【美圖晒晒】清純女生擺騎呢pose 宅男：戀愛了！
1 :
GS(14)@2016-09-25 10:28:08台灣「制服地圖」網站舉辦的校服大賞邁入第3年，今屆冠軍由台南家齊女中「粉+藍」水手裝摘下，甚至引起日本媒體注意。不過，新聞po上網後，網民目光則被屏北京中的模特兒崔甜天吸引。仍是學生的崔甜天，是兼職平面模特兒和演員，自我介紹時指喜歡表演和與人聊天。她與制服的淵源，首次獻給基隆海事的制服，當時所錄的一段綁馬尾影片上傳後被po到表特版。她覺得，能把制服那種青春清新的樣子拍出來最動人了！由於崔甜天不僅長相超可愛，動作也「超放開」，每張照片都很有戲，有「蛇拳」，有「單腳拜拜」，招式多元。她不顧形象的騎呢姿勢，讓宅男大呼「戀愛了！」「我愛上屏北了」、「推屏北隔壁班校花，真的正」、「這妹子有個性，我洗翻」、「屏北是在練功夫啊」、「超狂」。台灣東森新聞雲
來源:
http://hk.apple.nextmedia.com/international/art/20160925/19781372
【人人可棟篤2】講足五年冇人識IT宅男：有人笑已經足夠
1 :
GS(14)@2016-09-27 08:02:20阿添2011年開始玩棟篤笑，已有五年經驗
一提起棟篤笑，相信十個香港人有十二個都會想起始祖黃子華。子華神的成功當然毋庸置疑，不過其實還有很多表演者正在默默地走上棟篤笑之路，包括一直從事IT工作的阿添(陳樂添)。記者：余傲芝 攝影：廖達燊
他笑言自己做過Vivek與卓韻芝的暖場嘉賓，卻沒有人認識
為練習棟篤笑，所以常常忍不住自言自語，亦會chok表情
雖然喜歡說笑，但私底下阿添卻是IT人，設計手機apps
「我係2011年棟篤笑冠軍」，城市大學所舉辦的棟篤笑比賽是阿添的第一次。他當時接到傳單時考慮了很久才決定參加，為此他努力練習了數十遍，亦叫了很多朋友到場支持，最後才知道只有他一人參加，但也無損他之後對棟篤笑的興趣。「我會成日忍唔住喺街想練習，好似坐地鐵會chok吓表情，自言自語，試過被其他乘客發現我咁樣，真係有少少尷尬」，這般努力令他曾與卓韻芝同場表演，而每個月亦會跟印度笑匠Vivek Mahbubani有棟篤笑演出。台上喜歡說笑，但私底下阿添卻是予人感覺沉悶的IT人。「我讀電子工程，依家做緊IT，依家自僱緊，幫人設計手機apps」，阿添坦言由小到大性格都是內向的，喜歡常常自己一個躲在家，活脫脫就是一個宅男。「如果我冇做棟篤笑，我生活應該好悶，因為一放工就返屋企，download吓咸片咁」，不過現在有了每星期都要寫笑話的目標，他甚至希望在下一年可以做到第二個ONE MAN SHOW。
阿添指如果自己沒有做棟篤笑，生活應該好沉悶，只會返工放工睡覺，但現在每星期都有目標
兩年前阿添媽媽意外離世，剛巧那星期有棟篤笑表演，他仍然堅持做下去
「其實喜歡見到有人笑，我覺得已經足夠。」
「見到有人笑已經足夠啦」，堅持了五年的阿添，從沒有想過透過笑話改變觀眾，不過到頭來被改變的原來是說笑話的自己。「每個人都有舒適區，你要不斷突破才會覺得自己做到」，兩年前阿添的媽媽突然因交通意外離世，剛巧那個星期他有棟篤笑表演，很多朋友叫他休息不要演出，但阿添卻堅持the show must go on。「我知道媽咪鍾意我表演，亦一路都好支持我，所以我仲邀請其他屋企人嚟睇，台下其實觀眾完全唔知道我發生咩事，呢啲就係我專業嘅表現」。*記得留意【人人可棟篤系列】另外兩位棟篤笑表演者：女記者MARY與音樂教授Kenneth
來源:
http://hk.apple.nextmedia.com/entertainment/art/20160927/19782614
【宅男大變身】曹星如師弟跑步輸畀女仔 誓做世青拳王
1 :
GS(14)@2016-10-30 14:35:59Raymand希望喺23歲前，成為世界青年拳王
「由細到大，運動細胞都冇乜。試過跑衝次跑嘅時候，女仔都好似快過我一兩下。冇乜社交，淨係坐喺屋企，一係睇書、一係對電腦。」20歲嘅潘啟情(Raymond)，係「神奇小子」曹星如(Rex)嘅師弟。Raymond出道一年都未夠(今年5月14日正式打第一場職業拳賽)，已經取得職業生涯兩戰全勝紀錄，當中喺上一場越級挑戰嚟自泰國嘅帕沛哈馬拉，喺五千觀眾見證下T.K.O(技術性擊倒)對手，令大家都開始注意呢粒「超新星」。擂台上，Raymond拼勁十足，雙眼有火，但原來喺佢接觸拳擊前，係一個內向又懦弱嘅「宅男」！「平時返學嘅時候，我都係自己一個坐喺角落頭，係嗰啲邊緣人咁滯。中學嘅時候真係唔講嘢，淨係自己對住本書。」唔慣面對鏡頭嘅Raymond，一副尷尬嘅表情，完全幻想到以前嘅佢有幾「宅」。
大家覺得Raymond有冇Rocky(史泰龍)嘅影子呀？
第一個個人動新聞專訪，係緊張啲嘅
雖然Raymond成個「排骨仔」咁，但佢嘅拳真係勁度十足！
自言運動同讀書都唔叻嘅Raymond，因為一場比賽改寫咗佢嘅人生：「18歲嘅時候，啱啱完咗DSE，喺youtube睇咗曹星如對沙里夫嗰場。嗰一場佢哋都打出好大拼勁，嗰時就俾佢感染到，開始對拳撃呢樣嘢有啲興趣。」加上佢未見到自己嘅將來，Raymond就開始到拳館學拳。佢當時喺嗰一間拳館受過別人嘅白眼，亦曾經俾人睇唔起，佢話：「嗰陣時(打業餘拳賽)就對咗一個澳門嘅拳王，嗰一場3 round都俾人打到毫無還撃之力。當時嗰位教練同我講，『打拳嚟講，你都冇乜天份。其實你可以試下揾其他正職，或者專心其他工作，打拳都唔係好適合你。』當時真係有諗過其實呢個運動唔係好啱我，好傷心、好hurt，因為當時嗰一年我嘅時間係得拳館同嗰度嘅人，佢哋就係我所有嘢。」一場嘅失敗，令到Raymond開始質疑自己的實力；加上當時教練嘅冷言冷語，佢更加頹廢咗足足一個月。好在憑住一首《Loser》，激勵到佢企返起身：「突然之間覺得要振作，係因為嗰陣時聽到首Mastermic嘅《Loser》。」歌詞中：「我睇到唔係句號，係一條起飛嘅跑道，我不停步，喺跑道將青春盡情消耗~~」呢一句令到Raymond決定要邊度跌低、邊度企番起身。
中學時期嘅佢，真係隔住個芒都聞到陣「宅」除！(圖片由被訪者提供)
全靠堅持，令佢可以邊度跌低、邊度企番起身
因為曹星如，令Raymond踏上職業拳手之路
所謂千里馬須遇到伯樂，曹星如話過冇佢經理人阿Jay(劉志遠)，就冇今日嘅曹星如。Raymond同大師兄阿Rex一樣，佢可以成為職業拳擊運動員，最想多謝嘅人都係阿Jay：「佢喺我出場前好認真咁同我講，話你夠膽打呢一場，你已經嬴咗。無論你輸咗又好，第一round俾人knock down(撃倒)都好，我都會以你為傲。」Raymond由以前俾人睇唔起，直到有人對佢有咁大期望，佢當然要加倍努力，用成績去報答阿Jay，佢更以23歲前贏到世界青年拳王為目標o添！想了解Raymond更多，睇吓佢man爆一面就即刻去片啦！採訪：植詠珊(Cathy)編審、編導：懷鈺剪接：Roy拍攝：Kaman、馮峰、Neo場地：DEF Boxing Gym
來源:
http://hk.apple.nextmedia.com/entertainment/art/20161030/19817011
【美圖晒晒】Tina醬甜笑放電宅男勁冧封「小周迅」
1 :
GS(14)@2016-11-06 15:48:56北京農業院校花Tina醬，一頭飄逸長髮和濃眉大眼，時而甜笑放電、有時又眼神放空，露出困惑的表情。Tina醬的空靈大眼加上微翹的嘟嘴，令不少宅男網民高呼是「小周迅」、「像謝欣穎」，一時令網絡熱鬧起來。
Tina醬除了接外拍模特兒工作，也參加過幾次選美，而個性古靈精怪的她更自稱是「不按套路出牌星人」，常在微博晒出美照，讓大陸網民稱讚：「這妹子的確很標緻，笑起來很甜，似乎看到了一點周迅的影子」。
Tina的美照傳到台灣批踢踢(PTT)表特版後，也有不少網民為之着迷，紛紛留言表示：「會爆…童顏就是讚」、「好正喔」、「越看越漂亮耶OMG」、「周迅＋謝欣穎（側面）」、「好看欸」。新浪微博/台灣東森新聞雲/台灣批踢踢
來源:
http://hk.apple.nextmedia.com/international/art/20161106/19824567
Next Page