港媽300萬買1,700呎組屋
1 :
GS(14)@2017-06-23 01:34:27■Olivia（左）的組屋有1,700呎，常邀友人前來聚會。 伍嘉亮攝
■房間佔地寬敞，能容納兩張雙人床。
【本報訊】2003年於城大拿咪批評時任教統局局長李國章削大學撥款的Olivia，為陪女兒讀書早年移居獅城，2010年以60萬坡元（約300餘萬港元）買入1,700呎複式資助式房屋，對港人而言難以想像。她形容新加坡住公屋不代表貧窮，「下面泊波子、寶馬，只係希望低調啲」。任職基金公司舵手的Olivia，2005年透過優才計劃移居新加坡，與丈夫在新加坡租屋多年，2010年看準時機購入這間複式組屋。
工作數年已可上車
她所住的Kembangan Garden，近東海岸，離市中心約20至30分鐘車程，附近有地鐵網絡，屋苑是低密度複式資助房屋，名為Executive Maisonette，「?家已經唔會再起，政府覺得一間可以拆好多間，?家市價可能90至100萬坡元」。Olivia家位於3樓，大廈外觀平實，家中卻見豪華裝修，下層是飯廳、客廳打通，面積近數百呎，上層是3間睡房。在香港，住私樓被當作富貴人家，住公屋則家境一般。在新加坡住組屋，Olivia說並無貧富之分，「好地道嘅新加坡人都唔係咁諗，組屋下面有波子、寶馬、Benz，住公屋只係比較低調啲，唔使大壓力，唔驚俾人炒，係畀首次置業嘅人好好嘅踏腳石，再去買大啲」。在新加坡供樓負擔不是大問題，因為當地公積金（CPF）制度，「一對大學畢業生出嚟工作3至4年，就可以用儲落嘅公積金買樓，有啲一手組屋700呎，只需要30萬坡元，位置仲要幾好」。由於組屋亦有市場價格，故此有升值空間，「有啲3房，十幾廿萬坡元，供咗一陣，30萬坡元時再賣，已經賺咗，再upgrade，成個機制好reasonable」。她嘆：「香港就冇咁好機制，年輕人置業好辛苦。」
97年主權移交至今，香港前進還是倒退？「蘋果」與你細數廿載風雨。【回歸二十年】專頁：
http://hksar20.appledaily.com.hk
來源:
http://hk.apple.nextmedia.com/financeestate/art/20170619/20060833