周汶錡孖老公陪囝囝玩沙
1 :
GS(14)@2017-06-10 13:30:41■周汶錡老公同囝囝赤膊上陣玩沙曬太陽，佢就主力幫手影相。讀者提供圖片
【爆相爆片】周汶錡（Kathy）同外籍老公Julien生嘅混血大仔雷棨宇（Jacques）下個月就兩歲，越大越靚仔越可愛，靚媽咪錫到燶，當佢係「小情人1號」，不時捕捉佢可愛行為，拍片擺上社交平台分享，試過一條片有20萬人「Like」，絕對係網紅BB代表。
■Jacques周圍行，周汶錡做跟得媽咪幫手拎沙灘工具。讀者提供圖片
■周汶錡同法籍老公Julien育有兩子，大仔Jacques（左）同細仔Avner。資料圖片
「好乖冇喊過」
日前，Kathy同老公Julien帶埋Jacques去淺水灣沙灘玩，被本報讀者鍾小姐直擊佢哋親子樂，相中見兩父子赤膊上陣，Jacques戴住帽仔防曬做太陽小男孩，而Kathy就間條tee襯短褲同帽打扮，拎住堆沙工具跟實囝囝，鍾小姐話：「當時大概4點幾，佢同大仔、老公，唔見細仔，佢哋冇落水，主力陪個仔堆沙，見佢老公來回岸邊幫個仔裝水，而周小姐就同個仔影相，個小朋友全程好乖，冇喊過，淨係掛住玩沙。」
Kathy回覆話：「放假帶佢出去游吓水，玩吓沙，我4點幾先去，玩咗兩個鐘，趁冇咁猛太陽先帶佢去沙灘，佢算係第一次去沙灘玩沙，之前太細個去過沙灘，但就冇玩過。」之後，Kathy亦喺Ig分享咗囝囝嘅下水look，着住泳褲仔拎住水桶玩沙賣萌。
來源:
http://hk.apple.nextmedia.com/entertainment/art/20170609/20049224
周汶錡捐細仔利是行善
1 :
GS(14)@2017-07-01 10:29:22■周汶錡昨日為細仔舉行百日宴，一家四口十分幸福。互聯網圖片
周汶錡（Kathy）今年3月為法籍老公Julien Lepeu誕下可愛細仔Avner，昨日低調舉行百日宴，袁詠儀、蔡一智夫婦、上山詩鈉等圈中好友出席，Kathy昨日接受訪問時說：「細仔今日100日喇！搞咗個lunch，家人同朋友話想幫個仔慶祝，因為百日宴都係中國人嘅節日，加上多數都係屋企人，所以揀咗喺銅鑼灣食中菜。」
Kathy覺得小朋友的節目不應大事鋪張，而一如既往，她都要求所有親友封利是，將愛和更有需要的人分享，Kathy說：「同哥哥（Jacques）一樣，所有利是錢都會捐畀培苗行動，幫助喺山區起學校、助學，已經捐咗畀呢個機構十幾年，幫到人，我覺得好有意義。」採訪：羅慧敏
來源:
http://hk.apple.nextmedia.com/entertainment/art/20170628/20070851
周汶錡囝囝開動物P
1 :
GS(14)@2017-07-05 03:49:37■周汶錡昨日替大仔Jacques預祝兩歲生日，大搞動物派對。互聯網圖片
周汶錡（Kathy）日前替細仔Avner搞完百日宴，昨日就輪到替大仔Jacques預祝今日的兩歲生日，出席派對有壽星仔阿姨周麗淇（Niki）、Kathy一班好友上山詩鈉、侯維德等。
Niki昨日在Ig上載了一張與Kathy左右夾攻錫錫Jacques的合照相，Jacques戴了小皇冠生日帽，而二人錫到他面珠仔凹了，他都只是專心玩手上的恐龍公仔，不為所動，Niki就留言：「Happy birthday my dear！錫晒你」。Jacques的生日派對大玩動物主題，見他的兩歲蛋糕上，擺滿了大象、獅子、馬騮及兔仔等，認真可愛。撰文：唐如
來源:
http://hk.apple.nextmedia.com/entertainment/art/20170703/20076636
粉絲接機追到甩鞋太陽駕到 周汶錡真空吸睛
1 :
GS(14)@2017-07-29 03:40:58韓國天團BIGBANG成員太陽、名模周汶錡、Jessica C.（JC）、上山詩鈉女兒Hilary和鄭丹瑞囡囡鄭瑤等，昨晚在中環置地出席FENDI男裝店開幕派對。太陽全程獲大會安排6名保鑣護送，他壓軸出場，即惹來粉絲尖叫，現場約有逾百粉絲圍觀。
■太陽昨午抵港，吸引半百粉絲接機，現場一度混亂。
■太陽抵港半百粉絲接機，有人遺下一隻鞋（圖）。
「見港迷感幸福」
太陽昨午抵港，即吸引半百粉絲到場接機，品牌方面派出15名保安維持秩序，戴着黑超的太陽步出接機大堂，率先獲品牌獻花，粉絲大叫「Oppa」，保安護駕下到停車場，其間一度引起混亂，有人跌倒，亦有粉絲追到甩鞋。太陽這次與FENDI合作推出FENDI For Young Bae別注聯乘系列，他昨晚說：「用了3、4個月時間去設計這個系列，第一次做時裝設計師，好吸引，整個團隊都聽我的意見。」問到太陽何時推出個人大碟？他說：「8月會以新面目見大家，要密切留意我的動向。」太陽表示世界巡迴演唱會的亞洲站未確定，但一定會安排香港站：「上次在香港演唱會見到粉絲，感覺幸福和最好。」
■穿上紅裙的周汶錡真空上陣，非常搶眼。
■Jessica C.表示老公安志杰動完手術後在家休養，閒時陪女玩和看劇本。
■Hilary昨日紅白配現身，青春逼人。
Hilary做暑期工
同場的周汶錡疑似真空上陣，穿上紅裙非常養眼，她透露下周去法國探祖父母，她說：「細仔得4個幾月，佢未識行，帶佢去拎好多嘢，等哥哥冬天去學滑雪時，細佬大啲先帶佢返去。」Hilary昨日紅白配現身，她說：「今次係返嚟幫FENDI做暑期工，仲會幫佢網上平台做styling。」此外，JC老公安志杰日前在寧波拍電影《功夫聯盟》時腳筋斷裂，要停工兩周，JC說：「老公康復中，他天天留在家陪囡囡。」是否日後不准安志杰做危險動作？JC說：「今次他只是做跑步動作，是意外。」採訪：盧妹攝影：陳慧安
來源:
http://hk.apple.nextmedia.com/entertainment/art/20170728/20103654
Next Page