係得百五萬，買樓都未夠啦，唔好講乜野退休同財務自由了，所以低收入既人必須 靠投資創富，點做呢，講下廢話先，就係低買高賣。嘩，真係廢到無朋友，可惜呢個真係堅野，唔係講笑，你試下而家將筆錢放晒入去股票到然後長期持有，同我堅 持多一陣間再放入去，應該會差好遠，我認為平時股巿高位是應該囤積現金以備他日大跌之用，當大跌之時買進並守候約兩年時間翻倍的機會實在很大，所以與其不 問價平均成本法買進，我認為真正能夠創富應該是接近底部買進而在合理估值以外沽出，其他的都是巿場推銷效果大於一切，平均成本法都要睇你個標的，換轉係日 經指數，你再供多十年都應該無仇報。
七千蚊既工作並唔可怕，怕係怕在你自嗚身價高，應該收皮幾野一個月先合理，不過呢個世界失業率應該會越來越高，你唔趁有得做時做住先而等 一份好工的話，我諗你成功運氣的成份極高，因為面試個時人地覺得你樣衰你再勁都有可能唔請你，吹呀，實情都係咁樣，無辦法，你有可能見到SALES姐姐多 數係靚女，實情係因為可能佢靚女所以先請佢，你係老細你都唔會請個樣衰衰的吧，趕客咩大老，我地唔應該岐視，樣衰無罪，順便為自己辯護一下，不過社會唔存 在岐視就假既，信唔信由你。最後我認為無論份工幾多錢都好，你都應該做住先，騎牛搵馬，下一份工只要多過七千，即走唔使比面，一步步將工資擴大，然後能有 更多錢去投資，致富應該唔難，但係要時間囉。
http://thesnowshine.blogspot.com/2011/02/blog-post_14.html
過左一個情人節，你問我有冇花幾百元買一札花和幾百元食一頓飯，答案當然沒有，這好比自己投資一樣，如果你自己投資的哲學和生活並不相同，很明顯自己並 不是率性而行，這樣很辛苦吧，如果辛苦才能有財務由，這樣有錢都沒有意義吧，我認為投資和生活一樣，既要有目標亦都要舒服，不然我認為你不要逆自己的性情 而行，遲早發癲。
講返情人節，其實札花可以話係表白又好，或者方便說話一點吧，不過為什麼不在平日送呢，平日送可能比今天送出更能節省，不過那些女兒心事 誰人知呢，平時三百六十四天不好也沒有問題，只要今天做得好就可以了，世事認真奇妙。還有為什麼不在昨天或者明天晚上才吃套餐，一定要今天晚上吃呢，今天 吃又比平時貴了一至兩倍，值不值得真是見人見致，不過很多女兒們都希望今天就是要人有我有，咁先會開心，看來當價值投資者和核心愛情觀真是源出一澈，沒有 什麼分別。太多人流於形式和現面，核心那一層根本沒有太多人理會，結果將是根基不好，進而影響往後的發展。
似乎有太多野並不能以金錢衡量，有些時候金錢的多少反而是其次，更重要的是時機和意義，投資我想差不多都有相同的見解，有時候賺得少要比 可能賺得多更強，因為當巿場進入瘋狂的時候，買入股票賺的機率很多，可是被斬殺的機會亦都相若，在此情況之下持有定期存單和定息投資應該還更理想，又再一 次證明有時賺錢反而唔重要，唔好失去錢更會重要。
前排經歷一個調整巿，左諗右諗固然唔好，但因乜事左諗右諗肯定心中有數，如果你五十元買進長實，有乜好諗，跌就跌反正本死無大害，可是對 於一百三十元買進的人，有乜辦法可以唔諗，即係話買入的時機和價位極之重要，重要到足以左右你自己能否長期持有的關鍵地位，所以如果下一次再有一堆現金在 手，但又沒有好的標的買進，不妨就持有現金，即使巿場大吹美國又印錢的時候，你都吹唔漲就可以了，始終吹風是支持不了高估值的，遲早會跌，急不在於一時。
http://thesnowshine.blogspot.com/2011/02/blog-post_17.html
有心學投資既投資者必定要看的一本著作《一個投機者的告白》，由已故德國股神安德烈‧科斯托蘭尼所著，其中最令我印象深刻的是科斯托蘭尼雞蛋，其中 講到成交量和價格升跌的關係，每次大成交一定係見頂或見底的信號，不過所謂的價格升跌就有點難以判定了，所以很多人睇完反而感覺上比未睇之前更混亂。在此 我則簡單闡明我自己對此一蛋之說法的看法我心得，讓各位讀者一齊分享。
最近我深入了解PSP這一部發行已久的遊戲機，一向不打機的我突然被眾表弟玩芒亨吸引住了，可能平時自己一個人打十分沒趣，突然死班死靚 仔一齊玩有一種重拾童年味道的感覺，所以心想不如收返部玩玩啦。先係香港那邊幫表弟收左一部，對方標價1100元，我厭價950元，對方答我已經有人於 1050元承接，問我出唔出手，當然我從不緊張，回覆讓別人買，但過不久同一個賣家又問我一千能否交收，這時候我知道賣方處於弱勢了，所以我死都企硬，最 後死死氣於950元賣出予我，交易時候先了解到原來賣家急住買PS3，所以就賣左比我。但另一部機收購得唔係咁順利，因為這部份賣家知道巿場肯定唔止呢個 數，而且也不急住放，所以到而家我都未到手。
但這件事情令我明白到，巿場永遠有買家，但買家如果唔急，而賣家好急，那肯定價格下跌，相反買家急而賣家待價而沽的話，價格肯定會上漲， 但兩者成交量都會相當少，在此一情況之下，就能夠顯然判斷得出處於什麼巿場，相反雙方都急或都不著急的情況下，前者肯定是見頂先兆，後者則是一個牛巿的延 生。雙方不斷換手的機會只有頂部才會出現，個個鬥傻錢又要貨又要，唯恐買唔到貨又或為幾仙爭住沽，有乜辦法唔見頂。而雙方都不著急的情型通當在急急腳的賣 家逃脫後貨源盡歸強手，這時候買家和賣家都幾乎係同一批人，這時個個都靜待另一個牛巿的延生，所以買賣雙方不急的時候就是底部了。大家可以按照蛋蛋和我的 交易心得去測試一下最近十年的巿場，應該也有些許共鳴的。
http://thesnowshine.blogspot.com/2011/02/blog-post_20.html
2008年係銀行工作，由於巿場而言實在波動非常，客戶做產品的意願大減，那段時間非常難捱，做對外銷售既我更加唔使講，於是乎自己帶左本天書返 去寫低自己想做的事業，也有一些自己能做可是不想做的事業，不過事業呢樣野好奇怪，自己一條友去建立的話真係好辛苦，所以我更多的時間是去找能合作的人， 無論資本或者管理技術，我都希望有進一步突破。
我想做的事業有以下一堆，例如財務策劃事務所，我想呢到大部份讀者都會有興趣的一個事業，那我就多說一點吧，睇名都知道係乜，實際操作就 係當有客戶遇到財務問題和困難的時候，你就要設身處地而幫佢想出解決辦法和制定計劃，並且不時幫佢修正同維持應有的軌跡，講起來很易做實際難點在於，首先 客戶如何找到你，第二是客戶為什麼信任你，這兩個問題非常重要，也絕非隨便考兩個什麼CFA或CFP就能解決的事情，因為在我而言就算你有CFA或CFP 也未必真的會了不起，只要應付了一個考試罷了，坊間大把考試攻略，要考到都唔出奇。投資和財務策劃絕對唔係書本上所說咁簡單，不然買保險、分散投資就搞掂 了，使鬼讀咁多乜野證書，更多係你對大勢的判斷，持股的營運，以及風險管理。做呢一行最重要係解決信心問題，有好多客戶因為怕左你係保險經紀而拒絕接受邀 請，比著我都會，首先你自己已經代表一家銷售公司了，這樣沒有公信力可言，第二多數保險經紀做壞晒個形象，死纏爛打，煩到無朋友，係人都怕左。因此我希望 可以建立一個財務策劃事務所，純純正正做返個IFA咁就好。
另外也有一堆唔係太想做可是我又能做的事情，太多了，如果有興趣或者我可以搞個創業坐談會，等大家出來傾下創業心得和想發展既事業，應該會比打出來更易一些，星期六由於又走左去面試，無乜心情出文，今天就此補數，明晚再續。
http://thesnowshine.blogspot.com/2011/02/blog-post_22.html
坊間有句說話叫做有買貴無買錯，當然你點左對既公司只係時間問題最終都會獲得回報，不過你天價買進好公司後你就會發現自己受害多過受惠，雖 然公司不斷發展，而你獲得的收益都會不斷增加，不過就如十蚊買進九倉和六十蚊一樣都是相同的公司和權益比重，可是收益率就大大地分別開來了。如果高價買進 好公司叫做投資的話，我認為呢個世界就沒有所謂的投機了，真正既投資係關心回報率和回報的可獲取穩定性衡量的，上述例子好明顯回報率已經跑輸銀行存款，咁 仲有乜理由相信這是一筆好的投資呢。
這件事是我自己買進青啤以後再重新獲得認知和認同的，對上一次知道的是2008年，好公司卻估值太高了，失敗，相對於低估值可是公司不好 的情況，故然是比較優勝，可惜相對於最理想的投資而言，這是很大的敗筆。結果如何呢，單是青啤一隻已經令我虧損了近六萬元，真係雖然相對整體而言只是很輕 微的跌幅，可是我認為自己根本不應該犯下這樣的錯誤呀，現在我將錯誤告訢大家，這可花了我六萬元而買進的教訓，相對價值不菲呀。 我認為當巿場整體估值開始相對提高了，投資者便要有所戒備，寧願持有現金，也不要因為擔心現金會眨值而降低自己的投資標準，以高價買進好公司，到最後一定 會傷得很重，千萬千萬不要以此為藉口令自己提高收購價格，再好的標的一旦價格過高而會令收益變差。
每一次巿場的起伏都會做成財富的轉移，真正出現投資的時間是非常之少而明確的，其餘八成時間股巿都已經反映或超乎想象地過份反映了事實， 這些情況只適合持有和拋售，看來持有現金都不失為一個好的投資，當巿場高估了，現金也無不妥。你如果今日用十蚊買進並企圖下一秒以後用十一元或更高價錢拋 售，這只是一個博傻的遊戲，每一個參與者都有機會成為傻瓜，重要的投資時機好明顯是人人都拼棄之時，而如果有人想自己挑戰自己不是傻瓜的時候，你應該成全 別人，將股票以高於價值拋出，然後靜待傻瓜競賽的結果公報。
http://thesnowshine.blogspot.com/2011/02/blog-post_23.html
今日去見左一間公司，講完我都唔知做乜既，總之都係一句sell字，講晒，間公司係做物流，點解叫三流公司，其實所有野都係三條流決定一切，即係物 流、現金流和信息流，你是旦無一樣你生意都無得做。講講下咁樣又可以上一堂課，三個流之中，幾本上互相緊扣，又互相影響，信息流係靈魂，物流和現金流之間 就好似神思交匯一樣微妙，明唔明呀各位，唔明唔緊要，等我再講明一點吧。
物流即係將貨物或服務送到消費者手裏，好似好簡單，實際上係講求時間與過程的一種結合，例如一支紅酒，由酒莊送到我地手裏面，真係唔單止坐船坐車咁簡單，係運輸過程之中既存放以及存儲條件的不同，都可能產生不同的結果，所以物流做得好，所有野都事半功倍。
現金流其實又可以講係財務流，即係錢如果來如何去，通常三軍未動糧草先行就岩架啦，即係最好你貨未出比人就收錢先，最fit當然係咁啦， 但有時你可能會求做生意而糧草比人食晒都未收到錢，亦唔出奇，不過如果係呢種情況之下，最好嚴格地視乎你既客戶情況，以及自己係數期之內有冇足夠彈藥生存 落去，不然你全部流動現金蟹晒係同一個客戶身上，到時你投降個時，無人可憐你，你既客戶亦可以大條道理要求你八折或者七五折還款，到時你利潤又無，期間裏 面出現既機會都無埋，真係可以謂之雙失。
講埋信息流，點解我會話係靈魂呢，好簡單，就算你以上兩個流都做得好好，但你信息唔靈通，鬼有人知你係到做乜野生意，無生意你物流或財務 做得幾好都無用，所以靈魂係好重要，咁點解決信息問題呢，Let your customer know，就係咁，點先可以比人知，亦有兩種情況，一種係人地已經知道想要乜，另一種係佢都唔知自己想要乜但其實係要既，前一種情況好簡單，其實係一個問 一個答，就closed，後一種情況係你可以反問佢係咪想要這個或那個呀的一個過程，問到佢岩為止。除非你間公司既產品係人都想要，而你又係獨巿，否則幾 乎你每日都要煩住去promote你自己，等於派傳單咁，人地見到你都覺得煩，但有需要既人見到你就好似神仙一樣，真係好奇妙。
講完三個流，篇幅都差唔多，總括一句，創業或者守業就係要不斷優化呢三個流，通常生意失敗都係信息流做得唔好，也有些信息流做得好好但衰係現金流到，呢種我叫做有前無後打死罷就，唔可以咁，我地做事要有要求一點，要有前又有後，打得又睇得咁先係掂。
http://thesnowshine.blogspot.com/2011/02/blog-post_24.html
今日全數沽出所有持股，幾多錢唔講啦，點解會沽貨呢，我話自己感覺好all right，所以沽出你信唔信，哈哈，如果係既話各位讀者們應該拍拍屁股一走了之，因為雪明係痴線既，當然我無痴到，我賺同蝕完全關係到我既生活和人生既安排，沽貨係出於以下原因的。
首先油價同金價係咁升，幾本上如果時間長而價格持續，好多企業將會受成本上漲影響，這樣會派會出兩種情況，第一種係能夠轉嫁給消費者，第 二種係不能。後者唔使睇，先死一次先，而第一種情況將會導致物價上漲，咁既情況之下，通脹升溫，衍生出既效果係央行加息，這樣的情況之下，有乜股票唔會死 呢，而上述第二種股票就會雪上加霜。而且香港股巿的動力繫於中資股，中國最近不斷加息，加上原料不斷上漲，未來也會不斷加息，壓制消費品和民生必須品升 價，到時大把股票都要死，而且中國的工資水平要不斷上漲，這樣只會更加放大了以上的效果，結果係點大家可以想一想。
有人曾經講過讓人民幣不斷升值以抵消通脹的效果，有乜可能先得架，中國想一步成為內需主導簡直異想天開，總體經濟還是由出口帶動的，如果 人仔持續升值，變相出口競爭力下降，內需國既話你可以參考美國，美國內需左好耐終於而家點呢，咪有咁耐衰咁耐囉，中國唔應該亦不希望人仔不斷升值，早晚會 推高失業率和減少出口活動，經濟將大受打擊，沒有出口只有內需，不就是一個食老本的模式，你認為可取嗎。
之前講左每逢九倉配股供股，個巿都接近玩完，事實係點目前來講應驗左一部份，往後係點就不得而知了，基於以上咁多種理由，我選擇出清持 股，本年度兩個月微有虧損，但這是我可以想辦法去彌補的一件少事，到目前一刻為止以往作的決策都是正確多錯誤少，往後這種決策將會引導我做得更好。餘下時 間繼續觀望，直到我認為應該買進的時候，我會再和各位交待一下，記住以上只係我自己個人的猜想和推導，並不應當成係名言或者邀約，自己諗清楚呀。
http://thesnowshine.blogspot.com/2011/02/blog-post_25.html
今日撳得好high，尋日沽晒d貨，今朝開巿有機會競價回補返所有倉位，但係因為排唔到我，結果失之交臂，以為今日又係得個睇字，點知唔夠二 十分鐘居然又有一個進貨機會，諗到唔諗三十萬成交，然後掛高少少又沽過，咁樣來回又六十萬，跟手見到第二間同類型公司無啦啦跌喎，二話不說又推二十萬進 場，都係掛高少少又沽，來回又一百萬啦，上半場結束。中午梗係食飯同芒亨啦，然後芒到咁上下，就去睇下有乜股好買賣，搵搵下無啦啦比我又搵到間個個都升佢 無厘頭跌既綜合公司，隨便睇下位年報就推十萬進場，諗過坐倉過夜，突然好似巿場發現滄海遺珠咁，又爆上，我梗係又沽啦，咁又百二萬。最尾個三十分鐘，又一 次比我入返尋日沽個堆貨，仲要係靚價，三十萬呢舖真係打算過夜，咁又手痕痕求其掛返個高位試沽，心諗都無乜機不如去打機，打打下赤甲獸，無啦啦"清"一 聲，成盤，就咁樣我今日刷新左單日交易額既記錄，係一百八十萬。賺幾多唔好講啦，笑死人，不過即日仲要咁隨便，我覺得好好架啦，反正原意係空倉，有機咪趁 一趁佢囉。
撳錢呢隻game真係令人著迷，香港now TV推左個撳錢節目，完全唔需要乜野技巧，單單一個錢既概念就可以令到你花一小時去撳佢睇佢，看來8號仔都唔係講少，咁都比佢食到條水，個個時段支出少收 入真係大，每日送十萬出去，你都可能會心動不如花百幾蚊裝返個NOW撳一撳，錢就係如斯令人著迷。股巿都係一樣，好奇怪，因為可能快，而且當你失敗既時 候，你都可以用投資呢兩個字去說服自己唔係係到做緊傻事，實情係傻人先會咁去諗，呢個巿場只係有對同錯，錯既投資比對既撳錢仲要離譜得多，即係簡單D講， 股票係用幾多錢去買一盤乜野生意，但係更多人理解係往後會有多少升幅，鬼知咩，比你知道都無用，因為到時候只有人沽無人買，咁你又點沽呢，岩唔岩。
說時遲那時快，倫敦個邊又無啦啦話交易技術問題而要停巿，點解一到三四月份就會有技術問題，上年好似又係差唔多時間美國個邊又跌到九彩，都係程式問題，係人係鬼遲下就會知道，本交易日我又係空倉過週末，現金為王。
http://www.21cbh.com/HTML/2001-7-16/0NMDAwMDAwMjk0NA.html
□本報記者 若水河 北冀州報導
7月，隨著茶飲料競爭漸成烽火之勢，擁有160億品牌價值的冰茶旭日升「兵敗」茶飲料的傳言陡然增多。隨著世界各大飲料巨頭紮堆「炒茶」，以及旭日集團不 斷收縮冰茶戰線，橫向開展多元化經營，旭日升冰茶的前途愈發變得曖昧不清。7月5日，帶著這些疑問，記者採訪了旭日升集團有限公司河北冀州總部。
重組風暴
「旭日升集團早在去年就開始了戰略結構重組，」集團秘書長白慶寧強調，「並於今年2月完成。」在這場旭日升集團成立8年來最大的一次震盪中，將近1000 名銷售人員被精簡，包括兩位分公司經理級人物。白慶寧說，觀念的落後是這批人被精簡的根本原因。與此同時，旭日集團從可口可樂和寶潔等著名跨國公司聘請 10多名職業經理人，充實銷售隊伍，打造旭日升新的營銷體系。
除裁員和引進人才外，旭日集團確立了全新的管理機制和營銷體制，改革的主體是建立五大事業部群，包括飲料事業群、冰茶紅酒事業群、茶葉事業群、資本經營事 業群和「紡織及其他」事業群，實現多元化經營。改革後的旭日升集團，飲料仍是主營項目。飲料事業群下轄渠道總監和市場總監，實現總部對事業群，事業群對全 國各大片區，各大片區對省級公司的垂直管理。同時，旭日集團還建立物流、財務和技術三個垂直管理系統，強化職責，規避風險。
在冀州，旭日升成為這個城市引以為榮的品牌公司創始人段恆中被當地人稱為「能人」，連出租車司機都知道他的「借雞生蛋」策略。
1993年，前身為河北冀州供銷社的旭日升集團成立，作為市場前瞻性的的產物，冰茶的誕生來自於段恆中對國內外飲料市場的考察結果。1994年旭日升集團 投入3000萬元用於冰茶的生產和上市，並獲得幾百萬元的市場回報。1995年，旭日升冰茶銷量達到5000萬元。1996年驟然升至5個億，開始了「冰 茶神話」的旅程。在市場銷售最高峰的1998年，「旭日升冰茶的銷售額達到30億。」2000年，旭日升品牌價值達到160億元。
「旭日升的成功主要是品牌營銷和低成本擴張的勝利！」集團副總經理王勇透露說，「我們善於整合資源。茶飲料不同於碳酸飲料的產品差異性，以及1995年開 始的鋪天蓋地的廣告策略為旭日升迅速竄紅打下了品牌基礎。」1995年，源源不斷的定單使旭日升感覺到現有設備已經無法滿足生產需求。在考察引進設備的過 程中，旭日集團發現全國很多廠家的生產線嚴重開工不足甚至停工。「我們忽然意識到可以採取租賃廠房或委託加工的方式生產產品」。通過篩選，旭日升集團從全 國各地5000多條候選生產線中選擇了60多條。「這種借雞生蛋的資本運營方式不僅解決了資金、時間、運輸等快速擴張中的一系列問題，為以後的低成本擴張 打下了堅實的基礎！」王勇說。
然而，市場風雲瞬息萬變。隨著康師傅和統一在茶飲料行業的異軍突起，競爭加劇使旭日升市場份額迅速從最初的70％跌至今天的三成，市場銷售額也從高峰的30億下降到不足20億。由於戰線不斷收縮，旭日升的銷售區域主要集中在華北、西北和東北等地區。
業內人士認為，1999年以後，由於茶飲料市場需求擴大，市場細分跟近不夠及時，一直囿於冰茶領域的旭日升被康師傅和統一搶去大塊市場，賴以成名的「冰 茶」專利漸漸失去創新的優勢。此外，旭日升的營銷體系也存在很大問題。在旭日升的成長過程中，作為傳統「分銷渠道」的糖酒會起著至關重要的作用。然而，旭 日昇銷售渠道的建立是傳統供銷體系的延續，這種模式在企業創業時期起著很大作用，但隨著營銷渠道多元化發展，旭日升漸漸落後於市場。
台系資本通喫茶飲料
20世紀90年代，茶飲料是歐美國家發展最快的飲料，被稱為新時代飲料。在台灣和日本，茶飲料已超過碳酸飲料成為市場第一大飲料品種。「台灣95％的飲料 企業都生產茶飲料。」廣州統一企業的李文傑協理介紹說。作為中國茶飲料的啟蒙者之一，同為台系資本的頂新國際集團和統一企業壟斷茶飲料市場已是不爭事實。 在全國，這對台系兄弟幾乎佔據三分之二的市場。在廣州、深圳、西安和武漢等地，「統一」茶飲料和頂新旗下的「康師傅」茶飲料佔據了80％的市場份額。
旭日集團副總經理王勇認為，旭日升的成功是因為「只是比對手快了半步。」正是這半步使旭日升搶得市場先機，大量的廣告和市場投入都獲得應有的回報。相對而 言，康師傅和統一的成功則在於比旭日升慢了四分之一步，比其他對手快了四分之一步。選擇這樣的切入時機對成就台系兄弟今天的市場地位起著重要作用。 1998年，當旭日升冰茶神話正如火如荼之際，頂新國際放棄「康師傅」純淨水在全國飲用水行業的三甲地位，斥巨資進駐茶領域。與此同時，統一企業（中國） 投資有限公司也揮師茶飲料市場，憑藉在台灣30年的茶飲料營銷經驗，以及雄厚的資本實力，迅速獲得成功。如今，康師傅和統一的領袖地位已經造成茶飲料在包 裝、口味等方面先入為主的效果，並成為隨後進入茶飲料行業競爭者遵照的「標準」。這一「標準」正逐漸成為行業的天然壁壘。
「我們的產品研發和分銷體系實力很強。」統一企業（中國）投資公司企劃群經理李時德說，「我們如果在市場上有5個產品，手頭還會有5個，應付隨時出現的市 場競爭。這是我們的制勝法寶。」在李看來，現代營銷是一場「終端戰」，一切的市場反應都來自這段「神經末梢」。因此，無論是統一、康師傅還是可口可樂，大 家都力求建立能自由掌控的分銷體系。「統一在全國有100多個營業所，每個營業所主要針對大的賣場、超市，其他的小終端我們就交給經銷商。」李說，這種營 銷也是「人海」戰術。在上海，統一共有4家營業所，每家都有上百號人。同樣，為增強市場競爭力，康師傅在兩年前就著手改造分銷體系。該公司總裁魏應州聲 稱，除了一級和二級經銷商外，「康師傅」自己掌握的末端達到220萬個。
「我們在事實上已對旭日升形成合圍之勢！」李時德笑言，「旭日升將很難承受康、統夾擊」。作為市場的主要競爭對手，統一和康師傅一直是一對歡喜冤家。日 前，剛剛還是你死我活爭鬥的雙方又傳出即將成立「康統聯盟」的消息。不難想像，一旦統一成功收購頂新集團在香港上市的頂益控股股份，受打擊的顯然不止旭日 升，屆時，恐怕所有對手都只能望其項背。
AC尼爾森的一項調查表明，最近幾年中國茶飲料市場發展速度超過300％，茶飲料已經成為僅次於碳酸飲料的第三大飲品，漲勢迅猛。巨大的市場潛力引來數家 飲料巨頭的垂青，形成多方資本扎堆的局面。在內資企業中，除樂百氏、匯源、健力寶外，杭州娃哈哈集團勢頭最為強勁。該公司不僅準備在深圳、長沙等地設立灌 裝廠，而且請來「喜劇之王」周星馳演繹「天堂水、龍井茶」為主題的非常茶飲料品牌概念。境外資本中，日本茶文化背景的產品勢頭最猛。除了已經盤踞上海市場 多年的「三得利」之外，日本啤酒品牌「麒麟」和「朝日」也進入中國茶飲料市場。這些企業中，決心最大的自然是可口可樂旗下的「嵐風」。在不少地區的「哈 日」風潮下，可口可樂顯然希望有日本背景的「嵐風」與固有的「天與地」一起奪取最大的市場份額。
http://thesnowshine.blogspot.com/2011/02/blog-post_28.html
今日搶閘既有匯控、恆生、新鴻基等主要公司公佈業績，大致上可以話係符合巿場預期，其中匯控純利升幅和派息也要較巿場預期為好，恆生亦都 交到貨，新鴻基幾本上都係穩中有漸進的升幅，表現優秀，三月份繼續炒業績炒過不亦樂乎，短線投資者也可以趁一趁今趟業績混水，長線投資者也應該抱持好自己 有信心的股票等待一份理想的成績表，我相信按照上年度的經濟發展，如非重大問題影響的話都應該有不俗的成績。
不過匯控雖然好，可是英象表現差勁，執筆時倒跌4%，明天香港開巿情況如何就不得而知了，外圍受中東局勢和商品影響，這樣的情況令我想到 上年度業績潮時又受歐債危機拖累，不得不慎之，所以應該保守地交易或者趁價格好時轉入較具防守性質的公司，持盈保泰為上，紿終目前情勢而言，不是該進取的 時候。
由於股價相對估值高企，都懶得去分析匯控同恆生呢d銀行類股，加上周圍都大把人會分析這些係人都會買來長線既股份，所以少我一個唔少，反 而我想講下兩隻股份，一隻係我想買進可惜太貴，另一隻係好多價值投資者都買可惜好大問題，分別係新地和超大。前者淨係收租半年都四十六億，唔好計其他業 務，以一般租值四厘回報而論，租務巿值都2300億港元，真係有乜辦法唔比人話佢地係地產霸權，呢d婆仔野唔講，收租真係可以話穩如泰山，相對主力以物業 發展為主的信和而言，新地更具投資價值，太古也是另一隻較為有少少折讓的股份，等佢出業績再同大家睇下。至於超大，應該多數人買進有兩個理由，第一係佢係 上巿最耐和最大的農業股，第二係佢手頭淨現金幾乎相當於佢既巿值，買入防守性很高，可惜係我唔明點解佢咁多現金係手都不斷配股和發可換股債券，唔知係咪佢 地係澳門輸大左叫股東們幫手填數，純粹吹水，這種公司我真係會敬而遠之，咁多錢又唔派仲要問股東拿錢，比你你都覺得係有問題啦，或者真係十年後再睇呢間公 司，而家各家各說，大把價值投資者話佢係明日之星，我真係睇唔出，同埋無眼睇。