我做爽報：做運動如做人 Alex
1 :
GS(14)@2013-01-05 13:29:21http://www.sharpdaily.hk/article/news/20130102/165134
德國體操王子阮馬素風靡全世界，運動員的魅力確是非同凡響。我自己呢，最愛是足球。可能一般人會認為這運動比較普遍，但對於我來說，這運動在我生命中起着一個旗幟般的作用。
小學的我短跑常常包尾，體育堂分隊足球比賽更常被同學排擠。中學時雖然自己已多了踢球，常跟兩、三個朋友到球場練習，但一到「鬥波」，朋友們經常都有人爭着與他們一隊，我卻是一個無人要的「人球」，甚至經常被推到守門員的位置飽吃「波餅」。
在偶然的機會下，當時我的教會有一個青少年足球訓練計劃，我也毫不猶疑地參加。經過約半年，每逢星期六團契完畢後，我都會到操場去練習，當其他隊友進行分隊練習賽時，我會自行拿皮球單獨練習。體能方面，每周兩至三次到附近公園練習長跑一次，並做「掌上壓」和「引體上升」等健身類運動，以及100米短跑，加強自己的爆發力。
要成為一位足球員，真的要付出很大的努力才可。天分固然重要，但後天的培訓亦非常要緊，否則連既有的天份也會遭埋沒。在不停的練習下，我的技術越來越熟練，並在一個沙田區聯合教會的比賽中擔任正選，決賽與當時稱霸沙田區的大熱門踢成0-0，最後更在點球大戰勝出而奪冠而回。
今天我與朋友組成了一隊球隊，說明了世上無難事，若然大家對某種運動有興趣的話，請大家多加練習，並尋求方法去令自己不斷進步。這種精神不單在運動上，甚至連做人處世也應懷着這個心態呢！
讀者：Alex
我Q你答問會：人人問Sammi 點分安仔與Alex
1 :
GS(14)@2015-06-10 08:40:17■網友認錯杜德偉（左）是安仔，Sammi笑言：「如果我分唔到就枉為人。」
為慶祝《蘋果日報》創刊20周年，將連續一星期刊登《我Q你答問會》，首日邀請到榮升人妻的鄭秀文（Sammi）作客！對於曾有網友認錯杜德偉是許志安，Sammi抵死地說：「夜晚返嚟嗰個係邊位，我都分唔出，就真係枉為人囉！」採訪：皓騫、魏嘉琳
11.李小姐：你覺得許志安同杜德偉似唔似樣？
Sammi：嘩！如果我連佢哋都認唔到，就真係枉為人囉，夜晚返嚟嗰個係邊位，我都分唔出就好大件事，所以對我嚟講係冇困難。
12.王小姐：如果你可以隱形，最想做乜？
Sammi：我會潛入人哋屋企，睇吓人哋喺廁所做乜，係咪每個人嘅步驟都一樣，尤其啲大人物，因為我越大越覺得每個人都係平等，無論幾高幾有錢幾靚，入到廁所做嘅都係一樣，可能好雍容嘅女士，去到廁所有鮮為人知嘅一面，棟高隻腳唔知點，好想睇吓人哋呢啲私密狀態，係咪好八卦呢！
13.暨小姐和陳小姐：許志安做過令你最感動嘅事係乜？你做過令許志安最感動嘅事係乜？
Sammi：冇喎，如果你識得欣賞一個人，其實佢做少少嘢都好感動，可能煮杯奶茶或學識整一樣嘢，對方就覺得好開心。
來源:
http://hk.apple.nextmedia.com/entertainment/art/20150609/19177663
傳Alex認與Toby曾拍拖吳若希夜審男友：如呃我你死梗
1 :
GS(14)@2016-07-06 08:11:27■吳若希昨晚在活動上承認與男友已到見過家長的階段。
吳若希日前與澳門闊少Alex Ho蜜遊泰國斷正，她前日在社交網放閃晒合照並風騷逼婚，豈料男方被揭有女友Toby Sin。據知Alex揭發Toby疑同時有男友Joseph，於是在情人節後斬纜。吳若希高調宣佈戀情，她驚悉疑做小三後即夜審Alex，男友承認與Toby拍過拖，更爆出與對方有「肉體瓜葛」，令吳若希嬲爆。但Alex堅稱今年3月與吳若希拍拖後，已沒與Toby聯絡，所以沒有出現三角戀。
■吳若希獲男友Alex公開愛的宣言認定身份。資料圖片
想牽手到白頭
Alex為撲熄吳若希的怒火，前晚在Ig發聲明：「我和Toby Sin並沒有任何感情瓜葛。吳小姐並不是第三者！基於我和吳小姐感情剛剛開始，需要多點私人空間及大家的祝福。」吳若希昨凌晨2時多轉載男友的聲明，並加多句：「如果被我發現你有咩呃我，你死梗！」
Alex昨午再在Ig貼相並留言：「我們都受傷過，選擇公開只想平平淡淡，開開心心牽着她的手到白頭，不是事實的，我再也不想回應。」吳若希昨晚現身沙田，回應被指小三傳聞，她說：「我接受佢解釋。過咗去嘅嘢唔想再講，大家而家相處開心，佢同我一齊時係單身，佢而家對我認真就OK。據我所知佢同個女仔係冇感情，佢知女仔有另一男友，佢同個女仔冇任何關係。」問到男友和Toby有否「肉體瓜葛」？吳若希即刻黑臉說：「唔答喇。」吳若希表示不認識Toby，問到她與Alex可有「肉體瓜葛」？她說：「正常男女朋友關係。」吳若希更直言視對方是結婚對象。採訪：曹家誠攝影：沈健程
來源:
http://hk.apple.nextmedia.com/entertainment/art/20160706/19682632
疑似富貴Alex求吳若希原諒：我當Toby係X
1 :
GS(14)@2016-07-09 06:36:00吳若希自從公開同澳門闊少男友Alex Ho嘅關係，是非一單接一單，男嘅即刻俾人踢爆有個model女友Toby Sin，吳若希做咗第三者，但Alex深夜發聲明力證自己係單身，但係話口未完，再爆出Alex坦白認同Toby有肉體轇轕，若希梗係嬲都到震，結果Alex即漏夜帶埋Chanel手袋坐直升機由澳門抵港冧女友。之後Toby就喺ig貼咗張婚紗照，並寫道:「越經歷越強大..多謝提早給我看看世界...朋友們不要截圖給我了！因為事過境遷，毫無意義又不上心！又上了一課讓我思考更多..上天又給我挑戰了！智慧讓心胸開闊。謝謝明白我的每一位！#look on the#bright side So see it as positive as I can't control anyway!」如果以為呢件事叫告一段落嘅話，似乎太天真，昨晚又有爆料，疑似闊少男友Alex嘅fb夜晚有update，為咗證明自己有幾愛吳若希，仲tag埋吳若希：「我真係當Toby先係X~買花買禮物都係為咗補償佢～佢埋我身都係為咗依個目的～佢係X！「我承認我追緊你嘅時候同時都同佢有路，但我真係當佢係一隻X！我唔啱！之前我冇同你講，係因為我唔想你唔開心。「我應承過你要好錫你細佬，好似錫自己子女一樣。唔可以發你脾氣，唔可以黑你面，體諒你工作，盡量陪喺你身邊，你有唔開心一定要企係你依邊，就算你有做錯都撐左你先，淨係會縱你一個，錫你一個，淨係俾你撒嬌，淨係俾你唔講道理～我唔需要你做好多，只要愛我一個就夠，同埋俾我知你做緊咩，同埋幾時返屋企，起碼俾我知道你安唔安全！我以後唔會再呃你，所有野都同你講，我錯！對唔住！」嘩，睇到「男友」咁「真誠」嘅留言，睇怕吳若希啖氣都吞得落喇啩？！
來源:
http://hk.apple.nextmedia.com/entertainment/art/20160707/19684332
吳若希惹第三者罪名疑似Alex：我當Toby係X
1 :
GS(14)@2016-10-24 04:20:56愛情係會令人盲目嘅，就正如當澳門闊少Alex Ho愛上咗香港歌手吳若希後，為咗表明心跡，唔想女友懷疑佢嘅愛，Alex就用咗一個字，嚟形容舊愛Toby Sin，如果這是情……你又會唔會好冧呢！今年7月，吳若希就被《蘋果》讀者爆同澳門闊少Alex蜜遊泰國，跟手吳若希就好Sweet咁公開佢同Alex嘅愛侶關係，但突然就殺出個程咬金，Alex被爆原來已經有個model女友Toby，咁即係話吳若希係第三者。吳若希當然會嬲嬲豬啦，咁Alex即刻就深夜發聲明力證自己係單身，但係話口未完，就再爆出Alex原來同Toby有肉體轇轕添，吳若希當然就嬲到震啦！咁Alex就即喺拎住袋Chanel，坐直升機過來香港負荊請罪。正當大家以為事告一段落嘅時候，又有爆出一個疑似係Alex嘅facebook，喺吳若希私人fb留言話：「我真係當Toby先係x~買花買禮物都係為咗補償佢～佢埋我身都係為咗依個目的～佢係X！」段留言仲講到，疑似Alex承認追求吳若希嘅時候，依然同Toby有路，但佢就只係當佢係X！呢位何生不段以X來形容自己同Toby嘅關係，而Toby亦喺Instagram到留言話：「多謝提早給我看看世界……朋友們不要截圖給我了！因為事過境遷，毫無意義又不上心！」
來源:
http://hk.apple.nextmedia.com/entertainment/art/20161023/19809822
吳若希床照有暗示？撇甩發燒Alex開P避菌
1 :
GS(14)@2016-12-31 01:06:37因為男友唔聽話，就算粗身大細都嬲到要離家出走，無他嘅，呢個女人都係為咗肚入面個BB着想啫！佢係邊個？咪吳若希囉！大前晚吳若希話男友Alex作病，但唔肯食藥，怕咗傳染影響到BB，吳若希選擇離開屋企，雖然佢講笑咁講話去咗保護兒童協會，但實情係好體貼咁買到成張床都係藥品，感冒藥、退熱貼、口罩、維他命、血壓計、肛探體溫計、暖包……總之乜都有啲啦。
Alex要養病，都要有人睇住大肚婆嘅。吳若希星夢幫好友譚嘉儀之前喺新城頒獎禮拎咗新人銅獎，近日出新碟，前日吳若希大住個肚，同鄭俊弘、何雁詩、許廷鏗、胡鴻鈞同譚嘉儀一齊敍舊。幾位女士明顯約好咗着粉紅色衫，不過吳若希就遮唔住個肚，大合照時有捧住個肚影相，佢貼相上Ig嘅時候仲留tag話「我有節目啦」，睇嚟呢位大肚婆行動不便，聖誕冇乜出去玩喎。吳若希貼完開party嘅相，無耐佢再放多張相影住佢同Alex張床，除咗一條淺藍色攬枕，就只係得隻狗狗瞓咗喺度，吳若希留言話：「一張床，明明得兩個人訓，但係要三個枕頭，你明唔明點解？o依家仲要多個#David~」David係邊個？吳若希噚晚開facebook live揭曉咗喇！就係佢個攬枕呀。
來源:
http://hk.apple.nextmedia.com/entertainment/art/20161230/19881530
【馮仁昭四圍超】老婆風雨同路Alex、囝囝 最好手足
1 :
GS(14)@2017-06-23 01:44:39現年55歲嘅杜德偉（Alex）日前橫風橫雨之下，陪細24年嘅老婆到中環超市買餸，同行仲有Alex嘅助手，全程由杜太負責揀選新鮮生菜、蔬果同少量肉類，Alex就買咗麥包，睇嚟兩公婆平日都好注重健康飲食。
■杜德偉喺微博晒新相，感謝囝囝畀佢一個幸福嘅父親節。
對App感新奇
戴黑超嘅Alex喺超市星味十足，初時都有跟喺老婆後面陪買餸，但冇幾耐佢就掛住同助手研究扮動物變面嘅手機app，似乎係助手教緊佢點樣玩，Alex即刻變身大細路覺得好新奇，表現得好有興趣，最後仲玩到黑超都除埋，對住手機忘我玩自拍，其間杜太問老公買呢啲好唔好？掛住玩嘅Alex只係hea答咗兩句，睇嚟佢返到屋企之後，應該會搵囝囝做model玩餐飽。噚日父親節，即係初為人父嘅Alex第一個父親節，佢喺微博分享同八個月大囝囝Alex Junior溫馨合照，留言：「習慣每天醒來看見你甜美可愛的笑容，一切心滿意足，如果女孩們都是爸爸的前世情人，你這個小男孩便是我上輩子最好的手足！謝謝你來到我們家讓我有一個幸福的父親節。」撰文：馮仁昭
來源:
http://hk.apple.nextmedia.com/entertainment/art/20170619/20060339
Next Page