魚樂無窮：蔗渣價錢盈喜股
1 :
GS(14)@2017-06-10 13:07:53森信紙業（731）日前報喜，預計截至今年3月底止全年盈利，增幅將不少於七成。嗱嗱聲拎部計數機出嚟撳，上年度盈利4,668萬銀，即今年起碼賺7,936萬銀，又今年中期盈利2,771萬銀，即下半年盈利達5,165萬銀，較上半年狂彈86%。業績靚爆鏡，原因係乜？公司表示，受惠紙品業務下半年錄得可觀增長及零售業務虧損減少，理由非常紥實，絕無水份！「盈喜後衝咗上去喇喎，仲買得？」繼續用數字說服你︰森信紙業預測市盈率7倍，比起同業玖紙（2689）及理文造紙（2314）平均9倍平一截，森信卻有re-rate空間；每股NAV高達1.49元，與現價0.48元比較，市賬率只得0.3倍，變相三折大平賣；最新市值5.5億銀，連殼價都未夠，眼前卻是一盤正在turnaround嘅生意，八個字總結︰蔗渣價錢燒鵝味道。森信大股東岑氏家族持股74.5%，CCASS首十大券商持股九成，從兩個角度出發，均反映貨源極度歸邊，集團將於月底公佈業績，呢段期間齋炒憧憬，結果肯定超乎你想像！唐牛
http://www.fb.com/tongcow88本欄逢周二、四刊出
97年主權移交至今，香港前進還是倒退？「蘋果」與你細數廿載風雨。【回歸二十年】專頁：
http://hksar20.appledaily.com.hk
來源:
http://hk.apple.nextmedia.com/financeestate/art/20170608/20048004
操盤手札記：盈喜股高追蝕章
1 :
GS(14)@2017-07-29 03:21:59終於見到27000！恒指朝早衝上27007，但屠熊開餐後掉頭，收26941，升88點。闊別兩年嘅27000關，係2015年6月下跌裂口阻力，初試破關遇阻回調，屬於正常套利操作，並唔代表大市轉弱。期指結算在即，好友已連贏6個月，今個月贏多鋪冇走雞，挾死淡友之餘，後市有力再上。港股連日創兩年新高，不過越係升市，越要有戒心，要留意上市公司業績係咪配合。重磅股友邦（1299）、滙控（005），分別會喺本周五、下周一放榜。業績當前，大批公司發盈喜，過去一個月，有112間，當中26間預告中期多賺超過一倍，不過，唔係隻隻盈喜股都升，中煤（1898）就畀「摩笛」吹跌。追盈喜股前，記緊留意市場睇法。揀股向來要睇盈利、派息等，揀有業績或盈喜支持嘅股份始終係王道。盈喜股通常消息一出即炒高，炒一陣又回調，所以冇貨唔緊要，可趁回吐吸納。上述26隻倍賺盈喜股，包括吉利（175）、舜宇（2382）等強勢股，不妨候低吸納，例如高位調整一成。港股連續21周錄得資金淨流入，北水一直掃貨。睇近期滬深港通資金流向，大戶正在收緊A＋H股差價，部份內銀、內險A股出現淨賣出，相關H股則出現淨買入。北水已成為港股主流動力，冇被納入滬深港通範圍嘅股份，變晒蜑家雞。喺倍賺盈喜股中，兼俱A＋H股及滬深港通概念嘅有5隻，包括中石油（857）、海螺水泥（914）、中煤、濰柴（2338）、新華製藥（719），當中3隻嘅A股更喺「入摩」名單上，就係中石油、海螺、濰柴，我嘅心水係預告中期多賺90%至110%嘅海螺。內地水泥價格由舊年3月起低位反彈，皆因基建投資及房地產投資回升，為水泥帶嚟穩定需求。多隻水泥股已先後發盈喜，包括華潤水泥（1313）、西部水泥（2233）、中材（1893）、台泥（1136）、亞洲水泥（743）等。海螺作為行業龍頭，自然睇高一線。該股現價28.25元，走勢上，呈現區域突破利好訊號。
割柑人本欄逢周四刊出
來源:
http://hk.apple.nextmedia.com/financeestate/art/20170727/20102419
美聯發盈喜 首11個月賺1.7億
1 :
GS(14)@2017-12-24 01:44:30https://www.mpfinance.com/fin/da ... 5541&issue=20171223
【明報專訊】今年樓市屢創高峰，地產代理收入亦水漲船高，美聯集團（1200）及美聯工商舖（0459）亦雙雙發盈喜，其中美聯集團昨公布，截至今年11月30日止11個月，錄得權益持有人應佔綜合淨溢利約1.7億元，預期至今年底會有明顯上升。資料顯示，該集團截至去年12月底溢利僅約1100萬元，換言之今年首11個月溢利已較去年全年大增約14倍。
較去年全年大增14倍
美聯集團稱，首11個月本地住宅交投活躍，於香港住宅市場佔有率增加、有效重新分配及運用資源，以及實行成本控制，以應對內地主要城市地產市場放緩及具挑戰之營商環境。事實上，另一龍頭地產代理行中原地產，上周亦公布今年首11個月，該集團香港住宅部錄得35.2億元佣金收入，打破去年全年34.8億元的歷史紀錄。
此外，美聯工商舖亦公布，截至今年11月30日止11個月，錄得綜合淨溢利約7000萬元，預期截至今年底會有顯著上升（相對截至去年12月底溢利約1800萬元）。該集團稱，業績改善主要與首11個月本地非住宅市場交投活躍，以及分行遷移帶來的成本節省有關。
異動空間：靚價盈喜潛力股
1 :
GS(14)@2018-01-08 00:42:14年尾市靜最好挾，皆因基金沽貨鎖定利潤已做完，早排恐慌市沽凸咗的話，又可以趁機會買番，形成走短線的好機會。日前直播推介的中國鋁業（2600）受惠鋁價反彈及重組憧憬，股價逐級向上爬，大阻力暫為6蚊，請自行睇位落車。環球加息收水，皆因預期通脹有升溫之象。近年通脹似有或無，主要受油價低迷所扭曲，如今環球經濟穩步增長，沙地阿美又在部署上市，油價勢將拾級而上，令通脹明年見真章。炒通脹的環境下，消費及內需股將會受惠，康師傅（322）近日連創52周新高，連250周線也突破了，屬於大轉勢格局，值得擺低一注再觀察。家電股亦可留意，海信科龍（921）過去半年形成大雙底，周四升穿9蚊後展開升浪，9 RSI顯著反彈，MACD牛差擴大，下一阻力暫為10.5元。作為內地雪櫃龍頭，科龍最近被評定為首批中國家電產品外銷「同線同標同質」的「三同」生產企業，在能效、噪音、保鮮、環保等方面的質量均達到歐美發達國家的水平，推動出口加內銷雙引擎增長。科龍今年首三季純利17.3億元人民幣，按年大增1倍，收入亦升29%，全年盈喜相信是時間問題。魏力
http://fb.com/2012jason本欄逢周一、五刊出
來源:
https://hk.finance.appledaily.co ... e/20171222/20252448
中資掀盈喜潮 大行睇好H指
1 :
GS(14)@2018-02-04 23:18:36【本報訊】中資股盈喜潮，大行看好H指！港股昨回吐187點或0.6%，跌穿三萬三關，收報32966點，不過業績期將至，陸續有中資股發盈喜，中金更預計整體中資企業去年的盈利增長接近兩成，並上調H股指數目標水平至16000點。
神華兗煤報喜
恒指昨早高開181點，報33335點，及後更一度上漲至即市歷史高位33484點，不過，在友邦（1299）、平保（2318）以及匯控（005）等多隻藍籌股份回吐拖累下，大市乏力再上並倒跌，失守三萬三大關，收報32966點。
H股指數昨下跌64點或0.5%，收報13659點。全日主板成交額1,916億元，大市沽空率佔10%。內地股市昨亦全線向下，滬綜指下挫近1%或35點，收報3523點。大市走低，惟部份中資股逆市受追捧。其中，神華（1088）及兗煤（1171）因內地煤炭供不應求刺激煤價走高而逆市向上，昨股價分別狂飆升近4%及7.7%，兩股收市後再發盈喜。同樣於昨日收市後公佈盈喜的中裕燃氣（3633），昨日亦獲市場偷步炒作，逆市升5.1%。中資企業業績將於2月底陸續出爐，中金發表報告，預測該行所研究的逾300隻離岸中資股去年全年盈利按年上升19%，更指隨中資股的收入增長與盈利能力獲改善，將帶動邊際利潤提高，把本年整體中資企業盈利按年增長預測上調至17.3%。至於反映主要中資股走勢的H指，中金亦把其目標由13500點大增18.5%至16000點，潛在升幅達17.1%。另外，瑞信指內地散戶開始將資金從自己的股票戶口或定息投資，轉為交由機構投資者代為投資，原因是互惠基金去年平均回報遠勝散戶。瑞信指這些基金同時亦有投資港股，而隨着內地投資者「機構化」，A股及H股市場中的藍籌股料有支持，大價股去年跑贏細價股之情況料延續。
來源:
https://hk.finance.appledaily.co ... e/20180130/20289948
Next Page