神秘腎病殺死2萬壯丁病因20年仲未查明
1 :
GS(14)@2017-03-22 00:47:12中美洲國家尼加拉瓜出現一種神祕的致命腎病，自上世紀90年代起，已經奪去2萬條性命，主要是年輕力壯的甘蔗田工人，但當地醫學界至今仍未能找出這種病的成因。澳洲攝影師麥克唐納(Josh Mcdonald)最近就以一幀捕捉尼國小孩的照片獲獎，照片引伸出他們背後無奈又淒涼的故事－－他們的叔伯和表親都死於慢性腎病，媽媽仍然要在蔗田工作。該國75%的年輕至中年男性死者是死於這種可怕又神秘的腎病，20年來至今沒人知道病因，更遑論醫治，令尼國出現不少寡婦村，她們的丈夫、兄弟大都是患上慢性腎病後在壯年病逝。英國倫敦大學學院腎臟專家卡普林(Ben Caplin)認為當地情況極不尋常，事關慢性腎病一般只會在老年人身上出現，「在英國，約30歲的人口中只有1%會患上慢性腎病；比較之下，尼加拉瓜部份地方的同齡人口，病人數目竟然高達20%至30%。」卡普林猜測這種致命腎病是與當地蔗田惡劣的工作環境有關，他指出，蔗田普遍使用了有毒農藥，而甘蔗需要燒過才能收集，過程釋放出大量有毒物質入空氣和泥土，加上甘蔗工人長時間在40℃高溫下工作，身體承受巨大的暑熱壓力，也許虛弱的身軀長期曝露在有毒環境下，正是慢性腎病的構成原因。不過，卡普林也不排除當中涉及傳染病。治療慢性腎病唯一方法是做血液透析，但許多尼加拉瓜病人根本負擔不起高昂的治療費用。令人更憂慮的是，卡普林指南亞地區出現類似的疾病情況，但專家無法確定是否同一種病。英國《衛報》
來源:
http://hk.apple.nextmedia.com/international/art/20170321/19965344
黃智雯被後輩爬晒頭出道十年仲未上位
1 :
GS(14)@2017-07-09 03:39:08黃智雯07年選港姐只係入到最後5強，冇名份之下入讀翌年嘅藝訓班，眨下眼咁就加入咗大台10年。冇咗港姐后冠呢頂光環，黃智雯咁多年嚟有份演出嘅劇集，十套有八套都唔係大台一線劇，但機會係自己把握嘅，二線劇反而有驚喜，好似《巴不得爸爸…》眼鏡娘蘇鳳蓮呢個角色就好多網民話正。本身喺演藝學院畢業，黃智雯主修跳舞同戲劇，有番咁上下底子。12年佢就拎過「飛躍進步女藝員」。呢個獎可以話係大台女演員護身符，楊怡、徐子珊、胡定欣、唐詩詠、黃翠如都拎過，仲個個都紅得起，可惜黃智雯就啱啱相反。數一數得獎之後，黃智雯喺《On Call36小時II》嘅戲份俾後輩朱千雪、岑麗香壓住，《師奶MADAM》又敵唔過轉馬房嘅黃翠如，甚至有傳《張保仔》原本係由黃智雯做女一，最後就爭輸咗俾陳凱琳。上年《律政強人》黃智雯同李佳芯孭重飛，最近由拍住方中信嘅李佳芯跑出，好彩黃智雯忍得住，今年拍緊嘅幾套戲都係女主角，上唔上得番一線就要睇自己喇。
來源:
http://hk.apple.nextmedia.com/entertainment/art/20170708/20082906
智取大市：二三線股仲未癲
1 :
GS(14)@2017-11-13 03:55:12港股周一小奇蹟日之後，今日再大升近400點，強勢毋需多說。睇小時圖，恒指向上突破之前，10日內喺28100點至28600點上落足足4次，仲要上落速度越嚟越快，可見好淡友對峙相當激烈，9小時RSI當時亦形成咗擴散三角形，反映市場情緒不穩定，如今恒指明顯直衝29000點仲要下晝繼續企得穩，市場情緒自然由不穩定轉趨亢奮，既然亢奮無耐，短線值博率仍高。話說星期一至星期二中午，恒指由低位升近800點，但升勢由騰訊（700）、手機設備股同內險股帶動，唔少股份只係微升，但講到明亢奮，就無理由只升幾隻強勢股，於是下晝二三線股亦蠢動。咁究竟係買落後股，定之前顯著調整嘅熱炒內房、商品股？呢一刻小弟建議博後者，熱炒股調整20%後，真係唔信喺市場亢奮之際彈都唔彈吓，甚至有機會遲來先上岸，揀股，幾隻龍頭就算。上期講Coach（TPR），執筆時正等待新一季業績，下期分析。Coach喺海外充其量算中檔次，今年5月，收購死敵Kate Spade，Kate Spade喺東南亞受歡迎程度遠勝Coach，但竟然冇乜錢賺，相信Coach長遠有能力改善Kate Spade盈利能力，如意算盤睇吓打唔打得響。晉佳
http://fb.com/advanceguy1本欄逢周一、三、五刊出
來源:
https://hk.finance.appledaily.co ... e/20171108/20207965
Next Page