Sammi收鞋讚貼心
1 :
GS(14)@2016-04-18 12:13:06■樂基兒在廣告中，不時大動作轉身騷美腿。
鄭秀文（Sammi）早前獲邀為樂基兒及內地藝人朱珠擔任模特兒的品牌打造新造型，展現型格的一面，樂基兒更大騷美腿。Sammi指自己是位「鞋癡」，曾花5位數字買鞋，她表示不介意收到另一半為自己挑選的鞋，相信是最貼心的禮物。比18歲時重了18磅的樂基兒，一直都熱愛運動，她指家中的運動鞋跟高踭鞋一樣多，她更稱很欣賞Sammi：「佢喺我心目中係好成功嘅女性，喺舞台上有銳不可當嘅魅力。」此外，朱珠最近參加了黎明有份演出的內地真人騷《非凡搭檔》。撰文：黃曉妍
來源:
http://hk.apple.nextmedia.com/entertainment/art/20160418/19575289
Sammi大馬開騷食榴槤
1 :
GS(14)@2016-06-06 02:54:38鄭秀文（Sammi）近日為「Touch Mi鄭秀文世界巡迴演唱會」演出，五日內分別在雲頂及倫敦舉行了三場演唱會，大馬站完騷後便急不及待品嚐舊同學送上的榴槤蛋糕。
■騷後Sammi即嚐榴槤蛋糕。互聯網圖片
相隔兩年再踏雲頂開騷，Sammi分別以性感喱士、純白新娘、低V機師、長腿牛女及女神look等十個造型現身，演唱會以《Bang Bang Bang》和《煞科》等快歌揭開序幕。在台上Sammi發現一位男歌迷不斷尖叫即笑說：「呢位『肥仔』好激動，係咪冇見過『靚腿』呢？」唱《不要驚動愛情》前就自嘲四十多歲才嫁得出，呼籲單身Mi粉耐心等候。撰文：草津
來源:
http://hk.apple.nextmedia.com/entertainment/art/20160603/19638659
Sammi買包老公埋單
1 :
GS(14)@2016-06-06 03:17:43■當見到記者拍照時，拿着一袋麵包的安仔就擋在Sammi前面護駕。
【大坑】鄭秀文（Sammi）今年9月開個唱，最近她已積極備戰，不少歌星開個唱前都會刻意節食減肥，但前晚約10時許見Sammi同老公許志安一齊出動去到大坑買麵包，看來她又要勤加做運動才可抵銷過量的卡路里。戴上口罩的Sammi在麵包店負責選麵包，安仔就站在身後。不過Sammi選來選去後，最終只選了三個。安仔見老婆揀完了，就好貼心地幫老婆接住個麵包盤去結賬，當他們離開店時見到有記者拍照，Sammi就好像有些害羞，安仔見狀就擋在老婆前面護駕，但兩人態度還是友善的，當安仔護住老婆上車後，他就立刻開車離開。採訪、攝影：朱志聰、黃曉程、梁繼光
來源:
http://hk.apple.nextmedia.com/entertainment/art/20160605/19641430
各自度身訂做個唱Sammi戒口 城城玩黑舞士
1 :
GS(14)@2016-06-20 05:45:21■鄭秀文昨日穿上紅藍間條deep V裙現身演唱會記招。攝影：陳順禎
天后鄭秀文（Sammi）與天王郭富城昨日各自為演唱會開記招，Sammi9月的8場演唱會今日開賣，她昨在尖沙嘴記招上，提到已有不少南亞裔排隊黨：「次次都好似有咁情況，聽聞『行』晒床褥出現，其實賣飛制度，每人買到四張，今次排啲人機率高啲。」Sammi表示未諗加場：「暫時未諗，要保持質量，呢啲係體力勞動，能量消耗好多，我會keep fit，食有營養嘅嘢，挑戰自己。」
笑安仔要反省
對於日前老公許志安與黎明的陳年合照在網上瘋傳，被笑似戒毒人士及智障兒童，Sammi認真地指會傷害及不尊重有關人士：「但純講笑嚟睇，佢要反省吓，佢自己睇都笑啦，所以有情人眼裏出西施，我有笑佢發育不全，後生嗰時似笠咗絲襪出街，越嚟越年長，五官就開番。」
■Sammi個唱今開售，但昨已有疑似黃牛黨以報紙霸位排隊。
■安仔（左）與黎明的陳年合照被瘋傳。資料圖片
城城昨日則以「黑舞士」造型在圓方開記招，將於8、9月開12場演唱會，製作費高達5,000萬。城城表示會打造超智能式、有思想舞台：「個舞台好似一個黑洞，會走出一個黑舞士，有大量科技，唔知保險費受唔受保。」問城城會否擔心個唱似Sammi般被黃牛黨炒飛，他表示已交給工作人員處理：「我理唔到咁多。」會否叫女友方媛（Moka）捧場？城城說：「睇時間啦，佢籌備緊佢嘅服裝品牌，咁多場，順其自然啦！」
■城城相隔3年再開12場演唱會，昨以型爆黑舞士造型為個唱宣傳。
■安仔昨晚現身銅鑼灣與Sammi及外父外母慶祝父親節。DV圖片
扶兩老去食飯
此外，Sammi與安仔昨晚偕父母到銅鑼灣西苑食飯慶祝父親節，但二人就分開到場，安仔負責駕車接載兩老，並體貼地扶兩老落車後再前往泊車。採訪：王連連、黃曉妍、畢紹基、吳耀輝
來源:
http://hk.apple.nextmedia.com/entertainment/art/20160620/19660900
Sammi變幻身材A4升3D
1 :
GS(14)@2016-07-15 05:16:39鄭秀文（Sammi）昨晚在灣仔會展出席新車活動，自嘲身材和新車型號A4有共同點，更笑言技術差：「唔識泊車、易迷路，點開車都差啲唔記得。」提到她穿內衣拍新歌《犀利》MV非常性感，Sammi笑言：「好多朋友問我乜牌子，其實揀好就唔使加pad，揀啱就A4變3D。其實女性唔使介意身材，隨時都可以變幻，內衣好神奇。」問到安仔有否讚她，她說：「佢冇特別focus呢樣嘢，平時去街我唔會咁，不過會擺屋企看門口用，過時過節拎出嚟，啲朋友以為我擺咗生果落去。」採訪：卓寶花攝影：沈健程
來源:
http://hk.apple.nextmedia.com/entertainment/art/20160715/19695186
【馮仁昭四圍超】Sammi出書教減肥
1 :
GS(14)@2016-08-07 02:03:50■鄭秀文喺人生低潮時最鍾意睇哲學書。
鄭秀文（Sammi）曾經喺事業嘅高峯期患上抑鬱症，當年佢對自己要求極高，為保纖瘦身形不停節食減肥，又唔容許自己演出有任何差錯，加上非常介意其他人嘅批評，面對各種各樣壓力，一下子爆煲，搞到抑鬱，幸好佢最終得到宗教和朋友幫助，重獲新生。噚日Sammi同立法會主席曾鈺成喺鑽石山出席香港世界宣明會舊書義賣活動，Sammi仲攞咗本關於哲學嘅小說出嚟義賣，佢話自己之前患抑鬱嗰段時間睇咗好多書：「喺depression嗰時睇最多呢類書，講有關人嘅嘢，覺得人呢個生物好有趣，可以抽離吓抑壓嘅情緒，睇得投入忘記depression，有咗信仰之後就睇聖經。」
【07年】■一度肥腫難分嘅Sammi，下年會出書分享點樣練成鋼條身形。資料圖片
■許志安（右）曾經俾人認錯係杜德偉。資料圖片
當年肥腫難分
Sammi初出道肥腫難分，當年Sammi話自己連飲水都肥，而家一直保持鋼條嘅健美身形，相信唔少人都好想知究竟佢食乜嘢同做啲乜嘢？而家機會嚟喇，Sammi話佢明年夏天打算出減肥書：「準備緊出一本教人減肥嘅書，冇打算喺書展出，但覺得冬天出冇人買，應該喺明年夏天推出。」另外，Sammi同杜德偉之前幫網絡平台拍廣告片，將當年許志安被誤認係杜德偉嘅事當做賣點，佢話：「我俾番安仔睇，佢睇4次都笑到碌地，佢覺得杜生咁樣出場好舒服。」撰文：馮仁昭
來源:
http://hk.apple.nextmedia.com/entertainment/art/20160805/19723117
Next Page