隔空反擊曾退保建議
1 :
GS(14)@2017-02-19 12:19:27■林鄭昨約見融樂會與少數族裔交流。
【本報訊】特首參選人曾俊華日前衝着勁敵林鄭月娥，拋出重啟全民退保諮詢的建議，不點名指林鄭負責的退保諮詢有缺陷。林鄭昨日立即反擊，堅稱退保諮詢「相當全面」，駁斥曾俊華的建議沒有深思熟慮。
斥對方無深思熟慮
曾俊華日前宣佈當選後會重啟退保諮詢，不點名批評林鄭指，現屆政府做的諮詢「有好多缺陷嘅地方」，揚言重啟諮詢時，諮詢的範圍、深度、闊度和渠道都會公開及專業。林鄭昨被問到曾的建議時，先微笑稱任何公眾諮詢都不是完美，從頭做過的話可能有空間做得更好，但話鋒一轉，林鄭即認真地指退保諮詢是回歸以來首次，而且跟她以往主導過的各公眾諮詢，例如她任發展局局長時處理有關填海諮詢、任政務司司長時就人口政策及政改諮詢相比，「呢次關係退休保障嘅諮詢呢，係我認為相當全面」，「咁所以喺咁短時間又重新啟動另一個有關退休保障嘅諮詢，似乎唔係一個好深思熟慮嘅講法」。曾其後在另一場合反駁林鄭，強調自己「冇咩嘢做出嚟係唔經過深思熟慮就提出嚟去做」，他更不客氣地質疑林鄭，指「我覺得佢（林鄭）喺個諮詢嗰度出現咗好多問題」。■記者呂浩然
來源:
http://hk.apple.nextmedia.com/news/art/20170219/19933271