中環在線：海航買起德國機場
1 :
GS(14)@2017-03-04 00:33:29背景神秘嘅中國海航集團，近排不斷四圍買嘢，除咗嚟香港投地外，仲入手咗兩件德國貨，包括前排買德銀3%股權，噚日仲宣佈將入手法蘭克福嘅哈恩機場（Hahn Airport），唔知有乜嘢德國情意結呢？德國西南部萊茵蘭普法茲州（Rheinland-Pfalz）政府決定將哈恩機場82.5%股權賣畀海航，不過仲未正式簽署，所以交易金額現時仲係未知之數，不過路透引述消息話，購買價格約為1,500萬歐元（約1.25億港元）。其實海航喺上個月買3%德銀股份，嗰批股市值都成60億港元，所以哈恩機場真係算濕濕碎。海航呢排喺旅遊業好活躍，前嗰排仲收購咗瑞士航空配餐公司佳美集團（Gategroup）、法航荷航餐飲業務Servair股權、酒店集團希爾頓股權同埋巴西航空公司Azul部份股權，點解海航啲錢好似用極都有嘅？
來源:
http://hk.apple.nextmedia.com/financeestate/art/20170303/19945935