趕第二胎前完成巡唱GiGi應承老公交人
1 :
GS(14)@2016-12-07 07:41:14■梁詠琪巡迴演唱會前晚舉行廣州場，她預告明年下半年會休息，努力造人等生第二胎。
【廣州直擊】梁詠琪（GiGi）的巡迴演唱會，前晚唱到第六站廣州站。她在台上分享近年創作歌曲心態改變了，又指自己過去五年變化好大，她說：「我都有迷茫時候，但自己同自己講，嗰個人可能未出現，時候未到，最終嗰個人（老公Sergio）終於出現，仲結埋婚。」雖然老公Sergio及囡囡Sofia未有現身廣州站，但台上播出一家三口搞笑短片，Sergio氹老婆變身MJ跳舞，GiGi讓他錫錫時，囡囡忽然在二人中間冒出來。GiGi又謂現在每次出埠工作，最不捨是囡囡，老公每次都會抱囡囡送她出門，直至她上車，她每次都會喊。前晚GiGi請來監製陳少琪囡囡陳明熹任嘉賓，陳明熹指當日爸爸反對她做音樂，幸修讀音樂課程後能順利出唱片。
■GiGi指每次出埠工作，最不捨得是囡囡，每次都會喊。
■台上播出老公Sergio跳舞氹老婆及錫錫片段。
被讚表現跳脫
演出後GiGi接受傳媒訪問時說：「我今日喉嚨痛，好彩順利完成。喺上海站遇到頸椎移位，之前西安又要趕返嚟出席細佬婚宴，初初都怕體力應付唔到。」有指她在台上表現越來越跳脫，問到老公對她影響是否很大？她坦言：「都係㗎，而家開心冇牽掛。」
■早前頸椎移位的GiGi，前晚狀態大勇未受影響。
■陳少琪囡囡陳明熹（右）前晚再為GiGi擔任個唱嘉賓。
聖誕陪實囡囡
GiGi又透露聖誕節會放一個短假期，爭取時間跟囡囡相聚，之後還要應付美加站，約有六至十場，她說：「如果生完第二胎先做可能會好攰。」是否會努力造人？GiGi指明年下半年會休息，如果造人就要積極。問會否辦香港演唱會？她說：「未必搞，應承咗老公交人。」採訪、攝影：曾小嘉
來源:
http://hk.apple.nextmedia.com/entertainment/art/20161206/19856011
鄭中基自爆累事GiGi險做唔成西班牙人妻
1 :
GS(14)@2017-01-31 16:01:52■GiGi被鄭中基踢爆當年被求婚時竟暈倒入醫院。
鄭中基前晚的紅館演唱會，除了請來舊愛楊千嬅做嘉賓，還有LMF和梁詠琪（GiGi），鄭中基在台上跟GiGi合唱外，還指着GiGi說：「呢個人因為我差啲嫁唔出，當年同佢拍《嫁個100分男人》，佢未食過北京街邊串燒，我係咁隊佢食，食到佢扁桃腺發炎要返香港，返屋企打開門有人向佢求婚，之後佢暈低入醫院。」GiGi笑說：「應該唔關你事，我係俾佢嚇親入醫院，自己當時冇應承佢嘅。」鄭中基鬼馬問：「吓，冇應承佢？唔係嗰個人咩？」GiGi笑罵：「啋，係嗰個，最後我有應承。」採訪：王連連攝影：仇志德
來源:
http://hk.apple.nextmedia.com/entertainment/art/20170131/19913580
《蘋果》專訪GiGi同性小品 遺憾×悔疚
1 :
GS(14)@2017-02-19 13:59:58梁詠琪（GiGi）閃婚生女，養尊處優一年，產後復出第一炮選擇了一部帶有同性戀意味的小品。GiGi日前接受本報記者專訪說：「嗰時一接到劇本，我仲湊緊女，我要考慮嘅係第一樣要離開屋企時間長，但我又鍾意個劇本講緊嗰種感情，介乎友情同愛情之間。話我哋兩姊妹有個仔，係好有挑戰性，同埋啱啱做咗媽媽，第一部接唔係愛情戲，反而係講姊妹情、親情。人生已有變化，對於『愛』、『情』有另一層次體會。我睇劇本時睇到喊，覺得個角色好有挑戰性。」
■GiGi指新作講姊妹情同親情，睇劇本時感動落淚。
■GiGi有女萬事足，不時帶她周圍玩。資料圖片
■（右起）GiGi、麥家琪及車婉婉在《骨妹》結片緣。劇照
「冇試過但明白」
《骨妹》入面，GiGi飾演成年的詩詩，跟同性密友發生曖昧關係，在現實生活中，GiGi可曾有類似經歷？她說：「我自己就冇，我身邊係有呢啲女性couple。當兩個人之間好清楚大家嘅取向就冇問題。
GiGi續說：「戲入面我一路唔知道，唔清楚，一路以為係一種好單純嘅姊妹愛。當我離開呢個姊妹，冇諗過對對方嘅傷害同影響係咁長遠，最後返去故鄉知道佢對自己有種咁深厚情意結，嗰種遺憾同悔疚感覺係好複雜。我冇試過，但係又好似明白佢嘅感覺而想演。」
生活演戲共存
事業型女性要照顧家庭，又渴望在工作上得到滿足，GiGi說：「我唔會話生咗仔就留喺屋企，我唔可以同社會脫節，演戲同生活係分割唔到。我要兼顧生活，有生活體驗先可以令我透徹了解角色，如果冇咗生活去演戲，係做戲就係做戲！我先生知道我鍾意做嘢，所以佢會全力支持我。」採訪：非非攝影：郭賢興化妝：Andy Leung of ndnco髮型：Nick Lam of Pi4.com.hk
來源:
http://hk.apple.nextmedia.com/entertainment/art/20170219/19932775
GiGi簡單為女兒賀生日
1 :
GS(14)@2017-03-03 00:59:49■GiGi囡囡Sofia前晚慶祝生日，收到卡通糖霜蛋糕。微博圖片
梁詠琪（GiGi）前晚為囡囡Sofia慶祝兩歲生日，今年生日過得很低調，僅邀請至親同好友出席，當然GiGi媽咪與經理人都有到。GiGi送了兩本童話故事書給囡囡，因為Sofia喜歡看書，而且老公Sergio每晚都會在睡前讀故事給Sofia聽。
GiGi昨日在網上貼出抱着Sofia的相片，留言：「簡單的DIY佈置、朋友親手做的蛋糕、加上一些親朋好友，Sofia慶祝兩歲生日。平安喜樂！感恩滿足！P.S.謝謝小美姐送給Sofia的衫仔裙仔。」從照片看Sofia生日會以粉紅搭配白色的簡單佈置，蛋糕上有Elmo與Sofia卡通糖霜公仔，Sofia收到蛋糕，相當開心。撰文：鍾國仁
來源:
http://hk.apple.nextmedia.com/entertainment/art/20170302/19944119
GiGi暴曬撈垃圾
1 :
GS(14)@2017-06-10 13:09:45梁詠琪（GiGi）以海洋公園保育基金大使身份支持無飲管日，昨日在天氣酷熱之下，不介意暴曬，身體力行出海撈垃圾，她呼籲：「唔好用飲管，免得飲管沖出海洋影響生態。」她表示會將環保訊息灌輸給女兒Sofia，外出會自備玻璃樽、毛巾、不銹鋼飲管等循環再用物資，由生活習慣做起。
GiGi的一班好朋友都已為人母，時常會交流餵母乳心得，她又指囡囡開始長大經常發問，有時也難以解答：「例如問點解天空係藍色？又會問陀住BB嘅朋友點解會咁？我就話畀佢聽，呢個係baby，你以前都係呢度出嚟㗎。」採訪：卓寶花攝影：陳慧安
來源:
http://hk.apple.nextmedia.com/entertainment/art/20170608/20047966
GiGi上海快閃冇飯開
1 :
GS(14)@2017-06-22 08:03:25星皓投資新片《西遊記．女兒國》除身在泰國拍新片的郭富城外，幾近全營殺到「第二十屆上海國際電影節」，導演鄭保瑞與馮紹峰、趙麗穎、羅仲謙、小沈陽、梁詠琪（GiGi）及馬賽等前日連踩「微博電影之夜」，以及星皓與意大利時裝品牌Creazioni跨界合作舉辦的時裝展和派對。
■馬賽穿上透視晚裝，與羅仲謙在上海出席電影節活動。
當日搭早機到上海的GiGi，連食晚飯也來不及，連續兩日要凌晨5時起來作準備，昨日一大早去機場，卻不幸遇上航機故障，要改乘下午航機，令原本要趕返港為周末到內地開騷做綵排的計劃大亂。GiGi說：「唔單只我，謙仔都同我同一命運！」撰文：葉綠悠
來源:
http://hk.apple.nextmedia.com/entertainment/art/20170620/20061463
Next Page