拍拖11年 戰勝遠距離王君馨排期結婚 男友為愛情遷港
1 :
GS(14)@2016-11-23 07:53:18■王君馨今年8月谷爆事業線行婚紗騷，為自己的婚禮預演。資料圖片
現年30歲的王君馨（Grace）在07年奪港姐亞軍後成為藝人，多年來與緋聞絕緣，全因已有拍拖11年的男友Daniel。早前本報獨家影到長居美國的Daniel來港，陪女友出席友人飯局，王君馨亦自爆男友已求婚，證明好事近。話口未完，本報昨日率先發現王君馨與Daniel已於上周三（16日）入紙排期註冊結婚，從此「處女黨」再少一員。
王君馨參選07年港姐後加入娛樂圈，一直星運平平，直至早前在無綫劇集《城寨英雄》飾演「花曼」一角才上位。事業有起色，愛情運亦升溫，她早前被本報影到與拍拖11年、長居美國的男友Daniel在港出現，相約友人飯局。難得與男友見面，王君馨當晚表現小鳥依人，蹺着男友慢慢行。
■王君馨昨晚在微博宣佈訂婚，又上載與準夫婿手拖手甜蜜照晒鑽戒。
■王君馨與男友Daniel，上周三入紙註冊排期結婚。
■王君馨邀請了孫耀威、陳美詩、岑麗香等出席訂婚派對。
晒閃爆鑽戒
本報昨日率先發現王君馨與比她細十日的Daniel，已於上周三入紙註冊結婚，她受訪時表示：「今朝收到好多朋友嘅祝福，好多謝大家嘅祝福！」至昨日傍晚，她在微博大晒閃爆鑽戒，還拖實準老公，她寫道：「經歷了11年的風風雨雨，Daniel和我終於踏上人生的下一個階段啦。我們訂婚了！感激每一位在我們生命裏鼓勵過我們的朋友和家人！非常感謝大家的祝福！始終未婚夫是圈外人，希望各位傳媒朋友都可以畀多少少空間我們！感謝大家！」她又上載一張訂婚派對的大合照，出席圈中人包括孫耀威與女友陳美詩、岑麗香、鄧萃雯及鄧紫棋等。
■隨着王君馨即將出嫁，處女黨目前只餘岑麗香及苟芸慧未嫁。資料圖片
處女黨祝福
王君馨的「處女黨」好姊妹鍾嘉欣得悉老友將嫁人，即送上祝福：「Super happy for my sister！」苟芸慧亦說：「Grace一早已經通知姊妹們，我哋都好開心，亦送上祝福，恭喜佢哋！有甚麼需要幫忙，做姊妹嘅會全力配合。」衛蘭亦替好友王君馨高興，她說：「恭喜晒Grace搵到一個好好嘅男人，踏入人生另一個階段。」事實上，今年8月王君馨行婚紗騷時，已承認獲男友求婚，表示雙方已準備好，只等男友由紐約飛來香港，還透露婚後不希望再分隔兩地，故Daniel會來港找工作，一起在港組織新家庭。早年王君馨接受傳媒訪問時，自爆仍是處女，令她一夜成名，而處女宣言一出，其身邊幾位老友包括鍾嘉欣、李亞男、苟芸慧及岑麗香亦相繼宣示處子之身，於是她們有「處女黨」之稱。不過，隨着李亞男和鍾嘉欣先後結婚，岑麗香及王君馨又拍拖，「處女黨」已近乎名存實亡，現剩下早前與富三代陸漢洋傳拍拖的苟芸慧，未公開感情狀況。採訪：唐琛悠、皓騫、小米攝影：黃曉妍
來源:
http://hk.apple.nextmedia.com/entertainment/art/20161123/19842337
王君馨入紙「退黨」處女黨嫁剩香香苟姑娘
1 :
GS(14)@2016-11-23 07:53:20因為王君馨(Grace)喺一次訪問，自爆仲係處女，令佢一夜成名，冇耐呢個處女宣言一出，其他圈中教友包括鍾嘉欣、李亞男、苟芸慧同岑麗香，亦相繼宣示處子身，於是有「處女黨」稱號。不過隨住李亞男、鍾嘉欣先後結婚，岑麗香同Grace拍拖，所以「處女黨」已經幾近名存實亡，0依家得苟芸慧嘅感情未有著落！王君馨(Grace)
Grace係最早出現嘅處女黨成員，雖然Daniel係佢初戀男友，兼且喺又試過俾人影到佢哋去台灣旅行，暗示佢哋已預支蜜月，但當時Grace堅稱大家係分房瞓未破戒，就算分隔兩地，不過Daniel經常來港陪女友，除咗等女友收工食宵夜，仲會去女友屋企洗碗執屋。鍾嘉欣(Linda)同伍允龍拍拖多年嘅嘉欣BB，分手冇耐，舊年年底秘嫁加拿大脊醫Jeremy，今年8月生咗B女Kelly，係「處女黨」最快做咗人媽咪嘅黨員。李亞男(Leanne)同王祖藍喺舊年2月結婚，正式成為祖藍嫂，係最快嫁得出嘅「處女黨」黨員。李亞男嫁雞隨雞長期陪老公北上，拓展大西北事業。舊年祖藍豪擲1.1億購入大埔逸瓏灣特色戶，作為新婚愛巢，李亞男亦正式加入億萬濶太行列。岑麗香(Eliza)性格鬼妹仔嘅香香，舊年10月俾《蘋果》踢爆同圈外男友Joshua拍拖。事後香香大方承認對方係男友，仲話男友有共同信仰，會守教規。苟芸慧(Christine)曾為「宅男女神」嘅苟芸慧，佢係處女黨唯一一個喺感情上冇著落嘅人，近排傳佢撻着好友朱璇男友湯珈鋮，又秘交經濟發展及勞工局前局長葉澍堃細仔葉瀚華、啱啱又同富三代陸漢洋傳緋聞，但苟姑娘通通否認，似乎真命天子仍未出現。
來源:
http://hk.apple.nextmedia.com/entertainment/art/20161123/19842537
王君馨讚強強好男仔
1 :
GS(14)@2016-12-03 04:42:42■處女黨成員陸續出嫁，獨剩苟芸慧未有着落。資料圖片
宅男女神岑麗香昨午突然在Ig公佈嫁強強（Joshua），同是待嫁的處女黨姊妹王君馨昨日說：「好戥佢哋開心。Joshua係一個好好嘅男仔，好細心、好幽默，成日令香香好開心。佢一定會好好照顧我姊妹，祝福佢哋以後日日都幸福快樂，開開心心咁一齊生活！」另一姊妹鍾嘉欣昨日亦透過短訊說：「佢哋係甜蜜一對，又多咗一個姊妹又話結婚喇，真係一個好好嘅消息，太開心喇！」香香和強強拍拖一年半即結婚，可會是雙喜臨門？嘉欣回覆：「據我所知還未。」
祖藍唔去觀禮
李亞男老公王祖藍昨日回應說：「亞男會去參加婚禮，我自己會留喺香港，因為要做嘢唔可以過去，好開心佢終於鼓起勇氣去宣佈呢個咁開心嘅訊息。」阿Bob林盛斌也說：「我哋拍劇嗰陣冇聽佢講過，但覺得佢春風滿面，真係恭喜佢。」採訪：嵐山、唐琛悠
來源:
http://hk.apple.nextmedia.com/entertainment/art/20161203/19853309
王君馨7.11香港行禮
1 :
GS(14)@2017-05-07 15:29:03■王君馨與老公將於7月舉行婚禮。資料圖片
剛脫離「處女黨」的王君馨，月前跟愛情長跑11年的男友Daniel註冊結婚，有報道指兩人將於7月11日假中環「美國會」舉行婚禮，這天是他們相識的紀念日。王君馨揀好價值十多萬的金色裙及金器隆重出嫁，本來想着旗袍斟茶的她，被好姊妹勸服着回傳統裙褂，不過，鬼妹仔的王君馨就抗拒戴金豬，覺得好奇怪。由於婚禮太多東西要籌備，搞到王君馨好煩，幸好幾位「處女黨」姊妹幫手，連蜜月地點都齊齊研究，又教她怎樣慳錢，而教友衛蘭就會在婚宴上唱詩歌送祝福。王君馨坦言籌備婚禮跟男友有意見分歧，但對方為自己來港定居，令她好滿足。目前兩人仍是分開住，一個星期見一次。撰文：皓騫
來源:
http://hk.apple.nextmedia.com/entertainment/art/20170507/20013133
鍾嘉欣擔遮變大妗姐王君馨榮升章太「我好幸福」
1 :
GS(14)@2017-06-16 01:47:46【依足傳統】■王君馨於香港時間前日與Daniel在紐約舉行婚禮，除穿上裙褂出嫁外，更有鍾嘉欣（左）擔遮兼任大妗姐。
現年31歲的「處女黨」成員王君馨（Grace），去年11月與圈外男友Daniel申請註冊結婚，至香港時間前日，二人終在紐約舉行婚禮，正式升呢做章太。身為王君馨好姊妹的鍾嘉欣、李亞男、衛蘭和裕美等均有親到紐約分享好友喜悅。
【透視晒腿】■換上婚紗禮服的王君馨與老公在婚宴上切蛋糕。互聯網圖片
■王君馨與Daniel在教堂宣誓，正式成為夫婦。互聯網圖片
【星級姊妹】■獲一班圈中好姊妹陪伴出嫁的王君馨，笑到見牙不見眼。
姊妹團Rap歌
新娘子Grace於昨日凌晨時分，向傳媒分享出嫁心情及婚禮場面的靚相，她除穿上傳統裙褂出嫁外，更由好姊妹鍾嘉欣做大妗姐擔遮陪出嫁，甚至向父母斟茶，一切跟足傳統。另外，王君馨又穿婚紗跟老公錫錫，認真甜蜜。忙到一頭煙的Grace昨日興奮地說：「我喺噚日6月11日喺紐約同Daniel結咗婚啦，好嘢，哈哈哈。噚日係非常開心啦，一朝早起身，啲姊妹幫我着褂啦，我哋又有斟茶畀我哋嘅父母，總之成件事都非常之開心嘅，嘉欣變咗我嘅大妗姐，因為我哋冇一個大妗姐。」
Grace透露她與老公現身婚禮場地時，衛蘭帶領裕美和李亞男等唱詩歌和rap歌，眾人並準備了十分甜蜜的歌詞送給她和老公，她說：「我哋都好感動，我係章太啦，我好幸福呀！」開心爆燈的Grace其後更於微博和Ig分享婚照，正式宣佈「Hi！I'm章太。」Grace在紐約舉行婚禮後，將於下月11日在香港的美國會補擺喜酒大宴親朋。
香香送祝福
原來Grace所揀的婚紗為本地設計師Marco M Chan設計，食正今年的短袖嫁衣熱潮，而她之前已穿過他多套婚紗影pre-wedding相，可見她對Marco情有獨鍾。此外，岑麗香雖然未有出席好友Grace在美國的婚禮，但透露將會出席好友在香港的喜酒，屆時她還會擔任姊妹，香香於Ig留言向一對新人送上祝福說：「你們結婚啦！」撰文：魯吉
來源:
http://hk.apple.nextmedia.com/entertainment/art/20170614/20054799
王君馨行禮風騷送吻
1 :
GS(14)@2017-06-16 01:58:5031歲的王君馨（Grace）日前與拍拖11年的男友Daniel於美國舉行婚禮，加入人妻行列。處女黨好姊妹李亞男及鍾嘉欣為她擔任姊妹，而同屬教友的衛蘭、裕美及鄭欣宜亦有份出席婚禮，欣宜昨日於Ig上載Grace的婚禮片段。片段中，身形弗爆的Grace穿上特別剪裁喱士透視婚紗，大晒美腿，她接過姊妹遞上的花球，輕挽老公Daniel手臂行禮。眾觀禮嘉賓齊齊起立兼用手機拍攝，心情興奮的Grace邊行邊跳舞，不時與賓客握手，又風騷向來賓飛吻道謝，Daniel全程傍實太太，輕扶老婆纖腰，場面熱鬧溫馨。撰文：盧妹
來源:
http://hk.apple.nextmedia.com/entertainment/art/20170615/20056019
香香預做王君馨阿四
1 :
GS(14)@2017-06-18 22:07:11岑麗香、陳凱琳及莊思敏昨晚在銅鑼灣出席一內衣品牌的開幕酒會。香香表示早前原定出席好姊妹王君馨在紐約的婚禮，卻因有工作而臨時缺席：「原本做晒衫準備過去，忽然有工作所以去唔到。下個月佢喺香港嘅婚禮一定會做姊妹，預咗做阿四。」對於有傳她大肚，香香否認說：「有人問過我，係因為工作去唔到。」一班處女黨先後成婚，問會否鬥快生小朋友？香香說：「順其自然啦，可以計劃吓拋花球畀未結婚嘅苟芸慧。」
■莊思敏封5位數利是，給爸爸作父親節禮物。
另外，莊思敏透露今日會飛返馬來西亞跟爸爸慶祝父親節，但因為廚藝不佳，所以封5位數利是給爹哋就算。採訪：羅慧敏攝影：仇志德
來源:
http://hk.apple.nextmedia.com/entertainment/art/20170617/20058687
Next Page