爽視彈：「伽俐略2」丟棄感情 朱國亮
1 :
GS(14)@2013-07-09 09:21:44http://www.sharpdaily.hk/article/entertain/20130708/210523
總算TVB沒有將《神探伽俐略2》當搖錢樹先放到收費台，上輯叫好，雖事隔幾年，但難得主角福山雅治來港宣傳電影版，日本富士台又剛播完不久，論timing，收視應睇高一線。
第二輯開始就交代柴崎幸飾演的女探員內海薰被調職，還以為二人今輯關係會再進一步，卻換上新拍檔吉高由里子。本來有點失望，但既然換了人，該有新的火花，特別是湯川學教授與年齡差距較大的女拍檔合作，立即可以丟棄感情包袱，返回起點，做回性格古怪自我，頭腦精明的物理學神探。
首集講的是老掉牙的邪教故事，超自然力量騙局被湯川的科學頭腦破解，但拍得細緻吸引，跟港劇的牽強堆砌明顯不同。上次TVB抄了齣《談情說案》，不知今次開不開續集？
朱國亮
逢一、三、五
2 :
sunntis(2012)@2013-07-09 10:35:12呢一續集一點都唔好睇!
悶到爆!
3T感情路：Yumiko預產期四月
1 :
GS(14)@2015-02-10 01:07:28
蔣雅文（Mandy）當年與鄭希怡（Yumiko）和劉思惠（Maggie）組成組合3T闖樂壇，不過僅推出了一張唱片《少女蝶》後，三女拆夥各自發展。Mandy和Maggie先後離開娛樂圈，Mandy孤身到台灣做生意，今年元旦更做了過埠新娘；至於Maggie就轉做品牌鞋店售貨員，上月為男友未婚生仔，成為3T首個榮升做人母。
前年Yumiko就和拍拖八年的化妝師男友梁學儲（Andy）結婚，現時腹大便便的她預產期是今年四月，心情興奮迎接BB出世的她，昨日被問到Mandy患卵巢病一事時，Yumiko在電話說：「了解吓先，唔係好知發生乜事。」
■（左起）鄭希怡、Maggie與蔣雅文曾組3T加入樂壇。資料圖片
來源:
http://hk.apple.nextmedia.com/entertainment/art/20150209/19034428
拍過五次拖 失戀喊足一星期周嘉儀主播的秘密感情生活
1 :
GS(14)@2015-04-30 09:03:04■周嘉儀深情剖白感情世界，大談過去鮮為人知的戀事。攝影：陳順禎
前無綫美女主播周嘉儀，稱得上宅男女神，即使被爆曾跟有婦之夫許方輝有過一段曖昧之情，嘉儀回應是非時如止水般冷靜，但原來百毒不侵的女神背後也有死穴！日前嘉儀接受本報專訪時，大爆她過去五段絕密情史！早前錯愛許方輝更令她吸取教訓，情路跌碰以後，女神惟有繼續靜待其Mr.Right的出現。撰文：羅慧敏
感情篇：身邊男仔朋友多
記：記者 周：周嘉儀記：拍過幾多次拖？周：一隻手數得晒，五次咁上下。記：你嘅初戀發生喺幾時？周：係讀大學嘅時候，嗰陣20歲。記：咁遲先初戀？周：因為我中學讀女校，都冇乜機會識到外面嘅人，到year2，都算好遲，拍咗3、4年，係最耐嘅一個。記：因乜事分手？係咪好傷心？周：可能累積落嚟，耐咗悶咗定係性格不合，都唔知歸根究柢係乜原因，總知係好傷心！喊到儍咗，因為未試過覺得好慘、天冧落嚟，因為乜嘢都好習慣，每一個禮拜有個生活模式，嗰吓覺得好接受唔到，都傷心咗好耐，成個禮拜都匿埋喺床度喊，同埋我唔食嘢，skip咗好多餐晚飯，嚇死我阿媽，嗰陣唔知點解仲狂游水，一日落去游三次水，覺得游水係好放鬆，可以減到壓。
■周嘉儀與無綫新聞主播許方輝大前年被爆關係曖昧，二人立即被公司雪藏。
■上月結束11年的主播生涯，周嘉儀現已轉職證券公司女強人。
記：之後幾段感情都好平淡？除咗同已婚無綫新聞主播許方輝嘅一段情……周：唔……唔……唔好講啦！過咗去都唔想影響到其他人。人生當中發生咁多事，每樣嘢都總有學到嘢、有得着嘅地方。記：算唔算係一個教訓？周：都係嘅，當時我屋企人同埋一啲愛錫我嘅朋友，喺我人生最低潮時畀到好多support我，呢啲朋友真係刻骨銘心，亦都學識點樣喺低潮嘅時候幫自己搵出路，呢樣好緊要，一味頹落去都冇用，只會越嚟越沉，你要諗吓之後條路點行，嗰吓我真係咁多年嚟，真真正正諗吓自己條路點行，因為之前樣樣嘢太stable，一個comfort zone裏面，嗰次係我人生轉捩點，諗多咗將來係點。記：咁要多謝許方輝？周：人哋嘅嘢唔講啦，多謝身邊嘅人，尤其係嗰段時間。記：現時多人追求？周：我身邊男仔朋友都多，但真係追就唔多覺，可能我個人都男仔頭，啲人成日話我講嘢冇尾音，啱傾嘅有，出嚟食吓飯嘅都會有，但朋友囉，追嘅就唔係太多。我又唔係話好急，因為工作各樣都好忙，拍拖都會開心、好sweet嘅，但係冇都唔會特別care，順其自然。記：有冇驚過自己會嫁唔出？周：冇話特別怕嘅，如果真係嫁唔出都冇辦法，自己就冇特別諗幾多歲嫁。我都信緣份嘅，如果佢要嚟，會感覺到，都係隨緣，平常心，唔會強求咁多，可能20幾歲好恨拍拖，但過咗嗰個階段。記：咁你有乜擇偶條件？周：相處到、溝通到係最緊要，出面好多話有筍盤，但係唔夾已經冇意思，樣樣好都冇用。孝順嘅男仔我會加分，我會睇佢點同我家人相處，佢喺你面前一定表現對你最好一面。除咗孝順，都要心地好、有愛心，smart啲嘅男仔我都鍾意，唔係要口甜舌滑好識冧女仔，佢會喺我人生上、生活上、工作上畀到意見我，我都係需要一啲guidance嘅人。化妝：Christy Lam髮型：Philip Lee@ La Biosthetique服裝提供：SEQUOIA
來源:
http://hk.apple.nextmedia.com/entertainment/art/20150430/19130260
拍劇咀出真感情李鍾碩朴信惠暗撻四個月
1 :
GS(14)@2015-07-02 08:27:16■李鍾碩和朴信惠外形合襯，被指已發展地下情四個月。
現年25歲的韓國女星朴信惠，因先後跟多位男神如李敏鎬、李鍾碩、金英光等人合作而被稱為「男神殺手」，亦多次傳出與合作過的男星戲假情真，不過一直只聞樓梯響。直至昨日，韓媒就爆出一系列朴信惠密會李鍾碩的照片，表示二人因合作劇集《愛上Pinocchio》而戲假情真，今年3月時更以情侶姿態去英國拍攝甜蜜寫真，目前已秘密拍拖四個月。去年朴信惠和李鍾碩合演人氣劇《愛上Pinocchio》，二人於劇中不時上演甜蜜的雪中接吻、麵包接吻等場面，令觀眾大讚二人非常合襯，未知二人是否咀出真感情，拍畢劇集後由好拍檔昇華為戀人，朴信惠更被影到多次跟李鍾碩在車廂內約會。昨日，韓國傳媒《Dispatch》爆出朴信惠跟李鍾碩秘密拍拖四個月的消息，並公開相關約會照片。據知，二人於3月時為影雜誌相而一同前往英國，當時已成為戀人的他們，在鏡頭前完全不介意晒恩愛，李鍾碩不時深情望實女友，其中一張相朴信惠更大膽地像樹熊般從後纏住李鍾碩，二人sweet到爆的合照，公開後即引起外界關注。
【孖住開餐】■4月時，李鍾碩和朴信惠孖好友在首爾清潭洞的咖啡廳見面。
【揸車上門】■朴信惠在5月駕車到李鍾碩住所的停車場，之後再會合男友。
【管接管送】■上月李鍾碩被影到接送朴信惠去遊車河。
海外鬼祟拍拖
到4月時，李鍾碩因為要拍攝新相而去夏威夷，跟得女友朴信惠亦孖好友徐孝琳去夏威夷度假，順便見男友。據二人身邊的工作人員透露：「寫真照片的工作一共進行了兩天，在餘下的時間裏，朴信惠及李鍾碩就秘密約會。」又表示二人因為同是韓流明星，所以非常理解對方的苦惱及感受。當二人都留在韓國時，他們主要選擇深夜時在車廂中約會，大部份時間會去兜風，又或者相約雙方的好友，以聚會之名見面。
■朴信惠和李鍾碩因合演《愛上Pinocchio》而咀出真感情。
■今年3月在英國影雜誌相時，二人已經拍拖。
愛深宵遊車河
4月時，二人就被影到於首爾清潭洞的咖啡店見面，吃完晚飯後，李鍾碩還親自送朴信惠回家。有時朴信惠也會開車去李鐘碩的住所，把自己的車停在停車場後，轉坐男友的車外出。由於朴信惠跟父母同住，因此約會一般不會超過凌晨1時回家。朴信惠和李鍾碩傳出戀愛後，網民就重提李鍾碩早前在節目中提到對公開戀愛看法的報道，當時李鍾碩表示：「我想公開戀愛，不過我更想直接公開婚訊，我想親自向大家表示這是我愛的女人，這樣記者就不會天天跟着我了。」不過他們所屬的事務所就否認戀情，表示：「二人是很親近的朋友，並非戀愛關係。」撰文：梁雯迪
來源:
http://hk.apple.nextmedia.com/entertainment/art/20150702/19204916
拍劇拍出真感情傅嘉莉暗撻陳展鵬？
1 :
GS(14)@2015-10-15 08:01:48肥叔叔…肥叔叔點算好…混血女模傅嘉莉（Kelly）上年被《蘋果》影到佢同年約55歲嘅肥叔叔Low Check Kian喺中環行街掃貨，其後上咗的士離開，情不自禁喺車廂又攬又啜，肥叔叔原來係有婦之夫，兼新加坡知名人士!依家呢…傅嘉莉似乎冇再搵肥叔叔嘞!昨日有周刊指，傅嘉莉同陳展鵬撻著，話佢哋拍《張保仔》嗰陣，喺橫店打得火熱，咪住!早前陳展鵬又傳佢同港姐陳凱琳暗交三個月嘅，好亂呀!是咁的…陳展鵬拍《張保仔》初時，曾向陳凱琳展開攻勢，以教對方做戲為由，主動埋身接陳凱琳放工，當時劇組都知佢同陳凱琳撐著，拍到劇集一半時，陳展鵬忽然對陳凱琳唔同晒，盛傳係陳凱琳嫌陳展鵬學歷低，性格唔係好夾，加上陳母唔係好鍾意陳展鵬，佢哋先冇發展落去!據周刊表示，傅嘉莉拍同劇嗰陣，亦成日搵機會同陳展鵬傾偈，撩對方玩，上年同傅嘉莉去橫店一個月時，據知情工作人員向周刊講，因為陳展鵬同傅嘉莉有唔少對手戲，成日一齊，就似乎有啲曖昧，傅嘉莉初時去橫店開工頭幾日，佢都有跟大隊去食晚飯，過幾日，佢就成日離隊，陳展鵬收咗工，亦直返酒店冇出嚟，曾經被人見到傅嘉莉喺一個男士間酒店出嚟，場面好尷尬。二人目前成日拍住一齊宣傳，未知陳展鵬係唔係有意避開陳凱琳，不過，同傅嘉莉一齊時，佢就開口埋口係度打情罵俏，周刊爆陳展鵬有次話好回味傅嘉莉喺劇中後攬住自己嗰幕，又開講恨同傅嘉莉拍床戲，講笑指傅嘉莉拍床戲好有經歷，下次可以摸下對方pat pat。吓!咁露骨，真唔真呀！
來源:
http://hk.apple.nextmedia.com/entertainment/art/20151015/19334090
【男女之間】放假踩單車唔做愛 增進感情有計
1 :
GS(14)@2016-06-01 11:38:10周末放假，你會把握時間瞓多陣，同另一半在床上曳曳，定珍惜好天日子做運動？英國大型單車店All Terrain Cycles做了一個調查，受訪的620人中，竟有68%人選擇周末大好早晨踩單車，只有4%人選擇於床上陪另一半。這並不代表這68%人只顧運動，因為調查對象有拖拍或已婚人士，當中接近兩成人唔會飛甩另一半，決定雙雙踩單車，這或多或少也能增進感情。想同女朋友或老婆踩車輕鬆愉快，原來也有學問。澳洲單車網站Cycling Tips建議，第一，男生和女伴踩單車時，要給予對方讚賞以示鼓勵。第二，別假設她一定踩得慢，故意放慢速度，男生跟在她的視線範圍便可。第三，大家聊天的話題未必與單車相關，閒話家常便可。第四，如果女伴想停下來，男生當然要買水買乾糧，服侍照顧周到。最後，在決定踩斜路或難度較高的路段前，謹記先問准女伴，否則她邊騎邊發脾氣，傷和氣就無謂啦。記者：梁慧琳資料來源：
https://totalwomenscycling.com,
https://cyclingtips.com
來源:
http://hk.apple.nextmedia.com/su ... t/20160601/19635727
男扮女裝呃「奉子成婚」騙財騙感情玩失蹤
1 :
GS(14)@2016-06-06 02:53:52河南汝州市一名27歲苗姓男子，通過網絡找對象。他戴上長假髮、穿短裙，男扮女裝與網友談戀愛。苗男會主動先約吃飯，再提議喝酒灌醉對方，之後開房聲稱已發生性關係，並訛稱要「奉子成婚」，以各種理由騙得金錢就一走了之。自去年開始，苗男先後騙倒11名男子，獲款11萬元(人民幣‧下同)，直至去年10月終於東窗事發。汝州市公安局刑偵大隊接受一名劉姓男青年舉報，稱在網上認識一名苗姓女子，該女子聲稱單身，之後冋其索取3萬多元後突然失蹤，他才意會到上當受騙。「如果有受害人約苗某見面，他早已想好了對策。」警方稱苗男赴約都會選擇在傍晚時分。警方說，苗男一年四季都會在頸部圍上絲巾等物，對男性喉核等特徵進行掩蓋。警方稱，苗男與受害人見面後，有的會提出開房等要求，苗則會主動要求先吃飯。然後他會提出喝酒的要求，並把受害人灌至將近醉酒狀態，與對方發生性關係。「為甚麼受害人沒有發現其男子身份，一是受害人被灌得醉眼矇矓。二是苗某謊稱自己睡覺沒有脫衣服的習慣，以此捉弄受害人。」經多方調查、走訪，警方在苗男曾經上網的網吧走訪時，網吧職員憶述，沒有見到過苗姓女子，只有一名男性在那個位置上網。至此，苗男「男扮女裝」騙婚案才浮出水面。隨後，苗男在汝州市區一間網吧被警方成功拘捕，警方又在其租住處，發現了假髮、面膜、女裝手袋、女性衣物等犯案工具。苗男對犯罪事實供認不諱。他供稱，多次外出打工，並沒有掙到太多的錢，於是就動起了男扮女裝以談戀愛、處對像為由騙取錢財的念頭。大河網
來源:
http://hk.apple.nextmedia.com/international/art/20160603/19639593
【感情關公】種粒豆送曲奇 分手說話代你講
1 :
GS(14)@2016-07-06 08:12:10男女情事講bye bye一環，就係最考公關功夫之時，呢個時候總有好多令人摸不着頭腦嘅分手招數出現，真係被分手都唔知好嬲定好笑。
學黃子華個騷咁講，做人冇公關，食ssss喇。來到現實世界，男女情事講bye bye一環，就係最考公關功夫嘅時候，唔知係有心定無意，呢個時候總有好多令人摸不着頭腦嘅分手招數出現，真係被分手都唔知好嬲定好笑。
尤記得十幾年前興起「魔豆」植物，即是種子本身刻有祝福句語，種出來塊葉會有相同字樣嘅植物。估唔到十幾年後，「魔豆」上刻上的，會由祝福語變成分手語，種完一段日子後，居然見到一句句「It's Over」同「Let's be Friends」，真係欲哭無淚。唔只唔只，仲有美國電腦工程師Lauren Leto同Jake Levine設計的手機應用程式「BreakUpText」，專門幫人同男、女朋友講分手，只需按幾個掣就自動作出唔同分手原因，原因可以正路如愛上第二個，亦可以係令人反白眼如俾熊食咗，簡直層出不窮。少年你太年輕了，以後變到感人分手千字文，咪再單純覺得對方仲擺你上心喇。仲有一招怪招，吃貨們收到一定又開心又痛哭，皆因如今唔少人喺糖霜曲奇上傳遞訊息，靚靚的糖霜面上，其實寫滿分手字句，全部也是對方表示想甩身和說再見，認真陰功豬！記者：黃樂雯
來源:
http://hk.apple.nextmedia.com/su ... t/20160706/19683033
49歲周海媚感情事隨緣 感激家人冇俾壓力
1 :
GS(14)@2016-08-21 08:11:03曾經為細7年嘅建築師男友而北上發展嘅周海媚(海味)，日前喺台灣出席活動，自爆同男友分咗手，事後佢嘅經理人回覆《蘋果》只係話相信大家都係成年人，一定係經過思量，做最好嘅決定。昨日有周刊報道，講到呢段10幾年嘅感情完結，海味話其實喺舊年已分咗手，大家嘅感情慢慢轉淡，曾經有試過挽救，不過唔成功，所以最後和平分手。海味仲話曾有人影過疑似係男友嘅相片，查實只係一個美麗嘅誤會：「我哋拍拖好少影相，分咗手之後都剷走晒啲相，我唔想因為自己而影響佢嘅生活，嗰個疑似男友係一個做製作人嘅朋友。」回復單身後嘅心情，海味話冇情傷，亦都冇時間唔開心：「其實喺呢段時間，男友都有求過婚，佢亦都想我退出娛樂圈，不過我唔鍾意做家庭主婦，嗰陣大家都有傾過，最後係我唔想結婚。」佢仲話好感激屋企人從來都冇俾任何壓力，好多事喺佢角度去諗，只要佢開心就可以。至於追求者方面，海味話：「冇呀，我覺得結唔結婚都冇乜所謂，隨緣喇！」
來源:
http://hk.apple.nextmedia.com/entertainment/art/20160821/19744775
Next Page