中環在線：賭王頭馬話賭業整合未完 李華華
|
|
噚 日賭王何鴻燊出席一個證書頒授儀式，唔止有份攞證書仲係頒獎嘉賓。咁啱得咁蹺，佢旗下澳博（880）嘅行政總裁蘇樹輝原來都獲頒證書，結果就有賭王自己人 頒畀自己人嘅場面。之後賭王前腳先走，蘇樹輝留低同傳媒傾偈。蘇樹輝話澳門賭業貴賓廳嘅整合，估計陸續有嚟。華華戥一班澳博股東擔心，家陣咁嘅經濟環境， 會唔會搞到澳博減派息？佢話呢啲嘢要由董事局決定。
係咪減派息由董事局話事
同場華華仲見到李錦記現任掌門人李文達，原來佢唔 只做生意叻，投資亦好有眼光。佢話有投資股票，仲喺3萬點放晒，但買咗啲乜就唔肯講。點解咁醒？係咪有高人教路？佢話係自己睇到美國啲公司好似唔係好得 喎。咁有眼光，華華梗係問佢家陣好唔好撈底啦，李文達話等到萬二點，跟住改口話破埋一萬點先啦。信唔信就自己諗喇！
|
Next Page