智取大市：基金揸科網心態
1 :
GS(14)@2017-05-19 05:40:00周二本欄目即時新聞講過要逢高減持，點知股災話咁快周四出現。揸科網股唔清倉都逼住要減倉避風險，係大跌市常識，否則再大跌死咗都唔知乜事。科網股大跌原因係太貴、升太多、超買，大家睇住Facebook、蘋果、Amazon、Alphabet走勢才至關重要，呢幾隻加埋係萬億美金計嘅市值王國，係市場真正風向，IGG（799）炒唔炒得起，咪又係睇住班大佬。?家每個基金總會重倉揸實兩三隻科網龍頭股，業績先能夠見得吓人。港股基金裏面，內地金融股係基本注，但冇基金經理會旨意佢哋成為進攻點，大型科網股呢種坐定定就贏嘅賭注，令佢哋一直珍而重之，呢兩年賺表現費就係靠科網股，所以升極都有，一跌就有人撈，直至有一日市場買科網股嘅子彈耗盡為止。究竟基金驚股價跌多啲？定係驚唔夠貨跑輸大市多啲？正常驚後者多啲，因為齊齊輸錢事小，自己升市跑輸事大。只要龍頭大跌市限於一兩日，相信市場共識未改。除非美國科網龍頭連續幾日大跌，形成另一股「今日唔掟，聽日輸更多」嘅預期，由唔夠貨恐慌變成唔沽貨就恐慌，先至會引發真科網股災，暫時牌面機會唔算大。
晉佳
http://www.fb.com/advanceguy1本欄逢周一、三、五刊出
來源:
http://hk.apple.nextmedia.com/financeestate/art/20170519/20025870
Hea富生活：心態夠強就是贏家
1 :
GS(14)@2017-06-16 01:55:25近來出席講座較多，課後常有讀者問如何在自己的行業中突圍而出，我本身銷售出身，心中最佩服的，就是街頭賣寬頻或電話plan的銷售員，俗稱「街霸」。其實很多人在工作上遇到問題，業績停滯不前，只有一個原因，就是欠缺「被拒絕的勇氣」。中國人阿爸通常教仔槍打出頭鳥，加上被別人拒絕的感覺不好受，所以在工作會議上，就算你有絕世好橋，也不會貿然提出，怕被老闆拒絕。其實要突圍很容易，不管才能高低，心態最強那位，就是贏家。早前有幸認識號稱「香江第一街霸」的馮錦強，其街頭故事極具啟發性和趣味性，他在做香港寬頻街霸時，當行家同事做夠單，下午3、4點收檔的時候，他跟大隊一同搭巴士離開，臨上車突然話人有三急，一個唔該又拉番起個易拉架開檔，一個人做晒整條街的單，絕呀！有時為與行家爭一個靚位，凌晨4點起床搭長途巴士去上水霸頭位。就憑着這份幹勁和毅力，他連續3年成為香港寬頻銷售冠軍，一個月都不曾跌出榜首，有一組同事曾將所有單集合在一人身上，企圖奪位亦不成功，最高記錄三個月搵40萬，成為寬頻界傳奇人物。
老闆請人鍾情草根
無論甚麼行業，只要有他一半或三分之一的工作態度，要成功跑出應該不難。以前老闆教落，請人最好揀屋邨出身，就是找推動力的最大公因數。現時很多畢業生家境不俗，無家庭負擔，就算不是家住半山九龍塘，亦很少捱過苦。試過聘用一些成績優異的名牌大學畢業生，無解決問題能力沒關係，只要有心學態度好還有得教，但我越說他越不耐煩，不停望錶，原來他六點放工約了女朋友，問我講完未？也不能怪他態度差，因他裸辭或被炒的成本太低，屋企不等他養，還怕他受氣，分分鐘有慈父買定兩層樓給他收租。其實我幾佩服那位勁冇網民緣、嬲嬲豬上到額頭的林作，他家境富裕，牛津畢業，擁劍橋港姐的媾女戰績，有大律師唔做，走去扮女人，上電視任鬧唔嬲。可能你覺得他鍾意抽人水出風頭，但起碼他夠厚面皮兼有被嘲笑的量度，成功在短時間內得到他想要的名氣。郭釗
http://fb.com/heaology.edu本欄隔周四刊出
97年主權移交至今，香港前進還是倒退？「蘋果」與你細數廿載風雨。【回歸二十年】專頁：
http://hksar20.appledaily.com.hk
來源:
http://hk.apple.nextmedia.com/financeestate/art/20170615/20056050
Money Walker：海外買樓甚麼心態
1 :
GS(14)@2017-10-15 16:53:30「萬般皆下品，唯有買樓高」大概係香港根深柢固嘅文化，所以喺香港樓價升唔停之下，近年興起咗投資海外樓熱潮。有閒錢投資海外樓無不可，問題係當地租務法例、房地產稅項、人口增長，甚至置業文化，都可能限制咗樓價增長潛力，仲未計匯兌因素對投資回報影響。推介投資海外樓市嘅電視節目唔會話你知全部真相，全靠買家自行上網做功課，尋找中立資訊。其實真係睇好海外樓市想投資的話，唔需要直接買入磚頭，香港已有好多海外房地產基金供買賣。房地產基金回報唔及收租穩定，但調返轉頭亦唔需要承受單位無法租出或遇上租霸嘅風險。據晨星資料，由年初至今按美元計，累積回報達雙位數已有超過十隻；過往三年年度化回報率5%或以上嘅海外房地產基金，亦有六隻。話說回來，香港近年謬事不絕，單係居住一環上，有違常理之事已數之不盡，例如有意上車者要接受住屋係奢侈品而非必需品嘅事實。大概港人買海外樓，心態上遠不止因為夠平、用作投資，或者係一圓業主夢咁簡單。更重要嘅係即使層樓唔包他國居留權，都可以同自己講無論香港將來如何沉淪，另一國度仍存在俾自己短暫逃離嘅容身之所。面對日漸劣化嘅香港，畢竟需要搵啲方法安慰自己。
El.
http://fb.com/moneywalkerhk本欄逢周三刊出
來源:
http://hk.apple.nextmedia.com/financeestate/art/20171011/20179218
參與初創活動 了解年輕人心態
1 :
GS(14)@2018-02-04 21:26:06【明報專訊】盧志昂表示，小時候有鄰居是資深珠寶首飾業師傅，他早在7歲時，已跟對方學習手繪首飾設計圖。19歲時，他正式進入珠寶首飾製造業工作，至今29年。2008年自行創業，成立莎特菲，並在東莞設廠，之後一直承接歐美首飾品牌的代工設計及生產（ODM）訂單。是次推出自訂飾物服務，公司已累積投資約100萬元，包括購入3D設計軟件和3D打印機，以及聘請IT公司開發手機App和聊天機械人程式等。
經介紹認識IT公司 開發聊天機械人
由於以往一直埋首經營工廠和B2B生意，沒有直接接觸消費者，盧志昂初時有些擔心自己未必完全了解新一代消費者的想法。為了解年青人的心態，近1年他經常去參加青年創業家團體的活動，與一批20多歲至30多歲的初創企業家交流。連替該公司開發手機App和聊天機械人程式的IT公司，也是由這些初創企業家介紹的。此外，去年底在香港中小企國際聯盟和深圳市福田區政府合作主辦的「港深中小企創新大獎賽2017」中，公司憑自訂飾物服務獲得優異獎。
[行銷攻略]
來源:
http://www.mpfinance.com/fin/dai ... 7858&issue=20180202
Next Page