麥明詩請食檸檬Dominic拖Candy遊台定情
1 :
GS(14)@2016-10-28 06:24:17■麥明詩昨日強調與Dominic只屬朋友關係，看報道才知道對方公開戀情。
鴨王何浩文（Dominic）被爆偕任職空姐的「高版糖妹」唐紫瓊（Candy）蜜遊台北撐枱腳，當時Dominic未肯承認對方是正印，強調同行分房瞓。之後Dominic與「十優港姐」麥明詩先後合作拍劇《賭城群英會》及電影《失戀日》，麥明詩男友林作常被爆媾女，有傳Dominic乘勢狂追麥明詩，兩人似互有好感，關係曖昧。
■「鴨王」Dominic日前帶正印女友Candy遊台，並公然在Ig放閃。
■Dominic與麥明詩因合作拍劇及電影（圖）傳出緋聞。資料圖片
呻搵錢辛苦
有指Dominic雖將Candy降呢作次選，但對方仍對他死心塌地，同時Dominic未能奪得麥明詩芳心，故Candy又重返正印位。今日是Dominic的28歲生日，他日前與Candy重遊台灣，並在Instagram貼相晒幸福，一齊食牛肉麵兼看荷李活新片《奇異博士》（Doctor Strange）。Dominic昨日在電話中表示此行主要去探朋友，並大讚女友Candy說：「兩個人一齊最緊要舒服，我需要一個了解我嘅人，Candy係一個幾好對象，佢好肯聽我講同分享，同我分擔。」被問是否公開拍拖？Dominic說：「拍唔拍拖睇吓點樣定義，有啲人覺得要力追先算係拍拖，個人唔鍾意追嚟追去，我要為自己銀行戶口去負責任，嚟緊開舖頭，冇時間去力追，你知我要自己搵錢係比較辛苦。香港基本上有九成人係辛苦，咁就大家一齊努力。」麥明詩昨日在中環出席活動，直言看報道才知道Dominic拍拖。問到是否Dominic口中的「力追」對象？她說：「都係朋友囉，之前拍戲拍劇見得多咗，追求都係睇報紙先知。」會否接受新戀情？她說：「隨緣啦，而家好忙，下星期仲要準備入劇組。」採訪：陳杰
來源:
http://hk.apple.nextmedia.com/entertainment/art/20161028/19814152
揸男友座駕買消夜麥明詩林作車廂短敍
1 :
GS(14)@2016-10-29 13:20:31■麥明詩大前晚駕駛林作名下的靚車到紅磡，不久林作就出現。讀者提供圖片
【爆相爆片】早前「十優港姐」麥明詩突然喊爆稱與林作分手，但中秋節正日又被本報撞破與林作家人在中環食飯團圓，似轉玩地下情。前日讀者周先生透過本報「爆相爆片」，踢爆麥明詩大前晚11時半，在紅磡德民街與林作短敍。周先生表示當晚見到麥明詩駕着白色車，隔一會林作揸紅色車抵達，之後林作上了麥明詩座駕，原來麥明詩一早買定食物，兩人在車上慢慢嘆。周先生說：「林作好避忌成日周圍望，上咗麥明詩架車之後，態度明顯放鬆咗，大家有傾有講，食咗約半個鐘，各自揸車走人。」麥明詩在今年7月與哥哥夾份買了一部約值70萬元Tesla新車，但當晚轉揸白色Alfa Romeo，據車輛登記資料顯示，該車登記車主是林作，與林作駕駛的紅色Alfa Romeo屬一個車廠，似乎一切盡在不言中。
Dominic孖女友遊台
事後麥明詩透過短訊回覆：「日常生活瑣碎事唔同大家交代，專心工作，但開心搵到更適合我哋嘅相處模式。」林作則表示不回應。而麥明詩的緋聞男友何浩文（Dominic）在Instagram貼與女友蜜遊台灣相，問是否想示威？Dominic說：「被撞到孖住出嚟呀，咁唔小心呀。示威？我唔做呢啲嘢，留番啲人上街做。生日願望係有，但怕講咗唔靈。」採訪：嵐山、陳杰
■麥明詩和林作似乎是要轉玩地下情。資料圖片
■林作早前在Ig貼新車相，與大前晚麥明詩駕駛的同屬Alfa Romeo。互聯網圖片
■昨日是Dominic的28歲生日，與女友唐紫瓊到台灣慶祝。互聯網圖片
來源:
http://hk.apple.nextmedia.com/entertainment/art/20161029/19815464
當選前後都好夠薑麥明詩反釋法撐過傘運
1 :
GS(14)@2016-11-13 11:32:41因為立法會議員梁頌恆、游蕙禎嘅一場宣誓風波，被政府提出司法覆核禁止佢哋再次宣誓，件案有裁決，已經引嚟人大第五度釋法，黃秋生喺facebook指係「悲劇」，林作就認為違反咗核心價值。喺英國劍橋大學法律系畢業嘅前女友麥明詩，都好合拍咁話支持「支持法治」反對釋法，完全唔驚俾大台封殺。其實麥明詩一直都好敢言，遇到大是大非嘅關頭，佢都會留言抒發自己意見。好似14年佔中嘅時候，佢都有身體力行咁出席金鐘嘅行動，未當選港姐已經被封做民間冠軍。當選之後仲接訪傳媒訪問，話兩傘運動對香港有利。再數到15年9月底，港大否認咗陳文敏出任副校長，喺風波之中麥明詩再次喺Ig以英文留言，雖然表明就話好珍惜劍橋讀書嘅時光，其實就暗指香港容納唔到反對聲音，連學術自由都就嚟冇埋。麥明詩作為港姐，真真正正做到為港人發聲，今年立法會選舉提名期間，本民前梁天琦被選委會裁定聲明無效，拒絕梁天琦參選。麥明詩都有喺facebook轉發報道，以英文留言「An action ultra vires, coupled with procedural impropriety.」並加上tag「我仲記得我讀過嘅書」，相當憤怒，暗指裁決有問題。
來源:
http://hk.apple.nextmedia.com/entertainment/art/20161113/19832272
麥明詩支持林作補選
1 :
GS(14)@2016-11-16 05:10:33麥明詩、岑麗香、朱千雪及徐淑敏母女，昨日在屯門出席以公主作為主題的揭幕活動，眾人大談兒時夢想，麥明詩指當年想留學英國是因為覺得威廉王子俊朗，但後來王子俊朗不再便打消念頭，問到林作是否她眼中的王子？她笑而不答，至於假如立法會舉行補選，她可會支持林作參選？她說：「我支持方法係唔同佢爭。」朱千雪早前於節目中鬧人而受網民喜愛，她說：「今次鬧人都俾人讚，都幾開心。」香香特別鍾情灰姑娘的玻璃鞋，問是否想男友用玻璃鞋求婚多過鑽戒？她甜笑說：「唔講喇！」採訪：馬建華攝影：陳俊強
來源:
http://hk.apple.nextmedia.com/entertainment/art/20161114/19832624
麥明詩窮一生精力買樓嘆悲哀
1 :
GS(14)@2016-12-10 03:45:31■麥明詩（右）謂返港後已沒有打高球，黃翠如則愛看高球比賽。
黃翠如與麥明詩昨日到粉嶺香港高爾夫球會出席樓盤活動，麥明詩謂17歲時已在英國打高球，但回港後未有再打，她笑謂：「香港啲場好貴呀，而家生疏晒。」對於現時年輕人將買樓視為人生目標，麥明詩表示：「如果你一大學畢業，窮盡一生精力揹幾百萬（樓）債，其實係好悲哀！當然我都想有自己嘅屋企，所以努力工作。提到《幕後玩家》大結局，翠如坦言很緊張，她又劇透說：「呢兩晚Bosco（黃宗澤）會好慘，會被復仇。」採訪：盧妹攝影：陳順禎
來源:
http://hk.apple.nextmedia.com/entertainment/art/20161209/19859299
麥明詩：聽民意好事
1 :
GS(14)@2016-12-10 13:01:40麥明詩：「聆聽民意係一件好事。」
【本報訊】特首梁振英昨突然在特首辦見記者，以保護和照顧家人為由宣佈不爭取連任，不少藝人視之為喜訊。王宗堯昨即上街索取《蘋果》號外，更拍照貼上社交網，笑言會當聖誕禮物派給朋友，他稱：「釋除任何疑慮，驚佢連任，呢5年，佢嘅大話，佢嘅貪，佢將香港巿民福祉所有嘢放喺好低地方，唔適合做香港特首，唔適合再連任。」
歐錦棠：一路好走！
至於其他藝人，歐錦棠則提醒梁千萬別回頭：「佢劑劑出口術，出咗5年，一路好走！唔好理邊個做，佢唔做就得。」近年有遊行表訴求的邵仲衡形容此刻心情如慶祝貪官被拉落馬：「雖然下一個選出嚟未必啱我哋心水，但係點都希望可以好過呢一個。」關心政事的港姐麥明詩指聆聽民意是好事，森美聽到梁振英指要保護家人，他認同男人對家庭應有承擔，他說：「作為一個有家室嘅男人，感覺到一個男人為家庭肩負重擔係好男人嚟嘅！難得佢喺任內剛硬嘅性格帶一點暖男感覺，係值得慶祝！慶祝佢成為一個暖男！同出面有啲唔同，係慶祝佢成為一個暖男，對於一個家庭嚟講，係一件開心嘅事。」被指是梁粉的黃夏蕙支持他為女兒和家庭選擇放棄政治。陳志雲也認同梁特不連任是一件好事。■記者王麗春
【藝人回應】
來源:
http://hk.apple.nextmedia.com/news/art/20161210/19861094
麥明詩幻想嫁古天樂
1 :
GS(14)@2016-12-11 14:12:52麥明詩昨日穿上多套婚紗為婚紗騷做模特兒，首次行婚紗騷的她為了有浪漫感覺，就幻想是自己的婚禮，笑言對象是古天樂及劉德華，她表示將來婚禮會有舞池讓大家跳舞，嚴肅行禮後便可情緒高漲盡情狂歡。對於與林作現時的關係，麥明詩形容為有正常聯絡，追問是怎樣聯絡，她表示：「我同你嗰啲就唔正常，平時有嘢就講。」今日是她25歲生日，之前一晚跟朋友食飯慶祝，但不願透露林作會否在場：「一班朋友有男有女，得閒就嚟唔得閒唔嚟。」她笑言介紹圈中和圈外朋友互相認識，她更笑說：「生日願望係開開心心，爸爸媽媽嘅仔女孝順啲。」採訪：王連連攝影：仇志德
來源:
http://hk.apple.nextmedia.com/entertainment/art/20161211/19861675
高富帥觀音兵冧掂麥明詩林作酸溜溜「佢好乖仔」
1 :
GS(14)@2016-12-31 10:18:06■麥明詩最近被指收兵，新歡是藥房太子兼劍僑同學Thomas。互聯網圖片
港姐麥明詩（Louisa）和大律師男友林作早前被踢爆疑假分手，由高調拍拖到爆喊分手，林作被降級做「朋友」，但是仍然被拍到這對朋友經常見面兼同枱食飯。昨日有報道指「十優港姐」麥明詩最近身邊多了一個「觀音兵」，就是大藥房的太子Thomas Chong，上周二見麥明詩處女作《失戀日》首映，麥明詩的父母和哥哥，還有「觀音兵」Thomas撐場，首映後麥明詩跟屋企人分道揚鑣，麥明詩與友人到茶餐廳食消夜，離開時Thomas擔任柴可夫送麥明詩回家。
劍橋同屆同學
Thomas高大有型，跟麥明詩是劍橋同屆同學，家族經營金輪中西蔘茸大藥房，父親是莊純良，藥房四間分店分佈在銅鑼灣及灣仔，為業界的老字號。麥明詩被指收兵，有藥房太子Thomas埋身，麥明詩回覆傳媒：「Thomas係我識咗好耐嘅朋友，哈哈，佢本身有好多追求者，你哋唔好搞到影響咗佢啲姻緣啦！」
■被降級做朋友的林作，回應麥明詩戀情時帶點酸溜溜。資料圖片
■麥明詩（右二）和Thomas（左）日前Boxing Day還一齊開P。互聯網圖片
■麥明詩處女作《失戀日》上周首映，除了家人撐場，原來Thomas還秘密支持。資料圖片
被麥明詩降級做「朋友」的林作，在報道中直指Thomas對麥明詩多年來管接管送，至於Thomas成為麥明詩觀音兵，林作接受本報訪問時說：「佢哋係大學同學，我都識咗Thomas好耐，佢好乖仔，以我所知佢哋?家係朋友，其實之前Louisa拍《星星探親團》，Thomas都有出鏡！」問林作跟麥明詩現在的關係？他又故弄玄虛說：「呢個唔回應啦！」採訪：王梓嫚
來源:
http://hk.apple.nextmedia.com/entertainment/art/20161231/19881974
麥明詩約梁頌昕溜冰仆到瞓地
1 :
GS(14)@2017-01-02 01:05:43■梁頌昕（右）回港度假，日前約麥明詩到圓方溜冰。讀者提供圖片
【爆相爆片】十優港姐麥明詩不時愛發表政見，如早前梁振英宣佈不爭取連任特首時，她在facebook留言「收到一份大禮」，被指有暗喻，事後她表示：「聆聽民意係好事！」原來，麥明詩與梁振英一家有淵緣，與梁特細女梁頌昕同是劍橋校友，二人雖修讀不同科系，但同在「劍橋大學香港及中國事務會」中擔任幹事，相當老友。
■麥明詩及梁頌昕一行6人去溜冰，玩得開心。
■麥明詩轉圈失敗跌倒，她更將片段貼上網。互聯網圖片
藥房太子跟埋去
日前，麥明詩及梁頌昕去圓方溜冰，麥明詩化上淡妝戴眼鏡打扮樸素，本報讀者潘小姐透過「爆相爆片」報料，見到麥明詩一行6人，3男3女，其中更有近日傳出向麥明詩大獻殷勤的劍橋同窗的大藥房太子Thomas Chong，而林作就未有到場。據潘小姐表示：「六個人最初喺冰場一字排開咁溜，玩到咁上下，頌昕就一個人自己向前溜，至於麥明詩就大部份時間拖實同行嘅另一個女仔。睇得出佢哋之前有玩開溜冰，唔算好叻，但起碼溜得好順吓，我見麥明詩仲識得轉圈。」
梁特夫婦睇學友
麥明詩亦有將溜冰轉圈失敗片貼上Instagram，並留言：「扮型嘅後果。」對於與頌昕去溜冰，她回覆傳媒時表示：「頌昕同我係大學同學，通常有同學放假返香港，都會約埋一大班朋友出嚟玩！」而她的「觀音兵」Thomas亦有貼一幅兩男友人與麥明詩的溜冰相，留言：「女神與冰。」再加「定係兵」的標籤自嘲一番。而梁振英與太太唐青儀日前去睇張學友演唱會，二人坐控制台下的VIP席，睇完騷後即急步閃人。採訪：王梓嫚
來源:
http://hk.apple.nextmedia.com/entertainment/art/20170101/19882862
Next Page