G.E.M.：我想拍拖
1 :
GS(14)@2017-01-22 02:17:19鄧紫棋（G.E.M.）最近拍攝首部紀錄片《一路逆風》，早前四出接受傳媒訪問，最近她在一個訪問入面再次提起早前宣佈向丁文琪求婚成功的舊愛林宥嘉，她說：「畢竟係入行以來最長時間嘅一段關係，所以對我係有影響，但未去到有陰影。」
G.E.M.又表示：「我一路都冇公開講啲乜嘢，只係有一次喺私人facebook寫過而俾人放咗出嚟。」會否感覺被人出賣？她說：「係，嗰件事之後，我刪除咗好多fb內嘅人。」被問到再拍拖會否公開，G.E.M.說：「唔會，因為要考慮到另一個人嘅感受，呢一刻我可能要去到結婚先公開，我係想拍拖但唔急。」撰文：非非
來源:
http://hk.apple.nextmedia.com/entertainment/art/20170121/19903711
拍拖分房瞓 有風度加分羅霖孖嫩男遊泰「佢照顧我兩母子」
1 :
GS(14)@2017-01-28 12:04:16【打道回府】■羅霖和J君同遊泰國曼谷，日前在當地機場現身。讀者提供圖片
【爆相爆片】現年51歲的美魔女羅霖，去年傳出與細20年的內地富二代J君相戀，對方更向她求婚，但她拒絕，表明要照顧三個兒子及事業為重，11月時更傳出分訊。原來羅霖低調與J君繼續發展，更帶他融入家中，日前她與孻仔劉子晉（Jonathan）同遊曼谷，被本報讀者茹先生透過「爆相爆片」踢爆J君同行。
【獨自退稅】■羅霖獨自去退稅，囝囝就交由J君照顧。
【男友閃先】■過完香港海關後J君先走，羅霖要自己拎行李。
【帶子出閘】■出閘後，羅霖母子獲司機及助手接走。攝影：徐錦池
會合上機
讀者茹先生透露羅霖大前日在當地機場出現，他表示：「最初佢哋三個人一齊，跟住羅霖行去退稅，兩個男就行咗去lounge度等，之後喺登機閘口會合再一齊上機。」他透露羅霖與J君全程沒親密舉動，三人抵達香港機場時，齊搭扶手電梯去海關，其間J君盡顯風度幫她拎行李，不過過完海關，J君就閃人，而羅霖就帶兒子拎行李，之後出閘就有司機及助手接他們。記者致電羅霖，她直認與J君同遊：「係呀，原本只同Jonathan去曼谷，因為嚟緊要拍劇，可能有半年都陪唔到佢出去旅行，所以咪出去玩幾日，點知J君知道都話一齊去，我覺得冇乜問題，所以咪畀佢一齊去！」採訪：唐如、吳耀輝
來源:
http://hk.apple.nextmedia.com/entertainment/art/20170128/19911154
紅姑無心再拍拖
1 :
GS(14)@2017-02-02 02:34:13鍾楚紅昨日在尖沙嘴出席「金龍獻瑞及福星高照醒獅賀歲」，穿上紅色襯托新年氣氛。紅姑透露每年農曆新年，都會將屋企擺滿桃花、水仙、芍藥等等，她說：「呢啲花平時好少見到，尤其係桃花，我每年都會擺。」紅姑指過去一年曾推出相集做善事，而未來一年會做綠色生態的事，她更展示其拍攝的「維港美景」。紅姑接受訪問時，被問到擺桃花是否想行桃花運？她說：「冇得想，我都冇諗過，順其自然。」紅姑表示未有追求者：「你個心唔喺度就冇留意，我個心淨係留意環保同影相，我成日行山，好多地方都被污染，好多路都爛咗失修，我就好着緊。」採訪：黃曉妍攝影：葉君海
來源:
http://hk.apple.nextmedia.com/entertainment/art/20170201/19913903
34C新咪神陪食張振朗拍拖喪撩鼻
1 :
GS(14)@2017-02-05 10:39:40【開餐】■張振朗日前與新咪神陳芷尤食雞煲撐枱腳。
【灣仔】張振朗因為拍無綫處境劇《愛．回家》，撻着34C新咪神陳芷尤，二人拍拖兼同居幾乎不是秘密。不過，無綫正值小生荒，上位在即的張振朗對感情事都不敢高調，日前被本報撞正甜蜜拍拖食雞煲，但都只認是好朋友。
【抹鼻】■張振朗不停撩鼻，最初用紙巾，後來用手指直接撩（右圖）。DV圖片
【採礦】
坐女友名車
張振朗與陳芷尤同於第25期訓練班畢業，有傳二人大前年已拍拖，只是男方不時有緋聞，包括陳瀅及龔嘉欣等。當日黃昏6時多，張振朗於灣仔海旁收工後，陳芷尤便做柴可夫駕寶馬名車接他收工，出發去上環覓食，但兜了一會，最後又折返灣仔食雞煲。今時今日，天王天后都大方公開戀情，惟張振朗由落車到入食肆，全程保持高度警戒，一先一後行，在門外等位時更一直扮不認識，直至入座，女友去了廁所，張振朗便拿出手機不停篤，其間不時「放蚊」一臉疲態，但最不衞生是他用手指撩鼻後又摸面。
■未知是否怕被認出，原本張振朗與陳芷尤黐住行，但又突然彈開。
■陳芷尤擁34C上圍，是無綫新一代咪神。資料圖片
食完扮唔識
離開時有店員通知他門外有記者，二人出門口時更是零交流。事後張振朗回覆傳媒稱：「當日係咁啱喺附近做嘢，咪約埋一齊食飯囉！哈哈！因為行錯路咪所以去咗第二度再返嚟灣仔囉！」問他們是否拍拖？張振朗還是不承認：「好朋友約食飯箒！」採訪、攝影：梁繼光
來源:
http://hk.apple.nextmedia.com/entertainment/art/20170203/19915879
美棋BB拍拖遇電燈膽
1 :
GS(14)@2017-02-05 10:48:26現年27歲的黃美棋，2014年已經被發現與前有線主播鍾健威約會拍拖，只是美棋BB一直將戀情低調，直至去年情人節才公開早已不是秘密的戀情，之後更不時在網上貼相放閃，日前二人更透露農曆年到對方家中跟長輩拜年。
■美棋BB與男友會合女友人在餐廳食飯。
前日下午4時多，一對戀人又出動，相約在圓方拍拖睇戲，雖然同行還有一位男友人，但二人無懼有電燈膽在場，鍾健威全程拖到女友實一實。一行三人看完電影後，未有第一時間離開，他們先在廣場內找櫃員機撳錢，然後再去了一間餐廳，原來他們還約了一位女友人，之後四個人便在餐廳食飯。採訪、攝影：朱志聰
來源:
http://hk.apple.nextmedia.com/entertainment/art/20170204/19917167
湯洛雯羅天宇拍拖 呻山頂冇嘢行
1 :
GS(14)@2017-02-07 05:15:53【扮晒疏遠】■湯洛雯同羅天宇拍拖四年來都唔認。
【爆相爆片】羅天宇同落選港姐、湯鎮業姪女湯洛雯，13年拍劇集《愛．回家》時被指戲假情真，跟住本報披露佢哋行孖咇喺元朗食酸辣粉斷正，「洛宇戀」從此曝光，不過佢哋否認戀情。四年來，佢哋始終如一，依然係孖公仔行街。上月初，兩口子被踢爆拍拖行九龍灣MegaBox睇傢俬，唔夠一個月，日前又有讀者陳小姐透過本報「爆相爆片」，影到佢哋去山頂行街。
男友找數
湯洛雯剪短咗頭髮，仲着住一個月前被影到嘅一模一樣黑白針織冷衫同貼身褲，只係今次冇戴cap帽，換咗副太陽眼鏡掛喺頭上，讀者陳小姐話：「嗰晚差唔多9點幾，商場有唔少舖頭都閂咗門，我見到羅天宇同湯洛雯一齊行街，聽到湯洛雯話舖頭都閂晒冇乜嘢行。」最後佢哋去咗莎莎睇嘢，湯洛雯揀化妝品，由羅天宇負責畀錢。
【睇化妝品】■夜晚山頂舖頭好多都閂晒門，湯洛雯惟有揀去睇化妝品。
■羅天宇同湯洛雯上月先被影到齊齊睇傢俬，湯洛雯都着住同一件衫。資料圖片
讀者陳小姐話當時湯洛雯全程戴住口罩，同羅天宇冇乜親暱動作：「佢哋再去百佳買咗兩袋零食，之後就行咗入一間電子產品舖頭，當時我都喺舖頭裏面，湯洛雯用雙手輕輕打咗羅天宇心口幾下，又見到佢哋有搭住膊頭行，但好快就縮手。」最後羅天宇同湯洛雯去服務台搞免費泊車，再揸車走人。湯洛雯前日接受傳媒訪問，問到佢再次俾人撞正拍拖，佢竟然話：「之前都回應過了，我哋係好好嘅朋友，不過多謝關心。」
來源:
http://hk.apple.nextmedia.com/entertainment/art/20170207/19919876
Rain金泰希拍拖買傢俬
1 :
GS(14)@2017-02-07 05:16:05韓流天王Rain及女星金泰希上月19日結婚，兩人度蜜月返韓後繼續低調作風，不過依然被網民捕獲。Rain夫婦大前日現身首爾江南論峴洞某傢俬舖，估計去買婚後的生活必需品，金泰希當日戴上黑超及一身米白色打扮現身，笑容燦爛，而Rain則站在老婆身後，用眼鏡及帽稍稍遮樣，全黑打扮與老婆行相反風格。雖然相中只見Rain的側面，但隱約見到他的笑容。
■Rain（左）是於婚禮當日才向金泰希求婚。
另外，金泰希早前接受媒體訪問，大談結婚一事。被問到Rain的求婚過程，金泰希即時甜笑地表示：「我其實是於婚禮當日才被求婚，他於婚宴上演唱新歌《The Best Present》，這就是他的求婚。」撰文：文康妮
來源:
http://hk.apple.nextmedia.com/entertainment/art/20170207/19919827
【越難越愛】拍拖有慾無情 男變女34歲才遇上初戀
1 :
GS(14)@2017-02-12 13:55:35家人因信仰未能接受同性戀，Kimmy暫時只敢隱瞞戀情，訛稱和一位男生交往。
黃雪綾（Beatrice）是現代版的丹麥女孩，前年完成變性手術，誠實面對自己想做女孩的渴望。變性後，她滿意自己終成一位不折不扣的女孩，但對愛情充滿擔憂，深知很難再遇上緣份。怎料手術後兩個月，在一次朋友聚遇到女朋友Kimmy（化名），更默默送上戒指，確定的女友身份。
以前礙於性別，Beatrice嘗試跟女生拍拖，但只有性愛與情慾。回想過去情史，她指，「只有慾望的滿足，直至認識Kimmy，才有初戀的感覺。」不是要否定過去的經歷，而是當Beatrice仍未成為完整的女生，所有的戀愛，她都感到迷茫。她經歷過易服階段，把相片放上網上論壇，未己已有男生搭訕。首次用女生扮相交往，出過幾次街，但每次見面都要先回家化妝、換衣服，即使對方不介意易服的自己，她仍然過不了自己那關，反問自己「當對方喜歡我的時候，究竟是喜歡我男性的身體、女生的外表，還是甚麼？」
Kimmy生日，Beatrice送上戒指，並指是對女友身份的確定。
她們坦言，拍拖以來已習慣面對街外人的閒言閒語和目光。
要愛人，先要愛自己。手術成功，34歲的Beatrice終能以女性身份戀愛，在最好的時機，遇上對的人。Kimmy是一位23歲大學生，樣子斯文，而且大方得體。Beatrice現年35歲，兩人相差12年，單聽數字，已經覺得她們愛得不容易。不過Beatrice指Kimmy性格獨立，而且思想成熟，兩人的相處非常合得來。問到初見感覺，Kimmy坦言，雖然一開始已知Beatrice的身份，但仍然對她一見鍾情，因為從未見過如此漂亮的女生。「我喜歡她是因為她整個人，不會因為她某些人工建構的東西而不愛她。」訪問當日，我與她們走在街上，途人的目光是不好受的。Kimmy卻說：「講就一定會有人講，不過已經習慣了，我只會覺得他們是妒忌我。」朋友勸阻Kimmy，家人又因信仰反對同性戀，現時她只能訛稱跟男同學拍拖。香港不能結婚，在去年Kimmy的生日，Beatrice送上戒指，寓意對女友身份的確定。雖然情路不平坦，但難得遇到心愛的人，Kimmy不會輕言放棄：「暫時都是見步行步，但只要真心相愛，很容易去克服困難。」記者：劉芷晞攝影：徐振國2017果籽繼續認真知味。識買惜用。行以求知。好事多為。重修舊好。緊貼果籽報道，即like：
http://fb.me/AS.AppleDaily
來源:
http://hk.apple.nextmedia.com/su ... t/20170212/19925420
對沖人生：有二千呎樓先拍拖？
1 :
GS(14)@2017-02-18 00:50:35我的精算師朋友理論上很少計錯數。在2016年不確定的投資環境下，在年尾他沽貨居多，結果錯失了最後一季到現在的大升市，唯一慶幸是沒反手做拋空，否則輸到眼凸。美國三大指數剛創了幾天歷史性新高，CBOE VIX芝加哥波幅指數則在12以下徘徊。1.香港居住問題越來越嚴重，有夢想的年輕人，在3月26號特首塵埃落定後真的可以心裏有數。財經雜誌《港股策略王》請來叫Seasun的廿歲頭少女講到有樓的重要性：「有樓有高潮」，這句話和數月前游蕙禎前議員的扑嘢論一樣，又是土地問題。
Seasun做公關，90後的想法或許意識危機極高，更大的「志氣」正如Seasun所說，男朋友要有2,000呎居所才可拍拖？港女不如放眼看世界，不要局限在香港吧。筆者最近快閃到美加東岸，意圖落offer買房子，根據賣方議價希望可以成交，結果搶樓挾高5至10%是正常，200萬加幣的樓可能220萬才買到。無論是半獨立屋、獨立屋或鎮屋，美加主要城市搶樓已到瘋狂地步。兒時有位朋友厭倦加拿大西岸溫哥華高樓價生活，和丈夫搬到距離溫哥華7小時車程的Horsefly小鎮，擲一塊石頭，永遠也不能傷到人。低消費城市也有中部文尼吐巴省的溫尼泊市（Winnipeg），2016年平均屋價才不過30萬加元，但冬天天氣嚴寒。2.過去幾年，資產管理公司最難過的一關，除了是有足夠資金「起壇」，在銀行開戶口的難度可謂令人驚嘆。你可以說是肥茄條例（FATCA）帶動全球防止洗黑錢及逃稅，美國人在海外逃稅逐個捉，打擊洗黑錢及恐怖分子集資其實盤古至今也在運作。日前我找立法會會計界議員梁繼昌談論此事，初創企業如果不能開戶，又怎開始運作呢？特朗普上場，他在去年的電視辯論中談到放寬金融及商業監管，但這和開戶口有沒有直接關連，時間會證明一切。3.樓市有多瘋癲，股市日日歷史創高位。當普通人已沒想像空間去揀股票的時候，你會發現強勢主力股自特朗普上年11月當選後一路做得好。除了美國三大指數，蘋果（AAPL）日前創歷史新高，不要亂拋空股票，計準風險與回報，作長遠投資策略。樓市和股市不是賭場：股票投資較靈活，在高處不勝寒的價位，仍可以善用固定波幅策略Collar每個月轉倉：Long stock, write OTM call, long OTM put,沒「超出控制」可能。住宅投資，特別是自住自用的，真的要評估承擔力度。我的精算師朋友估計今年股市和樓市會大調整。他近乎每數年轉換工作地方，走遍多個國家。一個沒有根的竹升鑽石王老五，想法很不同。友人從沒輸大錢，也從沒在金融市場上真的賺過錢。朋友永遠手持現金，如何抗衡通脹？從他的角度，四海為家，租住有公司部份資助，沒投資房產需要。我會反問，低管理費的指數ETF，why not? Happy Trading!錢志健資深對沖基金經理
mailto:
[email protected]本欄逢周五刊出
來源:
http://hk.apple.nextmedia.com/financeestate/art/20170217/19930519
Next Page