四叔擺百日宴 捧孻孫做千里駒徐子淇透視晒巨鑽 宣佈封肚
1 :
GS(14)@2016-01-18 00:57:52【勁閃巨鑽】■作為主人家的子淇昨晚接受訪問時，不經意大晒手中巨鑽。
恒基千億新抱徐子淇昨晚為孻仔李建熹（Preston）在中環摩天輪旁搭巨型帳篷，斥資千萬搞超豪百日宴，建熹貴人出門招風雨，生日會要在雨中舉行。子淇笑言兩個「好」字夠晒數，宣佈封肚，四叔更大讚孫仔相貌端正，精乖伶俐，希望他能成為李家千里駒。千億新抱徐子淇與恒基二少李家誠所生的孻仔李建熹（Preston）上年10月初出世，萬千寵愛在一身，李家更斥資千萬，為他一連兩晚在中環摩天輪旁，搭建巨型帳篷搞超豪百日宴，盡顯他孻仔孻心肝的超然地位。昨晚為首晚的百日宴，建熹出門招風雨，生日會要在雨中舉行。昨晚約7點15分，作為主人家的子淇與夫婿李家誠坐Bentley房車到場，相信二人的子女，包括「主角」的建熹BB已秘密入場。子淇夫婦會合「四叔」李兆基，齊齊行到傳媒接待區影相，當時天公造美，忽然停雨，打着紅呔襯西裝的四叔全程笑笑口，之後就揮手先返回會場。
兼賀結婚10周年
子淇身穿本地時裝設計師Vivian Luk設計的白藍色透視刺繡晚裝襯鑽飾，相當性感，她與老公留下做訪問，問到她準備甚麼給BB？她表示：「BB唔係好識，因為好多朋友冇見過BB，所以就搞一個party畀親朋戚友一齊高興吓。」再問到籌備時間，子淇表示：「唔係好耐，好多嘢都係自己搞。」記者提到連埋建熹已湊成兩個「好」字，是否會封肚？她笑言：「好開心好開心好開心，唔追啦。」
【超豪派對】■中環摩天輪首次以私人用途租出給徐子淇夫婦搞百日宴，盡收維港及中環摩天大廈夜景。攝影：陳海威
■「四叔」李兆基與子淇夫婦冒着風雨接受訪問。
■百日宴動用了過萬朵紫藤、牡丹花及樹等，營造園林美景。攝影：陳海威
席間，四叔在台上致辭，大讚孫仔：「孫仔相貌端正，精乖伶俐，令我十分安慰，希望佢長大後做到才貌雙全，將家族發揚光大，成為吾家嘅千里駒，家誠同子淇結婚踏入第10個年頭，已經育有兩仔兩女，湊夠兩個好字，為屋企增添好多歡樂同生氣，而我百忙之中都會抽空去海洋公園同佢哋睇海豚、去迪士尼遊戲玩樂，閒時會遊山玩水，其樂無窮。」
【三代同堂】■四叔捉着建熹小手，與子淇夫婦影合照。
■肥嘟嘟的建熹BB相造型百變，以電腦加工在生菜上，十分可愛。
【裸照曝光】■光豬仔的小建熹在馬蹄蘭上酣睡。
今次百日宴以花園為主題，皆因子淇夫婦於06年在澳洲完婚時，也以此為主題，而今次百日宴亦同時慶祝二人結婚10周年。李家設計了綠色調子的禮物盒作回禮，內有掛了建熹的BB相的摩天輪相架，及印有Preston字的餅乾。另外，大會發放兩張子淇與李家誠輪流抱着建熹BB與四叔的合照，三代同堂十分溫馨。還有建熹BB的單頭裸照，造型趣致。採訪：張俊銘、盧妹攝影：陳俊強、仇志德
來源:
http://hk.apple.nextmedia.com/entertainment/art/20160116/19454036
徐子淇又晒仔建熹坐荷李活星級BB凳
1 :
GS(14)@2016-03-02 15:16:54千億新抱徐子淇先後為李家生咗兩個「好」字，今年1月仲豪使千萬於中環摩天輪旁搭巨型帳篷，為孻仔建熹搞百日宴，似乎特別錫佢咁。其實除咗豪搞百日宴，子淇仲不時會喺IG晒建熹靚相。日前，佢就po咗建熹近照，相中建熹所坐嘅凳仲係出自荷蘭嘅nuna BB名牌，呢個品牌旗下嘅「Nuna Leaf」BB凳出名舒服，據稱BB坐上時就可好快覺覺豬。而呢個品牌嘅BB車亦深受荷李活星媽追棒，好似Gwen Stefani、名模Miranda Kerr和Jamie King都係用家。
來源:
http://hk.apple.nextmedia.com/entertainment/art/20160302/19512018
徐子淇孖黎姿玩假槍
1 :
GS(14)@2016-03-18 23:56:26■徐子淇（左）用假槍指向黎姿擺甫士。互聯網圖片
千億新抱徐子淇與夫婿李家誠前晚出席邱德根孫女邱詠賢（Wendy）的生日會，同場還有Wendy細佬邱華瑋、周國豐及黎姿等。
■子淇去開P都要攬住老公晒恩愛。互聯網圖片
子淇昨貼了三幅相上Instagram，當中她恩愛攬實老公，另一張則是子淇與黎姿合照，兩位幸福人妻齊以黑衣紅唇打扮，子淇拿玩具手槍指着黎姿，相當搞笑。其實44歲的黎姿甚少去party，就算她大子淇足有11年，依然搶眼，真係凍齡有方，不少網友都留言讚她靚。撰文：唐如
來源:
http://hk.apple.nextmedia.com/entertainment/art/20160318/19534151
徐子淇露腰籲保育
1 :
GS(14)@2016-03-31 14:48:59■徐子淇只穿bra top暴露在寒風中，呼籲關注全球暖化。互聯網圖片
恒基千億新抱徐子淇近日與家人去了美國過復活節假期，連日都有貼相上Ig與網民分享，前日她在滑雪場拍片分享飄雪景色。子淇昨日早上再出動行公園，她一身黑褸、黑leggings及波鞋，襯配LV Twist手袋，擺出如模特兒般的甫士。之後，她更除下長褸，原來內有乾坤，入面只穿了一件白色黑邊運動bra top，大晒豐滿上圍及纖腰，生了四名子女的她依然好有睇頭。不過，子淇並非賣性感，原來她感嘆全球氣候暖化，表示早上出發白雪朦朦，到中午已溶了一半雪，更引述聯合國秘書長潘基文早前言論：「我們是最後一代對抗天氣轉變，我們是有義務去執行。」撰文：唐如
來源:
http://hk.apple.nextmedia.com/entertainment/art/20160331/19550932
Hea做一年溝鬼模徐子珊西班牙瘟仔
1 :
GS(14)@2016-04-15 04:33:232016-04-14 NM
去年跳船離開大台的徐子珊，一直搵唔到心水價碼頭，於是疊埋心水拍拖，強攻相識多時的六呎高靚仔鬼模Moni Demirov。徐子珊買埋機票返西班牙，陪Moni探望家人，兩人的感情一日千里，男方不時在社交網站上載和徐子珊的親密合照，又專登抽空來港陪女友過農曆年；本月初，徐子珊出席公開活動時，更不避嫌帶埋男友出席。另方面，徐子珊亦得舊主殼王陳國強再關照，正式簽約邵氏，hea咗一年，徐子珊有着落。陪返鄉下
強項是跳舞的徐子珊，早年在朋友的介紹下，認識自小已參加ballroom同拉丁舞比賽的Moni Demirov。在保加利亞長大的Moni，講得一口流利英語，加上高大（六呎高）靚仔，同徐子珊又有共同話題（舞蹈），兩人一拍即合。但其時徐子珊仍然是無綫人，劇接劇，連休息時間都不夠，所以兩人的來往亦好有限。直到一四年底，徐子珊決定離巢外闖，拍罷《以和為貴》後，聞到味的無綫決定將徐子珊送入雪櫃，直至合約結束。大得閒，徐子珊同定居美國、正在當地開拓演藝事業的Moni重新密切聯絡。據了解，當知道Moni有意返西班牙探望在當地定居的家人時，徐子珊試探式表示自己也未去過西班牙，成功引導Moni主動邀請，一齊返鄉下。「以前要密密開工拍劇，阿Kate（徐子珊）都有本事抽到時間溝仔，更何況嗰段時間冇嘢做！個鬼仔又鬼咁單純，當正阿Kate係女神，梗係開行turbo去馬啦！」知情者說。
胸貼胸交叉攬
以往拍拖，男友不是專業人士便是老細，徐子珊習慣高手過招，對住單純的Moni，三兩下手腳，已經將對方連人帶心全面俘虜。從男方上載兩人結伴遊西班牙的照片，心口貼心口攬到實，徐子珊又一副冧爆樣，兩人完全通晒電。西班牙之旅後，徐子珊返香港上堂讀寶石鑑證和珠寶設計，Moni就要飛返美國casting，兩人只有隔空談情。女友要返學走唔開，加上徐子珊開到口，希望可以一起過農曆新年，Moni於是急飛香港交人。
介紹識幕後人
過年後，Moni仍在香港逗留了一段時間，徐子珊趁機帶男友介紹圈中幕後人認識，看看是否有機會留港發展。月前，兩人在灣仔星街附近的秀華坊一間cafe，與幕後人見面，只見徐子珊不停同對方密密斟，至於坐貼女友的Moni，不時一雙心形眼望到實。警覺性高的徐子珊，好快便發現有記者，於是着幕後人同Moni先行離開，記者走上前，追問徐子珊新歡。壹：壹週刊M：Moni壹：You are Kate's boy friend?M（扮聽唔明，擰轉面向工作人員求救，對方代答）：我哋傾嘢。壹：Are you model?M：Yes, as well.壹：What's your name?M：Moni, thank you.壹：What's your relationship between Kate & you?M：Sorry can't talk anymore!
高調帶出「分」
Moni由幕後人帶走後，留在咖啡室的徐子珊全程不停講電話，似是安排如何和Moni會合。十五分鐘後，徐子珊埋單離開，記者追問Moni的身份，她面燶燶搶答：「佢哋幫我做緊珠寶呀！」然後上車踩行油閃人。本月初，徐子珊與鄭伊健出席品牌活動時，不避嫌帶埋Moni出席，被追問男伴身份時，她連名都不肯透露，只笑笑口說：「如果真係男朋友，就唔帶佢出嚟啦！」
翻兜殼王打救
感情有着落！但工作方面，則不如她意。眼見其他花旦小生離大台錢途無限，徐子珊心雄自己是下一個，點知國內冇人吼，香港的娛樂公司亦只得英皇有傾過，但對方出手低，完全不是徐子珊心中數目。「佢以為自己係大台一線阿姐，不愁出路，其實唔係咁易，如果唔係，阿佘（佘詩曼）都唔使簽番TVB啦！」知情者說。除了無綫時期接落的活動和銷情慘淡的《我的女神演唱會》外，過去一年，近乎零！拍拖唔可以當飯食的徐子珊，惟有向舊主殼王㩒救命鐘，最終於今年初簽約成為邵氏旗下藝人。另一方面，徐子珊為免外界知道自己冇人吼爆，於是轉移視線：「TVB好好，仲肯幫我接job，但暫時冇傾拍劇。」曲線話俾大家知，搵無綫一樣可以搵到她傾job，醒目。
大小通吃
入行十一年的徐子珊，身邊男伴種類繁多，老細級、天王、醫生、道具佬好雜，故被封為TVB「姣神」。
冇回頭
愛情無分國籍地域，圈中女星口味趨國際化，一旦愛上鬼佬，就好難返轉頭。
回巢救兵
小生花旦陸續離開，無綫惟有扮矮仔，周圍搵救兵，向離巢的藝人求救。
撰文、攝影、攝錄：娛樂組
變身教室(1)：如何襯出徐子淇大熱跌膊look？
1 :
GS(14)@2016-05-24 10:27:16只要有自信，人人都可以做明星！《add即時．尚》一連5日會教大家點用平民價，變身星級造型，打頭陣是千億新抱徐子淇，做名媛淑女不是夢，由衣著入手就可塑造大家閨秀形象，徐子淇近日愛上春夏大熱off-shoulder、露肩裝騷靚膊，現在教你如何打造大熱千億跌膊look。2016年春夏trend，露肩才是王道，而子淇一向鍾情露肩裝，輕露性感鎖骨，女人味up!Chloe的拼色露肩裝以輕薄雪紡束繩款式，加上闊袖設計，增加飄逸的層次感覺，襯埋牛仔短褲和gladiator涼鞋，露肩又騷腿，是千億新抱最愛波希米亞的度假style，跟足子淇的名牌跌膊look，埋單就要五萬幾元，價錢好離地。至於親民版本就可以揀J.Crew綿質條子ruffles露肩裝，同樣可營造女人味的跌膊look，襯短牛仔褲去沙灘、OL上班襯高腰西褲或半截散裙，相當百搭易襯，襯露肩裝建議不要戴太多首飾，以免畫蛇添足，襯埋gladiator涼鞋，網店Zalora二百多元有交易，千多元就可以打造千億跌膊look。更多時尚新聞，即上：
http://add.appledaily.com
來源:
http://hk.apple.nextmedia.com/entertainment/art/20160524/19624764
【星時尚】徐子淇少女超現實
1 :
GS(14)@2016-05-24 10:27:56千億新抱徐子淇出席ball場總是一身貴氣晚裝，私下的casual look卻是充滿少女味。子淇前日在Instagram上載新相，並留言：「Happy Sunday」，相中的她穿上一件白色off shoulder襯衣加一件意大利品牌Vivetta的藍白間紋連身闊褲，粉調襯色青春又甜美，她還將長髮撥在一邊紮成鬆鬆的辮子，打扮幾有清新田園風，跟取景的花叢佈置襯到絕。
Vivetta的設計走超現實玩味又girly的風格，最出名的是其手形衣領恤衫，春夏大玩貓咪與天鵝圖案，Harvey Nichols、I.T與Cocktail等時裝店也有引入。
Vivetta粉藍條子裙$7,300Harvey Nichols）
■春夏系列大玩天鵝圖案。
撰文：StyleGuru
來源:
http://hk.apple.nextmedia.com/entertainment/art/20160524/19625254
Next Page