【紐約直擊】帶傷開見面會「小書迷」開心見偶像：書豪哥哥
1 :
GS(14)@2016-11-10 07:39:45林書豪周日（6日）下午在尖叫聲中現身紐約布魯克林羅斯福高中（FDR High School）籃球場，趁着腿傷休息的間隙，特地前來與華裔小球迷們見面！無戰一身輕的他以休閒裝扮現身，神情看起來完全沒因傷病困擾，心情大好，看到小朋友忍不住一直微笑，如同「鄰家大哥哥」！駐紐約記者：王筱辰洋「我在籃網非常開心！」林書豪一現身，現場的小朋友便急不及待地拋出難題，詢問他是否真的想來籃網。他坦言：「在主教練艾堅遜（Kenny Atkinson）麾下打球非常榮幸，更重要的是紐約有很多朋友，我現在很享受這裏的生活。」由於當天是與華裔小球迷的見面會，林書豪也大方與小朋友們分享自己作為亞裔球員的心路歷程：「剛開始打球時有很多種族歧視的人嘲笑我，讓我離場，他們根本不相信亞洲人也可以打球！但我想說的是，不管你是高是矮，是男生還是女生，是不是亞裔人，別人說你只因為他們在乎你，而你只有努力才知道自己有多厲害！」而提及作為球員最重要的一個要素，他直言不諱是「教育」！哈佛大學畢業的他從未炫耀自己的高學歷，但他認為接受好的教育對於成為一個好球員來說至關重要：「如果你想要打職業籃球，首先你要進大學校隊，這就要求你要有好的成績。」他甚至笑言：「你永遠不知道你甚麼時候會受傷，就像我現在一樣，所以當有一天你不能打球了，好的教育背景就可以支撐你！」談到未來的計劃時，一直用英文交流的他忍不住說普通話，他認真表示：「希望將來可以參加更多NBA比賽，希望可以自己進步，也可以幫助我的隊友！」緊貼選情即睇【美國大選】專頁:
http://hk.apple.nextmedia.com/uselection2016
來源:
http://hk.apple.nextmedia.com/international/art/20161109/19828040
【動畫】情侶棄正職遠走他鄉日花60蚊過得仲開心
1 :
GS(14)@2016-11-10 08:02:39英國一對夫妻不堪都市生活苦悶兼壓力大，毅然搬到匈牙利一所偏遠老舊農舍歸隱田園。雖然他們連匈牙利語都不會說，生活一切自理，要在化糞池如廁，寒冬要在戶外淋浴，他們卻悠然自得，覺得生活比過去自在得多，而且每日僅花6英鎊（58港元）。30歲的普賴克（Julia Pryke）與丈夫舍恩（Gareth Shone）原居於英國柏克郡，分別是一名髮型師與皮匠，「我們在英格蘭的生活與其他人一樣，生活非常苦悶，工作只為繳交各種賬單」。二人後來忽發奇想，花了3,000英鎊（29,000港元）購買了一所匈牙利農舍，展開新生活。農舍位於一處渺無人煙的地區，他們接手前已空置5年，連生火設備都沒有，到後來才置入一個火爐。現在，他們靠太陽能供電，但寒冬下要在戶外淋浴，在類似化糞池的地方如廁，沒有自來水沖廁。他們不顧家人反對毅然過新生活，其實亦經過了一段內心掙扎。普賴克說：「我們剛來到時晴天霹靂，不禁想是否做了一個很愚蠢的決定，頭幾個月是最痛苦的，連房子都搖搖欲墜。」普賴克來自南非一個小康家庭，以前會駕車四處遊玩，更讓她學習馬術，她坦言年幼時父母期望她入讀大學，畢業找一份收入高的工作，但她反而因此變得反叛，輟學又剃頭紋身。她在2008年與舍恩墮入愛河後搬至英國定居，現在更回歸原始，家人都不支持。但二人非常享受現在的生活，正計劃再收減開支，自行種田養畜自給自足，普賴克更說這種遠離物質主義的生活讓她得着更多：「我發現你擁有的越少，生活得越好，這樣你才能專注想想你是誰、希望過怎樣的生活。」英國《每日郵報》
來源:
http://hk.apple.nextmedia.com/international/art/20161110/19829209
毛玉萍娶新抱Eric開心收一億豪宅
1 :
GS(14)@2016-11-16 04:54:06■毛玉萍囝囝俞俊材昨日跟女友任靄婷共諧連理。
毛玉萍的囝囝俞俊材（Eric）昨日與拍拖5年的任靄婷結婚，一對新人早前在英國影結婚相，最特別是有水底婚紗照。Eric和任靄婷昨在港簽紙，新郎母子感動到喊。
■毛玉萍（左）大讚新抱100分。
Eric昨晚接受傳媒訪問時口快說：「好開心，好感動，第一次娶新抱。」把娶老婆也說錯，他也忍不住笑。Eric承諾愛老婆一生一世，新娘聽後甜笑收貨，Eric希望生龍鳳胎，婚後到馬爾代夫度蜜月。有指毛玉萍送上一億豪宅，Eric直認：「係，好開心。」他避談婚宴開支，毛玉萍寄語Eric要愛老婆，做個負責任老公。毛玉萍未有透露婚宴花費：「開心係無價。」大讚新抱值100分，並表示抱孫順其自然：「佢哋鍾意就得，越多越好啦！」對於被爆有新歡，毛玉萍說：「我有好多男性朋友。」
來源:
http://hk.apple.nextmedia.com/entertainment/art/20161115/19833983
開心少女移居加國湊仔47歲何佩兒 索媽諗復出
1 :
GS(14)@2016-11-18 17:56:34■當年包包面的開心少女何佩兒，已變成有三子女的開心索媽。
組合「開心少女組」在80年代是不少年輕人的青春偶像，當年羅美薇離隊後，林穎嫻與何佩兒齊齊加入，跟袁潔瑩和陳加玲一起以開心少女組名義唱歌拍電影。90年代開心少女組解散後，一班開心少女各自獨立發展，但何佩兒卻人間蒸發。原來，「失蹤」二十多年的何佩兒，已由開心少女變成開心索媽，96年她與香港導演兼攝影師吳匡華結婚，而早前李克勤的《一個都不能少》MV及電影《王家欣》便是吳匡華擔任攝影指導。已移居加拿大溫哥華的何佩兒，早前與李婉華欣賞巫啟賢及邰正宵於溫哥華舉行的演唱會，雖然何佩兒年屆47歲，但保養得宜，當年的包包面已不見影蹤。
■47歲何佩兒跟導演兼攝影師吳匡華結婚後做全職家庭主婦。
■何佩兒早前與李婉華和雷安娜，欣賞邰正宵在溫哥華舉行的演唱會。
■何佩兒大仔Aaron（右）19歲，二仔Alex（左）15歲，細女Chloe則年僅9歲。
「做幕前梗係好」
記者日前聯絡到何佩兒，她透過WhatsApp說：「而家我喺加拿大全職照顧仔女，我有兩個仔一個女，大仔就嚟19歲，二仔15歲，女就比較細得9歲，所以我要畀多啲時間照顧個女。其實我二十幾年前已經移民加拿大，直至五年前帶咗仔女過嚟讀書，呢邊環境好啲，空氣好啲，讀書環境都比香港好。」採訪：魯吉
來源:
http://hk.apple.nextmedia.com/entertainment/art/20161118/19837122
遭工聯會拉下馬 指老闆最開心 勞顧會敗選 梁籌庭憂審批外勞失守
1 :
GS(14)@2016-11-20 23:41:57【本報訊】勞工顧問委員會選舉落幕，已連任勞方委員20年的公務員工會聯合會總幹事梁籌庭，在未獲工聯會「祝福」下墮馬。梁籌庭接受本報訪問時明言對結果感到詫異，公工聯執委會認為事件意味工聯會「主動要同我哋拆檔」，料雙方日後難再合作。他又表示，政府近年在輸入外勞問題上不斷向勞方施壓，他最擔心勞顧會日後在審批外勞方面失守，寄語接任人守住防線。記者：盧文烈
勞顧會自80年代後期起便由工聯會、勞聯、公工聯、公務員總工會及工團5會代表，瓜分5個勞方委員席位，餘下一席由政府委任，五會一向有默契協調配票。但工聯會大部份屬會今屆卻轉為支持首次參選的紀律部隊人員總工會主席劉玉輝，令梁籌庭以67票之差落敗。
預料日後難再合作
梁籌庭說，工聯會手握逾半數選票，「鍾意畀邊個贏都得」。上月底有傳媒報道劉玉輝獲工聯會「祝福」，但工聯會從未通知他改變遊戲規則，「飛起我唔係問題，但點解唔話畀我聽，其實你單聲就得，我可以唔選，甚至改派另一個人選」。他透露，公工聯執委會曾討論事件，他自問過去二十年投入勞顧會工作，「喺勞工問題上，我睇唔到做咗乜嘢係對唔住全港打工仔」。執委會認為工聯會此舉猶如「主動要同我哋拆檔」，相信日後再合作機會極微，「我哋始終係被動」。梁指今屆也有報名參選勞工界選委，但在工聯會坐擁大部份選票下，坦言已打定輸數。
籲接任人守住防線
「僱主唔鍾意我，我完全理解，但如果自己勞顧會裏面嘅（勞方）同事唔鍾意我，甚至唔想我喺裏面，呢樣嘢我一路冇感受得到」。梁籌庭說，今次敗選，相信老闆最開心，「卒之除去眼中釘」。他估計被拉下馬是由於平時態度太強硬，得罪僱主之餘，也觸怒個別勞方委員，「正如你哋（傳媒）所講，無法駕馭呢條友，㩒唔到我嘛」。他不諱言，過往在輸入外勞問題上，與個別勞方委員看法未必完全相同，他堅持否決買位院舍輸入外勞，建造業方面，他也反對輸入扎鐵、釘板等工種外勞，因香港有足夠本地工人應付，但試過有勞方委員反問他：「點解唔畀我入，你話畀我聽」。他說自己過往在外勞問題上是「守得最硬嗰個」，已引起資方及僱主不滿，他最擔心換屆後勞方在審批外勞問題上失守。回顧20年勞顧會委員生涯，梁籌庭說，最有成功感是當年促成最低工資立法。對於新當選的劉玉輝，梁表示不認識對方，一切只能拭目以待，但寄語劉熟讀勞工法例及多了解勞工事務，盡力維護僱員權益，「入到去（勞顧會）就要埋牙做嘢，唔係嚟學嘢」。
來源:
http://hk.apple.nextmedia.com/news/art/20161119/19838850
【我尋你開心】本土設計師：社會環境好灰 成功靠群眾力量
1 :
GS(14)@2016-11-20 23:52:082001年第一次同呢個大型商場合作嘅合照，大家認唔認得出邊個係Andy呀？(海港城提供圖片)
「你知o依家好唔開心，將啲唔開心嘅嘢化解一下先。忘我一陣，感受下呢度啲氣氛。」
唔理你係乜絲物絲﹑左膠﹑右膠定真心膠，相信大部分嘅香港人都會覺得o依家生活喺呢片曾經熟悉嘅土地，過得越來越唔開心，越來越灰……不過空間設計師湯兆榮(Andy)就希望為o依家灰到裂嘅香港，加番少少色彩同生氣。
Andy今年就以小雪人做主題，因為覺得小朋友一定鍾意喎
Andy話每逢節日都係佢最忙嘅時候
入行20多年，Andy堅持要用一支筆一張紙去起稿，佢話咁先有feel呀
畢業於香港演藝學院舞台設計嘅Andy，入行廿幾年，單單為尖沙嘴呢個大型商場設計聖誕燈飾已經有14次經驗。聖誕係普天同慶嘅日子，但當大家好開心咁同燈飾影相打卡嘅時候，Andy就忙到甩晒轆：「做節日，我哋將自己嘅……有時辛苦啦，辛酸啦，換取就係人哋嘅快樂。其實我覺得某程度上，唔係唔值得嘅。」辛苦得嚟值得，全因為Andy覺得佢設計嘅聖誕裝飾，可以令到香港人暫時忘記現實中嘅煩惱：「坦白講個社會風氣大家都感受到嘅，姑勿論係咪serious啲嘅社會環境嘅政治現象，或者到一啲家庭呀生活呀；壓力呀賺錢呀，其實o依家唔容易㗎。咁如果你話樣樣都唔容易，我哋就好灰……我哋唔畀個心落去做件事，令到佢開心啲嘅時候呢。我覺得有一半嘅責任……令佢開心嘅話，或者一家大細有個好好嘅memory啦。」
大家嚟度呢度，會唔會感受到愛？
自認係「完美主義者」嘅佢，每件裝置都要check得好清楚o架
「令香港人開心啲」，呢個job絕對唔容易，但Andy都抱住個心態—「盡做」。但作為老闆，梗係搵錢大過天啦，講抱負﹑講理想？傻的嗎？攞過好多國際性獎項，揚威去到海外嘅Andy，以今時今日嘅名氣同江湖地位，要背靠祖國搵真銀，真係大把機會，但佢就唔係咁睇，仲覺得香港先係佢嘅根：「錢你賺唔晒嘅，香港比較共融啲，乜嘢文化都有。國內呢，有啲嘢要就佢哋囉，係嗰個價值觀問題。我自己比較喜愛多啲推動下本土嘅設計，即係本地設計師嘅一個認同，唔使下下要用外國嘅。」本土設計師要得到肯定，Andy話一定要凝聚群眾嘅力量，「成功嘅作品多數有群眾力量，喺個城市方面有一個共融嘅話，我覺得對個社會都有積極意義。如果有政府多啲推動，其實係緊要嘅，o依家有西九，但都搞咗好多年，暫時未見到有啲乜嘢。」
估唔到cool cool哋嘅Andy都幾有童真o架喎
你哋嘅聖誕回憶應該同Andy一樣，喺海傍睇燈飾度過。
聖誕節就嚟到，意味住新一年又即將來臨，希望新一年嘅香港唔好再有咁多事同人，令我哋灰落去啦。採訪：植詠珊(Cathy)編審、編導：懷鈺剪接：Roy拍攝：馮峰、Neo場地：ANDY TONG DESIGN、海港城
來源:
http://hk.apple.nextmedia.com/entertainment/art/20161119/19838612
周汶錡如願再陀B老公：我仔女都開心
1 :
GS(14)@2016-11-24 07:39:36■Kathy相隔一年昨日宣佈再度懷孕，預產期在明年4月初。
名模周汶錡（Kathy）去年7月為法籍靚仔老公Julien誕下混血囝囝Jacques，Jacques眼大鼻高，屬典型靚仔混血兒。對住可愛精靈囝囝Jacques，Kathy曾經講過：「自己少少變態咁，有時抱住佢，真係唔想放低，好得意呀！」Jacques可愛到一個點，媽媽Kathy朝朝狂咀囝囝，夜晚抱住不願放。早前Kathy已透露有意今年再追多一個小情人！坐言起行的Kathy，昨日透過經理人公司宣佈懷孕五個月，她表示：「跟大家一起分享我們的喜悅，Jacques快要做哥哥了！」同時附上一張自己穿白背心加牛仔褲的相，與媽媽母子裝的Jacques，伸手摸着媽媽開始凸凸哋的肚仔。
■去年中，Kathy為法籍老公Julien誕下兒子Jacques。資料圖片
■本月初，Kathy出席品牌活動時，隱約見到腹部微隆。資料圖片
明年4月預產期
經理人Simon透露Kathy正與友人在巴黎，今天才回港出席聖誕活動，而老公Julien昨日透過短訊回覆表現興奮，問到仔定女時，他說：「相信Kathy想保留神秘感，我仔女都好開心，只要BB健康便可，對我來說，這是最好的聖誕及生日禮物。」Julien指太太身在巴黎買BB衫，提到預產期，他透露將會是明年4月初。問到有否教Jacques做哥哥？他說：「將會教囝囝要學分享及保護妹妹或弟弟。」而Kathy胞妹周麗淇受訪時也說：「好開心！屋企人知咗好耐，家姐已經有個小王子，希望佢生個小公主，同家姐一樣咁聰明靚女，多謝大家關心！」採訪：唐如、皓騫
來源:
http://hk.apple.nextmedia.com/entertainment/art/20161124/19843514
Race開心辦夢想婚禮
1 :
GS(14)@2016-11-29 07:55:25■Race與老公因工作忙碌，令婚事拖到今年。
前組合2R成員黃婉佩（Race）於上周五在新加坡嫁富商David Loh，據知榮升人妻的她，懷有身孕雙喜臨門，Race昨在電話開心表示：「我同老公多謝大家祝福，婚禮唔係太大型，每個女仔都想做公主，老公非常之好，話我鍾意點搞就點搞，我就做咗自己嘅dream wedding。」
Race還甜絲絲說：「我同老公係通過朋友介紹識，幾個月之後開始拍拖，拍咗差唔多三年，兩年前喺美國求婚，本來上年結婚，但我哋工作都忙，所以延咗一年。」Race在婚禮上唱歌冧老公，問到有否流下幸福淚水？她笑說：「我都好淡定嘅，喺婚禮完全冇喊。」採訪：皓騫
來源:
http://hk.apple.nextmedia.com/entertainment/art/20161129/19848442
【白雪真係好難聽】惡搞配音始祖復出！ 陳夕：唔恨紅只求開心
1 :
GS(14)@2016-12-10 13:30:13十年前憑住惡搞卡通配音而紅嘅陳夕，可謂香港惡搞配音始祖
「白雪……白雪呢個名真係好難聽，好難聽呀！」一睇到呢句係咪即刻有聲有畫面先？相信8、90後讀者細個一定會睇過《新白雪公主》呢條惡搞配音片。你哋除咗記得王子好嘴賤，小矮人啲假音真係好假，又知唔知邊個整呢條片出嚟呢？其實呢個又扮王子又扮小矮人嘅「幕後玩家」就係—陳夕。記者：余傲芝、黃浩晉 攝影：馮峰、Neo
新白雪公主係他嘅代表作，其中一句「白雪個名真係好難聽好難聽」更加係深入民心，點擊接近三百萬
陳夕當初開始惡搞只係因為無聊，加上鍾意思考，紅唔紅並唔係佢嘅考慮
陳夕笑言自己真人說話都係幾mean，朋友都叫佢話題終結者
叫陳夕做香港「網上惡搞配音始祖」一啲都唔過份，10年前就惡搞《新白雪公主》，仲有《新美女與野獸》、《新灰姑娘》等等。當年YouTube仲未流行，而呢三條片點擊率都超過二百萬，真係一啲都唔簡單。咁點解好玩唔玩，係都要玩童話喎？俾番少少童真我哋都得啩……陳夕話：「童話故事本身好夢幻，只要扭轉佢，變成一啲好現實嘅嘢，咁件事就好笑喇！」唔怪得心底善良嘅灰姑娘，明明同王子有美滿嘅愛情故事；喺陳夕口中就變成一個「八婆」，不單止收王子做兵，仲要準時十二點鬆人走數。不過，就係夠荒謬先至夠好笑，更何況現實比惡搞更瘋狂呢。
記者考驗他即興配音，佢一次過扮咗三把聲，果然難佢唔到
他指自己唔怕因惡搞而得罪人，而創作亦唔應受到掣肘，否則就唔過癮啦
陳夕認為現今環境雖然冇咩好笑，但更應該要笑，希望自己嘅作品可以比人正能量
明明惡搞片咁收得，點解陳夕當初唔食住上，仲停產成10年？無他嘅，因為唔再好玩囉。「我出發點係為咗玩，當呢件事唔好玩就會停。其實呢段時間我一直都搵緊o依家大家嘅笑點係咩，一搵到新嘢就會俾大家睇。」嘩！大師，我彷彿參透到啲嘢，唔怪得上個月陳夕開咗Facebook page，仲揚言夠10,000 Like就出新片，o依家有預告睇o添啦！
o依家好多人自稱YouTuber，仲靠拍片出名搵到食，陳夕會唔會好葡萄班「後輩」㗎？點知佢係冇睇開「後輩」嘅片，仲話：「我當初做呢件事唔係為咗有人識，或者要紅；純粹因為好無聊想玩下嘢，所以紅唔紅冇咩所謂」
雖然陳夕冇諗過要靠惡搞片爆紅，但係佢有冇一刻諗過會出樣呢？「冇！」佢斬釘截鐵咁講。「呢個係我嘅特色嚟，冇人知我係邊個先好玩。」咁咪同《爆粗Band友》一樣？估唔到陳夕就係嚮往呢種生活：「當我化晒妝打緊Band嗰陣就好多fans擁住自己；返到後台落咗妝嗰陣就冇人認得，就算係fans都會當自己係「薯仔」咁推開。」講到咁邊夠你玩呀！學《新灰姑娘》個仙子咁講：「好啦！俾你兇到喇！」希望陳夕會做「找數真漢子」，夠10,000 Like就出新片。雖然惡搞童話講唔出啲咩大道理，但能夠令大家開心笑番幾分鐘都好足夠啦，係咪呀哈姆太郎？
來源:
http://hk.apple.nextmedia.com/entertainment/art/20161210/19860789
Next Page