ZKIZ Archives


職場慧眼:辭職太難

1 : GS(14)@2018-01-15 03:21:34

「我想辭職唔係最近嘅事,樣樣嘢都好似不過不失,但係做來做去都係差唔多嘅嘢,其實都好悶。都有試過搵工,但又未搵到啱心水嘅。本來諗住等埋今年花紅再算,點知收到通知bonus少得可憐。既然係咁不如畀自己時間放吓假再重新搵工,疊埋心水遞咗辭職信。冇諗過老闆突然話要見我,話唔接受我嘅辭職,叫我留低好好繼續做,我本來拒絕佢,佢話出年會加我人工升我職。我話考慮吓,結果人事部同埋我嘅上司車輪轉問我係唔係想講條件先至肯留低。痴線嘅,係老闆叫我留低又唔係我話扭計留低,好煩!公司拒絕接受我辭職,我可以點做?」其實只要你交了辭職信,跟足僱傭合約的通知期要求,做完最後一日你就可以正式離職。公司老闆接受不接受也好,都沒有權利阻止你離職的決定及自由。怕你不知提提你,根據勞工法例,僱主必須於你離職後七日之內把所有薪酬結算給你。其實你對這份工作沒興趣不留戀我看得出,既然決定走,公司無論如何不能留難你。不過處事方式的確很小學雞幼稚園,你老闆出面所謂留你亦都非常敷衍表面。真心留你,即使未能一時三刻升職加人工,最低限度都應該承諾今年之內發生。還要等到2019,很明顯需要時間請人接替你的工作,而不是覺得你是個人才。亂職不是問題,但你其實究竟對甚麼工作有興趣看來你自己都未知就是問題。是否因為生活上經濟上你都沒有太大壓力,做又得唔做又得?但做人不能沒有目標渾渾噩噩,既然立定決心辭職,就應該珍惜時間把握機會作多些不同的新嘗試。行動幾時都是最實際,相信自己的心跟着自己的興趣走,新的一年新開始開拓自己的新未來。張慧敏



來源: https://hk.finance.appledaily.co ... e/20180110/20269655
PermaLink: https://articles.zkiz.com/?id=346775

Next Page

ZKIZ Archives @ 2019