2009-03-31 AppleDaily
| ||||||
| 內 地四大國有商業銀行，工行（1398）、建行（939）、交行（3328）同中行（3988）嘅大股東都係滙金，無論高層有乜風吹草動，話事權都喺阿爺 手。不過間唔中都會傳出某某銀行董事長、行長調任嘅消息，今次傳聞就吹到建行董事長郭樹清身上，據講今次調任，郭總將更上一層樓，棄商從官，接尚福林棒， 做中國證監會主席。 過檔中證監純屬謠言 噚日建行喺香港舉行業績發佈會，華華嘅行家問郭總，今次係咪佢最後一次主持業績會，事 關佢可能要去中證監上任，仲問建行下一任董事長係咪現任行長張建國。點知郭總話純粹謠言，絕對冇呢回事，仲話自己第一次聽到咁嘅傳聞。佢仲不忘搞gag， 話自己喺建行繳交失業金、養老金、醫療保險金，一旦失業，就會向建行領失業金。郭總日理萬機，邊有可能失業吖！ | ||||||