傳陳凱琳有新歡鄭嘉穎：同女朋友感情好好
1 :
GS(14)@2016-12-09 00:03:44■鄭嘉穎和陳凱琳前日突傳分手，兩人即時澄清。資料圖片
與蔡思貝同屆參選港姐的陳凱琳（Grace）前晚又忽然傳出與鄭嘉穎分手消息，有指Grace最近經常飛新加坡密會新歡造型師Martin，Martin不時在Ig貼出與陳凱琳的合照，又會互相叫對方做baby。
■陳凱琳的新加坡造型師Martin經常在Ig貼兩人合照。
嘉穎否認甩拖
但嘉穎和Grace很快便作出澄清，嘉穎前晚透過短訊回覆：「我同女朋友感情好好。」陳凱琳以英文回覆，意譯：「當然不是，他是我的新加坡造型師，不要搞錯。」
來源:
http://hk.apple.nextmedia.com/entertainment/art/20161208/19858244
【動搞作街頭調查】如果有得揀你想女朋友做咩職業
1 :
GS(14)@2017-08-04 06:11:38黃先生指最希望女友的工作不用接觸到異性，因為這樣可以減低自己戴帽的機會。
講親女朋友職業，世人都會覺得，男士們一定係想搵個空姐、護士做女友，但其實男士們又係咪真係咁諗先？不如一齊出去問下啦！
TOM：「理想職業啊？教師啦！因為感覺偏向斯文少少。」
Kelvin：「女朋友職業，獸醫、護士啦，嗰啲職業感覺上溫柔啲！」阿風：「護士，因為俾人白衣天使嘅感覺。」
Lam：「社工啦，因為幫到人嘛！」
Billy：「我想個女朋友嘅職業係我嘅家庭主婦囉！」
Marco：「個職業咪就係我老婆囉！」
Billy：「其實我唔係幾鍾意女朋友做嘢，因為梗係想霸住個女朋友啦，如果女朋友出去做野，就梗會接觸到好多唔同嘅人，所以最好係可以令佢唔駛做嘢。」
Nelson：「護士囉，好似溫柔啲咁。」黎先生：「可能做下藝術，作下曲呀、玩音樂呀、畫下畫呀咁樣，搵啲同自己興趣相近嘅人。」粱先生：「空姐丫，空姐好吸引，因為見親啲空姐都好靚。」黃先生：「女朋友做咩職業？其實做唔緊要，但個職業要少接觸男性嘅，因為咁唔會出軌，最緊要唔好俾自己有帽戴！」郭先生：「同藝術有關，因為自己本身都係玩藝術，所以想第時女朋友性格相近啲。自己都會怕藝術家搵唔到錢，但係有時你鍾意一樣嘢，錢唔係最緊要。」
Billy（左）跟 Marco均表示最希望女朋友做的工作，就是自己的老婆。
同叫Billy的他，亦霸氣表示希望能讓女友不用工作，這便可獨佔對方。
梁先生指最希望有個空姐女友。
最多男士表示希望有個護士女友，因為貪佢夠溫柔。
來源:
http://hk.apple.nextmedia.com/entertainment/art/20170803/20110557