千嬅遭囝囝收埋手袋
1 :
GS(14)@2017-04-08 20:44:22楊千嬅、何超蓮等前晚在灣仔會展，出席東華三院董事局就職晚宴，千嬅提到復活節期間忙於宣傳電影，只有兩日陪囝囝Torres：「有兩日時間去camping，同屋企人去郊野公園。」問到Torres會否詐型，她笑言：「其實佢知，我一化妝就知道我陪唔到佢，佢會借啲意收埋我啲嘢，收埋我手袋銀包，搵啲Lego擺喺我鞋，主要唔想畀我走。」
■莊思明認為藝人要公開一段戀情需要好大勇氣。
問千嬅會否心痛沒時間陪囝囝，她說：「唔會，其實要畀佢知道大人要返工，細路要返學，要教佢。」另外，同場的莊思明對於鄭俊弘與何雁詩突然反口認愛，她說：「其實作為藝人要公開一段戀情要好大勇氣，好多人唔識處理呢啲問題，講同唔講之間好易令人混淆。」採訪、攝影：卓寶花
來源:
http://hk.apple.nextmedia.com/entertainment/art/20170408/19983223
千嬅爆樂仔勁緊張狂對稿
1 :
GS(14)@2017-04-12 22:42:42楊千嬅前晚擔任金像獎頒獎嘉賓，昨日到商台宣傳新戲《春嬌救志明》，對於余文樂失落影帝，她拋出電影對白：「又唔趕時間，唔使一晚做晒一世嘅嘢。」提議二人明年一齊入圍男、女主角，千嬅指同一角色好難入圍兩次。千嬅踢爆樂仔全晚心情好緊張，宣佈賽果一刻更不被人望，她說：「上台頒獎前，佢捉咗我對三次稿，臨上台喺後台仲話要對多次，話咁會爽啲，段稿二十秒都冇。」她被安排跟郭富城坐，問有否恭喜對方入紙註冊結婚？她說：「台前好靜，好應聲，我冇理由用唞氣怪聲同佢咬耳仔。」又指當惠英紅講完封后感受後，她都忍不住喊。採訪、攝影：馬建華
來源:
http://hk.apple.nextmedia.com/entertainment/art/20170411/19986170
樂仔笑千嬅清唱搵Key
1 :
GS(14)@2017-04-13 00:23:58《春嬌》兩位主角昨駕臨《蘋果》fb live，網友投票想聽楊千嬅唱《別問我是誰》，她即場預備清唱，余文樂搞笑問：「使唔使換歌衫？升個台畀你？我幫你打拍子，不過會越打越錯，歌迷追拍子越追越快，不如唔好拍，我成日戥啲歌手慘！」千嬅一臉認真說：「等我搵番個key先。」樂仔笑讚：「專業係唔同啲，好似人哋tune結他。」
■在上集《春嬌與志明》樂仔易服扮王馨平唱《別問我是誰》。資料圖片
當千嬅清唱幾句歌時，樂仔和彭浩翔在旁做手勢，千嬅唱完後，樂仔說：「你哋有so啦，歌后免費大派餅。」千嬅沒好氣問：「派乜餅？」樂仔笑說：「月餅囉，定係你哋想揀餅呢？」激到千嬅大發嬌嗔。
來源:
http://hk.apple.nextmedia.com/entertainment/art/20170412/19987387
《春嬌救志明》登《蘋果》fb Live阿樂寸霆鋒整雞蛋仔 千嬅爆曾戀人渣
1 :
GS(14)@2017-04-13 00:23:58■（左起）導演彭浩翔昨率楊千嬅和余文樂現身《蘋果》fb live，出席「春嬌救志明」答問大會。攝影：陳俊強
現年43歲的楊千嬅憑電影《春嬌與志明》首奪金像影后，四年後千嬅「余春嬌」和余文樂「張志明」三度合作，拍攝彭浩翔執導《春嬌救志明》，昨日三人亮相《蘋果》facebook live接受網民挑機，千嬅坦言現實中遇過人渣，樂仔就笑言想去屯門巴倫紐謝票食雞蛋仔，網民問整唔整雞蛋仔？他暗寸：「我唔係謝霆鋒喎。」採訪：鍾國仁、何永寧
楊千嬅22年前參加新秀歌唱大賽入行，成為天后的她轉戰影壇，2013年憑《春嬌與志明》榮膺香港電影金像獎影后，本月27日，電影的第三部曲將上畫，昨日導演彭浩翔率男女主角到尖沙嘴，現身《蘋果》fb live「春嬌救志明」答問大會，網友的提問少少鹹多多趣，三人妙語連珠笑破肚皮。楊：楊千嬅余：余文樂彭：彭浩翔記：記者彭：張志明幾時先肯戒煙？余：戒咗好耐啦，第二集已經戒咗！彭：成世人流流長總會愛上幾個人渣，你哋有冇試過？楊、余：梗係有試過啦，點會冇啫。彭（抵死地）：樂仔有冇做過人渣？呢樣問佢唔知，要問其他人。余：最難忘春嬌志明邊句金句？彭：我噚日教張孝全講嗰句，粉紅色乳頭，可遇不可求。楊：佢明唔明呀？
■一講雞蛋仔，就即想起霆鋒，樂仔也不例外。資料圖片
■《春嬌》系列被指參照彭浩翔與老婆拍成。資料圖片
樂仔被問JJ
楊：點解余文樂……（掩臉大笑）彭（接着代網民問）：條JJ咁長？係咪牛仔褲牌子嚟呢？JJ？楊（大笑）：唔知喎，點解會咁嘅？彭：同埋佢點解會知呢，最重要佢係一個男士，阿John。余（一臉尷尬）：係喎，唔好嚇我喎！彭：平時都叫你匿喺更衣室換衫啦！余：都話跌咗番梘唔好執啦！彭：哈哈，點解知道佢「丁丁」長，我真係唔知喎，都係你講咋。阿樂即落閘：不如唔好睇呢啲（網友提問），你揀啲嘢傾。楊：問你食老本食到幾時？彭：吓，我哋集集有變化喎。余：如果呢個老本食到一世我都願。彭：最重要有人埋單。記：拍唔拍第四集？余：把聲咁似我睇劉鑾雄訪問，唔通劉鑾雄嚟咗。（三人大笑）彭：去唔去屯門謝票？余：巴倫紐我都想去，前面有雞蛋仔食。楊：有人問你整唔整雞蛋仔？余（暗寸）：我唔係謝霆鋒。
■千嬅表示跟樂仔及拍攝班底都很熟，拍床上戲一點都不尷尬。
■提問中有人話千嬅在片中穿制服幾靚。互聯網圖片
床上MMA
記：第三集有床上戲，狀況係點？楊：好激烈囉，MMA咁囉。記：有幾暴露？楊：佢冇嘢露，成件衫由頭着住。余：最尾大爆發㗎，你玩制服又唔認，手銬嚇死人。記：角色愛情觀同你本身相同？余：一定唔同，《春嬌》拍彭浩翔同佢太太，真嘅余春嬌好似喺戲入面照顧弱智兒童。彭：千嬅拍床戲尷唔尷尬？楊：唔尷尬，識嘛，全部都咁熟，屋企人嚟嘛。余：冇理由同屋企人做床上戲，好怪！場地提供：洲際酒店
■《春嬌》今集新加入秦沛角色，加強家庭描寫。
■《春嬌救志明》用了Raidas的《傳說》，片中Isabel和Brenda跟着歌曲狂跳。資料圖片
Isabel（左）和Brenda
來源:
http://hk.apple.nextmedia.com/entertainment/art/20170412/19987384
Torres嗌悶想要細妹43歲千嬅雪卵準備生？
1 :
GS(14)@2017-04-14 11:12:52楊千嬅2009年同丁子高結婚，2012年生咗囝囝Torres，近年演「春嬌」一角，同張志明喺電影中嘅感情，成為觀眾嘅集體回憶，嚟緊4月尾上映第三集《春嬌救志明》，喺劇中千嬅玩「護士仔」制服誘惑，情挑余文樂床戰，千嬅爆床戰似足MMA咁激，有傳床戰被cut走唔少shot，昨日有周刊指，千嬅拍床戲前冇同老公講，搞到丁子高嬲嬲兼離家，去朋友屋企打機打通宵，千千嬅仲爆喊。之不過千嬅拍戲咁多年，又唔係第一次拍床戲，丁生又點會咁小器?!另有報道就話43歲千嬅因為囝囝Torres喺屋企成日嗌悶，想要一個妹妹，但係千嬅一向工作忙，最快要明年先造人，據知佢哋去年開始不時外遊放鬆一下，不過試過半年都未得，加上年紀越大，盛傳有朋友向千嬅提議雪卵，本來千嬅抗拒，不過女人生育時間有限期，據報道稱千嬅早前搵咗「不育聖手」何永超醫生幫手，而丁子高亦多做運動，注意健康，睇吓會唔會「一擊即中」。
來源:
http://hk.apple.nextmedia.com/entertainment/art/20170414/19989741
護士服施誘搞足成晚 千嬅床戰樂仔 丁子高怕丟架
1 :
GS(14)@2017-04-22 10:49:44■千嬅跟余文樂在第三集有場制服誘惑的床戲。
楊千嬅、余文樂及導演彭浩翔早前在尖沙嘴一酒店接受訪問，為電影《春嬌救志明》做宣傳，彭浩翔說：「我好想做到開場時，忽然有個恐怖故事開場，所以今集就有『趷趷剛』登場。」
演技提升
懸疑外還有科幻，導演彭浩翔解釋是因為聽過很多人以UFO等如愛情的觀點，千嬅更被擺上枱，在拍攝當日才被通知要拍，千嬅笑言拍攝時全程獨腳戲，她說：「後尾睇番導演啲CG，整番隻太空船，我覺得佢將我嘅演技提升到另外一個層次。」余文樂跟千嬅經過三集之後，終於有床戲，千嬅更穿上護士制服誘惑，這場戲拍了一整夜，千嬅形容：「拍到後來開始變咗動作指導，連續咁拍一晚係唔容易嘅事。」至於會否延續有第四集，彭浩翔說：「唔一定，不過目前冇呢個計劃。」另外，彭浩翔為相集找來主持劉翁跟歌手李十一拍宣傳短片，故事以早年警察用電話拷打疑犯招供做橋段，以相簿代替電話簿逼李十一說出「《春嬌救志明》好X好睇」才罷休。昨日彭浩翔、千嬅、諸葛紫岐及曹敏莉在銅鑼灣為《春嬌志明相簿》相集舉行義賣及相展。千嬅表示到下月會帶囝囝丁進諾（Torres）去旅行，問到會否乘機造人？她說：「未諗過，睇到話我雪卵個報道都好笑，不過未生Torres有諗過，亦都問過有關方面嘅資料。」
■千嬅笑言與余文樂的床戲，拍了一整夜後變動作指導。
■千嬅跟彭浩翔近日馬不停蹄為新片宣傳。
■劉翁（左）、李十一（中）替《春嬌》拍宣傳片。
■諸葛紫岐力撐郭富城穿甚麼都好看，是當晚婚禮的主角。
「叫我減肥」
千嬅表示在拍護士服誘惑戲份時，曾問老公意見，她說：「佢都話冇問題，淨係叫我減肥，唔好丟架。」同場的諸葛紫岐被問到郭富城的婚禮被彈時，她力撐城城很有型，至於新娘方媛被指穿淘寶衫及很「娘」，她說：「翻版貨？唔知喎，自己覺得靚就可以。」採訪：何永寧、王連連攝影：周樂恒、郭賢興、陳順禎
緊貼「蘋果VR」熱潮，打開雙眼隨意門，讓「蘋果VR」陪您探索新世界：
https://goo.gl/b5RQAB「蘋果VR」App
App store下載：
https://goo.gl/0kW2cK
Google Play下載：
https://goo.gl/4K7EHw
來源:
http://hk.apple.nextmedia.com/entertainment/art/20170422/19997475
Next Page