慈雲山頭目青雲家棟黑道有義
1 :
GS(14)@2017-05-18 01:10:55■青雲（右）在片中演茅躉華，與演喇叭的家棟一生都講義氣。
【《蘋果》專訪】劉青雲、林家棟及張晉主演、陳慎芝監製的電影《毒．誡》，故事取材自陳慎芝於六、七十年代慈雲山黑社會的日子。家棟飾演李兆基當年的角色「喇叭」，飾演陳慎芝當年「茅躉華」的是青雲，被陳慎芝指有七成相似。
■青雲（右）與家棟主演的《毒．誡》，改編自慈雲山十三太保。
■家棟（右）在城寨長大，自小已知不可掂毒。
■陳慎芝指扮演自己的青雲不夠江湖味。
青雲謙似一成
青雲日前受訪時笑說：「佢畀面啫，我諗一成似。見過佢一、兩次，佢向我解釋毒品，由包裝、名稱、點樣包、用乜紙包、包成點、乜叫追龍、錫紙要點摺，我真係受過專業訓練，如果唔係你冇可能知道點樣用，例如打針，有啲打到周身針窿，有啲打來打去都係同一個窿，然後用膠紙黐住，人哋睇到都唔覺。」青雲和家棟分別在新蒲崗及九龍城寨長大，問到在複雜環境中成長有否試過誤入歧途？青雲先笑說：「考咗訓練班囉！」後再正經說：「細個嘅教育，唔可以食白粉，呢樣好清晰。」家棟指城寨有不少人誤入歧途，但透過教會重新做人，聽到他們的分享後，明白到絕不可「掂」毒品。青雲戲中有班好兄弟，但他覺得現實中難以維繫友情，他說：「呢行朝早六點拍到夜晚兩點，有時間都瞓覺，變咗同以前嘅同學慢慢冇聯絡，唔係話我做咗呢行好叻，係因為我真係好眼瞓，好似我同吳鎮宇咁熟，都好耐冇見面。」
陳慎芝讚古仔
家棟跟青雲兩大影帝相遇，二人對挑選劇本都有一個準則，家棟指不會刻意去篩選劇本，演員特質就是喜歡冒險，每次都是做他人，成功就有滿足感。青雲則坦言試過接了電影即感後悔：「好似我做《金像獎》主持，嗰頭應承，嗰頭就後悔。」此外，陳慎芝早前重遊舊地，在慈雲山接受本報訪問，談到《毒．誡》的觀後感，他說：「劉青雲做到七成似，但少咗啲江湖味，今次古天樂做得好好，講兄弟情好傳神。」採訪：黃曉妍攝影：陳俊強場地提供：Emax（林家棟）化妝：Esther Huang of J.A.C.K.Timeless髮型：Alex Chan of projetz4/ J.A.C.K.Timeless服裝提供：Burberry
來源:
http://hk.apple.nextmedia.com/entertainment/art/20170517/20023338