財經專題：90後港女出走芬蘭重新定義生活
1 :
GS(14)@2018-02-21 06:11:39■Melody（右前）住了芬蘭三年，在當地結識了不少朋友。
「我覺得我最對唔住嘅係我媽咪，我揼低咗佢一個喺嗰邊（香港）。」在母親的支持下，24歲的胡婉婷（Melody）數年前隻身飛到七千多公里外的芬蘭，重新定義自己的人生，發現置業安居並非如香港般遙不可及，「我要靠自己，我唔想靠嫁個有錢老公」。穿上整齊酒店制服，化上淡妝的Melody，以一口流利芬蘭文，於酒店前台招待旅客。她年前被新酒店的老闆賞識，由另一間酒店挖角做「開荒牛」兼大內總管，送柴、會計、前台、分配清潔工作等事務，都由她一手打理。年紀輕輕就晉身酒店管理層，你以為位高人工自然高？事實上，扣稅後月入只有14,000港元，比起她以前在港讀書時，兼任啤酒推廣員月入二萬元還要少。對此，Melody不以為然，「我嚟呢度係為咗生活唔係為錢，我為錢我返香港啦，係咪先？」她口中的生活是，除上班外仍可每日煮飯、上網自學彈琴，有時間砌上一幅4,000塊的砌圖，過着簡樸的生活。
■Melody（右）提起一直支持她出走的母親，由一個女強人變回少女。
最放不低母親
來芬蘭之前，Melody與很多人一樣，「我以前都好想好正常咁樣，出嚟做嘢結婚生仔有樓，但我覺得香港好似完成唔到呢個目標。」中學畢業後曾寄居芬蘭家庭作一年的交換生，其後回港升學，於酒店工作一段時間後，面對香港的「現實」，最終選擇以工作簽證回到芬蘭。除了重新定義生活，芬蘭的家庭觀對她的人生亦造成很大的衝擊，令她思考人應為誰而活，「我生存唔係為我媽咪生存」。養兒防老是華人社會傳統思想，「香港有好多家庭希望仔女大個會養番自己，芬蘭傳統係生個仔出嚟，仔女自己識飛又好點都好，都唔使睇住媽咪，照顧爸爸媽媽唔係應份。」說得灑脫，但Melody最放不低的仍是母親，鏡頭面前提起一直支持她出走的母親，她亦由一個女強人變回少女，「我媽媽最想我留喺呢度，但係其實我好想返去，如果香港有一日都可以畀到呢種開心我，我一定會返香港。」再過多一年，Melody就在芬蘭住滿四年，可以申請入籍，但她現時並不打算置業，因為對於是否移民仍未有答案。惟「香港50年不變都唔知真定假，所以仍會先取得居留權再作打算。記者：梁偉聰 倪敏慧
來源:
https://hk.finance.appledaily.co ... e/20180221/20311054