剛隨團北上考察東江水回港梁繼昌去澳門旅遊被拒入境
1 :
GS(14)@2017-04-17 07:12:12■梁繼昌昨與家人到澳門旅遊時被拒入境，及後乘船返港。朱永倫攝
【本報訊】剛隨團到訪內地考察東江水的會計界立法會議員梁繼昌，昨與家人到澳門旅遊，卻被澳門當局以「有強烈迹象顯示對澳門公共秩序或治安構成威脅」為由拒絕入境。梁形容事件匪夷所思，質疑能入境內地卻不能到訪澳門。澳門時事評論員認為澳門入境黑名單有擴大迹象，預期臨近香港回歸20周年，未來數月澳門或進一步收緊入境政策。記者：馬志剛
梁繼昌昨從香港出發，到埗澳門使用電子通道入境時未能成功，隨後被帶到一個房間內等候，約半小時後獲告知被拒入境，他引述當地入境處人員指他因有機會從事危害公共安全或公共秩序的活動，影響澳門治安而遭拒入境，但未能解釋具體涉及甚麼活動。他曾經上訴並致電香港保安局，惜最終無果，乘船返港。梁稱過往未曾被拒入境澳門，上次到訪為去年4月，同是私人旅遊性質，當時順利入境，直言對事件感匪夷所思，批評做法不合理，指前日才跟隨立法會考察團由內地返回香港，個多月前亦曾經順利到內地佛山旅遊，早前亦換領了新的10年期回鄉證，質疑為何可以入境內地卻不能到澳門，會向本港保安局及候任特首反映事件。
疑入境黑名單擴大
澳門時事評論員黃東直言，澳門有入境黑名單毋庸置疑，只是政府否認。他指沒消息有中央官員訪澳，應不屬敏感時刻，但仍拒梁入境，批評澳門政府心態較中央政府更迂腐保守。黃東又指，今次事件主角是較溫和的梁繼昌，令人質疑黑名單正逐漸擴大，而越來越多港人入境澳門遭「禮遇」，對旅遊業如同「倒米」，破壞澳門的世界旅遊休閒中心形象，「連溫和泛民議員都有麻煩，係好可悲」。他預期臨近香港回歸20周年，京官以至國家主席習近平或訪港，澳門入境政策料收緊，越近7月澳門拒有關人士入境機會越大。民主黨立會議員林卓廷批評澳門政府做法不知所謂，以往已常限制民主派議員入境，今次非敏感時期仍拒入境是離譜，「我都好耐冇去澳門，慳番張船飛」。他指港府應採取相應措施，例如澳門一直沒合理理由拒絕本港議員入境澳門，港方亦應採取同等措施，拒絕澳門議員入境香港，「畀啲顏色佢睇」。香港保安局回應指，特區政府尊重其他地區或國家依法進行出入境管理，不會亦不應作出干預，指各個出入境管制當局會按當地法例及個案情況向入境人士進行檢查及審批。
來源:
http://hk.apple.nextmedia.com/news/art/20170417/19992315
戰友突離世 北上再開始陳曉東人生重創
1 :
GS(14)@2017-05-13 01:56:21■陳曉東日前接受本報訪問時，自爆已入紙申請紅館檔期，希望能開騷會歌迷。
【《蘋果》專訪】陳曉東大前年娶台灣護士王妤嫻做老婆，現已為兩女之父，每當提到「一屋三女」，東東嘴角總會泛起甜到漏笑容，一臉幸福。不過，昔日東東無論事業及愛情路皆不平坦，尤其十七年前經理人梁少英自殺輕身，令他大受打擊，之後避走香港，轉戰內地發展，幸事業由低谷再反彈，現在家庭、事業兩得意。然而，東東仍渴望回港舉行演唱會，並公開呼籲紅館開綠燈！
現年41歲的陳曉東，已是兩女之父，搣甩昔日唇紅齒白的?仔形象，多了一份熟男味，他每次提起太太王妤嫻及兩個女兒「朵朵」及「多多」，嘴角都會泛起甜到漏的笑容，一臉幸福。問是否為太太王妤嫻修心養性？東東即大讚老婆是個好好的人，不但有修養，亦很懂得為人設想，影響他很多。
「好傷心回憶」
95年出道的東東，事業、愛情路同樣走過不少崎嶇路，回想當年每逢與女藝人合作都會傳緋聞，他形容是「鑊鑊新鮮鑊鑊甘」。不過，當年除了與恩師戴思聰因合約問題反目，經理人梁少英（Rebecca）自殺過身，令東東承受了不少壓力，幸其後轉戰內地，滑落的事業有機會重新洗牌，憑劇集再次爆紅的他，最終選擇定居北京，享受台下生活的家庭樂。
■東東自言有意再與梁詠琪及黃偉文合作拍戲。
■東東對前經理人自殺，曾自責是否給予對方太大壓力。
日前，東東返港接受本報專訪，首度談及十七年前經理人Rebecca忽然離世，直言那是他生命中一個好傷心的回憶，東東瞪大眼說：「我記得嗰日我瞓喺床，公司打電話嚟，我即刻彈起咗，噚日先同佢傾緊嘢，點解會咁？」縱使明白人生沒「如果」，但東東仍然希望幻想可成真：「我有時會諗，如果有得返轉頭，有多啲時間，我係咪應該出多啲力，令佢（Rebecca）冇咁大壓力，有去反省，真係好sad！」
■定居北京的東東，2013年曾返港與陳慧琳同台演出。資料圖片
申請紅館開騷
年初返港拍護髮產品廣告的東東，早前又上無綫節目獻唱昔日金曲，問是否很掛念香港？他即自爆：「我已經入咗紙申請紅館開騷喇！」更續謂：「紅館批嚟批去都唔批，我就嚟要叫我啲fans請願㗎啦！快啲批啦！畀我玩吓啦！」
東東除了希望踏上紅館舞台，亦恨拍港產片，他表示：「今次返嚟（香港）都有人邀約，但我唔想演偶像劇……雖然我相信都唔會搵我演。其實我想演一啲反差大嘅角色，想有動作，想演警察。」他又笑說早前見到梁詠琪，大家都說可再拍《初戀無限Touch》續集，有份參演的黃偉文更笑說戲名可以叫《初戀無限Keep in Touch》。採訪：四寶攝影：沈健程場地提供：中環迷你酒店
來源:
http://hk.apple.nextmedia.com/entertainment/art/20170512/20018486
子珊北上識富二代
1 :
GS(14)@2017-05-13 02:04:12徐子珊與羅冠蘭昨日在灣仔演藝學院為「第九屆香港小劇場獎」擔任頒獎嘉賓，子珊表示大小劇場均支持：「佢哋空間不足，有時會做獨腳戲，有啲好有質素，十幾歲自編自導自演都有，好欣賞佢哋。我恨咗好耐，無論大、小劇場，有機會都想做，我同公司反映咗，想商業同藝術攞平衡。」
■羅冠蘭被得獎者的致辭感動到眼濕濕。
下月返內地拍劇的子珊，大嗌緊張：「已經周圍問人有乜嘢要準備，會喺北京拍一個月，之後再去其他地方，希望準備充足啲。我兩年幾冇拍劇，真係好緊張，我當新人重新開始。」問到可會在北京認識富二代？她說：「冇所謂嘅，可以識吓新朋友。」採訪、攝影：羅慧敏
來源:
http://hk.apple.nextmedia.com/entertainment/art/20170511/20017281
識時務定係忘本？藝人香港出道北上搵銀
1 :
GS(14)@2017-07-05 03:42:31現年28歲嘅Janice Man（文詠珊），早喺14歲時被星探發掘成為當年香港第一代o靚模始祖，2007年客串電影《十分愛》從而開始電影事業，2009年加入黎明旗下公司，喺香港都叫做有唔少知名度。而近年佢就轉戰大陸市場，第一部電視劇就係抗日神劇《畢業歌》，之後接拍咗武俠劇《蜀山戰紀之劍俠傳奇》，形象深入民心而成功打開大陸市場越拍越有，嚟緊就會有一部古裝魔幻劇《九州‧海上牧雲記》。其實Janice Man已經算係遲入大陸市場搵錢嘅香港藝人，同Janice Man同期出道嘅Angelababy、「宇宙巨漿」G.E.M.、「而我不知道」嘅陳偉霆同埋跳出大台嘅王祖藍等，都已經一早打入大陸市場，仲非常風生水起。
Angelababy同樣28歲嘅Angelababy一樣係o靚模出身，同Janice Man一樣被譽為o靚模始祖，兩人當年可以話係紅極一時，吸納咗唔少fans。2010年同大陸男星黃曉明拍拖，2014年參加大陸版《Running Man》（《奔跑吧兄弟》）被大陸民眾熟悉，2015年同黃曉明喺上海結婚令佢喺大陸人氣更盛，及後2017年1月17日喺香港養和醫院產下一子。鄧紫棋（G.E.M.）今年25歲嘅鄧紫棋當年喺香港以16歲之齡出道，仲即刻橫掃各大樂壇頒獎禮嘅新人獎，得到唔少樂壇前輩公開讚揚，被稱為「巨肺小天后」，成名之後佢喺2014年參加大陸節目《我是歌手》令大陸民眾認識到佢，仲吸引咗大量fans，之後就一心一意喺大陸發展從而成為「宇宙巨漿」。陳偉霆31歲嘅陳偉霆早喺2003年參加《新秀》以歌手身份出道，不過就一直彈唔起，最為人熟悉都應該係同Angelababy同埋蔡卓妍（阿Sa）拍拖嘅兩段情，而當年因為黃曉明介入而同Angelababy分手，事後黃曉明一句「而我不知道陳偉霆是誰」更成為明句，到o依家一提陳偉霆都一定會有人講。而佢就喺2013年開始將事業重心轉向大陸，憑一套古裝仙俠偶像劇《古劍奇譚》彈出成為大陸「男神」，之後接拍嘅《老九門》更加將佢推向高峰，喺大陸紅到發紫。王祖藍37歲嘅王祖藍喺演藝學院畢業後加入大台，早期都係靠上《獎門人》而打響知名度，之後越做越紅，更開拍自己嘅劇集《老表，你好嘢！》，2014年同Angelababy一齊加入大陸節目《奔跑吧兄弟》而成功喺大陸入屋，之後開始喺香港減產但大陸工作就密密接長做長有。
來源:
http://hk.apple.nextmedia.com/entertainment/art/20170704/20078616
【港媽唔使驚】菲傭北上有冇so？得成僱傭：邊有咁多大學畢業！
1 :
GS(14)@2017-08-02 06:16:04現時香港的家傭月薪平均四千多，但亦不要求有特別技能。
有報道指中國打算請菲傭去五個大城市就業，人工還高達1.5萬元，究竟菲傭北上對香港有沒有影響？得成僱傭中心總經理廖翠蘭認為對香港外傭影響不大，僱主出高人工應該會有相對的要求，可能要兼做老師教英文，而現在已經很少大學畢業的外傭，普遍都是中學畢業。雖然香港的家傭月薪平均四千多，但亦不要求有特別技能。因兩地對菲傭的要求不同，難以一概而論。
另外，她說去年大陸這五大城市已經開放請菲傭，不過僱主只限香港人及外國人，大陸同胞就沒有份。加上大陸沒有勞工法例和醫療去保障外傭，就算本地人都沒有勞工法例保障，若她們到內地工作前也應考慮這些因素。
菲律賓有報道指中國打算請菲傭去五個大城市就業，人工還高達1.5萬元。
得成僱傭中心總經理廖翠蘭認為對香港外傭影響不大，僱主出高人工應該會有相對的要求。
在港工作的菲傭Cecil說如果消息屬實，對她們而言是個很好的機會。
對香港一班姐姐來說也算是個喜訊，在港工作的菲傭Cecil表示：「如果要教英文和少許家務，對我們而言是個很好的機會！因月薪比香港多三倍（本港外傭最低工資為4310元，15,000港元實為多2.5倍），但是要考慮詳細的條款，知道萬五蚊是做甚麼工作。」今次係機會啦！不過去之前還是要睇清楚好。記者：黎婉婷2017果籽繼續認真知味。識買惜用。行以求知。好事多為。重修舊好。緊貼果籽報道，即like：
http://fb.me/AS.AppleDaily
來源:
http://hk.apple.nextmedia.com/su ... t/20170802/20108801
外資北上掃A股 逾兩年最多
1 :
GS(14)@2017-10-15 16:27:32■滬綜指昨日高開低收，埋單升幅只有0.8%。資料圖片
【本報訊】A股假後復市，外資即進場掃貨！滬綜指昨高開後升幅持續大收窄，埋單升幅只有0.8%，港股則跌131點或0.5%，收報28326點，但滬深股通吸資額大增至近77億元（人民幣．下同），為超過兩年來最多。人行在國慶假期前宣佈定向降准，令內銀H股在國慶休市期大升，境外資金因而在昨日A股復市後湧入追落後。滬港通和深港通北向淨買入金額共達76.8億元，為2015年8月以來最大單日淨買入。當中，深股通錄29.7億元淨買入，為開通以來新高；滬股通淨買入則為47.1億元，為2016年8月以來最高。根據港交所資料，北上資金主要買入金融股，中國平安A股錄最高淨買入金額，達6.1億元；其次為招行A股的4.5億元；工行A股排第三位，有3.4億元淨買入。不過A股昨普遍錄陰燭，滬綜指最多升1.85%，但收市只升近0.8%，收報3374點；深成指升1.6%，報11264點，兩市成交5,384億元。 A股表現遜色，偷步炒上的港股亦回吐，H指跌73點或0.6%，收報11385點，主板全日成交額977億元，沽空佔9.3%。追蹤富時A50指數的南方A50（2822）及安碩A50（2823）昨齊挫近1%，前者溢價收窄至0.55%。
證券界：港股情況健康
市場關注投資者是否正沽出H股，並買入A股套戥。富昌證券研究部總監譚朗蔚表示，A股上周放長假休市，定向降準等利好因素尚未被反映，故A股首日復市即錄升幅。但他預期，兩地股市在十九大前應有維穩，後市仍會向好，認為昨日資金北上且港股受壓或只出於獲利盤湧現，投資者「睇好嗰邊（A股），唔代表呢到（港股）要抽錢走」。他補充，大市現屬基本震盪，形容情況健康，料28100點水平有支持。
來源:
http://hk.apple.nextmedia.com/financeestate/art/20171010/20178115
Next Page