紅館騷剝衫晒腹肌柏豪靠老婆 治癒驚恐症
1 :
GS(14)@2017-04-30 15:22:16■周柏豪的紅館個唱前晚開鑼，大騷六嚿腹肌，又感激太太（小圖）在他事業低潮時的鼓勵。
一連三場的「周柏豪One Step Closer演唱會」前晚在紅館開鑼，演唱會以柏豪的上半生為題，大玩感性和性感。柏豪分別穿上白色長褸配黑色透視衫，還有類似英國米字旗圖案的套裝，唱到其中一首快歌《金》，更扯爛黑色背心，赤裸上半身，露出六嚿腹肌。
■柏豪一個後空翻，大顯身手。
■走近台邊的柏豪與粉絲互動。
自嘲麻煩友
柏豪頭場請來張智霖（Chilam）合唱《祝君好》，成為全場最好反應的一個環節。Chilam上台後，表示介意要做柏豪童年這一部份，Chilam說：「呢part聽見你講學校，又講老師、同學，我唔會喺你小時候嗎？」柏豪即刻解釋：「唔係，因劇中聾啞人士角色我細個睇，覺得呢個角色好正。」柏豪說：「Chilam係我偶像，佢帶出正能量，是好爸爸。」另一位神秘嘉賓是因拍戲而認識的黃翠如，當柏豪唱《百年不合》時，她穿上婚紗現身，令全場起哄。去到尾段，柏豪送了三首歌《天光》、《我的宣言》及《終於我們》給太太，他自言在入行前已經認識太太，認為太太將最黃金青春的十年給了一個不可以寫包單的人：「我知我係麻煩友，喺我生命中搵到個體諒自己嘅人好難，但我搵到。」
■張智霖（左）應邀做柏豪的嘉賓，獻唱《祝君好》。
■穿上婚紗的黃翠如擔任柏豪的神秘嘉賓。
暱稱瘦奀茄
柏豪指自己做模特兒的時候，對太太一見鍾情：「當我問佢做乜，佢又問番我，佢仲話唔識我，當時我好瘦，佢仲稱呼我做瘦奀茄，我自己好多嘢都唔識，塊面爛晒，自己又有驚恐症，九個月冇出街，佢畀好多鼓勵我，我嗰時就喺屋企學琴學寫歌。」柏豪零收入的時候，經濟上都要依賴太太：「我送唔到嘢畀佢，惟有寫歌畀佢，有時半夜情緒唔好會叫醒佢，對住佢唱歌，都十幾年喇，到?家都好似初相識咁。」唱完三首歌，螢幕出現一張柏豪和太太的剪影照。採訪：王連連攝影：沈健程
難得生性暴龍哥創科眾籌夢，遭隱世肥報販秒殺！
https://goo.gl/hnEB7D「蘋果VR」App
App store下載：
https://goo.gl/0kW2cK
Google Play下載：
https://goo.gl/4K7EHw
來源:
http://hk.apple.nextmedia.com/entertainment/art/20170430/20006073
紅館騷冧台 負傷蔡一智報平安林敏驄致歉「我係最後知出事」
1 :
GS(14)@2017-06-11 16:09:14■林敏驄前晚在紅館舉行的作品展上拖苟芸慧繞場唱《忘不了你》，十分風騷。
林敏驄前晚假紅館舉行作品展，豈料綵排時發生冧台意外，草蜢成員蔡一智和舞蹈員受傷，整傷尾龍骨的智仔昨睇跌打後報平安，而林敏驄接受本報訪問時，坦言自己是最後一個知道出事的人！前晚演出時各歌手都十分小心，蔡一傑、鄭伊健和古巨基只在台邊唱歌，避開險地。
創作《無心睡眠》、《愛在深秋》、《夢伴》等金曲的58歲填詞人林敏驄，一連兩場作品展前晚假紅館開鑼，惟前日下午5時許發生冧台意外，當時在台上綵排的草蜢和舞蹈員由升降台墮下，造成9人受傷。首場演出延至9時23分開始，出事的升降台被停用、舞蹈員減至兩人、沒有爆破和燈光效果。
■前日綵排時發生冧台意外，蔡一智和多位舞蹈員受傷。資料圖片
■傷了尾龍骨的蔡一智昨日睇跌打後報平安，表示：「我會加油！」
■林敏驄（右）昨日傍晚為尾場騷拜神，心情明顯好轉。
阿智：我會加油
整傷尾龍骨的蔡一智，昨日睇跌打後接受本報訪問報平安：「剛剛再看醫生，我的身體底子不錯，只要好好休息就很快痊癒，同時也祝福受傷嘅舞蹈員快快康復！多謝大家關心！我會加油！」林敏驄昨接受本報訪問，為意外發生後遲開騷致歉，解釋需有關部門確定安全才可開騷，他說：「其實我噚日係最後一個知出咗事，因為大家唔想我擔心，困咗我喺房，我都奇怪點解咁耐都唔拜神。」問到尾場騷會否用回升降台？他說：「雖然唔會用嚟升降，但都已經鞏固好，今晚都會有番dancers，我都唔好意思，除咗因為有人受傷，伊健同基仔排咗好好睇嘅舞，點知噚日跳唔到。」有份投資的黎瑞恩昨在社交網留言：「昨晚真係百感交集！」
■昨晚張衞健和六男四女舞蹈員出場，唱《戀愛交叉》。
■蔡一傑前晚站在出事附近位置唱歌，透露草蜢不能表演原定的環節。
■前晚古巨基演繹《無心睡眠》時，取消了舞蹈員伴舞。
尾場大嗌打不死
昨晚第二場約8時半開騷，捧場有張智霖及袁詠儀夫婦，現場所見前日出事的中央圓形油壓台繼續擺回原有位置，林敏驄如前晚頭場一樣，孭結他繞場一周演奏《EUROPA》。到《全力扣殺》的何超儀、劉浩龍等人演出時，林敏驄以冧台事件自嘲：「鄭伊健冇嚟，蒙嘉慧驚佢受傷，搵個籠困住佢呀。」之後他又說：「噚晚呢度發生咗少少非工業意外，不過我哋打不死，要有正能量。」何超儀唱《何飄移》，一起歌已連續忘記歌詞兩次，要求重唱。劉浩龍離開時提到林敏驄心情：「好少見到佢咁唔開心，有啲內疚，好少見到佢咁沉重。」受冧台意外影響，前晚甫開場，林敏驄即踏台板測試安全，之後他更叫伊健行上去，笑說：「好安全。」不過伊健就選擇圍着舞台中間行，其他嘉賓如布志綸和古巨基只在台邊唱歌。蔡一傑綵排時逃過一劫，他站在出事附近位置演繹《愛的根源》後說：「大家都知下午發生咗啲事。」林敏驄即關心問智仔有冇事？傑仔說：「佢好似整親尾龍骨，本來有一part係草蜢，但我哋今晚唔可以表演，唔好意思。」採訪：王連連、曹家誠、盧妹攝影：仇志德、葉君海
■林敏怡為弟弟擔任嘉賓，一度感觸落淚。
■張智霖和靚靚昨晚恩愛捧場。
來源:
http://hk.apple.nextmedia.com/entertainment/art/20170611/20051767