鄭中基4,630放售愛巢古天樂賣獨立屋賺3,862萬
1 :
GS(14)@2017-07-29 03:23:56圈中愛買磚頭嘅藝人多的是，而好眼光啲嘅，仲可以靠買賣轉手賺一筆。好似啱啱再度榮升業主嘅薛凱琪（Fiona）咁，以3,630萬元購入新地(016)何文田天鑄三房戶，其實Fiona喺今年5月，以2,200萬元賣出於08年7月入手、位於九龍塘筆架山帝景峰帝景軒5座低層E及F室相連戶，實用面積1,227方呎，連車位賣出，賬面勁賺1,070萬元。至於圈中吸金力強嘅古天樂，除咗花費於佢啲玩具上，都會買吓磚頭嘅，不過佢就自用較多，甚少投資炒賣。好似佢先後喺2002及2005年，分別以2,800萬元及6,638萬元買入何文田京士柏山單號屋，之後再先後喺2005及2009年先後放賣該兩屋，合共賺3,862萬元。而古天樂於2009年以1.26億元買入嘅貝沙灣獨立屋，已升值逾一倍，另外，佢喺2006年購入火炭豐盛工業中心3個單位，其手上「磚頭」約值逾4億。另一影壇搶手貨、影帝張家輝買樓投資都有眼光，佢喺2004年至2013年間，買賣物業屢有斬獲，買賣3個物業，賬面利潤合共超過2,500萬元，其中佢喺2011年售出薄扶林貝沙灣勁賺1,260萬元。仲有視后佘詩曼，佢喺2003年以以500萬元購入北角千呎風水屋自住，到2010年以1,368萬高價出售，賬面激賺868萬，當年被問及賣樓一事，阿佘更認叻咁話：「我投資物業至今，從來冇蝕錢。」可見佢眼光獨到。另外，現為廿四孝好老竇同好老公嘅鄭中基，於2005年以4,630萬放售其位於深水灣的文禮苑獨立屋，總面積達3,500呎，設有車房。翻查資料，當時鄭中基的女友蔡卓妍曾在上址過夜，令兩人戀情曝光，但鄭中基其後火速賣樓，搬去與家人同住。
來源:
http://hk.apple.nextmedia.com/entertainment/art/20170727/20103222
昇薈一房630萬易手 四年升八成
1 :
GS(14)@2018-02-21 06:20:47【本報訊】臨近新年，多名業主爭取最後賺錢過肥年機會。東涌港珠澳大橋尚未通車，區內樓價已「升得離譜！」，昇薈一個低層單位四年間便升近八成，賬面賺近「3球」，成為區內半新盤升幅最誇的屋苑。中原地產唐啟樂表示，昇薈10座低層D室，實用面積434方呎，一房間隔，獲外區用家以630萬元承接，實用呎價14,516元。唐氏指，屋苑一房單位面積較大，放盤罕有。原業主於2013年12月以350.8萬元一手買入單位，是次沽貨，賬面賺279.2萬元，升值近八成。至於鄰近同為半新盤的東環升幅就明顯被拋離，屋苑升幅最勁的單位為1期3A座低層3室，實用面積595方呎，於去年10月以833萬元沽出，呎價1.4萬元，上手業主於2015年以635萬元買入，屬「SSD貨」，升幅31.1%。區內代理指，昇薈現有40個單位放盤，不過只有一成是「有心賣」，目前一房入場費由650萬元起；至於東環因剛過三年，「SSD」鬆綁貨湧現，現時有約100個放盤，入場費由550萬元起。
逸瓏園首錄租務 回報逾4厘
西營盤KENSINGTON HILL中層B室，中原地產林世華表示，實用面積804方呎，以2,050萬元成交，呎價2.55萬元。原業主於2014年10月以1,660萬元買入，持貨四年，賬面賺390萬元，升值23.5%，成項目首宗二手成交。西貢逸瓏園剛錄得首宗租務成交。消息指2座低層D室，實用面積676方呎，兩房連士多房，以月租3.1萬元租出，呎租45.9元。業主2016年6月以875萬元買入，租金回報率4.25厘。
來源:
https://hk.finance.appledaily.co ... e/20180215/20306250