中環在線：新地企管報告睇完收番
|
|
新 鴻基地產（016）大股東郭氏三兄弟嘅爭拗，劇情又有新發展，真係仲長篇過80集嘅《珠光寶氣》。唔知大家仲記唔記得，過去兩星期，有一個有心人以「新地 小股東」名義，喺報章登咗兩次廣告，要求新地公開一份委託獨立會計師行做嘅企業管治報告。新地噚日開定期董事會，其中一項議程就係講呢單嘢。聽講除咗非執 董郭炳湘唔同意，其他出席嘅董事一致接納審核委員會就有關檢討提交嘅結論報告，仲確認郭炳湘之前質疑新地嘅招標及買地程序，係毫無根據。消息話，各位董事 噚日都有機會閱覽呢份企管報告，但由於當中涉及好多新地嘅業務運作同商業機密資料，為免洩漏，睇完要即場收番，如果有董事要求再睇，新地一定會安排。郭炳 湘晚上回應表示失望，認為調查唔夠全面同深入。華華都係嗰句，牛年快到，大家可唔可以向前看呢！
|
Next Page