樂香園：豁免秘書資格如財金核彈
1 :
GS(14)@2016-12-06 03:52:44政治有人大釋法，財金界則有港交所（388）為中銀香港（2388）不具資格公司秘書大開方便之門，可謂政、經雙輝映。有擁有公司秘書資格友人跟密西比說，香港法律界形容釋法對司法界等同「核彈」，而港交所給予中銀香港豁免，其對與香港上市公司相關專業人士界別所產生的效果，同樣與「核彈」相差無幾。他說：「香港做公司秘書要考牌㗎，唔係人人話想做就可以做到，但原來港交所一句豁免，就乜牌都唔使就可以做，咁人人唔使再讀啦……無人讀，市場無人才供應，間間公司都可以話請唔到人，順利成章攞豁免囉，人人都可以話喺香港做生意嘅中銀香港都得喎，點解我唔得先？條例形同虛設，仲唔係核彈效果？」如何應對？友人說：「我呢啲小人物無權無勢，無話語權，人哋咁做，自己惟有攞埋其他地方嘅秘書資格囉，等第時香港無得撈，咪去新加坡囉，你睇吓批准咗內地會計師可以核數，香港會計師咪即刻年年係咁縮，你話今次港交所個豁免，唔擔心就係假啦。」突然想起一個高人於特首梁振英上任時曾跟密西比說，香港是不會死的，死的只是香港人。密西比
來源:
http://hk.apple.nextmedia.com/financeestate/art/20161205/19855154