📖 ZKIZ Archives

淪陷上海 左丁山

2012-7-14  AD
http://hk.apple.nextmedia.com/supplement/columnist/%E5%B7%A6%E4%B8%81%E5%B1%B1/art/20120715/16514702
內蒙古鄂爾多斯市准旗民族中學教師劉鳳英去年七月五日至十二日參加中華美德教育行動師資培訓班，自言所得甚多，面對「中國社會翻天覆地的變化讓青少年一代 的價值觀在趨於多元中出現混亂，成年人思想道德教育成為社會的主話題，如何匡正？家庭重要，社會重要，學校更重要。有道德始有國家，有道德始成世界。北京 東方道德研究所與香港中文大學新亞書院肩負起這一社會責任，在人們的意識形態導航。」
至於「洗腦」云云，究竟係內地教師落嚟香港「洗腦」，還是學習「港式及中國文化道德觀」，大家諗吓嘞。
講到道德，內地成人之道德觀，企業道德觀，確係十分混亂，簡而言之，就係離不開銀紙與女色，豈止令本國人為之瘋狂，連外國人亦都「色陷上海」，弄到家庭破散，沒有道德那成國家！
外 資顧問 C以前係跨國公司駐中國總裁，五年前提早退休，自己開公司為外國公司投資中國嘅顧問，平時生意不多，佢並不在意，反正已經上岸，有顧問生意就接（仲要揀到 好嘅先至做），冇就在中國遊山玩水。前個星期，佢又試去上海作「舌尖的上海遊」，與幾位駐上海舊友打波，唔知幾爽。
返嚟之後，佢請吃飯，講起上海 發展，一日千里，但外資湧入，帶來好大問題，令外資公司大為頭痛，管人力資源調配嘅高管更加頭痕。外資人員派駐上海，來自歐美，第一時間就係為子女搵國際 學校，公司為佢地買 debenture都算嘞，但無窮盡之學雜費與紅包派俾校長、老師就令到外資失預算，不習慣，無所適從，加埋晒嘅總成本，教育費用極為高昂；第二就係醫 療，外資人士入外賓醫院，每日收一萬元人民幣，另加各類紅包，總計就貴過飛嚟香港入私家醫院。但最最重要嘅就係一家公司在上海大興土木，數十個外籍專家到 埗，於是有數十個家庭發生問題，唔係嘈醫療費，就係嘈教育費，加上太太鬧離婚！事關上海美女特多，專吼外籍高管，外國男人難以逃出上海姑娘五指山，於是不 少太太乘興而來，含淚而去，帶埋細路回國做單親媽咪。顧問 C話：「上海就係外籍家庭破裂之地！」
PermaLink: https://articles.zkiz.com/?id=35043
Next Page
ZKIZ Archives @ 2019