只打脫歐牌文翠珊政綱離地犯眾憎
1 :
GS(14)@2017-06-10 13:46:32【落敗原因】保守黨與工黨的議席數目此消彼長，分析認為跟兩黨競選策略優勝劣敗有關。文翠珊只顧強調自己的脫歐談判領導力，政綱卻離地萬丈；反觀郝爾彬就打了一場漂亮的貼地選戰。有保守黨資深黨員將議席流失歸咎於競選策略，軍師克羅斯比（Lynton Crosby）大打脫歐牌，強調只有文翠珊有能力領導談判。這策略起初奏效，但保守黨推出政綱後，外界對當中要退休長者為政府派人協助家務，承擔更多開支的「失智稅」窮追猛打，其後更傳出文翠珊獨來獨斷，身邊幕僚少之又少，部份政綱甚至從未有跟內閣大臣討論。文翠珊向來販賣理智而實幹的女強人形象，卻因在選戰中不斷重複某些口號而被嘲如機械人，獲得「Maybot」稱號。造勢活動納悶、無法聚眾的同時，文翠珊拒絕出席電視辯論，稱寧願落區面對選民也不與政客「吵架」，令人不禁懷疑她實棄甲曳兵而逃。有指文翠珊在宣佈提前大選一刻起民眾已不受落，因經歷去年脫歐公投和前年大選，英國人厭倦了投票，更認為屢次表明不會提前大選的文翠珊反口，決定純粹想佔當時民望大落後的工黨便宜。
35歲以下選民60%撐工黨
相反，工黨主打免大學學費、增加地方警力反恐的政綱迎合選民口味，郝爾彬更攻擊文翠珊出任內政大臣6年來大幅削減警察開支，成功將原本是保守黨囊中物的反恐議題搶奪過來。此外，由地方議員做起的郝爾彬擅長面對群眾，展現領袖魅力吸引不少鐵票，加上在政府宣佈提前大選後，登記成為選民的18至24歲人士大幅增加約100萬，年輕選民投票意欲旺盛，35歲以下選民中，60%支持工黨。路透社/法新社/英國《衞報》
來源:
http://hk.apple.nextmedia.com/international/art/20170610/20051241
強國版《深夜食堂》離地硬插廣告犯眾憎
1 :
GS(14)@2017-06-23 02:58:18咩叫「畫虎不成反類犬」，又一經典例子！改編自日本「治療系」（癒?系）漫畫嘅人氣劇集《深夜食堂》，早前被翻拍成「中國片」，近日在內地電視台播出，卻劣評如潮。有睇過該劇嘅內地網民形容：「原版饞到崩潰，國版尬到反胃」，仲叫其他未睇過嘅網友千祈咪睇。就連中共喉舌《人民日報》都開腔，狠批該劇「疏離造作」。點解咁大鑊，咪衰喺「狼夾笨」3個字度囉！內地網民話套劇「狼」，係因為劇中有大量植入式廣告，相信比大台嘅劇集還要命，而且係硬銷嗰隻：去日本居酒屋，居然係食即食杯麵加酸菜，點頂！啲觀眾唔睇到眼火爆都幾難，怪唔得有網友直頭用「喪心病狂」嚟形容製作單位為咗搵錢，亂插植入式廣告，搞爛套劇。至於話佢「笨」，係因為捉到鹿都唔識脫角，套劇生硬地照dup日版，唔能夠令內地觀眾產生共鳴。《深夜食堂》呢部作品，睇過嘅網友應該都知，其實同二三十年前嘅另一部同樣曾被拍成劇集的日本漫畫《人間交叉點》有啲相似。但《人間交叉點》嘅故事中產色彩較濃厚，調子亦比較灰暗，同時充滿抑壓感。相反，以美食「治療」現代人受傷心靈嘅《深夜食堂》，場景設於東京新宿一條充滿「昭和」（日本天皇年號，即公元1926年12月至1989年1月）風嘅小巷，人物設定大多是市井之徒，每個單元故事不一定是完美結局收場，卻揚溢「小確幸」的窩心感覺。單憑呢幾點設定，就知這部漫畫及隨後改編的電視劇及電影，為何會在日本以至其他東南亞地區廣受歡迎。只可惜，中國版《深夜食堂》，卻完全拍唔出呢種感覺，同埋幾乎由場景、人物設定、故事，以至劇中靈魂--美食，每個環節都出事。好似內地網友話齋，套劇嘅演員由日本人換咗中國人，就變得矯揉造作、欠缺真實感，甚至有嚴重疏離感。大佬呀，開通宵嘅平價日本居酒屋，喺內地有幾多間？內地人食宵夜嘅習慣，根本唔係咁，你叫觀眾點樣有代入感啫。拍攝中國版《深夜食堂》嘅台灣導演蔡岳勳，就俾網民鬧佢無將套劇「本土化」，佢接受內地傳媒訪問時就回應指，係日本原作者要求一定保留食堂老闆臉上刀疤同埋無背景等等劇情設定，咁即係套劇好多嘢都唔可以改動。咁樣，何苦要拍中國版？嗰啲根本係日本人嘅文化內涵、民族性嚟㗎，夾硬塞咗入中國度，邊度得㗎，咪盞水土不服！特別係感情嘅表達，日本人同中國人根本好唔同。日版每集約30分鐘，故事極其簡單輕快而平淡，卻能夠讓觀眾對該集主題有所心領神會。日本演員小林薰扮演食堂老闆沉默寡言，完全不似中國版扮演老闆的演員黃磊，在劇集中從一碗麵，仲要係即食麵都能夠感悟人生，大道理講到出口，畫公仔要畫到出腸，你估你係哲學家咩！咪中晒內地劇集鍾意說教嗰啲老土通病喎。有內地製作人咁話，中國版《深夜食堂》嘅失敗反映，內地影視圈嚴重缺乏原創性。目前，中國電視劇能夠經得起市場考驗的成功類型主要有武俠、宮廷、諜戰和婆媳，題材偏窄。以美食作為題劇集材原本應可殺出一條血路，畢竟中國「民以食為天」，飲食文化「博大精深」，當中應有不少好故事發掘出來拍成劇集，只可惜製作人捨本逐末，以為有強勁嘅演員卡屎，就可彌補一齊，結果也是慘淡收場。正如不少內地網民所講，內地真正嘅深夜食堂係燒烤攤同大排檔，能夠慰藉內地人心靈嘅美食，係小龍蝦、串燒、東風螺同埋麻辣火鍋等，當中有幾多恩怨情仇嘅真人真故事，根本毋須外求。這位內地製作人其實只道出事實嘅一半，中國影視圈缺乏原創性真正嘅原因，其實是同內地影視審查制度有關。在內地，製作公司要開拍電視或電影，均需向國家廣播電視電影總局備案以及接受審批，政治題材固然無法通過，一些觸及社會道德爭議嘅情節亦往往被篩掉。像《深夜食堂》原著漫畫中的故事人物，有老年出櫃的GAY吧老闆、易服男、變性人、妓女、脫衣舞女郎、AV男優、賊，甚至黑社會爛仔，大部份均在日劇中出現。但到了中國版，卻被淨化，只留番低幾個角色。內地社會真的沒有這些有肉有血嘅「平凡人」嗎？絕對不是啦，可惜通通無法在劇集中出現，咁點會仲有原創動力呢？有傳內地電視台今年底將翻拍另一部經典浪漫日劇《交響情人夢》，就連內地網民都話呢個係噩耗，還勸有關方面收手啦，咪將千秋王子同野田妹搞到不三不四，免得屆時又俾網民狂插。花生評論員
來源:
http://hk.apple.nextmedia.com/international/art/20170622/20064881
最高法院圖奪國會權力犯眾憎
1 :
GS(14)@2017-07-01 09:53:29委內瑞拉示威者自4月以來一再上街（圖），要求提前原定來年下旬的大選，以撤換總統馬杜羅改善經濟，至今已有至少75人死於衝突，最高法院更是示威者眼中釘。
設憲制議會凌駕國會
馬杜羅對民眾訴求一直充耳不聞，反在親政府的最高法院支持下，做出連串備受爭議決定。3月20日，最高法院宣佈接管由反對派控制的國會的所有權力，國內外譁然。最高法院聲稱是因國會一再無視其判決，但反對派批評實是讓馬杜羅逐步走向獨裁統治。在壓力下，最高法院三日後推翻有關決定，但已失去民眾信任。馬杜羅當然不會就此罷休，提議設立地位超然的憲制議會（Constituent Assembly），負責修改憲法兼凌駕現有反對派操控的國會，堅稱這樣才能平息民憤。當局早前定於下月30日就設立憲制議會舉行公投，反對派直斥議會只是馬杜羅擁權伎倆，呼籲選民抵制。美國政府上月向委內瑞拉最高法院8名成員，包括總統馬杜羅實施新一輪經濟制裁，指他們利用權力「篡奪民選立法機關」的權威。路透社
來源:
http://hk.apple.nextmedia.com/international/art/20170629/20072495
Next Page