2009-05-22 AppleDaily
| ||||||
| 地 產L嫁女，肥仔K亦係席上客，原來佢十一年前與一班中學生到美國參加暑期英文遊學團，團友之中就有是晚新娘，即地產L千金，佢哋返港之後，各自出外讀書， 甚少見面，呢晚新娘居然有本事搵番幾位嚟參加佢嘅婚禮，其中一位靚女就係是晚婚禮司儀o忝。呢班年青賓客，全部留學外國，肥仔K一坐低就同人講英文，點知 個個同佢講廣東話，肥仔K為之愕然，惟有立即轉台，肥仔K靜靜雞問一位已經做咗股票分析師嘅女士：「點解呀，以前大家開口就講英文嘅噃？」 女士答：「點同 呢！以前係讀書，現在做緊工，唔識中文點得呀！」咁又係，凡係送子女往英美讀書嘅家長，自中學以至小學讀起嘅，o依家都好擔心仔女唔識中文，時興送仔女到 北京參加暑期中文遊學團。香港經濟現時好倚靠大陸，呂大樂筆下之香港第四代如果唔識中文，想搵食都好艱難，點會好似三幾十年前第一代在中環初露頭角之際， 有人好不經意咁講：「我哋喺香港大學畢業嘅，中文唔掂，唔該你哋中大生仄吓呢段繙譯稿！」香港第四代之中，不少嬌生慣養之輩，未吃過鹹苦，即使受到金融海 嘯衝擊，暫時失去銀行職位，仍有父母照顧，生活無憂。 咁年輕就有失業之痛，未嘗不是好事，起碼等佢哋知道平步青雲並非必然，好多事要靠自己爭取。呢晚在婚 宴中碰到世姪女M，自波士頓名校回來，在做某銀行derivatives，多口問佢：「Water哥呢？」佢諗咗一陣：「啊，你講我哋老闆，走咗咯。」再 問：「Anthony呢？」佢又諗一陣：「佢係大老闆，走咗好耐咯！」於是問佢：「你做得好唔好呀？」世姪女M苦笑：「部門重組，返咗屋企。」隔日，收到 一位讀者阿蘇電郵，送來一首網上流行打油詩，太長嘞，難以覆述，只抄頭八句：「失業半年返職場，劏雞還神燒炮仗，開工本應喜洋洋，誰知世態變炎凉，掃地阿 嬸識雞腸，看更得過文學獎，學士碩士唔馨香，皆因博士也在場。」失業率升到5.3%之際，讀打油詩冇法子唔驚一驚。 | ||||||