黎諾懿笑小春雞似異形
1 :
GS(14)@2017-04-13 22:40:33黎諾懿與崔碧珈昨日到將軍澳出席活動，新手爸爸黎諾懿謂早上6時起床餵囝囝「小春雞」飲奶。他透露陪月姐姐已到，教他如何抱好囝囝及掃風：「男人好驚㗎！拍佢又唔知啲力啱唔啱，睇佢好似好軟，?住佢個頭好似會甩咁，不過?家都熟手咗。」
■黎諾懿表示跟陪月姐姐學掃風，現已熟手。
黎諾懿指太太明天出院，又謂未為囝囝剪臍帶：「因為好忙，BB好似水浸完，成身胎泥，好似異形，不過我哋都覺得成件事好神奇。」並透露將請師傅為囝囝改名。崔碧珈剛由倫敦讀短期演藝課程回港，其間重遇舊情人並向她求婚：「我會考慮嘅，不過?家都接咗電影，要做埋呢啲先。」採訪：盧妹攝影：陳慧安
來源:
http://hk.apple.nextmedia.com/entertainment/art/20170413/19988401
接妻兒出院 黎諾懿笑囝囝小春雞射程遠
1 :
GS(14)@2017-04-15 23:27:51現年36歲的「5億駙馬」黎諾懿，本周一獲太太李潔瑩（Nicole）為他在跑馬地養和剖腹誕下6.6磅囝囝「小春雞」，昨日兩公婆帶着囝囝出院返家團聚。
頭髮多眉毛密
昨午3時許，黎諾懿接Nicole出院，他負責抱着小春雞，小春雞五官標致，頭髮多，眉毛也濃密，黎諾懿說：「護士話囝囝頭髮多，所以每日都set唔同造型，護士仲話囝囝抱出街，係人都認到佢係馬壯（劇集《愛．回家》角色）個仔。」他雖然覺得囝囝長得像自己，但其實也似太太：「似老婆好，男生女相靚仔啲。」黎諾懿表示跟老婆有共識，暫時為囝囝中文名揀好最後一個字，他說：「用個『睿』字，中間嘅字仲要諗，再交畀師傅揀，希望下周可以完成，英文名會等中文名改好夾番，英文我只識A到Z，我改囝囝做『小春雞』，你哋都知我文化水平有幾多，英文名交畀太太改。」
■黎諾懿自爆小春雞前日「斟茶」給他。
■新手爸爸黎諾懿享受為囝囝餵奶的親子時間。互聯網圖片
■黎諾懿前晚學懂為囝囝掃風，全程小心翼翼。互聯網圖片
自嘲好似智障
新手爸爸黎諾懿自爆學懂了掃風和換片，小春雞前日更「斟茶」給老竇，黎諾懿說：「噚日換片，佢終於『斟茶』畀我，我打開尿片，一條水柱射出嚟，射中我，又射中囝囝自己臉同身，佢好有料到，冇諗到一個小朋友力量咁勁，我冇佢咁有射程，太太都話我應該用嘢墊住囝囝塊臉。」他表示當時手忙腳亂未有拍片，並指這五日學湊B，結果一樣都學不好，自嘲似智障。黎諾懿透露下周復工再拍無綫節目《馬家開飯》，下月7日開新劇，其間會爭取時間陪老婆坐月兼湊仔：「我今日終於成功抱住佢瞓唔喊，我今日抱佢落?時，都同佢講要畀吓面，落到去唔好喊，否則記者朋友以為我好生手，估唔到囝囝好合作。」採訪：曹家誠 攝影：陳俊強
來源:
http://hk.apple.nextmedia.com/entertainment/art/20170415/19990537
黎諾懿超級擦鞋仔《不懂撒嬌》游生Gordon起衝突
1 :
GS(14)@2017-05-13 01:56:25曾效力亞視17年嘅袁文傑，舊年轉投無綫，最近喺劇集《不懂撒嬌的女人》中，做宣萱同林文龍嘅大老闆游生，嗰種霸氣竟然吸引咗一班網民，尤其係佢同高海寧、唐詩詠游水嗰幕，好多人都讚佢keep得好，連9年前拍旅遊特輯嘅宣傳裸照都拎返出嚟，有網民留言：「袁文傑俾亞視浪費了廿年，好希望佢係TVB發熱發光，為阿仙奴爭一口氣」。對於網民嘅留言，袁文傑接受傳媒訪問：「唔會，我從來都冇呢個感覺，雖然亞視個台比較細，但係工作嘅機會都多，我都拍過好多劇集，做過主要嘅角色，而且又做過大騷嘅司儀，其實成績表ok㗎，雖然外間會有呢個感覺，但係唔可以咁講。」袁文傑：「(亞視)對我自己嚟講，吸收咗好多實戰嘅經驗。」今次喺《不懂》飾演游生嘅袁文傑，佢每次出場都震壓林文龍同宣萱，搞到唔少網民都覺得佢好有霸氣，唔知劇情嘅發展又會係點呢？袁文傑：「大家都知喺劇中我好欣賞林文龍，但係跟住同林文龍、宣萱嘅關係會有180度大轉變，大家會有啲路向唔同，去到中後段，我同文龍都會有啲嚴肅嘅衝突戲，會挽救公司嘅危機。」
來源:
http://hk.apple.nextmedia.com/entertainment/art/20170512/20019086
黎諾懿幫囝囝取名峰睿
1 :
GS(14)@2017-05-13 01:56:29黎諾懿最近在新劇演活「賤Han」一角，但回到現實生活，他是有仔萬事足的新手爸爸。自囝囝「小春雞」出生後，黎諾懿已經常洗版式在社交網貼囝囝相片或生活短片，前日是小春雞滿月大日子，當晚深夜他在Instagram上載了一條片，公佈小春雞終於改了中文名！片段開始時，黎諾懿講笑指囝囝複姓是「黎小」，名叫「春雞」，同時他剪輯了囝囝聽到名字後即爆喊短片，之後他再補充說囝囝的真正名字是黎峰睿。他接受訪問時說：「個名係搵師傅改，有幾個揀都好鍾意，最後同老婆決定揀呢個，希望囝囝都鍾意啦！」採訪：小米
來源:
http://hk.apple.nextmedia.com/entertainment/art/20170512/20018350
袁嘉敏食兩男媾黎諾懿五億大舅
1 :
GS(14)@2017-05-19 05:27:57■袁嘉敏曾經嫌Kenneth太熱情而分手，不過日前二人被影到在街頭咀嘴。資料圖片
現年32歲的袁嘉敏（Candy）前年撻着家族做紡織生意、於歐洲開酒店的老外男友Kenneth，二人經常被撞破拍拖行街，更試過被影到在街頭互啜互攬。
■Ivan（右）家族擁逾五億資產，父親李志強（左）是奧華美容公司的投資者。
■黎諾懿表示大舅Ivan與太太的感情很好。
咀到拗腰
去年6月袁嘉敏宣佈回復單身，分手原因是忍受不了Kenneth太熱情，還表示再拍拖會選擇亞洲人。不過，近日有周刊影到袁嘉敏已翻撻Kenneth，二人重演街頭咀嘴畫面，袁嘉敏更被男友錫到拗晒腰，之後又被影到她穿火辣三點式和Kenneth去淺水灣游水。Ivan是黎諾懿老婆李潔瑩胞兄，父親李志強坐擁五億的美容王國生意。
朋友敍舊
惟袁嘉敏翻撻Kenneth之餘，同時被影到約會黎諾懿的已婚「五億」大舅李俊彥（Ivan），女方同樣選在淺水灣會Ivan，之後Ivan以百萬Tesla房車送她返家。袁嘉敏被指左右逢源，自稱身在瑞士的她昨日以短訊回覆本報，提到與Kenneth復合，她說：「保持做朋友，有時大家都在香港，就敍吓舊。」至於黎諾懿被問到大舅Ivan與袁嘉敏在淺水灣約會一事，他表示不清楚Ivan有甚麼朋友，他說：「我唔清楚佢有乜嘢朋友呀，但以我所知係冇嘢啦，佢同太太好好感情！」採訪：王梓嫚、小米
來源:
http://hk.apple.nextmedia.com/entertainment/art/20170518/20024449
陳凱琳羨慕黎諾懿識湊仔
1 :
GS(14)@2017-07-01 10:50:22陳凱琳和黎諾懿昨日在九龍塘出席動畫《反斗車王3》宣傳活動，黎諾懿表示除了兩個月大兒子，家中還有四個姪仔，已變成一個兒童樂園，更令他成為湊仔公，他說：「?家淨係憑囝囝喊聲都分得出肚餓、眼瞓定屙咗臭臭。」陳凱琳大讚他犀利：「聽到佢咁講都好羨慕，但自己唔識湊。」
■黎諾懿認為任何情況下都不能對小朋友使用暴力。
談到網上瘋傳一條虐兒短片，黎諾懿說：「莫講話小朋友，就算對小動物都唔應該用暴力，無論任何情況下都唔應該郁手。我諗個仔第時點曳都唔會曳得過我以前，小朋友都唔識，我會慢慢同佢講，好似我老婆教狗一樣，對我都係咁，不停哦足我兩個鐘。」採訪：曹家誠攝影：仇志德
來源:
http://hk.apple.nextmedia.com/entertainment/art/20170701/20074606
黎諾懿囝囝被封型B姚樂怡囡囡愛玩水
1 :
GS(14)@2017-08-02 06:15:05有「神之馬壯」之稱嘅黎諾懿昨日喺IG貼同囝囝「小春雞」嘅合照，囝囝個樣較似爸爸黎諾懿，細個已經眼大大、面尖尖，絕對係一個型B，連網民都讚「小春雞」係靚仔。而另一個湊B大過天嘅，就係廿四孝媽咪姚樂怡，前年生咗囡囡「小雞髀」Gaibe，囡囡已經一歲幾，姚樂怡亦喺IG貼出一條游水片：「小雞髀好喜歡游泳。」見囡囡有媽咪靚靚遺傳，尖面、嘴細同鼻高，樣子相當可愛，原來佢哋一家過咗大海玩，囡囡仲細，落水要戴手袖同用水泡，樂怡成程睇住，仲忍唔住同囡囡咀嘴。
來源:
http://hk.apple.nextmedia.com/entertainment/art/20170801/20108072
大台「奧運六星」變中坑 走剩馬明黎諾懿
1 :
GS(14)@2017-08-04 06:36:21大台大大話話都幾十年歷史，多年嚟薪火相傳嘅唔少得就係演員啦！佢哋嘅小生都係一代接一代，有唔少劇都係以老帶嫩，咁先至唔會青黃不接。不過去到近年，大台嘅小生主力都係由外邊簽返嚟，就好似一度簽過亞視嘅陳展鵬、歌手出身嘅王浩信，仲有做過有線同now嘅洪永城等等，佢哋都唔係正宗「親生仔」，睇到底最後一代嘅自家製小生又有邊幾個呢？就係04年大台為咗雅典奧運力棒嘅「奧運六星」林峯、馬國明、黄宗澤、吳卓羲、陳鍵鋒、黎諾懿，個個都係親生仔之餘，仲夠晒嫩口，當時佢哋仲拍過唔少劇集做男主角，不過嚟到o依家個個都變晒中佬咁滯。馬國明同黎諾懿多年嚟一直留守喺大台，其中馬國明o依家就喺大台擔大旗，而黎諾懿事業就載浮載沉，o依家做埋爸爸o添！至於黄宗澤就轉簽邵氏主力喺內地發展，吳卓羲就喺2015年約滿大台，不過佢就係今年回巢。最後就係陳鍵鋒同林峯，陳鍵鋒早年離開大台，仲力數大台小器，佢多年嚟都喺內地發展，都冇被搵過佢返「娘家」。另外，林峯喺14年約滿大台，有指因為唔肯續約仲搞到俾大台封殺o添！
來源:
http://hk.apple.nextmedia.com/entertainment/art/20170804/20111493
Next Page