職場點滴(8) ：如何面對高薪挖角？脫苦海

Random Tags

床友雅稱周立波雪縮皇仁有交歷史所演技慣女兩洩賺較偉豪推財吊吞換礦偕兩奶奶買加 0931 派贏曬招能抵士換賀安牌坊做文章螢火邦派十新顆蛋眼閉動刀陸兩官民墨子逼續 Habit 咪食濤覓雞摸聲言黑了勤讚救助細走互懟預祝搬入宗盛後瞄

昨天多名市民在政府總部集會，事涉香港免費電視牌照，當中很多都是該公司的員工。

梗係喇！明明一有牌，就有排有得做，忽然間「說好了的牌照呢？」，結果就有三百幾人食無情雞。不過作為打工仔，我地都要睇下呢單野對我地乜野啟示。

有一單鄰埠新聞，都係同呢件好多相似之處，就是全澳門最大的巴士公司，維澳蓮運申請破產。

大家可能會話：巴士同免費電視牌照，大纜都扯唔埋，而且又關職場乜野事？

話說在2009年之前，澳門只有兩間巴士公司，就係澳門本地商界的新福利，和國內南光集團的澳門公共汽車(TCM)。

後來澳門政府將巴士服務招標，第一間交標的公司竟然不是這兩家，而是一間新的公司──維澳蓮運。

呢間公司同香港都有一點淵源，維澳蓮運的其中一個投資者是歐洲最大的交通運輸業者是威立雅運輸集團（Veolia Transport），呢間公司現時全資擁有在港島北岸行駛的電車，大家都會覺得近年電車Ｄ車又靚左，仲有冷氣車，諗住維澳蓮運都應該係一個管理好好的公司……

不過事實上，這家公司是澳門公認是服務水平排第三，意外率卻排第一的巴士公司，雖然規模最大，卻因為經營不善而要申請破產。

原因？居然同香港的免費電視牌照有一點兒相似：因為維澳蓮運開業時，正值多間大賭場開幕，大家可以在新口岸碼頭見到好多間賭場同酒店都有穿梭巴士。

咁樣大家就可以理解到，當時作為一名澳門的巴士司機，佢有以下選擇：

1. 繼續在舊公司做，安安樂樂無需再適應，仲有可能有多少人工加添！（因為行業競爭）

2. 轉任賭場同酒店的司機，工作無咁大壓力，人工都應該唔價少

3. 跳槽去新巴士公司，工作壓力一樣，仲要重新適應

雖然筆者沒有在澳門長住，由於好多親戚都係澳門人，澳門的民情同香港大不相同，要佢地東家唔打打西家，佢地就會話做生不如做熟。

結果，維澳蓮運不單只要高薪挖角，而且請回來的個別司機仲要係質素較次，駕駛態度未必好的司機，形成運作成本大增，服務質素卻跟不上。

那麼，對大家打工仔又有何啟示？如果有一天，「汝曾被告知」被人高薪挖角：

1. 千萬不要因為多幾百蚊就即刻走去（部份香港打工仔的通病），一來新公司究竟有沒有長遠的實力？二來先跳的隨時待遇不及後跳的，睇定Ｄ，唔駛急。

2. 行業既存者的生存機會，係遠比新進入市場的競爭者高得多，因為他們往往擁有好多新來者不知道的資料和數據。

3. 跳得一間，就要預左自己要跳第二間，在一些壟斷性的行業（例如香港的電視業），你沒有多大的選擇，甚至乎應該諗埋轉行的Plan B。

講到尾，時代變得越來越快，一份工打到退休都係買少見少，咁大家就要有心理準備，要靠自己，唔好等待老細或公司的仁慈，裝備自己去迎接轉變，打工仔最可靠的就是：

靠自己！

P.S. 澳門巴士的三國演義，其實同香港都有好多相似之處。

中巴當年被奪去專營，原來在澳門都有發生過，就係澳巴當年在開標之後4分鐘，才走去交標：

結果搞左一大輪，就和和果果是是旦旦咁搞掂佢。經此一役，澳巴元氣大傷，路線最少。

大家想一想，香港免費電視台都有類似的情況，至於後事如何，都係要食花生了！