📖 ZKIZ Archives

廿四孝老公變湯包達人月賣五百包媽媽上奶代茶

2016-10-27  NM

「因我希望可以親手幫太太調養好身子，所以開始咗煲湯。」廿四孝老公麥浩晃（Kenny）的一個窩心想法，最終發展成專售中式湯料包的自家店——「煲湯」。他除了於土生土長的大埔大元邨街市開設地鋪與街坊嘻嘻哈哈打成一片外，更分身經營網店，設免費送貨及附送簡單清晰的煲湯貓紙給網購客人，方便一眾繁忙都市人。「煲湯」的一切除了是源於對懷孕太太的關愛，更是來自對母親多年來獨力經營涼茶鋪之尊重。「我叫佢做太師傅，係佢一手一腳教曉我。」身為獨子的Kenny真正希望的是，把伴隨自己長大的味道、及母親的保健概念以新一代的方法延續下去。母親經營涼茶鋪助取AA級「靚料」

「要睇杞子嘅色澤係咪天然，就要留意其末端有無白色一點，如果有就代表無被染色。」今年三十五歲的Kenny托着眼鏡、端詳着杞子認真地道出。他指因白點是杞子與枝幹連接的部分，被染色的杞子會將那白點也染紅而不再見到，因此大家在選購時要細心留意。「煲湯」在本年五月成立，但Kenny與藥材及中式湯的緣分，則始於二十多年前。他從小到大於媽媽開設的涼茶鋪中打滾，每當別人放學手持着冰凍汽水「咕嚕咕嚕」地喝下去時，他則細味着媽媽出品的冬瓜水來消暑降溫。「其實唔只涼茶係中國非國家級物質文化遺產，中式湯水都好有功用，好應該受到重視。」於是他在開店前報讀配藥課程，踏實地走上「煲湯」之路。常言道：「成功靠父幹。」但Kenny靠的非切切實實的金錢彈藥，而是母親多年累積而來的經驗及人脈。「因屋企從事相關行業已有好多年，所以同供應商都好熟絡，會留較上等嘅藥材俾我。」母親引路，也要Kenny願跟才成事，他定時定候也會到西環跟供應商打交道，而「靚料」價格雖貴，但他認為物有所值。「我入嘅係來自寧夏嘅杞子，而無花果就來自美國，桂圓肉就係廣西出品，全部都係頂級。」他承認現成湯包出現在市面已有一段時間，但指自家選料夠靚夠新鮮，因此自然有懂欣賞的回頭客。

媽媽上奶代茶月賣五百包

「太太一開始懷孕時我主力煲啲安心湯令佢能安睡、唔好太煩躁。到中後期會轉煲滋潤湯水俾佢，等佢唔好太口乾。」身為一等一愛妻號的Kenny指現今孕婦的營養很足夠，不需過分大補，平補已可幫助她們平安地度過。而他對太太的關心也沒因成功誕下兒子而鬆懈，相反一直按其坐月至餵哺母乳的情況改變「按單執湯」，更把心得延伸至生意上。「我好支持佢向外出售代茶，唔係單為錢，而係好多媽媽有苦說不出，有時更會出現塞奶發燒嘅情況，好辛苦。」Kenny太太Rachel堅定地說。目前以助媽媽增奶量的「上奶代茶」最受歡迎，月賣五百包。「媽媽們可以用代茶配合炒米，在坐月時當水飲。而熱賣嘅還有強力祛濕祛攰茶，因香港氣候潮濕，所以多數人都有濕氣，個人會好攰。」現時「煲湯」出售的湯包多達四十八款，由只售廿二元的小兒開奶茶至一百六十五元的蛤蚧鱷魚肉湯也有，款式多而廣，包含四季所需，主要為四人分量、煲起有八至十碗。

設網店免費送貨分享實用知識以「呃LIKE」

由開業至今，「煲湯」的Facebook專頁已累積超過九千個讚好，成績不俗。「鋪名叫『煲湯』並非因為懶得諗，而係希望大家一上網搜尋煲湯知識就可以見到我哋。」本身讀市場學出身的Kenny了解到現今香港人「快、靚、正」的購物習慣，因此客人網購只要滿二百元即可獲得順豐速運免費送貨。「好多時煲湯會配肉，有啲地址喺附近我會親自送湯包上去，客人想我另外幫忙買埋肉都無問題。」在實體店與網購雙線發展的他，也會針對時節轉變及大眾問題定期出post講解應對湯水。當中包括拍片介紹無花果的不同種類及功效，及分享對付濕疹困擾的種種方法也成功引起回響，從而保持一定的曝光率。「除咗包好咗嘅湯包，我哋實體店同網店都有散賣各種材料，例如有梧州大蜜棗、生曬淮山及正橫紋黨參，方便客人因應情況再加料。」現時生意雖八成來自實體店，但Kenny未來目標是希望網店生意額能增加至佔五成。最近更增設了以圖畫代替文字的煲湯貓紙，受眾竟然是一班外傭姐姐，他解釋：「香港人唔單只忙到抽唔到身買餸，其實好多時連入廚房都無時間，花兩個幾三個鐘煲湯嗰個通常係屋企嘅外傭姐姐。」

地鋪接地氣吸街坊生意

訪問當天，被尊稱為「太師傅」的Kenny媽媽也有身穿單車運動裝現身，現年已七十三歲的她每天仍會踩單車、游泳，健康過一眾都市人。中氣十足的她笑言自己健康精神，就已是鋪頭最好的「生招牌」，而每當有客人探頭查詢，她也會幫口解答問題，與兒子一同拍住上。「始終地鋪先可以接觸多啲上咗年紀嘅客人，佢哋鍾意落街買餸同吹吓水。」Kenny與母親會因應客人情況大膽向他們建議相應湯水。「起初見佢日日喺度不停玩電話，睇到我好

黎姿老公掃California Fitness夜冷貨

2017-02-12  BN

卓珈控股（8358）上週搶晒鏡，焦點都落在由藝人進身為上市公司主席兼CEO的黎姿身上，其實她背後的男人——老公馬廷強默默支持，卓珈七成半的股份由兩公婆齊齊持有之餘，卓珈上市後可能仲有後着。

馬廷強行動不便，有空都喜歡到健身中心做吓拉筋；近日搵埋商界友好向加州健身（California Fitness）的臨時清盤人，購入加州健身嘅資產，包括健身器材，意味去年七月執笠嘅California有機會復活，前老闆P.K.王就話：「我都有聽聞，但細節就唔清楚。」其實所謂有形資產如健身器材折舊唔少，而且加州健身收過千幾宗投訴，個「朵」都麻麻哋，商譽呢個無形資產更難叫價，所以馬廷強都唔係花好多錢，當執「夜冷貨」咁啫，不過執靚佢再唧入上市公司可能又變銀紙喎，所以話兩公婆，一人計短，二人計長。

林鄭兄弟手足情深

林鄭宣布參選特首，特別提到最喜歡做社會福利署署長一職，因為可以體驗關愛共融思想，奶媽味道甚濃，其實林鄭的阿哥同細佬也學得林鄭咁，危難之時有一份守望相助嘅精神。話說○五年，林鄭兄長鄭宏光破產，那時林鄭父母鄭阿毛和林鳳蘭持有的鰂魚涌南豐新邨單位在九九年已賣掉，呢位林兄落難之時，就報住林鄭細佬鄭孝光持有的南豐新邨另一個單位，足見兄弟之間手足情深！

中環寸嘴潮廳自廢武功

祖籍潮州嘅岳少呢幾年又搞China Tang、Kowloon Tang，喺皇九入面以前間食廣東菜Island Tang（港島廳），舊年底裝修小執過，變身做Chiu Tang（潮廳），唔知係潮人嘅潮，定潮州菜嘅廳，即管踩吓場。入到呢間潮廳，原來嘅酒吧位變咗滷水檔，仲吊咗隻大肥鵝喺度，入潮州菜館踩場一定係整碗潮州翅啷啷口，咁就知佢有幾高級，吖，原來呢度碗翅貴上環「尚興」幾廿蚊咋，啲翅針又粗啲，計埋地點裝修，咁都算抵食喎。潮廳個老總叫我唔好寫，話老細怕食翅啲環保人士唔鍾意，唔敢promote，唓，呢啲叫做一時唔偷雞做保長；潮州菜最出名就係凍蟹同埋招牌翅，呢啲正式係又痕又怕痛，顧住做唔夠數交唔到業績上唔到市呀！計我話，咩食家都假，偷食就最滋味嘅！不過呢間潮廳都係自廢武功，本來賺錢風水酒吧位變咗滷水檔，做高級食肆唔promote酒死梗，賣一支酒頂十碗八碗翅啦！嗰日寒寒哋，開番支「滴滴金」d'Yquem配吓點心，驅吓寒氣，令我憶起廿幾三十年前，初初返香港識羅兆輝，我不嬲都係英國style，雪茄送Port Wine，羅兆輝教路叫靚女點着支蘸過白蘭地嘅雪茄，咁就賜「滴滴金」俾啲女飲，唔知岳少識唔識呢？

楊國佳工廈大王楊耀松長子，八十年代往北美洲開山劈石，做一帶一路先頭部隊，自比為星仔變星爺前冇人懂欣賞其無厘頭文化，廿年後終於領略當中奧妙，與粉絲分享在北美洲各路人士交手經歷，絕不老點。

御用建築師分級數

西九故宮有「御用建築師」嚴迅奇，香港發展商亦有，揀建築師通常講夾唔夾，例如長實地產近年多用凌顯文建築師，皆因其妻吳佳慶是長實地產董事，亦是李澤鉅的大學同窗；而新地御用建築師為呂元祥建築師樓，話晒係郭炳江親家，不過講到大孖沙興建自家嘅地標，其「御用建築師」級數又唔同，通常起用洋人建築師樓，與設計大型屋苑講求用盡地積比率有別！如長江中心起用Leo A Daly和Cesar Pelli，國金二期亦找Cesar Pelli及嚴迅奇，胡應湘最親力親為，合和中心正是出自其手筆！

老公偷食後生女 41歲伍詠薇死頂：趁我唔喺香港!

1 : GS(14)@2010-11-26 13:01:03

2010-11-22 nm
伍詠薇同從事廣告的練海棠結婚十一年，早前夫妻檔合資搞美容生意，表面上是圈中公認恩愛典範。

本月十一日，練海棠趁伍姑娘出遊上海，公然同打扮比老婆差一截，但年紀卻細一截的後生女到中環燭光晚餐歎法國菜，席上，二人不時甜蜜互望；臨走前，練海棠更公然同對方摸手仔，然後還雙雙跳上練海棠同老婆共同持有的七人車走人。

週一（二十二日），抱病在身的伍姑娘到中環睇醫生，見到記者，起初笑晒任影，一見老公同後生女的親密照，即時收起笑容死頂說：「趁我唔喺香港！」幾杯落肚

伍詠薇與好姊妹袁詠儀，今個月十一日結伴飛上海，準備出席朋友十二日晚舉行的婚宴。遲一日起程的練海棠，竟趁老婆離港同日晚上孖住個廿多歲、有肉地但打扮較保守的女子，現身中環蘇豪區，對身旁後生女越行越貼的舉動，照單全收。之後二人走入全場擺滿燭台的「Oolaa」法國餐廳。

初時，練海棠打算坐到較入的隱蔽位置，但女方卻扁晒嘴擰頭表示不贊成，要坐近落地玻璃對大街的開揚位，練海棠亦千依百順，冇再堅持。

坐低後，練海棠已開始滔滔不絕，其間女方不時點頭贊同，一臉冧樣。上菜後，二人仍邊食邊傾，不時互望甜笑。醫肚一個鐘搞掂，但練海棠未有急住埋單，繼續同對方飲住酒談心，坐到十一點，才叫人埋單。

全晚盡顯男士風度的練海棠，幾杯落肚後，開始嚟料，只見他忽然推開餐枱上的燭台，再一手捉住後生女的手，嘴角含春地望實對方。練海棠同女方摸完一輪手仔後，終於捨得起身走人，在餐廳門外候車時，練海棠亦恢復警覺，刻意與後生女保持一個身位距離，之後二人一同坐上他與老婆伍姑娘共同持有的白色七人車。

唔做齋『目及』

去年，伍詠薇與練海棠結婚十周年，男方在傳媒面前許下愛的承諾：「依家係啱啱過十年試用期，嚟緊仲有好多個十年，佢係我終身伴侶，無論係生活、興趣同人生方向都好啱，對佢永遠不變。」

口不對心！據知，有自己廣告公司的練海棠，近年已放手將公司業務交由下屬處理，不過，一旦有model試鏡，他就一定現身。「佢（練海棠）話驚啲同事揀唔啱客戶嘅心水，要親自幫吓眼，不過大家都心照，其實佢旨在『目及』女。」練海棠身邊友人透露。

想做媽咪

伍詠薇與練海棠九八年在黎姿安排的飯局下一見鍾情，拍拖兩個月，伍姑娘已公開表示認定對方是結婚對象，男方更即時「做嘢」求婚。翌年七月，二人於加拿大正式註冊，成為夫婦。

婚後，兩夫婦秤不離鉈，伍姑娘甚至將閨房樂同傳媒分享；而練海棠亦十分識做，每年結婚周年都搞派對，宴請老婆一班圈中好友參與。

二人世界多年，眼見好姊妹袁詠儀誕下兒子後，伍詠薇一度有意生番個，可惜一直未有所出。

哭笑難分

本週一（廿二日），伍姑娘唔舒服到中環睇醫生，記者上前拍照，素顏的她笑住話：「我病緊呀，而家去睇醫生！」

記者再遞上練海棠與後生女撐枱腳的親密照，原本四萬咁口的伍姑娘，笑容即時僵住，但仍強裝鎮定，回答記者提問。

壹：今個月十一號，我哋影到你老公偷食，同個女仔食燭光晚餐，好親密！

伍（沉默數秒）：趁我唔喺香港！

壹：你對佢偷食點睇？

伍：（重複兩次）未必係嘅！我問一問佢呢件事啦！（表情哭笑難分）

壹：個女仔你識唔識？

伍：我又唔識喎！講真，我要同佢傾吓，我暫時no comments。

其後，伍姑娘轉身離開，並一度攞起手上的iPhone企圖打電話，但醒覺到記者尚未離開，才沒有繼續，匆匆走入商業大廈睇醫生。

分頭搵食

圈中夫妻人前表現恩愛，但背後各自各精彩的大有人在，但時代唔同，偷食唔再係男人特權。

蔡卓妍

蔡卓妍06年與鄭中基秘密結婚，直至今年3月，二人被踢爆婚訊並同時宣布已辦離婚，不過人妻阿Sa早於去年10月，已背住鄭中基搭上師弟William陳偉霆，更有指二人在紅磡包長房做私竇幽會。

許冠文

許冠文與太太鄭潔英結婚38年，今年4月被撞破偷食「紋眉中女」，於西貢撐枱腳斷正，中女更慌張跳車買口罩遮面。

葉蒨文

95年，葉蒨文背負第三者之名下嫁林子祥，十年後，有傳葉蒨文搭上年輕羽毛球教練Mike，更為對方遠遷三藩市定居多月，其間，男方出入葉蒨文香閨過夜，用同一部車，關係密切。

陶大宇

陶大宇跟太太黃慧寶青梅竹馬，06年拍攝《學警出更2》，卻背住太太與郭羨妮撻着，黃慧寶一怒之下提出離婚，並直指郭羨妮是第三者。

結婚兩週喪夫

現年41歲的伍詠薇，細時家中環境唔好，14歲時入過黑社會，18歲喪父，89年在男友翁江培的鼓勵下參選亞洲小姐，奪得「最上鏡小姐」入行。90年，伍詠薇嫁入豪門，與比她年長30歲的香港安永會計師事務所高級合夥人翁江培結婚，當他第四任妻子，但婚後13日，翁江培因急性心肌梗塞病發，在深圳醫院病逝，21歲的伍詠薇頓成寡婦。當時有傳翁江培留下1.7億港元遺產，但因他沒有立遺囑，直至00年，伍詠薇分得900萬遺產。

92年，伍詠薇與牙醫男友張啟順（Alex）拍拖，二人拍拖五年半後分手。95年，伍再度活躍於娛樂圈，並轉型做歌手出唱片，橫掃年尾各大頒獎禮的新人獎，並接拍多部電影。98年，在黎姿介紹下認識練海棠，二人一見鍾情，拍拖7個月拉埋天窗。婚後伍詠薇加入無綫成為合約演員，接拍多部劇集，直至今年，伍詠薇向無綫請了一年假，專心經營代理的美容品牌「美人專門」生意。

無分你我

從事廣告業的練海棠（Kasey），曾效力本地著名的4A奧美廣告公司，後來與友人自立門戶，擔任creative director，出名的廣告作品包括：眼鏡88、鐵達時「天長地久」廣告等，高峰時年薪180萬。

伍詠薇與練海棠結婚後，除了男方與友人持有的廣告公司外，其餘的財產物業，全數加上伍詠薇的名字，二人持有兩間公司，包括愛芳肌有限公司及 Standard Faith Limited。95年練海棠以680萬購入南灣花園低層單位；07年，二人以848萬成功出售，獲利168萬。02年，二人以155萬購入般咸道麗怡大廈單位，至今仍持有。今年，兩夫婦投資7位數字開拓美容生意，成立品牌「美人專門」，推出產品「腳之燒腳膜」。
2 : 龍生(798)@2010-11-27 15:56:50

唉, 我又唔怪佢老公喎...你睇佢對眼厲過謝雪心...
大家都係男人...點頂呀....
3 : GS(14)@2010-11-27 16:11:55

畀我都頂唔住呢個女人

中環膠袋人，他老公先忍得佢

1 : GS(14)@2012-01-07 13:32:47

http://hk.apple.nextmedia.com/te ... 104&art_id=15961013



「膠袋人」吳少英，家住半山羅便臣道附近英輝台一號英輝閣，其夫姓陳， 72歲，是退休公務員。記者到其寓所採訪，大門一開，只見全屋塞滿膠袋，傢俬電器早被膠袋「淹沒」。「冇法子，扔咗佢又執返嚟。」陳苦笑着請記者內進，但屋內連可以坐下詳談的地方也沒有。
「呢度好實用㗎，以前麻雀都開三枱。」陳指着客廳，但電視櫃和沙發已被膠袋壓着，電視改放在一張椅上，只能勉強站在旁邊看。廚房入口同被膠袋山阻塞，爐頭堆滿垃圾。「家三餐都喺出面食，雪櫃都用唔到，有乜法子?」全屋只有廁所無堆膠袋，書房和睡房一樣一袋叠一袋。陳說晚上睡覺要小心翼翼「捐」上床，動作稍大便會被跌下來的膠袋砸中。
陳說單位可俯瞰維港， 600多呎市值 700萬元，加上自己有長俸，夫婦本可舒舒服服安享晚年。陳說太太是同學的妹妹， 73年結婚後便辭工做少奶奶，他則在地政署工作。兩人沒生小孩，閒時行山游早水，放大假就周遊列國，生活優游，但沙士後太太行為變得怪異。


採訪期間，膠袋人突返家，責罵丈夫為何讓記者入屋。　黃江奇攝



一屋膠袋將膠袋人的半山豪宅單位變垃圾屋。

夫：「佢鍾意做實俾佢做」

「 03年沙士嗰陣佢整親隻腳，送咗去瑪麗留醫，嗰時醫生發現佢精神有啲問題，轉介去睇心理醫生。」陳說太太 90年起已喜歡執膠袋回家，情況並不嚴重，沙士出院後，執膠袋的行為變本加厲，每次都執十數袋回家，且愛將自己包到似蒙面超人，像要用膠袋隔絕一切惡菌。
「醫生話佢患咗思覺失調，不過就冇開藥俾佢食。」陳說 03至 06年間，每隔三個月便會帶太太到醫院睇心理醫生，但是她的情況沒好轉，後來更拒絕再求醫。「佢鍾意做一定要俾佢做，否則又嘈；我唔想嗌交，惟有忍囉。」陳無奈的說。
2 : GS(14)@2012-01-07 13:33:42

思覺失調須服藥控制病情
http://hk.apple.nextmedia.com/te ... 104&art_id=15961014
3 : 亞力士(1473)@2012-01-07 19:29:00

如果身邊人係咁 放唔放手好呢
4 : 龍生(798)@2012-01-08 00:03:49

放與唔放, 都無分別吧....
5 : GS(14)@2012-01-08 10:49:46

4樓提及
放與唔放, 都無分別吧....


其實他們兩夫婦的生活都唔一齊啦

把男朋友IPO成老公的風險

1 : GS(14)@2012-07-04 23:30:17

http://xueqiu.com/1163266633
1.分紅減少，原來上館子去旅遊，變成實惠過日子；2.招股說明書開始露陷，越來越多的缺點；3.宏觀層面的調控日益凸顯，婆婆一出手，就知有沒有；4.財務報告粉飾，其實他並沒有賺那麼多；借殼上市往往也就生個孩子；5.根據新婚姻法，ST退市，一分錢都拿不到。
2 : GS(14)@2012-07-05 21:21:39

唔好搞

老婆大肚　老公孕吐英國男模假懷孕

1 : GS(14)@2014-09-13 23:32:29

老婆懷孕了，孕吐的是我？英國29歲男模阿什比（Harry Ashby)兩個月前得悉19歲未婚妻夏洛特（Charlotte Allsopp）懷孕後，竟開始出現晨吐及不適，還如孕婦一樣食慾大增，腰酸背痛，更甚是其胸部及肚皮開始漲起。醫生證實阿什比出現「擬娩症後群」，推斷可能是夏洛特之前曾小產，令阿什比及夏洛特情感更靠近，並出現擬娩症後群。當未婚妻出現陣痛時，阿什比亦有機會感受同樣痛楚，令他擔心不已。阿什比的不適迫得他向公司請病假休息，醫生指他是全英首個因孕婦不適而取得醫生紙的男人。不過，夏洛特就不大滿意：「本該是他照顧我的，現在我卻要倒過來照顧他，令我有點累。」英國《每日郵報》




來源: http://hk.apple.nextmedia.com/international/art/20140913/18864939

【壹週刊】散步啜爆老公梁詠琪四個月巨肚曝光

1 : GS(14)@2014-09-18 13:51:07

【壹週刊】拖埋隻狗，一家三口……呀！計埋GiGi梁詠琪肚入面個嗰，有四個月架喇，應該係一家四口至啱，齊齊散步，樂也融融！當日兩人旁若無人，情到濃時一樣照嘴。想知GiGi呢胎佗成點？就要download壹週plus睇足本，免費架！
iPhone App免費下載：http://bit.ly/nextplus_iphone
Android App免費下載：http://bit.ly/nextplus_android




來源: http://hk.apple.nextmedia.com/entertainment/art/20140918/18869441

馮仁昭四圍超：忙綵排冷落老公千嬅爆丁子高出蠱惑

1 : GS(14)@2015-01-11 20:08:05









楊千嬅噚日喺銅鑼灣為今個月24號開騷嘅紅館演唱會綵排，千嬅自爆因為全心全意綵排，近排冷落咗老公丁子高，搞到老公成日做埋啲古怪行為惹佢注意，佢話：「佢會突然話肚餓叫我煮個麵佢食，又或者突然話間房亂叫我執吓，佢每次講完就會俾我鬧，但佢俾我鬧完又會好爽。」咁老公會唔會做演唱會嘉賓呢？千嬅話已經親自請晒嘉賓，不過要保持神秘唔公開住，如果老公做嘉賓就唔只唱一首歌：「佢實唱成part！我

馮仁昭四圍超：范范誕大隻孖B老公黑人：母子平安

1 : GS(14)@2015-01-16 19:34:45





■范瑋琪噚日亦順利誕下雙胞胎男嬰。微博圖片








台灣歌手范瑋琪噚日亦順利誕下雙胞胎男嬰，比預產早咗個幾月出世。


范瑋琪


范范老公黑人陳建州噚日傍晚約7點喺微博公佈喜訊，話母子平安，仲放咗張兩個BB啱啱由媽咪肚裏面出嚟嘅相，血都未抹，好有震撼性。約15分鐘後，范范亦喺微博寫話：「大小熊貓提早報到！感謝主，謝謝大家的滿滿關心。」撰文：馮仁昭





來源: http://hk.apple.nextmedia.com/entertainment/art/20150116/19004179

【壹週刊】Kelly老公帶挈丁子高攻BB市場

1 : GS(14)@2015-02-13 09:03:45





【壹週刊】雖然有個有米老竇，丁子高一直希望似父親咁白手興家，自三年前成立公關公司後，今年佢再度出擊，賣BB家品。想知更多，記住Download壹週Plus手機app，免費架！
iPhone版下載：http://goo.gl/1SDaWF
Android版下載：http://goo.gl/xfQS8D壹週Plus網頁：http://nextplus.nextmedia.com/





來源: http://hk.apple.nextmedia.com/entertainment/art/20150213/19039587
Next Page
ZKIZ Archives @ 2019