| ||||||
鷹君集團（041）一直都係家族生意，噚日公佈人事調動。創辦人羅鷹石有6子3女，佢06年過身後，由羅嘉瑞出任主席兼董事總經理，打理鷹君，除咗富豪酒店（078）主席羅旭瑞同另外兩個女，其他子女原本都係鷹君執董。 與母親齊轉做非執董 鷹 君噚日宣佈，啱啱娶咗「最美麗港姐」朱玲玲嘅羅康瑞、胞弟羅鷹瑞同母親羅杜莉君3人，齊齊轉做非執董，即日生效。變動後，鷹君只有5位執董，其中4位係羅 家人，除咗嘉瑞，其餘係佢細佬啓瑞、阿哥孔瑞及家姐慧端。啓瑞係副董事總經理，表面睇同阿哥嘉瑞一齊打理鷹君，但啓瑞打骰嘅土木工程公司新福港原本打算今 年初上市，後嚟因市況波動取消。如果新福港成功上市，唔知啓瑞喺鷹君嘅位置會唔會變動呢？羅康瑞就唔使講啦，早已自立門戶創辦嘅瑞安建業（983）同瑞安 房地產（272）；但宣佈轉職嘅時間就怪啲，唔遲唔早，結咗婚就宣佈。至於89歲嘅羅老太，早於63年出任公司董事，今次應該係正常退休啩。 | ||||||