入迪士尼搗亂？石天欣呼籲：唔要嘅玩具放番原位
1 :
GS(14)@2016-07-09 06:36:04「石破天欣」石天欣前年離開大台，之後就去咗迪士尼做part time，噚日佢喺instagram到話自己都要離開呢個咁開心嘅樂園喇。一向敢言嘅天欣，之前佢就為咗何韻詩嘅Lancôme事件，同經理人炒大鑊，今次佢離開迪士尼，佢都好有心咁留番啲溫馨提示俾大家。石天欣噚晚ig到留言話：「唔覺唔覺，今次喺迪士尼都(可以叫)做咗差唔多十個月，我真係好鍾意好鍾意喺度返工，因為我啲同事都係好可愛同有禮，所以做迪士尼應該都係筍盤，同埋我好想講呢，其實0依家樂園人手唔係好足，所以大家可以嘅話都麻煩有手尾啲，拎完、睇完或者唔要嘅話，麻煩拎翻原位呀！我個人意見嚟嘅啫，我成日深信如果所有人都有呢個心，大家工作都可以輕鬆啲(係所有行業)」有網民見到天欣原來要離開樂園，都有啲唔捨得，有啲傷感咁話：「咁就見唔到你喇！」亦有人讚天欣嘅溫馨提示即讚：「天欣愛世人！」真係好有愛！其實除咗樂園，相信好多人行街時，去到一啲大型商店，都會見到啲貨俾人摷到亂晒，其實好似石破天欣話齋，只要大家睇完放返原位，多一啲同理心，大家工作都會輕鬆啲！
來源:
http://hk.apple.nextmedia.com/entertainment/art/20160707/19684447
【每日健康】避開高卡高脂點心 寧要蝦腸唔要蝦餃
1 :
GS(14)@2016-09-17 17:53:39飲茶，幾乎係放假指定親子活動。茶樓飲食，一盅兩件，以為細細份不會特別肥，原來暗藏殺機。大家首先睇睇點心四大天王──蝦餃、燒賣、牛肉、排骨──的卡路里含量同脂肪含量。
點心熱量及脂肪含量（每100克計）排骨：熱量220kCal脂肪15g燒賣：熱量200kCal脂肪13g蝦餃：熱量160kCal脂肪6.7g牛肉：熱量180kCal脂肪14g排骨肥，因為本身有脂肪，但表面看來一油不拔的牛肉、燒賣、蝦餃呢？原來為了令口感鬆軟多汁，通常廚師都加了肥肉在內，一不留神就會中招。呀，你說轉食飯，應該不會肥了吧？那你就太天真了，排骨，再加上淋面的汁，就出事了：鳳爪排骨飯：熱量180kCal脂肪5.4g（每100克計）難道將來去茶樓，真的只是飲茶？又不用如此絕望，還有些比較輕盈的選擇：蝦腸：熱量100kCal脂肪2.2g（每100克計）蒸魷魚：熱量110kCal脂肪4.6g（每100克計）淨蝦無肥肉，相對健康，魷魚亦不算肥膩，又飽肚。所以作為孝順仔，茶當然要飲，但叫點心時，為自己為家人，都要小心。或者大家分甘同味，一人食少少，就最放心。資料來源：營養師吳耀芬、食物安全中心記者：李 聰攝影：周芝瑩
想輕輕鬆鬆健康?，記住留意健康蘋台
http://health.appledaily.com.hk/
來源:
http://hk.apple.nextmedia.com/su ... t/20160917/19772972
【《蘋果》專訪】半百經歷九段情周海媚唔要男人：我又冇錢
1 :
GS(14)@2016-12-30 02:58:09■周海媚的另一半要心地善良和喜歡動物。攝影：葉君海
凍齡女神周海媚（海味）今個月剛度過50歲生日，海味13年前回歸祖國發展，並認識比她年輕7歲的建築師男友，不過二人拍拖12年，今年8月海味宣佈回復單身。日前海味趁聖誕假期，自掏腰包請公司同事來港旅遊，並接受《蘋果》訪問。她自言不心急拍拖，皆因她有狗萬事足。
■今年8月，海味宣佈與拍拖12年的建築師男友分手。資料圖片
■海味去年在內地開工作室，簽了新人張宥南（右）。攝影：陳順禎
■海味表示如果香港有好劇本，不抗拒返港拍劇。
同期都未嫁
半生人經歷九段愛情，海味每段戀情都百分百投入，可惜最終分手收場，至今孑然一身，並承認如今沒有追求者，她說：「我?家冇人追，做乜要追我啫？我又冇錢，又冇跌錢！」問海味對未來的另一半有何要求？她說要好人、心地善良、鍾意動物便可以。她又自爆家中養了六隻金毛尋回犬，她已經升呢做婆婆。她謂：「搵男友順其自然啦，有就有，冇就冇，我都享受自己一個人㗎，佢哋（寵物狗）愛我愛到不得了，最細嗰隻，一秒都唔可以離開我。」有指她與同期的鄧萃雯、邵美琪都未結婚，海味即說：「咦，係喎！我又真係冇諗過，我仲以為Maggie（邵美琪）結咗婚㖭！」前年海味在內地劇《武則天》演楊淑妃一角，谷胸上陣勁有睇頭，去年她成立工作室，同時兼顧幕前幕後工作，今次來港簽約旗下的內地男星張宥南也有同行。
唔要抄襲劇
聖誕節當日，張宥南在中環碼頭影宣傳相，海味到場探班落手落腳為對方整理衫褲。她說：「暫時我只係簽一個藝人，因為想專注啲，怕分心。」問她可會考慮返港拍劇？她表示：「最緊要製作同劇本，唔要抄襲嘅嘢，其實我都等緊一個優良嘅作品拍畀大家睇，如果求求其其接一個就唔想。」採訪：羅慧敏、黃曉妍
來源:
http://hk.apple.nextmedia.com/entertainment/art/20161229/19879506
胡官：中央唔要離地特首
1 :
GS(14)@2017-02-08 22:08:50【本報訊】特首參選人胡國興昨出席由「持份發聲」及香港復康聯盟主辦的論壇，與長期病患及殘疾人士對話。對於有報道指人大委員長張德江南下傳達中央支持林鄭月娥的訊息，胡稱不知道報道內容真假，但強調香港目前最大問題是政改停滯不前，引發社會撕裂，「香港人、各位選委及中央係唔需要一個特首唔接地氣，令香港產生更多矛盾嘅特首」。
稱張德江言論影響不大
胡指，留意到國家主席習近平最近公開指中央政治局委員「必須做到懷着強烈的憂民、愛民、為民、惠民之心，察民情、接地氣」，亦講過要「解決人民要解決的問題」，信中央期望選出可解决問題的特首。他認為報道所載張德江言論對選舉影響不大，因「唯一支持」並非「唯一會委任」。胡對談時，就殘疾定義、無障礙就醫等與長期病患及殘疾人士交流，並參觀香港復康會藍田綜合中心復康設施。與會兩名社福界選委葉健強及李鳳琼稱，社福界選委將於11及12日召開公民集思會，討論提名及投票意向。胡國興參選後曾修訂政綱，政改方面倡由1,200人組成的選舉委員會改為提名委員會，提委會選民人數由現時約25萬人增至約100萬人，獲8分一提委提名就可「出閘」讓市民一人一票選特首。落實普選後，同時就《基本法》23條及22條立法，保障「一國」之時確保「港人治港」不受干預。■記者陳雪玲
來源:
http://hk.apple.nextmedia.com/news/art/20170208/19921564
要唔要移民睇呢鋪 方卓如
1 :
GS(14)@2017-02-11 23:36:142016-01-20 HJK
薯片終於等到今日，可以正式宣布佢點解要辭職。睇佢篇演辭，就知佢班底仲有能人，未俾人撬走晒。佢嘅班底夠貼地，知道而家香港最大問題，唔係冇地起樓，唔係老人家嘅長生津，都唔係強積金有冇對沖，而係連中年人都頂唔順要諗住去移民。移民代表咗市民心死，對未來生活冇信心，係經濟、社會、教育、政治問題嘅總和，簡單講呢處地方要衰無可衰，住咗幾十年嘅人先會諗到要移民。薯片參選嘅主旨，就係唔想香港人要走，概括晒下任特首第一任務指標。呢篇演辭夠晒貼地，薯片嘅團隊寫得出，佢自己又覺得對辦敢用，喺一場最講形象嘅選舉工程，佢贏晒其他3個參選人。
薯片同奶媽最大分別，薯片真正睇得到香港嘅現況，奶媽仲係迷戀緊長官意志。薯片話而家香港最重要休養生息，奶媽就話自己有為、主動、唔怕向前衝。香港過去4年正正係內鬥到遍體鱗傷，未來就係要唞唞打少陣交，重建番失去咗4年嘅信任。講就好似好廢話，但係香港人已經怕咗自以為是、一味要快，做一啲香港人唔想要嘅事情。網上一面倒讚薯片演辭好，背後有人，但最重要係薯片真係知道香港人要乜。
奶媽嗰邊嘅人都唔係儍，見到薯片後發先至，令人眼前一亮，民望大升，好快就會轉打感情牌，減少有為形象，仲會急速同梁特梁粉切割。以往幫過梁特助選嘅梁粉，唔會再企得太前。要知道，而家奶媽嘅「梁特二號」形象係由佢一手造成，由西環同梁粉為呢個形象加固，再給薯片高格調香港人嘅形象比下去，奶媽民望好難超越薯片，除非後者有醜聞。上屆嘅教訓，唐唐係被欽點嗰個，梁特係靠民望同唐唐自己拙劣嘅表現得到最後勝利，民望係重要因素，雖然可以投票嘅不足千二人。
民主派如果出選，就等於幫奶媽助選。300票嘅民主派，未必足夠造王，但有如廿一點守尾門，有機會連累全部人輸畀莊家。
仲有兩個月，香港人要唔要移民，睇呢鋪。
#方卓如 #港股分析 #方如玉帥 - 要唔要移民睇呢鋪
【勒索軟件新玩法】唔要贖金 逼你打機攞高分
1 :
GS(14)@2017-04-12 22:43:12要在直向射擊遊戲《Undefined Fantastic Object》（《東方星蓮船》）最高難度中取得高分，比付出贖金更難受。
可能有唔少朋友都聽過Ransomware（勒索軟件）這個名稱，只要一感染到這種惡意程式的話，程式就會自動鎖上及加密電腦內的所有檔案，受害人要支付贖金先能解鎖。不過世上並唔係所有黑客都會透過勒索軟件求財，近期就流出一款新型勒索軟件Rensenware，要解鎖電腦係唔需要畀錢，反而係要受害人打機，拎到足夠分數就能解鎖。可能大家話打機有幾難，不過當被Rensenware鎖上電腦資料後，一定要玩一款幾年前推出的日本直向射擊遊戲《Undefined Fantastic Object》（《東方星蓮船》），並且要在LUNATIC最高難度中取得2億分先能夠解鎖，甚至連Rensenware創作者都做唔到這個成績，相信好多唔太喜歡打機的朋友，寧願支付贖金好過坐在電腦前受折磨。但點解Rensenware創作者要設計出咁變態的勒索招數？原來創作者最初用意只是想開玩笑，但點知意外流出，其後已上載了一套工具能繞過Rensenware勒索軟件並鄭重道歉，唔知意外中招而被逼打機的朋友又受唔受落呢？影片：
https://youtu.be/mRAktl0lNpY
https://youtu.be/4H2eVxy5keM資料來源：Motherboard, Security Spyware文：布偉倫2017果籽繼續認真知味。識買惜用。行以求知。好事多為。重修舊好。緊貼果籽報道，即like：
http://fb.me/AS.AppleDaily
來源:
http://hk.apple.nextmedia.com/su ... t/20170411/19986414
諸葛要仔唔要老公
1 :
GS(14)@2017-05-28 10:38:16諸葛紫岐（Marie）與黎美言昨日於尖沙嘴出席回歸活動，身體抱恙的Marie說：「今年2月開始周圍飛，啱啱呢次返到嚟覺得唔舒服、好攰，醫生話耳水不平衡，?家中、西醫都睇。」問到是否有喜？她說：「希望啦，?家狀態唔得住，醫生叫休息多啲，唔建議有小朋友，冇得想就得，調理吓先。」問到老公有否心痛？她說：「都心痛。」談到囝囝韜韜，她說：「佢會喺我耳邊講I love you，又會摸我塊面，sweet過老公。佢唔鍾意爸爸同我親熱，我同老公已經冇二人世界，我唔理我老公。」另外，黎美言去年開了泰拳拳館，笑指收入比做幕前好，並表示HotCha十周年演唱會已有投資者，更主動澄清各成員沒有不和。採訪、攝影：羅慧敏
來源:
http://hk.apple.nextmedia.com/entertainment/art/20170528/20036103
Next Page