【摸底遊戲】女友繙譯機踢爆港女8大語言偽術
1 :
GS(14)@2016-10-02 13:35:32回答我可不可以，暫時讓我，講出感覺後，才直說你有男朋友……
成日有人話港女係口不對心嘅，搞到班宅毒巴打百戰百輸、冇啖好食。但查實女神心唔一定海底針嘅，有咗港女繙譯機，幾毒幾宅嘅巴打都可以食到肥呀！
你表白，女神話欣賞你嘅勇氣，即係皮已收。
女神話唔睇樣，即係唔靚仔嘅樣佢睇唔到
女神話唔再相信愛情，梗係啦，相信有錢嘅靚仔吖嘛。
當你約女神去街，佢話check吓schedule先喎，你咪信呀，其實即係唔想去咁解；郭富城讚你乖就話好啫，如果女神讚你乖，你大鑊了，即係話你悶呀！好喇忍唔住終於要表白喇，女神話欣賞你嘅勇氣，呢句都可謂最毒最hurt喇，意思即係你未夠班表白，但你竟然都咁大膽示愛喎，仲唔欣賞你勇氣咩！如果女神話想專心事業，唔想拍拖住，醒吓啦！實情係唔想同你拍咋！
你約女神去街佢話check吓schedule，恭喜你，可以返屋企打FIFA
女神rule#1，佢話考慮吓，即係唔考慮。
可憐嘅你可能會懷疑自己唔夠靚仔，女神話佢唔睇樣喎。ok，係唔睇樣，意思係唔靚仔嘅樣佢當睇唔到囉；如果你個女神話因為上一次戀愛而唔再相信愛情，so sad man，唔信愛情仲有乜好信？即係話佢以後只係信有錢嘅靚仔囉！兵，小編都做過，巴打，回頭是岸啦！主演：表妹、林春協力：仙攝：Kaman編導剪：Roy資料來源︰高登先01-回答我可不可以，暫時讓我，講出感覺後，才直說你有男朋友……02-你表白，女神話欣賞你嘅勇氣，即係皮已收。03-女神話唔睇樣，即係唔靚仔嘅樣佢睇唔到04-女神話唔再相信愛情，梗係啦，相信有錢嘅靚仔吖嘛。05-你約女神去街佢話check吓schedule，恭喜你，可以返屋企打FIFA06-女神rule#1，佢話考慮吓，即係唔考慮。
來源:
http://hk.apple.nextmedia.com/entertainment/art/20161002/19788331
七級偽術：社媒好玩唔好做
1 :
GS(14)@2016-10-11 08:10:49看了一篇有趣文章，作者為社媒和數碼推廣大員，彼說當今之世，尤其millennial朋友仔，秒秒手機不離手、所思所行同Instagram和facebook分享多過同朋友傾，不少更以為因為投入數碼生活，便視社媒推廣為事業發展的目標。大家也許身邊都有不少有這種想法的年輕人，但真的日日活在社交媒體的虛擬世界，就可保證你仕途暢通嗎？呢位師兄就梗係話唔好咁天真，因為自己keep住connect社媒，同確保客戶產品專業有效、無誤地engage住顧客是兩碼子事。首先，千祈唔好以為做digital marketing就等如只搞創作，也許後生仔個個自覺創作能力高似林日曦，只要機會來臨冇理由唔爆紅，不過如果還在靜候機會那些，不妨先扎實地學一點基本巿場分析學，真正的社媒高手，一定兼備數據分析和創意，analytics、metrics唔識番多少，好難做得出好campaign。其實一般人上facebook掃幾掃，不外乎係想睇下中學同學reunion大合照、細佬個女又有乜搞笑video、網上又有些甚麼火熱話題在洗版之類，冇乜目的，更無壓力。若你一旦入了行，社媒對你來說，意義完全不一樣，一邊掃，你會一邊諗：死喇，點解人哋條post、engagement rate會高過我噚天嗰條咁多嘅，是輸內容定輸timing呢？唔得，返去要同條team分析吓，話唔定係輸張圖，下次要點先幫到個客呢……看，一掃一驚心，問你仲要唔要入行！彭瑪莉
mailto:
[email protected]
來源:
http://hk.apple.nextmedia.com/financeestate/art/20161011/19797132
七級偽術：如果我係乜乜乜
1 :
GS(14)@2016-11-08 05:40:16執筆之時，「佔西」仍然持續，雙方在德輔道西對峙，形勢有點緊張，劍拔弩張，敵未動我未動，似乎人人都在等待「出事」一刻。此刻除了八卦市民如Mary雙眼緊盯電視外，相信好多行家都做緊同一個動作，不過就唔似Mary純八卦，可能已經開緊工，同管理層開緊會、通訊中，或已按危機處理指引，啟動有關程序。
Mary當然不單指警方或各大政府部門的新聞官，以至我們那位白宮發言人，對他們來說，無論主子人是否在港，都必然在努力收料匯報，幫老細度緊回應口徑。開工的，除了他們還有誰？唔，如果我是各政黨負責人，此刻當然密切留意事態發展，金晴火眼睇住差人示威者，邊個着邊個唔着，先決定明天條line如何落墨，幫哪一邊，幫又幫幾盡。如果我係各大公共交通機構的行家，此際當然同營運團隊溝通緊，做定晒群眾散或不散，幾點散的安排和相關宣佈，明早開工日，如果佔西持續，人哋點返工是大事。如果我是各大學校長和公關組，這時應如熱鍋螞蟻，到底示威者中尤其最前線最勇武那些，有冇自己學生和講師呢？如果真有學生教職員被人拉咗，記者查詢應如何回應呢？點講先唔得罪學生又不會被示作縱容學生呢？仲有，網上指某些學生會開放地方支援示威者，真定假呢？如果我係一眾傳媒之友，由中國問題專家到政治評論員、各科學者，以至玄學家，可能都要諗定記者問到講乜好兼出到位，係囉，其實從玄學角度，丙申流年係咪會流血告終先。彭瑪莉
mailto:
[email protected]
來源:
http://hk.apple.nextmedia.com/financeestate/art/20161108/19825819
七級偽術：New Balance又被特朗普累？
1 :
GS(14)@2016-11-29 07:51:52生意人對政治要敬而遠之是常識吧。更何況是言論出位的特朗普，都話佢惹火啦，黐埋去都冇乜着數，大小品牌，各路英雄，聽見佢大名都掉頭走。之前講過芝加哥外賣速遞公司Grubhub，因老細在給員工的信大踩特朗普惹來關公災難，剛剛又聽聞原來大家熟悉的New Balance（NB）也因為特朗普闖了一禍，係有少少無辜，但都係嗰句，唔出聲冇人話你啞嘅。話說該公司關公大員Matt LeBretton接受彭博訪問時，爆了句：「我哋覺得特朗普領導下，我們會行啱條路。」本來LeBretton係指特朗普的反TTP立場，對NB這類生產線留在美國的公司有利，不過，好多人唔係咁睇，係要解讀為NB全面支持特朗普路線，於是網絡上反NB之風，立即吹起，美國網民紛紛上載把NB鞋丟落垃圾桶、火燒NB鞋一類相。這還不止，最慘是有極右、甚至新納粹主義者大抽其水，立即把NB捧為「白人的波鞋」，鼓勵同路人轉着NB。唉，如此火上加油，想風暴稍息都難。這邊廂NB出聲明話自己如何values-driven，公司文化以人道、誠信、社群和互相尊重為本，那邊廂繼續成為撐「特」和反「特」，以至極右博客混戰的風眼。公關專家當然又來事後孔明，話企業不宜支持個別參選人的政策，尤其像特朗普這類爭議人物，否則就如玩火。NB事件應為企業搞響警號，是時候檢討一下發言人政策和培訓。係㗎，以今天網絡反應之快，星星之火，足以燎原呀。彭瑪莉
mailto:
[email protected]
來源:
http://hk.apple.nextmedia.com/financeestate/art/20161129/19848659
七級偽術：一分鐘定律
1 :
GS(14)@2016-12-07 07:37:53公關老友話好煩，說正在製作企業短片，本來做了咁多年，應該手到拿來，點知剛轉了的新公司乃家族企業，do re mi fa so……個個都係老闆，似乎個個都覺得自己應該有份上鏡，推介公司，老友初來埗到，好驚掛一漏萬，無端捲入辦公室政治。哈哈哈，Mary明白的。一條片能有幾長？現代人冇乜耐性，3、4分鐘差不多係極限，再長一些，無論幾creative觀眾都可能開始失去專注力；還有，即使你有神級團隊能度到好橋令人人有鏡出，也不表示各位老細都有上鏡天份，你讓他做幾多take都冇用，不是這塊料子就不是，勉強剪埋入去，尷尷尬尬，只會壞了大局，效果適得其反。所以，免得過最好不要度條要老細粉墨登場的短片，因為經驗告訴我，搞搞吓就會由拍一個董事長，變了七個董事爭出鏡，即使不至順得哥情失嫂意，也怕舞不掂班高分低能，辛苦自己。有資深企業短片導演話，有時避無可避，不妨就老實點告訴管理層其實行內有條「一分鐘規律」，即係話每分鐘片長最多只可出一個訪問，片長3分鐘，3個夠晒數，真的不要貪心，否則必然影響整體效果，浪費了你上天下地拍來的精采業務片段。嗯，這種時候，最宜裏應外合，老闆都有特性，信外人多於自己友，尤其各類顧問、神秘高人、藝術家、專業人士，佢哋講一句勝過你講十句，Mary同老友講，此時此刻，梗係叫監製或者導演開口啦，拍片喎，老細你識咩！彭瑪莉
mailto:
[email protected]
來源:
http://hk.apple.nextmedia.com/financeestate/art/20161206/19856533
語言偽術多 網民不輕信
1 :
GS(14)@2016-12-10 13:01:39【本報訊】特首梁振英昨日宣佈放棄競續下屆行政長官連任後，引起全港熱議，社交網站也全日被消息洗版，不過，不少網民認為梁振英的說話「未必可信」，籲市民不要鬆懈。有學者指巿民過去幾年飽嘗語言偽術苦果，有創傷後遺，不會輕信梁言論。
政府重建公信力難
最早批評梁振英玩弄語言偽術的中文大學政治與行政學系高級講師蔡子強指出，情況反映梁振英過去數年「往績唔好」。他又指，梁振英的語言偽術形象深入民心，令香港特區政府的公信力受損，「睇到市民對佢（梁）講嘅嘢好有戒心」，甚至索性採取不信任態度。惟蔡子強認為，梁振英昨宣佈消息後，中聯辦及港澳辦相繼就事件表態，認為梁振英反口參選的機會較微，「始終呢件事已經牽涉到北京政府，要考慮埋中央嘅觀感同形象」。蔡子強又指出，新一屆政府要重建公信力將會有一定難度，「一旦開壞咗個頭，好難改變市民嘅觀感」，蔡又表示，只能盼新領袖上場能一改行事方式，再待一段時間重建市民信任。■記者梁御和
來源:
http://hk.apple.nextmedia.com/news/art/20161210/19861007
七級偽術：善待員工無得輸
1 :
GS(14)@2017-01-05 07:59:38唔好成日鬧葉劉，有時佢都幾直幾抵死，前兩日話汲取教訓後，第日政府做嘢毋須咁「滴水不漏」，就搞到Mary笑咗。政府唔使樣樣嘢保密到滴水不漏，但講到事故處理或者品牌建立，就點都不可以不心細如塵，事事照顧周詳。有了互聯網、社交媒體，stakeholder早已趨向一體化，所謂持份者管理早已不能見人講人話，見鬼講鬼話。以前就話可以對公眾封口、前線記者拒評、對老總放風、對議員游說，今天不可能再行得通。反正任何溝通一展開，下一秒即可在社媒上曝光，你封到當事人把口，都封唔到佢老死，講完。所以企業怎能不善待員工呢？一個大企業，員工閒閒地以萬計，每個人都向自己圈子講你一句壞話，效力都咪話唔宏大。美國的Walmart近年有一經典案例，證明待員工好啲，有助提升營業額。
已有好幾年了，Walmart顧客怨聲載道：貨架混亂缺貨、厠所污糟、付款處慢如蝸牛……只有16%分店服務水平達標。終於，管理層痛定思痛，2015年年頭作了個重要決定——不是換血，而是加薪！因為這個英明決定，人心都回歸了，士氣都不一樣了，不足一年，已有75%的分店做到服務水平達標，事實是顧客都感受得到分別，營業額應聲上調。品牌成日要搵代言人，危機又話要跪求第三者endorse你，其實最有力的見證人根本就在眼前，你善待他們，他們就是你最好的品牌大使，為你走在最前線，也為你守在最後方。人心肉造，懂嗎？彭瑪莉
mailto:
[email protected]
來源:
http://hk.apple.nextmedia.com/financeestate/art/20170103/19884699
七級偽術：瓶上的寶貝
1 :
GS(14)@2017-01-18 08:02:47山東有隻礦泉水，和內地慈善組織「寶貝回家」合作，把失蹤兒童的相片印在瓶上，希望藉此引起各界關注，增加尋回失蹤兒童的機會。可以想像礦泉水在便利店、超市貨架一字排開，便儼如失蹤兒童的廣告版。相信大部份人聽見這個主意，都會表揚礦泉水生產商青島公司的心意，也會認為這真的可令更多購物人士留意到尋人壠事，不管多渺茫，總算增加了尋回兒童的機會。但如世上所有事情一樣，你難以討好全世界，確有吹毛求疵的人批評礦泉水公司此舉乃抽水行為，借人家的悲慘做營銷，目的不過增加產品銷量，甚至質疑礦泉水定價比同類產品略高。
Mary今次冇咁critical，真的，如你看過陳可辛導演那套《親愛的》（趙薇、黃渤主演），明白拐賣兒童在內地有多嚴重，感受到失去至親那種焦慮和無助，也許就會比較寬容。就算廠家不無做宣傳之嫌，也不必過份苛刻，能多一分就多一分，能遠一寸就遠一寸吧，我相信失去孩子的父母，願以一切代價換回至愛的寶貝，人家有否多賣幾瓶水，他們才不去計較。事實上，你看着瓶上稚子的照片，看進他們無辜的眼裏，心情難免重甸甸沉到谷底，要把水瓶帶回家，還是讓它們繼續放在架上，也許亦經一番掙扎。這樣能增加銷路嗎？真的不敢妄下結論。飲料瓶可以玩personalize，像可樂的「Share a Coke Campaign」，也可像日本版的伊藤園綠茶，印上俳句大賞的佳作。前者是促銷，後者是build brand。青島這隻礦泉水，能做建立起公益品牌的效果嗎？彭瑪莉
mailto:
[email protected]
來源:
http://hk.apple.nextmedia.com/financeestate/art/20170117/19898919
七級偽術：當奶媽遇上蛇蟲鼠蟻
1 :
GS(14)@2017-01-26 07:42:32這邊廂，薯片叔叔憑着那篇特區政治史上最動人的參選宣言，贏盡人心。那邊廂，林鄭女士繼續以上世紀那種高官出巡、密室放風的老土關公動作，鬧出一個又一個笑話。早說過當今世上，持份者一體化，見人講人話，見鬼講鬼話那一套早已不合時宜行不通，林鄭女士還以為可以像從前在衙門辦事，閉上重門，同局內人為威謂幾句即可擺佈天下蒼生，絕對是過時的精英心態。問題是人人各有心事、各懷鬼胎，連行會都難已絕對保密，單是得閒送下是非給記者做人情，已足以叫諸位仁兄變身大口怪，更遑論其他陰謀陽謀。無端端搵上帝過橋、唔識嘟八達通搭港鐵、借陳智思臉書發帖搞到網民鬧爆陳生……奶媽決定參選以來，已經不停甩轆，今次仲要加多條密室聚會、圍爐插人，竟自信到說參選係避免選出中央不任命的人，搞出憲制危機，真是自取其辱，結果憲制危機未至，她個人的關公災難已經淹至，一下子討伐之聲四起。胡官鬧得好呀，說她口出此言，不單極不君子，更有有違反選舉規則之嫌，並強烈要求她說清楚所指何人，真正大快人心！做官打得是一回事，出來曠野打泥漿戰又是另一回事，出得來行就要預咗面對所有群眾，群眾如野外蛇蟲鼠蟻，在夾縫裏隨時閃進閃出，纏上你身，把你咬得噬得坐立不安，而你連它們的足印都找不着。一而再再而三，你估奶媽的ego捱得幾耐？彭瑪莉
mailto:
[email protected]
來源:
http://hk.apple.nextmedia.com/financeestate/art/20170124/19906462
七級偽術：有種品味叫問心無愧
1 :
GS(14)@2017-02-07 05:14:07近日熱門話題，非特首選戰莫屬，各位參選人密集出招，你來我往，像Mary這類無票平民，做其花生友，睇戲咁睇亦趣味盎然。這個還要多得薯片率先把競選宣傳面向群眾，甚至面向網民，這個策略至今非常成功。得知道奧巴馬當年這樣做並不為奇，人家一人一票，網絡攻勢絕對是有效籠絡各方群眾的渠道。但在香港，人人皆知選委人數僅得千二，這種情況下，薯片仍以清晰定位兵行險着，認真抵讚，最近仲做埋眾籌把參與感帶予本來無票的市民，難怪Mary身邊薯粉數量與日俱增。當然，薯片的初步勝利也要歸功對手的進退失據。執筆之時，嶺大公佈最新的民調結果，調查在本月1至4號做，即係踩正林鄭造勢大會，結果竟然係林鄭支持淨值首現負數，又若假設是二人之爭，薯片的支持度已升逾五成，遠勝對手。
由此可見林鄭一方那種把建制派、大孖沙一類既得利益者傾囊而出的造勢會，只會越做越衰，只能進一步強化她那離地和與民為敵的形象。而且，唉，如你也有看那個造勢會，那種徹頭徹尾的土氣，那種畫虎不成反類犬，確是挑戰中產和後生仔對品味的底線。我知你想話畀人知你同年輕人打成一遍，但真的不是叫幾個細路做佈景板，無情情同人high five就扮到。我知你要親民，唔敢着旗袍套裝，但你套競選制服可唔可以着得型仔啲？下身竟然穿西褲皮鞋？你知道後生仔崇拜Steve Jobs，你都唔使學佢在台上行來行去講嘢㗎，可知此幕由你來東施效顰確係尷尬到唔恨。想知乜嘢叫品味？可以參考薯片的campaign，Mary的朋友不少就係因為鍾意佢啲相夠型。至少，也可以參考胡官，恰如其份，不慍不火，呢啲品味叫問心無愧、叫勇者無懼。彭瑪莉
mailto:
[email protected]
來源:
http://hk.apple.nextmedia.com/financeestate/art/20170207/19919822
Next Page